|
يا ناس أبقو عشرة على السودان +++
|
حقيقة أنا متألم جداً من الأوضاع السائدة فى السودان .. ولاسيما مسألة إنفصال الجنوب .. وإن إنفصل الجنوب ستحدث مآسى لا تحمد عقباها .. هذا ناهيك عن مشكلة دارفور العزيزة على قلوبنا .. وخلافها .. وخلافها .. وبالأمس .. كنا فى دعوة إفطار فى منزل أحد الأحباء الغيورين على وحدة السودان .. وكان الموضوع عن مشاكل السودان .. والأغلبية .. قالوا ان الانفصال لقادم لا محالة .. ومن هنا تألمت .. وهذا الصباح تذكرت كلمات قمت بكتابتها على هذه الساحة الاسفيرية .. قبل خمس سنوات .. وهى تندد بتدخل الأيدى الأجنبية .. سواء كانت عربية أم خواجية ..
وهأنذا .. أكرر نفس الكلمات .. " خلى بالك يا بلد "
+++++++++++++
أحبائى الأجلاء ..
هذه الأحداث الأخيرة .. قد غيرت بعض المفاهيم .. والاتجاهات .. وجعلت بعض الشكوك تغزو القلوب .. ولكن الرجاء من الجميع التحلى بالصبر .. والصلاة من أجل السودان الحبيب .. حقيقة الفاجعة كانت أقوى من تصور الكثيرين .. لأننا بشر .. ولكن الله عز وجل له تخطيط آخر .. ولأسفى الشديد قرأت بعضا من المواضيع فى هذا المنبر .. تدعو الى تأجج النيران .. بدلا عن محاولة اطفائها .. فلابد وأن يكون لنا الأيمان القوى .. بأن المستقبل مازال فى أيدينا .. فعلينا أن نعمل فى صبر واجتهاد .. والا وان فلت زمام الأمور .. ستسوء الأمور .. والله وحده يعلم ببواطن الأمور ..
فلكم هذه الكلمات ..
خلى بالك .. خلى بالك يابلد ..
خلى بالك يا بلد.. ناس بره جايين دايرين يغزوا وتد خلى بالك يا بلد ... أكان فى بورسودان .. أكان فى المجلد أكان فى واو .. أكان فى القولد فتحى عينك يا بلد .. جايين يغزوا وتد.. فى نص البلد.. أبقى عشرة على البلد.. خلى بالك من الأرض.. وبالطول وبالعرض.. ..... يا ناس الكراسى .. قاعدين فوق الكراسى ... ما جايبين خبار البلد.. قاعدين تلعبوا لعبة الكراسى .. منو يقعد ومنو يقوم .. ومنو يكد الدوم .. ومنو يمسك البلد .. عشان ما يشم الورد .. يا اخوانا كله ضياع فى الوقت .. كلام فارغ .. ما ليهو حد.. قصتكم قصة .. منو السيد ومنو العبد.. وأصل القصة .. قصة الحاسد الذى حسد .. والحرب .. قالوا .. مالا الحرب !! فلان مات .. ما يموت أدفنوا ال###### .. يا ناس حرام عليكم .. يا ناس أصحوا عشان خاطر البلد.. عشان جون .. عشان محمد.. عشان ماريا .. عشان عاشه .. السودان .. حق لكل فرد.. يا ناس .. بطلوا حكم الغابة .. حكم النمر .. حكم الأسد.. حكموا الضمير ... ان كان ليكم ضمير.. قوموا .. فوتوا.. خلوا الحكم للغير.. حلوا الحكومة يا ناس الحكومة.. صفحة جديدة .. ومن أول السطر.. واحد + واحد يساوا اثنين.. وبرضو يساوا واحد .. انتخابات حرة + انتخابات حرة.. وده .. آخر كلام .. لو فعلا دايرين سلام .. انتخابات حرة جوه وبره .. وانتوا كمان .. حبابكم عشرة .. والحشاش يرمى شبكته .. انتوا كمان .. يا جوه .. يا بره .. ... كده حب البلد .. وبكده أنقذتوا البلد.. ووقفتوا الحرب .. وبكده تنجو البلد .. من الحاسد الذى حسد .. ومن ناس بره.. اللى كانوا جايين .. دايرين يغزوا .. وتد .. فى نص البلد.. .... وأخيرا أقوليكم سلام .. من واحد .. بيحب البلد .. ..... عمكم العجوز أرنست
|
|
|
|
|
|