ود المنسي الما منسى : ايوه بندخل وننتكى كمان حوشك دايما عامر وما احلى الدخول بعد شيقوق والرطانة بس عليك الله ماتخليهم يمشوا وكتر ليهم العلوق عشان يدمدموا ينوموا ونامن شرهم عشان كان مرقوا وجوا بعدى العلالة بتقوم.. اها يا خوى شوف جنس الدعا ده.. زميلنا السر- شايقى- لما اشتغل فى المحاماة امه سالته: انت يا السر المحاماة دى بتجيبلك قروش كيف? فشرح لها السر قائلا : يا امى انا بيجينى الزول ويكون عندو مشكلة مع زول تانى وانا بقيف معاه فى المحكمة واجيبلو حقه يقوم يدفع لى قروش . من اليوم داك ام السر بقت تفرش مصلايتا وتدعو لابنها السر..يا السر ياولدى الله يصوتن ويخلتن ليك.. لاحظ الدعوة وشموليتها يعنى يخلتهم للسر بس باقى المحامين ما يشتغلوا..
08-11-2008, 06:02 PM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
.... تعرف .. في بتاع بنشر في الخرطوم راجل زانداوي ظريف شديد لما تجي تصلح لستك ولو لقى فيه مسمار يطلعو ويمسكو في يدو لحد ما يركب ليك اللستك وبعد تحاسبو يديك المسمار ويقول ليك عليك الله أرمي المسمار دا في الزلط عشان إجيب غيرك ....
تحياتي ومودتي الفاضلابي
08-11-2008, 06:21 PM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
لكن البوست ما عندك يا خالد المنسى.. والله لقد استمتعنا بجد بهذا البوست الظريف والدعوات الحنينة.. دعوات الحبوبات.. وان شاء الله يا خالد الله يجازيك بالخير وترجع لوطنك سالم وغانم.. اذا كنت مغترب ,, وتسافر بالسلامة وتهاجر بدون ندامة لارض الحرمين الشريفين ويظلك غمامة.. بس ما تقبل على اوروبا وتصيبك ندامة.. ورمضان كريم وتصوم وتفطر على خير
08-31-2008, 02:31 AM
السر عبدالله
السر عبدالله
تاريخ التسجيل: 11-10-2006
مجموع المشاركات: 1528
لكن البوست ما عندك يا خالد المنسى.. والله لقد استمتعنا بجد بهذا البوست الظريف والدعوات الحنينة.. دعوات الحبوبات.. وان شاء الله يا خالد الله يجازيك بالخير وترجع لوطنك سالم وغانم.. اذا كنت مغترب ,, وتسافر بالسلامة وتهاجر بدون ندامة لارض الحرمين الشريفين ويظلك غمامة.. بس ما تقبل على اوروبا وتصيبك ندامة.. ورمضان كريم وتصوم وتفطر على خير
08-11-2008, 06:26 PM
محمد أبوالعزائم أبوالريش
محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
عمنا صديق البشير من ظرفاء الفاضلاب واقف فوق البحر وحماره بجانبه يريد تحميل جركانات الموية عليه..والحمار لايثبت .. يتحرك .. وعمنا صديق فى كل محاولة يصيح فى الحمار حاو.. حاو.. لمان زهج قال للحمار حااااو تحوى مغيب الشمش بيقفاك.. دى ذو القرنين ماعملها..
08-11-2008, 07:01 PM
عبدالعزيز الفاضلابى
عبدالعزيز الفاضلابى
تاريخ التسجيل: 07-02-2008
مجموع المشاركات: 8199
كنت راكبا فى احد البصات القادمة من السجانة ... الباص وقف فى المحطة جوار المستشفى .. الناس عاوزة تنزل واحد واقف فى السلم الخلفى لاتعرفو نازل ولا عاوز يواصل واحدة شايقية وراه عاوزة تنزل ومنتظرة الزول ده ينزل قامت قالت ليه انت نازل ? قال لها لا . قالت ليهو نان مالك منعارض زى اليوم الشال ابوى .. شوف المرة دى وصافة كيف وبهذه المناسبة اقترح عليك ان تفتتح لنا بوستا عن الوصف من هذه الشاكلة.. ودى للجميع..
