|
Re: الهلال: إمتاع حد الدهشة...والتيحة رايحة جاية (جات الحزينة تفرح) (Re: عثمان جلال الدين)
|
حبيبنا د. ياسر،،
تحية هلالية انيقة نبثها اليوم لشعب الهلال الظيم بهذا الفوز المستحق والاداء المبهر... وحتى تكتمل الفرحة اتمنى ان لا تغَّرنا هذه الانتصارات وتمنعنا عن الهدف النهائى لهذه المنافسة ... لاننا تعودنا ان نفرح فى منتصف المشوار ونحزن فى اخره ... امل ان لا يتكرر شريط هذه الماضيات ... ومليون مبرووك لمحبى الازرق الفياض ...
ودامت انتصارات الهلال...
| |
|
|
|
|
|
|
Re: الهلال: إمتاع حد الدهشة...والتيحة رايحة جاية (جات الحزينة تفرح) (Re: الصادق صديق سلمان)
|
الصّادق مساء الـخير
عارف يا الصّادق الـمشكلة في ناس كتيرة ما بتعرف تتريّث وتتفاهـم بدبلوماسيّة عشان تحصل على حقوقها بـهدوء وبإقناع ومنطق في تسرّع وإنفعال وسب وشتم ودا عادةً بيخلق عداءات وكراهيّة وشوف البيحصل بين الهلالاب والـمرّيخاب في الغالب الآن
بالأمس أحزنني ما تعرّض له الأخ الإعلامي مصطفى الأغا في برنامج صدى الـملاعب على شاشة ( MBC ) والرّجل مـحب للسُّودان وشعبه
(( الـمصدر ))
الله يدّي العافية بس
| |
|
|
|
|
|
|
Re: الهلال: إمتاع حد الدهشة...والتيحة رايحة جاية (جات الحزينة تفرح) (Re: لؤى)
|
عفوا الصادق بس ارد علي لؤي بخصوص مصطفي الاغا
لاحظت انو حتي خبر فوز الهلال لم يكن في عناوين الحلقة الرئيسية وكون انو مافي صور دا عذر واهي جدا يعني كيف قدر يجيب صور مباريات الاهلي والترجي وشبيبة القبايل ومازيمبي
وجاب حتي اخبار كأس الشباب الاسيوي و دوري الدرجة الاولي السعودي وتجاهل مباراة الهلال
دي ما من عوايد الزول دا...هناك شي مامفهوم
لاخر مرة الزول دا كان بيجيبو جمال الوالي ويستضيفو في افخم الفنادق وهاك يا دلع...وكان بيدفع التمن حكي في التلفزيون..الان الجميع فتح ليهو شكلو عايز يتسد
تحياتي وشكرا يا لؤي
| |
|
|
|
|
|
|
Re: الهلال: إمتاع حد الدهشة...والتيحة رايحة جاية (جات الحزينة تفرح) (Re: yasir Abdelgadir)
|
Quote: عفوا الصادق بس ارد علي لؤي بخصوص مصطفي الاغا
لاحظت انو حتي خبر فوز الهلال لم يكن في عناوين الحلقة الرئيسية وكون انو مافي صور دا عذر واهي جدا يعني كيف قدر يجيب صور مباريات الاهلي والترجي وشبيبة القبايل ومازيمبي
وجاب حتي اخبار كأس الشباب الاسيوي و دوري الدرجة الاولي السعودي وتجاهل مباراة الهلال
دي ما من عوايد الزول دا...هناك شي مامفهوم
لاخر مرة الزول دا كان بيجيبو جمال الوالي ويستضيفو في افخم الفنادق وهاك يا دلع...وكان بيدفع التمن حكي في التلفزيون..الان الجميع فتح ليهو شكلو عايز يتسد
تحياتي وشكرا يا لؤي
|
عزيزي دكتور ياسر سلامات
