|
|
 Re: الحكايا البشعة التي حدثت في زمان مختلف وأبطالها ليسو نحن (Re: فتحي البحيري)
|
الأستاذ .. فتحى البحيرى
لك الود والتقدير
طبعا الحكايات كتيرة، دايرنى أحكى لى عن
ما حدث لأصدقائ فى المعتقلات
أم عما حدث لى شخصيا
أم اطلاق الرصاص فى داخليات البنات فى جامعة الجزيرة فى الثانية بعد منتصف الليل وجريهن حتى موقف الدباغة بقمصان نومهن
أو عن محاولة اغتيال الأخت نادية وذلك بخنقها بى توب، بعد قطع الكهرباء من الطابق الفيهو غرفتها
أو عن الشاى الشربناهو بالتمر وعندنا خمسة مصانع سكر لأنو عصام الترابى هرب السكر لى أفريقيا الوسطى
ولا عن البيوت الما بتتولع فيها نار حتى لو كان لى شاى الصباح
ولا عن ناس الأمن لمن اعتقلونى وهددونى باغتصاب أختى لبنى حسين، والحقيقة انها ما أختى، بل كانت زميلة دراسة معاى فى نفس الجامعة ... يبدو انو اختلط عليهم " الحايم بالنايم" .. زى بقول مارتينو .. الطفل الأسمر الكان شغال عامل نضافة فى كافتيريا تكنولوجيا
ولا عن المنظر الفظيع الشفتو لما فتحنا جثمان جارى الشهيد عبدالمنعم رحمة
.. ولا
.. ولا
.. ولا
إبني البيت
ممتلئا نورا
شيده بالأحلام
لا بالطوب .
فكٍر في ممر شاسع مزهر
ضع مدفأة هناك
وملاكا لحراسة المدخل
.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ
البلاد التى ضيعت خاتما، البلاد التى دائما
ستظل محنية، فوق الجثث
ونحن سنبقى هنا، هناك، سوف نعلو
بالذنوب الخفيفة فوق هذا العبث
|
|
 
|
|
|
|
|
| |
فيس بوك
تويتر
انستقرام
يوتيوب
بنتيريست