08-12-2008, 12:33 PM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: لمان زهج قال للحمار حااااو تحوى مغيب الشمش بيقفاك
الفاضلابي والله عمك ودا الحمار في داهية ذكرتني قصة الرجل راكب حماره وكان جعان شديد مرا علي جماعة بخلاء قاعدين تحت شدرة وبيأكلوا ( في ملاح روب حار بي كسرة ) وقف قصادهم .. سلاام يا ناس مافي زول ردا .. سلاام يا ناس .. مافي رد .. سلااام يا أهل الله .. وما هبببو لي .. لكّا حمارو وخبطو بي العصا وقال لي ::
( عر عر عر ملاح الروب اليقطع نفسك )
08-11-2008, 06:53 PM
فيصل محمد خليل
فيصل محمد خليل
تاريخ التسجيل: 12-15-2005
مجموع المشاركات: 26041
الريس منسي كان عندي بوست في الربع الاول من عام 2008 بعنوان ديك العدة والشقليب
في شافع وصاف خلاس زكرتني ليه بي منديلك ده الجماعة ضبحو ديكو فعمل ليه مناحة
يالضبحت الديك أنا عن ياسين بشكيك بليلو النجضو واكلوه ****** جابولنا الخبر في السوق قالولنا الشقليب محروق في دعوة ديكنا ده المسروق بليلو النجضو واكلوه **** يا فقرا ما تهتمو عند اب عشه تنلمو جميع من أكلو بي دمو تصيبوالراعية في فمو * بليلو النجضو وأكلوه
والراعية هي الجزام والعياذ بالله شفت الجنا وصاف كيفن؟
08-12-2008, 05:35 PM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: العمي ؟ عمي كباسه مدستر ؟ تدستر بي فركة زرقايافقر بتلب ؟ تتلب شاحد الله في بير سعد الله حليفة ؟ الحلوف اليشقك نشايل
تعرف يا أبارو تزداد بهجتنا لو تشرح بعض المفردات التي ترى قد يكون صعب فهمها
مثلاً ( عمى كباسة )
اي تعمى وتكابس ملتمس طريقك
( تدستر بي قركا زرقا )
الدسترة هي مرض الظار المعروف وهو مرض نفسي ويدعي الناس انه يُعالج بالضرب على الطبول وتكون مجالسة فيها كل ماهو ممنوع ومحرم وهي أقرب لمجالس الجن فيها يشربو الخمر والدم وغيرها من الموبغات
( ما تحلف :: الحلوف اليشقك ) الحلوف هو الخنزير مودتي
08-12-2008, 05:41 PM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: ود المنسى حبابك هى اصلها اسمها العمى اللايسك .. صاح كلامك علا العربى ده اصلو حقو مشاتر وجنو كواسة لفحها ساى اللكايسك دى وقام جارى بيها
دهب البنيات سوما لك التحية طولتي الغيبة زولك دا أصلو كدي ساعة الجد ينقنق .. وساعة الفارغّا يشيل ويبعزق تعرفي هسي لو قلت عديل ما كدي كان جاني زي الطاوية حُبالا وقال لا انتو شن عرفتكم بي النضمي
( لفحها ساي اللكايسك وقام جاري بيها ) إتخيلت شكلو ومشنق طاقيتو ومزرزر العوينات الزي قدود الجلد السلخو ضباح أهوج
تحياتي ومودتي سوما
08-12-2008, 05:29 PM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: تعرف يا إبراهيم أنا ومرات كثيرة أفكر أن بعدنا عنهما لأي سبب هو في حد ذاته عقوق .. أليس ببعدنا نسهد أجفانهما.. ؟ أليس ببعدنا نشغل تفكيرهما ؟ أليس هذا عقوق في حد ذاته ؟ أللهم أعفو عنا إن كنا وقعنا في عقوقهما... لذا بطلب من كل من بعد من والديه كلما يتصل أن يطلب منهما العفو
لك التحية أخي خالد وللإخوة جميعا وكما تفضلت أخي فإن من العقوق ألا تكون معهما خاصة في وقت الحوجة لك في وقت الكبر ولكن عزاءنا في ذلك أننا مجبورون على الغربة والبعد ونسال الله أن يعفو عنا ولا ننسى أن نتصل بهم ما امكن ذلك لمؤانستهم وأخذ الرضا منهم والباب في بر الوالدين يطول
ولك التحية مرة أخرى أخي خالد وللجميع
ودمتم سالمين
08-12-2008, 06:02 PM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
إبراهيم قناوي سلام نعم بر الوالدين واجب ووصالهم وبأي طريقة خير وسيلة لكن تعرف مهما كان .. بعدك والله يطلق النوم من عيونهم ( يا سماح ( يطلق ) دي فيها بلاغة كأن النوم بهيمة ولو إنطلقت البهيمة طشت وسرحت بي الخلا ) والزول مابعرفو إلا يسوي لي بطينين ( اي وليدات )
والله كان بقو بعاد منك في نص الليل ( كك ) قلبك دا ينغزك وتصحى ويطلق النوم من جفونك ... بس البنقدر علي نطلب منهما العفو العافية
سوما لو شافت الكلام دا حسي بتجيك تاخد ليها بكيا أمها تجيها في مسقط وتكون مشتهياها تحياتي إبراهيم
08-11-2008, 10:12 PM
محمد أبوالعزائم أبوالريش
محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
ومنها برضو إشيط رحطك اي تشوي رحطك من جوعة عشان تأكلي ويحرق ( يشيط )
وعادة كانت البنت ( الفتاة ) بتلبس الرحط ومن هي صغيرة وحتى يوم عرسها ويقطع الرحط وبعدها تنتقل لمرحلة كونها مرأة ولا تلبسه مرة أخرى ... لكن في زماننا كانوا يلبسوها له في ليلة قطع الرحط
تحياتي أبوالعزائم ويا لجمال ما تأتي به شبكتك كلما رميتها
08-12-2008, 03:45 AM
abubakr
abubakr
تاريخ التسجيل: 04-22-2002
مجموع المشاركات: 16044
يا صحبى الجميل جيتك كيف انفع ؟ وبمناسبة جيتك دى زمان حبوبة بتقول للواحد مننا تعال ولمن تجيها تقول ليك ـ جيت تجيك الكشة بكسر الكاف وكان جيت ماشى تقول ليك ماشى وين تمشى بطنك ، او تمشى فى كرعيك يعنى اى كلمة عنده ليها مرادف وكان قلت ليها الحاجة دى قصيرة اول كلمة بتكون ـ القصر اليخليك تشابى للفنجان او القصر اليخليك تدلدل كرعيك من المصلاية وكان بقى زول عيان وهى ما بتريدو وقالو ليها فلان دا عندوحمى طوالى ما جاهزة عاد تقول ليك ـ الحمى اليتاوقو ليها بالحيطة ودايما لمن تجى المطرة اظنها كانت حاقدة طوالى بتقول المطرة انشا الله التغرقكن والطويل يكوسوه بالقناية شفت ليك مساخة بنت حوا ؟
08-12-2008, 12:59 PM
abubakr
abubakr
تاريخ التسجيل: 04-22-2002
مجموع المشاركات: 16044
غايتو يا خالد مداعاة الحرامى بتاع الملايات صعبة شديد ما فاهماها بس حتة بقول فيها:
تطرشق لى برنامج أخطط فيه لى سنين يطرشق فيك كمبرسون يخليك انت بس ساردين ويطرشق فيك بوتوجاز ويكون جنبك صفيح بنزين وترقد ما نشوف لنا زول يقولنا ماشى فى تحسين
عليك الله دى كانت ملايات دى؟؟؟؟؟
نسيت أصبح وبرضو مشتاقين
08-12-2008, 08:17 AM
ممدوح أبارو
ممدوح أبارو
تاريخ التسجيل: 02-27-2008
مجموع المشاركات: 3162
Quote: تطرشق لى برنامج أخطط فيه لى سنين يطرشق فيك كمبرسون يخليك انت بس ساردين ويطرشق فيك بوتوجاز ويكون جنبك صفيح بنزين وترقد ما نشوف لنا زول يقولنا ماشى فى تحسين
سماح قمر سبعتين وإدوّر
مساك سعيد رغم أنت صبحتي تعرفي دي دعوات ميكانيكي ( نخلي محمد البشرى يجي يشوفها )
بس ( ترقد ومانشوف زول يقول ماشي في تحسين ) دي معناها ترقد مريض وكل يوم ماشي للأسوأ ودي زي دعوة كتبتها في أول البوست ( يعاينو ليك بي الشُباك وإقولو أخير أمبارح )
تحياتي سماح
08-12-2008, 08:48 AM
خالد العبيد
خالد العبيد
تاريخ التسجيل: 05-07-2003
مجموع المشاركات: 21983
سلام يا شباب والله يا أبارو إنت مبالغة عديييييييييييل
كلامك ده ذكرني قالوا في واحدة إتفقت مع عمال طيانة علي شغل والمقابل إنها تأكلهم ... ويا زول الحاجة بقت جارية ونفسها قايم تجيب الكسرة تلقاهم كملوا الملاح ... تجيب الملاح ... تلقاهم ضربوا الكسرة ...