إذن وكـما قلت للأخ الصّادق الـحل الأجدى فـي رأيي أن تكون لدينا قنوات سودانيّة تستحق أن تـحتكر أو تكسر مثل هذا الإحتكار أو أن تقدّم مستوى رفيع وقوي وجاذب لكُلّ الأنظار من كُلّ البلدان بـمثل ما تفعل مثل هذه القنوات حينها سنقدّم للعالـم ما نريده أن يعرف عنّا بغير ذلك فسنظل نعانـي ونشكي لطوب الأرض وهذه الـمشكلة عانت وتعانـي منها موسيقانا وأغانينا وفنوننا وثقافتنا فالإعلام القوي يـحدُث عن ثقافة موطنه ويُعرِّف بـها كيفـما كانت ولتنظر معـي لـمصر كمثال وهل يوجد فـي العالـم العربـي من يدّعي عدم فهمه للّهجة الـمصريّة مثلاً أو كـمثال بلاد الشّام الآن كذلك والآن القنوات الرّياضيّة العربيّة يحرّكها أبناء شمال إفريقيا والذين ظللنا نتّفق في عدم فهمنا للهجاتـهم وقد تغيّر هذا الأمر الآن وصرنا نستمتع بالاستماع لوصف وتـحليل الـمباريات بصوت عصام الشّوالـي أو حفيظ درّاجـي أو قبلهما الأخضر برّيش ذلك على سبيل الـمثال لا الحصر
مودّتـي
| |
|
|
|
|
|
|
Re: الهلال: إمتاع حد الدهشة...والتيحة رايحة جاية (جات الحزينة تفرح) (Re: لؤى)
|
لؤي
دا بعتبرو تشخيص سليم تماما,,,,ومش كدا وبس إقتراحك لعلاج المشكلة أنا بعتبرو العلاج الناجع...يعني لاحظ التاس ديل الكورة بدوها بعدنا بي سنين والموسيقي كذلك...لكن أعلامهم عكس الاية تماما
نظرتك في محلها يا لؤي ونأمل أت تتعدل الصورة المقلوبة
يمكن غبينتنا تتفش شوية
لكني زعلان جدا من الاغا
بالرغم من كدا مبسوط جدا لانك وريتو إنو عندنا ناس راقين زيك ياخ ودي حقيقة والله ما كسير تلج
تسلم يا صديق
| |
|
|
|
|
|
|
Re: الهلال: إمتاع حد الدهشة...والتيحة رايحة جاية (جات الحزينة تفرح) (Re: yasir Abdelgadir)
|
Quote: لؤي
دا بعتبرو تشخيص سليم تماما,,,,ومش كدا وبس إقتراحك لعلاج المشكلة أنا بعتبرو العلاج الناجع...يعني لاحظ التاس ديل الكورة بدوها بعدنا بي سنين والموسيقي كذلك...لكن أعلامهم عكس الاية تماما
نظرتك في محلها يا لؤي ونأمل أت تتعدل الصورة المقلوبة
يمكن غبينتنا تتفش شوية
لكني زعلان جدا من الاغا
بالرغم من كدا مبسوط جدا لانك وريتو إنو عندنا ناس راقين زيك ياخ ودي حقيقة والله ما كسير تلج
تسلم يا صديق
|
يا دكتور صباح الـخير
عارف ؟ مصطفى وكتعويض وعد تاني يوم يـجيب خبر عن إحتفال الـهلالاب ويكون وقتها حصل على الصّور بتاعة الفرحة فـي السُّودان ومسألة الصّور دي صدّقنـي وقتها ما كانت متوفّرة غير للجّزيرة الرّياضيّة لأنّي أنا نفسي فتّشتها فـي القنوات وحتّى القنوات السُّودانيّة وكنت بلقى بتاعة الأهلي والـتّرجّي وووووو دون مباراة الـهلال والإتّـحاد ودا شأن للـجّزيرة الرّياضيّة وحينما لـم تصل الصّور لـمصطفى فـي اليوم التّالـي كان حديثه عن إخفاق الـمراسل فـي الـخرطوم والذي يُسأل عن عدم تغطيته للأمر وفي هذه يـمكننـي أن أقتنع بوجهة نظرك عن اللونيّة والإنتماء لأنّه أمر موجود وبكثرة فـي هلاريـخنا ولا أعتقد مصطفى متأثّر به ليعامل الـهلال متعمّداً التّجاهل ذلك كيفـما كانت