|
Re: وحشية النظام تتجاوز كل حد :اقتحام منازل الأسر وإطفاء عين طالبة للأبد (Re: فتحي البحيري)
|
استاذي فتحي البحيري تحيه واحترام
تاكيدا لما ذكرت فان احد المعتدي عليهم ابن اخي وهو شاب لم يتعدي الاتنين وعشرين عاما اسمه رامي علي وهبي
كل مافي الموضوع انو كان معاهم بنات وساقوهم ودوهم لي بيت واحد من اصحابهم عشان يحموهم من الوحشيه الكان بتاعمل بيها عساكر النظام .ولسع ما اخدو نفسهم زي الناس اتفاجؤ بي اكتر من عشرين عسكري وشايلين اسلحه وخراطيش وعصي وبدو يضربو فيهم من غير فرز يعني لا بت ولا ولد وسط دهشه اصحاب البيت ..وبعد داك ماوعوا الاوهم في مستشفي بحري بعد يوم تقريبا ولقو عسكري قاعد معاهم وسالو الناس الضربوهم وين العسكري رد ليهم وقال ليهم انتو لقيناكم في الشارع وفتحنا بلاغ ضد مجهول واذا انتو اتعرفتو علي الناس الضربوكم حا نحاكمهم..
طبعا عشنا رعب غريب وبالذات والده الطالب مانامت الليل كله بتبكي وبنفتش لحدي ما جانا واحد من اصحابه وقال لينا الزول دا في الانعاش في مستشفي بحري
وفي معلومه ماقالا استاذ فتحي ..انو في احد الطلبه ما معروف مكانه لحدي هسي
الجديد في الموضوع انو الاستاذ غازي سليمان اتصل بالطلبه وقرر يتابع معاهم القضيه
| |
|
|
|
|
|
|
Re: وحشية النظام تتجاوز كل حد :اقتحام منازل الأسر وإطفاء عين طالبة للأبد (Re: فتحي البحيري)
|
قطعا ليس بغريب عليهم كل هذا الجرم ولازدكم من الشعر بيتا احد الاخوة السودانيين كان مدعوا على شاى اليوم عندنا و حكى ان لواااااء اتى من السودان زيارة للامارات و عندما بدا صاحبنا يساله عن احوال البلد وجم و قال بحدة:بالله ما تجيب لى سيرة الموضوع ده و عندما تمالك نفسه حكى انه كان مسئولا عن معسكر للتجنيد ضمن مجموعة معسكرات -امسك عن ذكر اسمه لدواعى امنية- و قام بزيارة ميدانية لتفقد المعسكر المحتوى على الف مجند ففوجىء ان ميزانية الطعام لكل نفر الف و ثلاثمائة جنيهايوميا بالرغم من ان التكلفة الفعلية لطعام اليوم كاملا خمسمائة جنيها فتعجب و سال المشرف عن المعسكر- ذى الواحد و عشرين ربيعا عمريا و الواحد و تسعين خريفا فكريا-و اين تذهب بقية الفلوس ؟؟فاجاب المشرف : للطوارىء ، لكن صاحبنا لم يستسلم بل قال : لا باس فالنزد لكل نفر ثلاثمائة جنيها و يكون نصيبه ثمانمئة ...لكن المشرف {اللديح}عندما لم يفهم سعادة اللواء {بى اخوى و اخوك}احتد فى وجهه بمنتهى القبح:اسمع ياخى دى مسئوليتى ما دخلك ، فبهت صاحبنا و اسقط فى يده وسكت،،،ولم تمض عدة اسابيع الا وجاء المشرف الى المعسكر بلاند كروزر ثمنها 130 مليون جنيها تسالوننى عن اللواء؟؟؟ اااه نسيت ان لقب سعادته اصبح الان {لواء معاش}و هكذا مصير كل من لا يفهم و لا يتعظ و لا يفهمها و هى طايرة يا فتحى يا بحيرى
| |
|
|
|
|
|
|
|