المهم ... زي ما بقول تبارك
أثناء العوا دي والحاجة قايمة وقاعدة جا كلب يلحس في العجين الحجة قامت نهرتو قالت ليهو
جر ياكلوك الطيانة
ودمتم سالمين
08-12-2008, 12:00 PM
ممدوح أبارو
ممدوح أبارو
تاريخ التسجيل: 02-27-2008
مجموع المشاركات: 3162
Quote: ود العبيد والله أنت قدو دي ما طلعت من دمك تب
قدو تمرق تمش وين يا ود المنسي نحن طبعا مشهورين بي زراعة البصل يعني في قدو لو رميت بصلة في حجر بتقوم وتفرهد وعندنا مثل للزول الناجح اهلنا بقولو : والله الزول ده ناجح نجاح البصل في قدو شفت كيف ! اولادي الماشافو السودان كلو كلو عندهم حب شديد مع الكسرة وام رقيقة والتقلية قبل ايام عملت لي كسرة بي موية سااااكت وناديت العيال : تعالو اجرو كسرة بي موية وارف الصغير قال لي : طيب يا بابا دي الكسرة الموية وينا!!
الجماعة يقولوا ليك ::::: الزول دا متبتب وسميّن زي شوال البصل ...
تعرف زمان جنب مشرع البنطون شندي المتمة كان في واحد مجنون الراجل دا بس واقف هناك من أشوف لي راجل سمين .. يكورك لي النسوان ... هي هي عاينن لو التلح شوال الملح أرمي ليكن ؟ ويجري علي .. والزول قوي خلاس يشيل ليك الراجل لي فوق ويضرب بي الواطا .. تعرف الرجال بقوا يضايروا منو لما يشوفوا عشان ما يفضحهم قدام الحريم ...
08-13-2008, 09:10 AM
خالد العبيد
خالد العبيد
تاريخ التسجيل: 05-07-2003
مجموع المشاركات: 21983
امانة ما أذتنا أذية زمان والجلسرين فيها حارن يولع فيك سهراجة جمرها حي
تعرف مرة مشيت السودان في شهر نوفمبر وبدأ الجو يبرد .. يوم زوجتي شافت أمي مغتغتا وخاتا كانون نار قِداما قالت لي حبوبة ليه عاملة كدي .. قلت ليها من البرد .. ضحكت ضحك وقالت لي هم شافو برد كلمهم كم بتنزل درجة البرودة عندنا في الشتاء .. وماهي إلا أيام والبرد شدا شوية بس وزوجتي وأحمد جضومهم ويديهم وكرعيهم إتشققن .. قامت قالت دا شنو دا البرد ليه حار كدي مع انو درحة البرودة ما منخفضة شديد ..
