|
|
 Re: اوباما: حريق المصحف حريق للقيم الامريكية (Re: Shams eldin Alsanosi)
|
Quote: الان ان الى ابى حنيفه ان يمدد رجليه
كيف لا يمددها والمغرم بتوصيف الاخرين بالكلاب لم يرا في كل ما كتبناه غير (النضارات)
اللهم اهدنا واهدي عبدك عمرو |
اللهم آآآآآآآآآآآمين يارب العالمين
ههههههههه أعذر ضحكتي يا أخ شمس الدين ، ولكن.... من الحِِكم التي أُحبها " إن اللبيب بالإشارة يفهم " ووالله أن هذه الحكمة قد وصفت حال البشر ، ولو أن الناس كلهم لبيبي العقل لما قيلت في الأصل.... فتأكد أخي الكريم أنني أعذرك :) وايضا لابد وأنك تعلم " بأن خير الكلام ما قل ودل ! ولكن كما يبدو أخي الكريم أن ( تطرفك ) لمفاهيمك جعلتك تهاجمني في أول مداخلة لك معي ! وتنعتني بالمتطرف !! بينما أنك تحثني على الكلمة الطيبة والمعاملة الحسنة مع أوباما وكـلابه الذين معه ! وهنا قلت أوباما وهناك أيضاً قلت أوباما ! ولا أدري إن كنت تعلم أن في كل أمة يكون فيها الخاصة والعامة ! ومثل أوباما هذا هو ليس من العامة... عموما أكمل ليك
أنت لم تعمل بقول الله عندما ضرب لنا مثلاً بنبينا الكريم ( مُّحَمَّدٌ رَّسُولُ اللَّهِ وَالَّذِينَ مَعَهُ أَشِدَّاء عَلَى الْكُفَّارِ رُحَمَاء بَيْنَهُمْ ) بل كُنت شديداً علي وأنا أخ لك في الإسلام !!! هذه هي مشكلة الكثيرون !! بمسكوا في مكان واحد من القرآن وخلااااص !!
يا سيدي ، أتيت لك بنصٍ صحيح يُعطيني الرُخصة في ما قلت فيهم -وهم الخاصة ،وتنتفي عنهم صفة الجهل بحكم أشياء كثيرة- من غيرتي على دين الله وكتابه ، وإن رأيت أن فيه خلافاً بين العلماء ، لا أعتقد أنك لا تعلم أن لا خلاف بين العلماء أن الكلمة الطيبة والمعاملة الحسنة أولى بها أخاك المسلم ، فتعلم أن تمنحها لنا حتى تتمكن من منحها لهم بالشكل الصحيح الذي يخدم الإسلام وليس بالشكل الذي يخدمهم !
أخي... باركت لك العيد مرتان أو ثلاث لا أذكر، ولكني أذكر أنني كُنت البادئ في التهنئة ، هل كلفت نفسك عناء الرد علي ؟!!
هذه مشكلة أخرى نعاني منها ! ونراها تتجسد في المنتديات ، الواحد فينا يدخل على أخوهو المسلم سالّي سيفو !! بس دفاعاً عن فكرة في راسو ! والكل خاتي في راسو طبعاً انو بدافع عن دين الله !! وهو في الأصل بدافع عن قناعة شخصية بيهو أو بمجموعة ناس بعرفهم وبسمع ليهم ومنهم !!! المهم انو يطلع كلامو هو الصح !!!!!!
ههههه يعني أنا هسي ممكن أسرد ليك من القصص والعبر التي تدل على صحة كلامك الكثير والكثير مما تركه لنا البي محمد ومما تركه لنا الصحابة ، بل مما ذكر في القرآن... وبالمقابل ممكن أجيب ليك برضو من نفس الأماكن أدلة برضو على صحة كلامي وجواز ماقلت !! وأها نقعد كدا في دواليك !! وحلقات مفرغة لا تنتهي وكلانا متمسك برأيه !!! طيب انتا ده ما عايش في هذا الزمن وللا شنو ؟! ما شايف أمريكا دي بتفتري على المسلمين كيف !! يعني هسي أنا لااااااازم اقعد اقول وأعيد في الكلام وأقول ليك انو بعد 13 سنة أنحنا أُمرنا بالجهاد ونزلت الآية ! اها الخلى الجهاد ده ربنا يأمرنا بيهو شنوووو ؟!! موش انو في من الكفرة ديل رفضوا انهم يتوقفوا عن أذية المسلمين !! أها نعمل شنو طيب ؟! نقعد كدا في زي حلاة الكلام الماسكو لينا وننتظر بس !!! طبعاً ما حتقدر تقول لأ !!
أها ياخوي انتا شفتني شايل لي رشاش ؟ مسدس ؟ قنبلة ؟ مدفع ؟ سكين طيب ؟ !!! عشان تجي تقول عني متطرف ؟!!! ياخي أنا مسلم ضعيف من العامة !! مقيد بقيود كثيرة ( لو كتبتها ليك حتجيب لي الهوا ) شايف وساكت وخانق روحي !! أها انا كان ما جيت وأخدتني الغيرة علي ديني الفضلني بيهو الله على باقي الناس المامسلمين (ونحمد الله على نعمة الإسلام) وعبرتا عن مشاعري بكلمة أو كلمتين وأنا مرخص لي بها شرعاً في ناس ما خلينا معاهم طريقة في باب المودة والرحمة الانتا ماسك فيهو ده ومافي فايدة منهم لدرجة وصلنا للذل والهوان !! أها انا اقبل وين !!!! وبعد ده تجيني انتا (والشيطان) يقول ليك امشي دافع عن دينك وماتخلي المتطرف ده يشوه سمعتو بالكلام البقول فيهو وربنا امرنا انو نكلم الناس ديل بالحسنى ووووووووو!! وانا يقول ليك شيل عليهو وأكرهو وممكن يشيلك ضدي سلاح كمان !! ويخليك تحرمني من كلمة طيبة ومعلومة مفيدة منك ومعاملة طيبة !! الجيت تحثنا عليها مع المشركين والكفرة أعداء الإسلام ! القال فيهم ربنا للرسول : ولن ترضى عنك اليهود ولا النصارى حتى تتبع ملتهم.....!!! ( طبعا مافي داعي اسرد ليك التفسير او انسخو ليك اتمنى تفهم القصد )
أها الفينا متطرف منوووو :) وذلك من خلال نفس الميزان حقك !
بعدين يا أخي دي بتتقال كدا : الان ان الى ابى حنيفه ان َيُمَد رِجليه ، ما يمدد !
وعليك الله ياخي مِدَهِن ! المشكلة وين يعني ؟ّ! ياخ مِطَهن عديييل كده كمان ! واتوهط لينا في المكان لو داير ! وكان عايز نشوف ليك طَشٍط موية دافية وحبة مِلح تَنقعن وتعمل ليك "ريلاكسنج" كمان ماعندك أي مشكلة !!
بس إن شاء الله المد ده يفيد الإسلام والمسلمين زي ما أبو حنيفة فادهم !
تخريمة : هسي عليك الله في داعي تخليني أكتب الكلام ده كلو وتتعبني التعب ده كلو !! ياخي ما تقرا بين السطور ياخي وتدور المعلومات الفي مخك عشان تلتمس قصد الناس شنو وتفهم ، بعدين تجي تتناقش معاهم :) وعلى فكرة ، انا زااااتي بلبس نضارة فما تتحسس ، وانا زاتي بقولو عني متفلسف ، واكيد انتا عارف قضية المجتمعات والنضارة...
وللمرة الرابعة يمكن : مبارك عليك العيد (وش مبتسم)
|
|
 
|
|
|
|
|
| العنوان |
الكاتب |
Date |
 اوباما: حريق المصحف حريق للقيم الامريكية | ابراهيم عدلان | 09-09-10, 05:21 PM |
| Re: اوباما: حريق المصحف حريق للقيم الامريكية | ابراهيم عدلان | 09-09-10, 05:44 PM |
| Re: اوباما: حريق المصحف حريق للقيم الامريكية | Tragie Mustafa | 09-10-10, 04:30 AM |
| Re: اوباما: حريق المصحف حريق للقيم الامريكية | mutwakil toum | 09-10-10, 05:46 AM |
| Re: اوباما: حريق المصحف حريق للقيم الامريكية | انس عمر | 09-10-10, 06:25 AM |
| Re: اوباما: حريق المصحف حريق للقيم الامريكية | عمرو علي | 09-10-10, 07:12 AM |
| Re: اوباما: حريق المصحف حريق للقيم الامريكية | عمرو علي | 09-10-10, 07:05 AM |
| Re: اوباما: حريق المصحف حريق للقيم الامريكية | Shams eldin Alsanosi | 09-10-10, 12:25 PM |
| Re: اوباما: حريق المصحف حريق للقيم الامريكية | عمرو علي | 09-11-10, 06:33 AM |
| Re: اوباما: حريق المصحف حريق للقيم الامريكية | عمرو علي | 09-11-10, 06:48 AM |
| Re: اوباما: حريق المصحف حريق للقيم الامريكية | ابراهيم عدلان | 09-11-10, 05:32 PM |
| Re: اوباما: حريق المصحف حريق للقيم الامريكية | Shams eldin Alsanosi | 09-11-10, 06:23 PM |
| Re: اوباما: حريق المصحف حريق للقيم الامريكية | عمرو علي | 09-12-10, 11:23 AM |
| Re: اوباما: حريق المصحف حريق للقيم الامريكية | Shams eldin Alsanosi | 09-12-10, 04:16 PM |
| Re: اوباما: حريق المصحف حريق للقيم الامريكية | عمرو علي | 09-13-10, 07:00 AM |
| Re: اوباما: حريق المصحف حريق للقيم الامريكية | Shams eldin Alsanosi | 09-13-10, 09:57 PM |
|
| |
فيس بوك
تويتر
انستقرام
يوتيوب
بنتيريست