علاقته بالسّيّد جـمال الوالـي وكما ذكرت بأنّه وعد لكن كمّيّة الشّتـم و الإساءة التي استمرّت قد تكون جعلّت مصطفى يتجاهل الموضوع متعمّداً في اليوم التّاني يا دكتور بشفافيّة وواقعيّة الـهلال والـمرّيخ وجهان لعملة واحدة وجمهور الفريقيـن ياهو فصائل الشّعب السّوداني يا إتلوّن أزرق يا أحـمر ما في مدرسة لتخريج مشجّعين بأفكار وثقافات وطباع خاصّة لذا صدّقنـي لا في ديل صفوة وديك ما صفوة ولا في ديل أفضل وديك أسوأ والتّصرّفات مربوطة بالتّربية والنّفسيّات الأيّام بتتداول ويوم الـهلال فوق والـمرّيخ تـحت ويوم الـمرّيخ فوق والـهلال تـحت ويوم الإتنين فوق أو تـحت وجـمهور الفريقيـن على حسب الظّروف والـحالة يوم صفوة ويوم هـمج وحُبّنا لواحد دون الآخر لا ينتج في الواقع لأفضليّة واحد دون الآخر لا مسألة أفضل وأسوأ دي عبارة عن رأي بيجّـي بعد الإنتماء وهو كإختلاف الأمزجة حول السّلع تـماماً زي ما فـي الإنتماء لـحزب أو قبيلة أو أيّ لونيّة كانت حُبّنا والإنتماء بيجي لِكَم من الذّكريات والأحاسيس والظّروف التـي تجعلنا نميل لواحد دون الآخر مثل عشقنا لوردي أو عثمان حسيـن أو مـحمّد الأميـن أوووووووو ...
عميق وُدّي
| |
|
|
|
|
|
|
Re: الهلال: إمتاع حد الدهشة...والتيحة رايحة جاية (جات الحزينة تفرح) (Re: yasir Abdelgadir)
|
د. ياسر....
سلامات يا صديقي الأصيل... مبارك هذا الفوز الباهر.. هذا الأداء السلس.. هذه الصدارة المستحقة.. مبارك لكل الاصيلين:.. القرضابي، اسماعيل( سمعة)، اسماعيل عباس، تمبس، حاتم ابراهيم، مجيد المقابل، معتصم دفع الله، هاشم نوريت، الماجد يسري معتصم، ود البشرى، أولاد الصايم و.. و.. و كل جميل في هذا المكان و في الوطن و في الهلال و في الانسانية، و في الله..
نتمنى مزيدا من النجاح و التقدم حتى البطولة.. نتمنى النجاح في قادم البطولات للهلال المريخ و كل ناد سيمثل الوطن.. محبتي خالصة
| |
|
|
|
|
|
|
Re: الهلال: إمتاع حد الدهشة...والتيحة رايحة جاية (جات الحزينة تفرح) (Re: ابوعسل السيد احمد)
|
ألف مبروك يا دكتور الأداء الرائع قبل الانتصار.
بالله شفت هيثم عمل شنو قبل باص قوون سادومبا؟
هيثم مصطفى غيّر مفاهيم الإبداع في الكرة عندنا من الاستمتاع بالمراوغات والأهداف إلى الاستمتاع بالتمريرات والاستمتاع بموهبتي القيادة والتنظيم.
ده كلام كتبتو عن سيدا قبل حوالي سنة ونصف:
"من يظن أن ما يقوم به هيثم مصطفى ينحصر فقط في صناعة الأهداف بالتمريرات المباشرة لزملاءه يظلم كثيراً هذا النجم الذي لم يأتِ بعد من يقدر على القيام بدوره في فريق الهلال.
صحيح أن هيثم بارع أيّما براعة في خلق فرص التهديف لزملاءه بتمريراته الرائعة، لكن أهم ملكاته هي قدرته على قراءة الملعب بصورة تمكّنه من اختيار أفضل وِجهات إرسال الكرة، وبخاصة، عندما يكون في منتصف ملعب الفريق المنافس.
هيثم مصطفى صانع ألعاب محوريّ، هو صانع ألعاب بالمعنى الحرفي للتعبير وليس صانع أهداف فقط".
| |
|
|
|
|
|
|
Re: الهلال: إمتاع حد الدهشة...والتيحة رايحة جاية (جات الحزينة تفرح) (Re: Ahmed Alrayah)
|
المهندس أحمد الريح
عودا حميدا
وسعادتنا بعودتك لا يضاهيها الا فوز الهلال
حاولت الاتصال بك بعد المباراة مباشرة
كنت منتشي شديد
Quote: هيثم مصطفى غيّر مفاهيم الإبداع في الكرة عندنا من الاستمتاع بالمراوغات والأهداف إلى الاستمتاع بالتمريرات والاستمتاع بموهبتي القيادة والتنظيم |
هيثم حفظه الله متعة للاعبين داخل الملعب قبل الجمهور
بالله شفت فيليب كاتونغو احتضنو كيف؟؟؟ كأنما يقول له أنت إنسان غير عادي
راجع لك يا احمد
| |
|
|
|
|
|
|
Re: الهلال: إمتاع حد الدهشة...والتيحة رايحة جاية (جات الحزينة تفرح) (Re: yasir Abdelgadir)
|
أحمد الريح
بالله عايزين تحليل لاداء كل لاعب علي انفراد (طبعا ماعدا البرنس)
بدءا من كاريكا...وحتي المعز ...الاداء...الايجابيات ..العيوب و السلبيات
حتي تعم الفائدة
انا حضرت المباراة مرتين حتي الان والتالتة في الطريق...
ركزت اولا علي كاريكا...وتانيا علي سادومبا طرفي الهجوم
خرجت بنتيجة : سادومبا مهاجم من طرازفريد جدا
تحركاته بدون كرة اخطر ببكتير من تحركاته بكرة
مرر تمريرات اثمرت عن هدف وخلقت بلبلة شديدة
ارهق الدفاع لدرجة الاعياء
فتح لكاريكا منافذ عديدة جدا
و عندما دخل بكري المدينة وجد الدفاع مجهز عليه
اسماه المعلق العداء سادومبا
لؤي عزيزنا الغالي
Quote: عُذراً عزيزي دكتور ياسر |
الدار دارك يا وريف
| |
|
|
|
|
|
|
Re: الهلال: إمتاع حد الدهشة...والتيحة رايحة جاية (جات الحزينة تفرح) (Re: محمد البشرى الخضر)
|
عزيزنا محمدالبشري
كيفك يا هلالي يا رايق
حاشاك من الرجفة
بالرغم من إبداع عمر بخيت اللامتناهي.....إلا أنني أن علاء يوسف يمثل خط الدفاع الاول في الهلال
وهو الخط الاهم لاي فريق..حيث تموت الهجمة في مهدها
ولعلك شاهدت في مباراة التيحا كيف ان قتل الهجمة في مهدها عزل هجوم التيحا تماما بالرغم من انه الهجوم الافضل في افريقيا الان
علاء لاعب مب طراز فريد ومايقوم به من ادوار خفية لهو العامل الرئيس في فوز الهلال في المباريات الافريقية
هذا الدور يماثل ما كان يلعبه اللاعب مكاليلي في نادي ريال مدريد...وبمجرد فقدانه ريال مدريد فارق العافية حتي الان بالرغم من استقدامه لمهاجمين بمبالغ خرافية
الان انتهت قصة انو المهاجم الهداف هو اهم لاعب واصبح لاعب الوسط المتأخر ( أو الدفاع المتقدم) هو الاهم لانه يحمي ظهر الفريق ويقدم الراحة النفسية لزملائه والضوء الاخضر للتقدم واحراز الاهداف
انتو قايلين خليفة دا بيتقدم ساكت كدا
نتمني ان يعود الفارس علاء لسابق عهده ومستواه ويضع نصب اعينه ان احراز البطولة سيسجل بأحرف من نور في سيرته الذاتية عدا المكاسب المادية...واذا كانت هناك من مستحقات انية فالمكاسب الاجلة ستكون اكبر واكبر
واذا كانت هناك معاكسات (واولاد الحرام كتير) فليتذكر ان محبة الجمهور لا تقدر بتمن
تحياتي يا بوحميد
| |
|
|
|
|
|
|
Re: الهلال: إمتاع حد الدهشة...والتيحة رايحة جاية (جات الحزينة تفرح) (Re: yasir Abdelgadir)
|
الصديق العزيز لؤي
Quote: دكتور بشفافيّة وواقعيّة الـهلال والـمرّيخ وجهان لعملة واحدة وجمهور الفريقيـن ياهو فصائل الشّعب السّوداني يا إتلوّن أزرق يا أحـمر ما في مدرسة لتخريج مشجّعين بأفكار وثقافات وطباع خاصّة لذا صدّقنـي لا في ديل صفوة وديك ما صفوة ولا في ديل أفضل وديك أسوأ والتّصرّفات مربوطة بالتّربية والنّفسيّات الأيّام بتتداول ويوم الـهلال فوق والـمرّيخ تـحت ويوم الـمرّيخ فوق والـهلال تـحت ويوم الإتنين فوق أو تـحت وجـمهور الفريقيـن على حسب الظّروف والـحالة يوم صفوة ويوم هـمج وحُبّنا لواحد دون الآخر لا ينتج في الواقع لأفضليّة واحد دون الآخر لا مسألة أفضل وأسوأ دي عبارة عن رأي بيجّـي بعد الإنتماء وهو كإختلاف الأمزجة حول السّلع تـماماً زي ما فـي الإنتماء لـحزب أو قبيلة أو أيّ لونيّة كانت حُبّنا والإنتماء بيجي لِكَم من الذّكريات والأحاسيس والظّروف التـي تجعلنا نميل لواحد دون الآخر مثل عشقنا لوردي أو عثمان حسيـن أو مـحمّد الأميـن أوووووووو ... |
دا كلام منطقي جدا
تعرف يا لؤي مرة في بوست رديت علي واحد مريخابي متعصب بعد شغب حدث في مباراة المريخ الاخيرة في البطولة الافريقية, المشجع مصر إنو كل جمهور المريخ صفوة...قلت ليهو ياخ ستاد مليان , فيهو البروفيسور وفيهو الطبيب وفيهو المهندس وفيهوالعامل وفيهو الطالب وفيهو البلطجي وفيهو خريج السجون...كيف ديل كلهم يكونو صفوة؟؟؟دا نفاق وإستهبال
وما زال بعض أخوانا مقتنعين انو جمهورهم صفوة
أنا شاعر يا لؤي إنك بتهبش في نقاط مفصلية , ولكن بمنطقك هذا , لا بأس فلعل وعسي
تحياتي وودي الذي تعرف
| |
|
|
|
|
|
|
Re: الهلال: إمتاع حد الدهشة...والتيحة رايحة جاية (جات الحزينة تفرح) (Re: yasir Abdelgadir)
|
Quote: دا كلام منطقي جدا
تعرف يا لؤي مرة في بوست رديت علي واحد مريخابي متعصب بعد شغب حدث في مباراة المريخ الاخيرة في البطولة الافريقية, المشجع مصر إنو كل جمهور المريخ صفوة...قلت ليهو ياخ ستاد مليان , فيهو البروفيسور وفيهو الطبيب وفيهو المهندس وفيهوالعامل وفيهو الطالب وفيهو البلطجي وفيهو خريج السجون...كيف ديل كلهم يكونو صفوة؟؟؟دا نفاق وإستهبال
وما زال بعض أخوانا مقتنعين انو جمهورهم صفوة
أنا شاعر يا لؤي إنك بتهبش في نقاط مفصلية , ولكن بمنطقك هذا , لا بأس فلعل وعسي
تحياتي وودي الذي تعرف
|
أبو اليُسر يا عزيزي نـهارك سعيد
أسـمح لـي دا كلام لا أساس له من الصّحّة إلاّ في الأوهام حتّـى البيت الواحد فيهو الـمهذّب وفيهو فاقد الأدب وكلامك سليم 100% ما فـي مرّيخ صفوة ولا حاجة ولا فـي هلال صفوة ولا حاجة في خلطة ومزيـج من كُلّ فئات النّاس الصّالـح والطّالـح والإنسان يظهر معدنه عند الـمواقف والشّدائد فيستبيـن الـخيط الأزرق من الـخيط الأحمر وقد تـجد دوماً في كليهـما الرّوعة والبؤس
ويستـمر النّقاش كونه لا يفسد للوُدّ قضيّة
| |
|
|
|
|
|
|
|