|
Re: سهرة (ليالي) على النيل الأزرق برعاية صندوق دعم الوحدة... ما علاقة مضمون السهرة بدعم (الوحدة (Re: mayada kamal)
|
Quote: الصادق يا اخوي نحن حنضحك على بعض ولا شنو امريكا دي ما جنة الله في الارض فيها تمييز ضد المسلمين وكون امريكا قبلت بناء مسجد قبالة برجي التجارة اللي شهدت احداث الحادي عشر من سبتمبر دا ما بنفي صفة الدولة المسيحية عنها ولا كتر خيرها كونها وافقت ببناء المسجد كون ان اعداد المسلمين اصبح عددهم كبييييييييير ولا يستهان بيه
وبعدين اسع عيد الفطر حيصادف ذكر 11 سبتمبر حتشوف لو سمحوا للمسلمين بالاحتفال باعياد الفطر ولا لا ودا حيثبت ليك امريكا دولة مسيحية ام لا كان خلوكم تقيموا احتفالات |
ميادة
في أي حوار يجب الإلتزام بإحترام عقل الطرف الآخر، أنا أعيش في أمريكا والآن في المدينة التى أسكن فيها تدفع لنا البلدية جزء من تكاليف الإحتفال بعيد الفطر، الشئ المهم جداً، وهذا ما لن تفهميه ما لم تعيشي هنا في أمريكا، وهو كالآتي: التمييز جريمة يعاقب عليها القانون، وبالتالي أي تمييز ضد أي من المسلمين "إذا كان ببينة ودليل" سيعاقب عليه القانون.
أزيدك من الشعر بيت:
في سنة 2007 وفي نيويورك، إكتظ الجامع عن بكرة أبيه بالمصلين لصلاة العيد، وأتت الشرطة والمطافئ لتحل مشكلة الزحام، وبعد إتصالات كثيرة وفرت لنا (الكنيسة) قاعة كبيرة من قاعاتها للصلاة وصلينا فيها والحمد لله.
أها طبعاً ممكن تغالطيني لي يوم الدين، لكن وضع المسلم في أمريكا أحسن من وضعو في السودان، التمييز في السودان واضح وما داير ليهو درس عصر، أهلنا زاتم ربونا على كدا وكلمة (عب وخادم) دي بتتقال للمسلمين العاديين على عينك يا تاجر، هنا في أمريكا (يا ويلو وسواد ليلو) لو واحد بس بسبب (الدين) رفض يشغلك أو يقدم ليك خدمة، لأنو طوالي بيتم التعامل معاهو بشكل قانوني بحت وبيتم تعويضك.
نزيدك من الشعر بيت برضو
المسلم إذا دفع الزكاة في أمريك بتخصم من الضرائب، يعنى لو الواحد عليهو ضرائب 1000 دولار ودفع زكاة 200 دولار وقدم اثبات على كدة الضرائب بتاعتو بتكون 800 دولار، وأنا في السودان كنت بدفع ضرائب وزكاة.
وأديك قصيدة كاملة:
المسلمين شغالين دعوة عديل كدة للمسيحين وأمريكا بتقدم ليهم الحماية إنو يدعو للإسلام، هل السودان اليوم بيسمح للمبشرين بالعمل وسط المسلمين.
الرجاء أخت ميادة التفكير وإستعمال العقل وليس ترديد المقولات الجاهزة عن إضطهاد المسلمين والتمييز ضدهم في أمريكا، انا قابلت 35 تونسي طلبوا لجؤ لأمريكا بسبب أنهم ينتمون لتنظيم النهضة الإسلامي والذي يدعو لتطبيق الشريعة في تونس، أها لأنو الحكومة التونسية عذبتهم، أخدوا لجوء سياسي في امريكا، والآن يحملون الجنسية الأمريكية
الآن أنا كمسلم عائش في أمريكا العلمانية في وضع أحسن بمراحل من حياتي في ظل الدولة الإسلامية في السودان، والجنسية الأمريكية تعطيني حقوق للحفاظ على ديني ومعتقداتي أكثر من الجنسية السودانية، بل وهذا هو المضحك الحكومة الإسلامية تحترمني كأمريكي أكثر مما تحترمني إذا لا املك الجنسية الأمريكية.
وزي ما قلت ليكم
طبقوا الشريعة في الشمال، وخلوا الجنوب ينفصل وأكيد بعد فترة يمكن من خلال الجهاد محاربة الجنوب مرة أخري وقتل الكفار حتي يدفعوا الجزية عن يدٍ وهم صاغرون (لاحظى الجنوب دولة بترولية)، وأسر هؤلاء الكفار وإتخاذهم رقيقاً وعبيداً وإماءاً من أجل نصرة دين الله والفوز العظيم.
ونحن كمسلمين أمريكان سنؤيد وندعم العلمانية في امريكا والتى تحفظ لنا حقوقنا، وإذا حاولت دولة السودان الشمالي الإعتداء علينا (هي عارفة كويس البيحصل عشان كدة ما اظنها تفكر زاتو).
طيب الكلام الكتير دا ليه، لأنك يا ميادة من خلال (التسريبات) التى وردت إليك قلت أنك تريدين وحدة السودان، أها وحدة السودان (بشريعة المؤتمر الوطني دا (يشموها قدحة).
|
|
|
|
|
|
|
العنوان |
الكاتب |
Date |
سهرة (ليالي) على النيل الأزرق برعاية صندوق دعم الوحدة... ما علاقة مضمون السهرة بدعم (الوحدة)؟؟؟ | mayada kamal | 08-20-10, 09:22 AM |
Re: سهرة (ليالي) على النيل الأزرق برعاية صندوق دعم الوحدة... ما علاقة مضمون السهرة بدعم (الوحدة | أبو عبيدة البصاص | 08-20-10, 09:35 AM |
Re: سهرة (ليالي) على النيل الأزرق برعاية صندوق دعم الوحدة... ما علاقة مضمون السهرة بدعم (الوحدة | mayada kamal | 08-20-10, 10:00 AM |
Re: سهرة (ليالي) على النيل الأزرق برعاية صندوق دعم الوحدة... ما علاقة مضمون السهرة بدعم (الوحدة | الصادق اسماعيل | 08-20-10, 04:27 PM |
Re: سهرة (ليالي) على النيل الأزرق برعاية صندوق دعم الوحدة... ما علاقة مضمون السهرة بدعم (الوحدة | mayada kamal | 08-20-10, 06:26 PM |
Re: سهرة (ليالي) على النيل الأزرق برعاية صندوق دعم الوحدة... ما علاقة مضمون السهرة بدعم (الوحدة | Al-Shaygi | 08-20-10, 04:46 PM |
Re: سهرة (ليالي) على النيل الأزرق برعاية صندوق دعم الوحدة... ما علاقة مضمون السهرة بدعم (الوحدة | الصادق اسماعيل | 08-20-10, 06:57 PM |
Re: سهرة (ليالي) على النيل الأزرق برعاية صندوق دعم الوحدة... ما علاقة مضمون السهرة بدعم (الوحدة | mayada kamal | 08-20-10, 07:46 PM |
Re: سهرة (ليالي) على النيل الأزرق برعاية صندوق دعم الوحدة... ما علاقة مضمون السهرة بدعم (الوحدة | الصادق اسماعيل | 08-20-10, 08:17 PM |
Re: سهرة (ليالي) على النيل الأزرق برعاية صندوق دعم الوحدة... ما علاقة مضمون السهرة بدعم (الوحدة | mayada kamal | 08-20-10, 08:34 PM |
Re: سهرة (ليالي) على النيل الأزرق برعاية صندوق دعم الوحدة... ما علاقة مضمون السهرة بدعم (الوحدة | شول اشوانق دينق | 08-20-10, 09:36 PM |
Re: سهرة (ليالي) على النيل الأزرق برعاية صندوق دعم الوحدة... ما علاقة مضمون السهرة بدعم (الوحدة | khaleel | 08-20-10, 09:46 PM |
Re: سهرة (ليالي) على النيل الأزرق برعاية صندوق دعم الوحدة... ما علاقة مضمون السهرة بدعم (الوحدة | mayada kamal | 08-20-10, 09:56 PM |
|
|
|