الشعبية نجمة تزين سماء مدينة الخرطوم بحري

Quote: مين علمك تهوى الجمال يا قلبي واستلمك العلمك ظلمك ...... ظلمك من علمك تهوى وتحب ..... وتكون لي اقرب جار محب من هجرو تشكي وتنتحب ان لم يكن صدرك رحب ..... يا قلبي احسن تنسحب خليتني حيران احتجب ....... كل ما اراك انتحب اجد الصواب عنك حجب مع اني عارف كان يجب...... وصل الحبيب المحتجب ومن فينا لايهوي الشعبية الجميلة صلاح عباس + دكتورة ستنا مشكورين على السؤال وتسال منكم العافية شقّيش ما تقبّلو اما ياعبدون محمد عبدون خالد المبشر لو ما بعرفك الا يكون مجنون وكيف كان بجي حلتنا لو ما مره ببيتكم الا يطير . طبعا صاحبك ده مجنون قراية مشيت دخلت عليهو في المكتب لقيتو بيقرا قلت له ياخي كرّهتنا .اللابتوب ده عملوهو عشان تشارك الناس (بوست الشعبية )فرد وقال (بوست حاج حمد ). من طرائفه: مره وجدنا متجمعين وقال لينا بكره عندي اول قضية في محكمة بحري واخوكم مسيطر على الوضع ولازم تجو تحضروها طبعا اخوك قمز للجماعة وقلت ليهو ان شاء الله والقضية كانت في بيت مشبوه صاحبنا جانا تاني يوم مجرجر رجوله . اها ياخالد سيطره حصل شنو . قال الجماعة جلدوهم ودفعوهم غرامة وصادروا منهم البيت فضحكنا جميعا .وقلت له واذا ما كنت مسيطر كان بحصل شنو للجماعة كان نفوهم كمان . وحدة تانية : مره عمل فيها تاجر مواشي وقبل عيد الاضحى اشترى كميه من الخراف هو وواحد من حلتهم وقال عايز يبيعهم في عيد الاضحى بسعر مغري . صاحبنا قام جاب كمية من عيش الفتريته للخراف والخراف ضربت الفتريته وتاني يوم كلها ماتت ولم يتبقى سوا واحد فقط من الخراف .فقلت له الانسان بيتعلم بقروشو . دكتور (خالد المبشر ) رجل اخونا طيب محب للاطلاع بدرجة مزعجة مبدع وصاحب طرائف كثيرة زكي جدا درس في جامعة جوبا وجامعة النيلين في وقت واحد ونجح في مجال القانون (القضاء ) وتجارة المواشي وتم نقله من محكمة بحري الى مدير محكمة مرور بحري . والان بحضّر في دراسة الجودة . عابدون ودكتورة ستنا بلّقت تحياتكم لناس حلتكم وقضيت بها ساعات جميلة في اجازتي (دافوري كارب )لزوم الاعلام لبوست حاج حمد (الشعبية ) ووعودوني بأمداد الصور والذكريات القديمة وهم ايضا يبادلوكم بنفس التحايا. دكتورة ستنا : طبعا قابلت اخوك (عاطف بلو ) في حنة (ياسر طه ) وكان من ضمن العازفين فسلّمت عليه فأبنتي شاهدت المنظر وجاتني وقالت يا بابا خلّي الفنان يغني لينا (قنبلة ) فرديت ليها يابتي ما تصبري اصلا في نهاية كل حفلة لازم الناس تغني ( قنبلة حلاة الزول في الطول والعٌلا ) وفعلا ما حصل . ودمتم ............ وليد عبد اللطيف