الأعزاء فتحي البحيري صفوان و يمني انا سعيد لأني بعلق البوست التاني بعد أن ظللت مراقب و مداوم علي الاطلاع علي البورد لفترة طويلة جداً
بس الأجمل من كدة انو كلما اري انو التعليق اصبح ضرورة غالباً ما بكون فتحي البحيري صاحب القدرة علي خلق مواضيع و اثارة شرارات مواضيع غالباً ما يكون خلف كل الحكاية عشان كدة ما غريب انو بديني احساس ياخ الزول دا الواحد مفروض يلاقيهو و يتكلم معاهو عديل ياريت
عموماً عشان ما أطول.... حكاية بهنس و محمود صيّرت تعليقي عليها فرض و اثارتي لقصة أخري متعلقة بها فرض أكثر الحاحاً منو
ليس تحاملاً علي بهنس وانما تعليقاً بس علي مبدأ الفنان المتكامل الذي يصر ان يخلقه
يمني و صفوان انا شايف انو بتسميتكم لبهنس بمتعدد المواهب و بهنس الموسيقي/المغني علي التوالي فيها كتير من المبالغة اذا ما كان فيها كتير من الظلم مش عليهو وبس بل علي كتير من الموسيقيين و المغنيين يمني مجرد قول انو التعامل مع بهنس يمكن ان يشبه بالوصول الي مستوي سكت الرباب الذي اعتبره- وغيري- قمة هرم انجازات محمود قاطبة بل واحد من أجمل ما صنع في تاريخ الموسيقي السودانية أشك جداً في مقدرة بهنس الموسيقية علي تقديم شيء مماثل أو قل مقارب لسكت الرباب أما اذا كان الموضوع هو التعاون في تذويد محمود بنص أو نصوص شعرية مغناه فهذا موضوع آخر ما عاوز افتي فيه و انا في حارة ملأ بالشعراء
أسعدني بهنس بتسميته اياي -صديقي- وان بدت كطقس يمارسه معظم أفراد طائفة المثقفين السودانيين الذين يملأوا فراغات ثقافية عدة بغنائهم و قرآتهم و معارضهم الجميلة في الخرطوم البعيدة و كنت ضمن كثر دعاهم بهنس مراراً لحضور -جلسة سماع- غنائه التي احياها في سطح معهد جوته -سابقاً- وذهبت علّي اجد موسيقي أو غناء و لم انجح ابداً في ذلك مع انو بهنس أظهر شجاعة في ان يغني اغنيات كتبها و لحنها و غني بعضها بالفرنسية و الانجليزية و ان لم اكن اعلم مدي رصانتيهما وكما هي عادتي عدت اتسأل -يا ربي كيف ممكن يكون في زول بقدر يعمل الحاجات ديل كلهم
الخلاصة واحد من اتنين اما ان نتقف كلنا انو ما ندي صفات في غير محلها أو انني مجحف او رافض جداً للفنان الكامل أو كمان في زول\زولا حايقول لي انا مالي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة