يا أيها الإنفصاليون ..

Quote: لمسالة بتاعت الوحدة والانفصال ليست بالموضمع الجديد لكن جاءت منذ مؤتمر القضايا المصيرية في اسمرا 1995 وجاءت بها اتفاقية السلام الشامل 2005 يعني لينا اكثر من 15 سنة ونحن نعلم ان الجنوب ممكن يختار الانفصال يعني ما حاجة صحينا من النوم ووجدناها لكن امر دخلت الحركة السياسية بكل الوان طيفها في مؤتمرات بخصوصها لكن كلها نست اوتناست ان الانفصال قد ياتي وقد تاتي وحدة لكن صب كل اللوم على الحركة الشعبية بانها لم تعمل من اجل الوحدة كلام مردود عليه في اعلاه لان ده واجب كل سياسي سوداني وواجب كل مسؤل لكن السؤال الذي يطرح نفسه حقيقة هل نحن نؤمن بان من الممكن التواجد في وطن واحد به جميع المعتقدات والحريات ويجد فيه كل فرد نفسه وحريته في الاعتقاد وتكون المواطنة هي حق التواجد في هذا الوطن اقول ليك ممكن والدليل ان كل الاحزاب السياسية السودانية موافقة على ذلك بما فيه المؤتمر الوطني لكن ان ياتي شخص وينصب نفسه متحدث باسم كل السو\انيين ويطالب بان نذهب من بلد لنا فيها مثل ما له هذا هو الكلام الما مستوعب ان يصدر منك با عصام دهب فانحنا يا صديقي لم نرضع من ثدي امهاتنا كل هذه العنصرية لذلك عمرنا ما سالنا زول انت جنسك شنو (فانا يا عصام حتى اللحظة لا اعرف انت جنسك شنو يعني قبيلتك لانو ده الما بعرف اسال لكن الحكم بتاع العشرين سنة الفاتت بدا يؤلب الناس باسم العنصرية والحهوية وان هناك جنس اعل من جنس واعني بجنس هنا قبيلة فيا صديقس انا نشات وسط ناس لايحملون مثل هذا التعالي الخاوي تخاه الاخر مهما كان لكن انا يا صديقي الذي دفعني الي الدخول عليك في هذا البوست هو اللغة غير الموفقة التي سقت بها افكارك فهذا البلد يا عصام بلدنا وانحنا اسهمنا فيه بقدر كافي يجعلنا نحلم بان نواصل حياتنا فيه موحد ولاياتي من يمن علينا وجودنا فبه فبا عصام الملايين التي ماتت في الحرب من الطرفين اهلنا شماليين كانوا او جنوبيين يجب ان ننظر لتضحيتهم ياعز شئ عند الانسان وهو روحه فهل مات كل هؤلاء من اجل الانفصال لا يا عزيزي بل ماتوا من اجل الوحدة وحتى الشهيد دكتور والذي مات من اجل الوحدة قال احد المقربين له في برنامج تلفزيوني مشهور انه مكث مع الدكتورزهاء العشرين سنة ولم يسمع منه ولو عن طريق الخطاء كلمة انفصال اقول ليك مرة تانية ده يا عزيزي بوست غير موفق