|
|
 Re: إنفصال مضمون بعد مدة محددة ولا وحدة مجهجهة .. (Re: Kabar)
|
أخونا كبر سلامات ياخ وعيد سعيد..
كبر يازول إنت الظاهر عليك حصل ليك إحباط إضطراري وبقيت تجيب تنظيرات - أسمح لي أقول شتراء .. شنو ياخوي النفس الجهوي الهبط عليك فجأة دا ؟؟..
يا صديق كلمة مراحيل دي أنا أصلاًَ لم أحملها معني مليشيا ولم يخطر ببالي، فأنا يا خوي جلابي ساكت ماعندي إحتكاك بمدلولات الكلمة في تلك الجهات ، بل في فهمي منذ القدم تعني العرب الرحل .. وبصراحة الواحد استعملها بدلاَ عن كلمة عرب رحل عشان في ناس كلمة عرب بتعمل ليهم كاروشة .. فيا عزيزي لا تتحسس ساي .. أنا كثيراً ما تكلمت عن أن نمط حياة الرعاة في الغرب يجب أن يتغير لأن ذلك مفتاح لحل كل مشاكل الغرب .. والإستقرار هو إستقرار الذهنية أولاً وتغيير نمط التفكير قبل التغيير المادي المُلِحْ .. وأذا استقر الرعاة تستقر الماشية تصبح منتجة ويمكن للغرب أن يكفي السودان والدول المجاورة من منتجات الألبان واللحوم..تقول لي بترول؟؟ البترول طاير ياخ .. نحن دايرين النشاط الحياتي لأهلنا المسيرية يكون من صميم خبراتهم الأزلية - يعني رعي وزراعة كسائر أهل السودان .. عشان ما يبقي النشاط الحياتي زيت وبنزين يشغله آخرين ذوي خبرات مختلفة .. لماذا تغذي دويلة مثل الدنمارك كل أطفال العالم بالألبان بينما عندكم ثروة حيوانية تسد عين الشمش متعبنها بالمشاوير شمالاَ وجنوباً علي مدار السنة؟؟ .. تعب وقتال وحروب وقيامة قايمة !!!..
أما بخصوص الفترة المحددة، فأرجو أن تعيد فهم جوهر فكرتي .. لأن الإختلاف هو أن الإستفتاء يجعل النتيجة طرة كتابة غير معروفة حتي آخر دقيقة.. بينما أنا أقول أنه منذ البداية الناس تتفق علي إنفصال بعد ثلاثة سنين ، مثلاً، وبذا الحكومة والجمهور يكونوا مستعدين طالما الناس عارفة إنو أمريكا والحركة الشعبية هدفهما الإنفصال ويعملان سوياً من أجله ولن يسمحا بالوحدة ..
|
|
 
|
|
|
|
|
| |
Munir
فيس بوك
تويتر
انستقرام
يوتيوب
بنتيريست