08-13-2008, 11:43 AM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
يا خالد اخوى ازيك قلت لى غلبتنى ؟ يغلبوك وليداتك قول يامين لمن الواحديتزوج بقولو ليهو تغلبا بالمال وتغلبك بالعيال او لمن خلاس تزهج من وليداتا بتقول ليهم يقلب لونكم كرهتونا
وحبوبة ما بتغلبا كلمة كان قلت لي واحد يا مجنون مثلا تقول ليهو الجن اليعلق قربو فى اضنيك دى سمعتها؟ وكان واحد داير حاجة وقال ليها داير الحاجة الفلانية الرد مفصل جاهز ـ الدورة التملا راسك ورق يعنى تبقى مجنون ويكتبو ليك المحايات اها يا خالد لقيت حبوبة كيف ؟
08-16-2008, 00:28 AM
خالد العبيد
خالد العبيد
تاريخ التسجيل: 05-07-2003
مجموع المشاركات: 21983
قلت كيف غبش زي الفول المدمس ؟ والله بعد حمام السقيطة والواحد في سرو يقول تاني أصلو ما أمشي ألعب بكرة تجي والله التقول بشيلو شيطان.. إقوم جاري زي عصار الساعة إطناشر البلوي داك شايل لي كيس نايلون وورقة جريدة قديمة ..
أبارو كانت أيام وولت وكانت فيها الحياة حلوة وبسيطة زي لونا... تلقى الواحد فينا والحيطة والواطا والحمارة الغبشا لونهم واحد ما بتفرزهم
( تلعي زسنك هلل ) اي تتخلل وتقرب تنقلع وبتكون مهلهلة تلزها كدي بي لسانك تمش لي قدام وترجع تاني ...
تحياتي أبارو
08-13-2008, 05:27 PM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
( ينقطع ضِكرك ) أي تنقطع منك الخِلفة والنسل هل تصدقو أن بعض الناس يدعو على فلذات كبدهم بمثل هذا الدعاء وهم في حالة اللاوعي ولا مابعرف شنو لكن عدم مبالاة
08-13-2008, 06:10 PM
محمد أحمد الخضر
محمد أحمد الخضر
تاريخ التسجيل: 07-14-2008
مجموع المشاركات: 1302
الأخ خالد المنسي أهنئك على هذا البوست الرائع وأحيي كل الذين شاركوا معك. لقد لامستم إحدى مناطق الإبداع الحقيقي في مجتمعنا السوداني. لم أجد ما اشارككم به أنسب من دعاء الوالد لي كلماسافرت كان رحمه الله يتوجه إلى القبلة ويرفع يديه قائلا "أمش يا ولدي عفيت منك عفواً لايرده سخط ولا غضب" ياريت يا منسي تتحفنابتعليقك.
08-13-2008, 06:20 PM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
Quote: أمش يا ولدي عفيت منك عفواً لايرده سخط ولا غضب" ياريت يا منسي تتحفنابتعليقك.
الأخ الفاضل / محمد أحمد الخضر لك التحية الطيبة سلاااام
حنان الأم وعطفها يدعوها ان تدعو لنا دوماً وتعفو عنّا حتى لو كان منّا القصور وفتور الوصال .. وكونو أن أم تقول: عافية منك والله هذا المكسب وهذا الربح عافية منك وراضية سو رضايا ومابهم الرضى والدتو يا جنايا
لك منا كل التقدير والتحايا أخي محمد وخليك قريب جنبنا سعدنا السعد السعيد بوجودك بيننا والله
مودتي وتحياتي
08-13-2008, 08:40 PM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
دعاء ولا قضادة فيه.. يعني شئ حتى لو حصل وربنا أستجاب الدعاء فيه ماهو بالشئ الذي يندم عليه من دعا عليك به .. وأذكر ونحن صغار كنا ( حاقرين بي أخواتنا البنات ) وكانت الكبرى وهي في مقام الوالدة بالنسبة لنا لكن كله كان من الجهل وما تربينا عليه ( لكن نحمد الله نكن لهنَّ الآن كل الإحترام والتقدير والحب والمحنة بعد أن وعينا وعرفنا الحياة وما يجب أن يكون بين الأخوة ) أذكر كلما نهرت أختي الكبرى وهي بكر البيت كانت ترد لي وحينها كنت لا أفقه حتى لردها معنى ..
( يا ولد ما تنهرني .. ينهرك الدللال والسوق بارد ) الدللال هو معروف الذي يقوم بعملية ( الدللالة الععروفة ) ومعنى الدعوة اي الدللال لما سوقو يكون ( بارد ) بكون زهجان وأكيد لو زول تعرض له سوف ينهرهه وبتكون نهرة قوية حينها ..
08-14-2008, 07:42 PM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة