|
أنا شُفتَ الزول العروس .. !!
|
أمبارح شفت صورتها ( العروس ) !! .. أي و الله . ............. هذه المدينة تلوك منذ أيام سيرة ( المثليين الذين تزوجوا ) .. هكذا . و ما ح أزوق الكلام .. فترنا من الدس .. تزوج رجل برجل - يقال - و في أمدرمان . لم أعر الأمر كثير بال ، فهذا البلد لم يعد فيه ما يدعو للعجب ، بداية من حاله السياسي المكعوج و ليس نهاية بالمرأة المسكينة المجنونة التي تستوقفك في عرض الطريق و تقول : ( هييي إزيك ، طلقوني امبارح !! ) . المهم .. قالت المجالس الفارغات في هذه المدينة ما مفاده أنْ : تزوج رجل من " حبيبته " الراجل التاني .. و علي شلاقتي وجدت من هو أشلق مني و يحتفظ بصورة علي هاتفه للعروسة و بعض المعازيم ( في الخلقة رجال .. لاكين لابسين حلق و بلوزة و قدومهم أحمر .. !! ) .. طيب كويس .. قال ذاك الشليق أن شليقاً آخر بعثها له ، و أن البلد كلها عندها هذه الصور العجيبة للمخاليق العجيبة .. شفت العروس ( أو سمه الزول المعرسينو ) .. يلبس زفاف .. !! .. و يضع طرحة .. و حلق في الأضان و ... مفنوس . قالت المجالس أن بوليس النظام العام أصدقاء طارق الأمين الحميمين قاموا باللازم فأمسكوا ( بالزوجين ) ، و قالوا للعريس : طلق يا زول بلاش كلام فارغ معاك !! فقال العريس : ما بطلق .. أنا صارف كتير في العرس ده .. رجعوا لي حقي !! .. علي الطلاق ما بطلق سمبلة ساكت كده . إنتهى كلام المجالس .
أنا شفت العروس .. تصدقوا و تآمنوا بالله ؟!! ولد .. رجل .. تشاهد مثله المئات في طرقات هذه المدينة المسكينة المجني عليها .. مثله مثل ملايين السودانيين في المدن النفسا مقطوع بالغم و الأزمات . ................. و بعدين .. نحنا ماشين لي وين ياخواننا ؟ ................. في مستشفى ببحري وقفت في الصف و أنا مقحوح قحة تقيلة .. جاء وقوفي بجانب أحدهم .. شكلو مااااااا راكب عدلو .. فاجأتني القحة أم عشراقة .. فقحيت قحة تقيلة .. نطّ ذلك الهناي و قال لي و هو مخلوع : ( وااااي .. جررر .. جررر ) ..
أنا جررررر يا ................. ؟؟!
|
|
|
|
|
|
|
|
Re: أنا شُفتَ الزول العروس .. !! (Re: خضر حسين خليل)
|
Quote: و بعدين .. نحنا ماشين لي وين ياخواننا ؟ |
ياعمدة طول بالك دى مشوار طويل ..لكن لى وين علمى علمك
تحياتى
________________________________ بس الصور دى مافيها اى شغل بتاع تكنولجيا ياعمدة؟ يعنى تركيب وكدا
| |
|
|
|
|
|
|
Re: أنا شُفتَ الزول العروس .. !! (Re: Emad Abdulla)
|
Quote: في مستشفى ببحري وقفت في الصف و أنا مقحوح قحة تقيلة .. جاء وقوفي بجانب أحدهم .. شكلو مااااااا راكب عدلو .. فاجأتني القحة أم عشراقة .. فقحيت قحة تقيلة .. نطّ ذلك الهناي و قال لي و هو مخلوع : ( وااااي .. جررر .. جررر ) ..
أنا جررررر يا .................... ؟؟! |
إتضايقت لكين يا عمّكـ
صباحات خير كتير كتير
| |
|
|
|
|
|
|
Re: أنا شُفتَ الزول العروس .. !! (Re: نادر النور آدم)
|
Quote: نطّ ذلك الهناي و قال لي و هو مخلوع : ( وااااي .. جررر .. جررر ) ..
أنا جررررر يا ................. ؟؟! |
محل النقط دا كان تكتبا تفش مغستك اصلا بتتمعير
كامل تضامني معك في محنتك كاااااااااااااااااااااااااك
خالص الود
| |
|
|
|
|
|
|
Re: أنا شُفتَ الزول العروس .. !! (Re: Emad Abdulla)
|
Quote: .. نطّ ذلك الهناي و قال لي و هو مخلوع : ( وااااي .. جررر .. جررر ) ..
أنا جررررر يا ................. ؟؟! |
انت قحيت و للاّ ـــ هَوهوتَ ـــ أصلو؟؟ لووووووووووول.
منتظرين الصورة يا عمدة ياخ ____ رمضان كريم و كل سنة وأنت طيب
| |
|
|
|
|
|
|
Re: أنا شُفتَ الزول العروس .. !! (Re: هواري نمر)
|
أنت بطل شلاقتك دي ياخ !!!
ثم يعني هم معترفين ؟!!!؟ بالكلام الفارغ ده ؟
Quote: و قالوا للعريس : طلق يا زول بلاش كلام فارغ معاك !! |
Quote: نطّ ذلك الهناي و قال لي و هو مخلوع : ( وااااي .. جررر .. جررر ) ..
أنا جررررر يا ................. ؟؟! |
هاهاهاهاهاها كاااااااااااااااااااااااااااااااك كنت تعضيهو ياخ لوووووووووووول
| |
|
|
|
|
|
|
Re: أنا شُفتَ الزول العروس .. !! (Re: سفيان بشير نابرى)
|
اها يا عمك بعد ما قاليك جررر حصل شنو ....؟
لو رمضان بقا الخميس حنزل ليك صورة
الرجال العرسوهم هنا في الامارات
لو فرزتهم من النسوان قول لي جرررر
اقصد النسوان السمحااااااااااااااااااات
وتصوم وتفطر علي خير ورب صائم ليس له من
| |
|
|
|
|
|
|
Re: أنا شُفتَ الزول العروس .. !! (Re: Emad Abdulla)
|
Quote: مفكر أنزل صورة العروس الممحونة دي .. موت موت حياة حياة . |
يا زول أعقلها وتوكّل ....
وبمناسبة رمضان ... إنت عندك فضل ظهر ... وإحنا ما شفنا الصورة (يعني ما عندنا ضهر)
_____ عُمدة ياخ الدوحة فاقداك يعلم الله
| |
|
|
|
|
|
|
Re: أنا شُفتَ الزول العروس .. !! (Re: محمد أبوالعزائم أبوالريش)
|
Quote: يا زول أعقلها وتوكّل .... |
عشان بعقلا .. تلقاها في الغافل يا ابو الريش .. يا زول كان قاموا رفعوا علي قضية تشهير !! مااااااا مضمونين الهنايات ديل ياخ .. إنت ما سمعت بـ ( لا .............. و لا ............. ، أو يدقك ) ؟؟؟ هسه كان قاموا دقوني ؟؟
| |
|
|
|
|
|
|
Re: أنا شُفتَ الزول العروس .. !! (Re: Emad Abdulla)
|
حبوبتي بتقول عليه ( تُس) ، وجنس الكلام ده إندثر وبقت ( الفنسة ) إستايل يا عمكـ .. زمان لامن كنا نجي الخرتوم في الإجازات ولامن نشوف واحد نضيف شديد يقولو لينا ديل ولاد نمره إتنين ( ولا الديم ) ما عارف ؟ المهم يا عمكـ الزول ده ( يسلم الزول ) يمكن نضيف ساي !! إنت كدي نزل الصورة يمكن نقدر نتأكد :) أقصد انا والشباب الفوق ديل
_______________ جيِه برنامج العيد يا مان
| |
|
|
|
|
|
|
Re: أنا شُفتَ الزول العروس .. !! (Re: خدر)
|
العماد عماد
سلام
و بعدين .. نحنا ماشين لي وين ياخواننا ؟
لا بوصلة محددة تحدد وجهة نحن رايحين وين .. و لكن رغم التشتت في الإتجاهات و تشرذم أصحاب الوجهات فإن الإجابة على هذا السؤال سيكون كقواديس الساقية : تكب ليك إجابة و قبال ما تحلل محتوياتا تجيك إجابة تانية تمسح ما قبلها و هكذا قواديسْك ( أقصد دواليك )
................. في مستشفى ببحري وقفت في الصف و أنا مقحوح قحة تقيلة .. جاء وقوفي بجانب أحدهم .. شكلو مااااااا راكب عدلو .. فاجأتني القحة أم عشراقة .. فقحيت قحة تقيلة .. نطّ ذلك الهناي و قال لي و هو مخلوع : ( وااااي .. جررر .. جررر ) ..
أنا جررررر يا ................. ؟؟!
دة حالتو قحة أم عشراقة .. يعني لو كحة ناشفة كان ....
دمتم
| |
|
|
|
|
|
|
Re: أنا شُفتَ الزول العروس .. !! (Re: Yassir Tayfour)
|
يا عمكـ .. ماشين على المغرب ياخ!
_ يا خدر .. طبعا في السعودية بنين التعامل ما بالساعة! التعامل هنا بأوقات الصلاة .. بجيكـ بعد العصر .. نمش بعد العِشا .. بين العصر والمغرب .. وهكذا دواليكـ!!
فقول للـ ### دا نحن ماشين على المغرب!!
| |
|
|
|
|
|
|
Re: أنا شُفتَ الزول العروس .. !! (Re: Rawia)
|
Quote: قلت لي قالوا ليهو الا تطلق |
أي و الله .. و عنقد عنقدة حبيبك .. راسو و ألف سيف ما يفك .. قال ( بيحبها ) .. و كمان صرف على " الجوازة " دي دم قلبو .
.......... نعمل شنو يا راوية .. بقينا طيبين خلاص .
| |
|
|
|
|
|
|
Re: أنا شُفتَ الزول العروس .. !! (Re: ابو جهينة)
|
و الله يا جلال ياخوي لخبتونا على اللخبتة العلينا ياخي .. أي شي في البلد دي بقى ما ياهو .. بقت علينا حكاية المثل داك الكعب : ( نقول تور تقولوا أحلبوه .. نقول جررررر تقولو وليداتو كم ؟ ) .. هسه وكيلك الله قاعدين ميطي ساكت ..
........... من قبيل برازي في الصورة .. أبت تنزل .. هسه لو نزلتها فيها حاجة يا جلال ؟؟
تصوم و تفطر على خير يا صاحب .. و يجعل ايامك طيبة .
| |
|
|
|
|
|
|
Re: أنا شُفتَ الزول العروس .. !! (Re: Emad Abdulla)
|
عماد
والرهط الكريم
اقول ليك شى يا عمده
طلاق بالخمسة مشتهيك عديل
ندخل فى الموضوع
انا لاحظت انه لا انت ولا بقية الرهط هنا
ما جبتو سيرة "الزول العريس"
ما كان فى الصورة ولا ده تجاهل متعمد ولا شنو بالضبط ؟
النضمى كله انصب على "الزول العروس"
عموما غايتو الوضع ما موطمئن كلو كلو
اها وقبل ما انسا برضو
انت يا عماد ساعة قحيت قوحتك ديك
اتحركت من مكانك ولا كنت "سابت"
ما شنو فى نوع قحة كده بخليك تترتر
يا لى ورا يا لى قدام
انتهى "حديس" المجالس
اما عن حديس حضرتنا
فعو
صراحتن صراحتن كده ماعندنا "مادة" نستخدما فى ما يخض موضوع خم البتاع
فالرجاء انزال الصورة
الروجال ياخ عملو انزال فى النورماندى
اتا غالبك تعمل انزال فى سودانيزاندى ؟
| |
|
|
|
|
|
|
Re: أنا شُفتَ الزول العروس .. !! (Re: Tagelsir Elmelik)
|
يا عمده الزول/ه ده/ى عندو اخت هاهاهاههاهاهاهاهاههاهاهاهههاهااه
سمعت المثل البيقول عيان .....فى ميت والميت يعيط ؟
اهو ده شغلك ده
غايتو الاردن الان ثبتت بكره رمضان انحنا ناسنا لسه ما استعدلو ...
قلت لى امدرمان اكيدالعروس من الديم اذا شفتها فى بحرى هاهاهاهاهاهاها
سمعت نميرى زمان قال ليهم زولنا وين قالو ليهو فوق قال ما مشكله هاهاهاهاها
الله يجازى محنك يا عماد...اسع ده بوست قبايل رمضان ...
انا سمعت انو السودان مستثنى السنه دى من رمضان تضامنا مع سيول باكستان ؟...
+++ عوض الله ازيك قلت لى البت البتلبس زى الراجل الكلام ده بجيب ليك هوا ما بتقدر عليهو عدلو
بسرعه قبل ما اكوتو ليك تبقى فى تحانيس ..شكل الناس مشغوله بى كلام عماد ..فالحق وكل سنه وانت طيب.
*** عماد كل سنه وانت طيب كان رمضان جاكم .
| |
|
|
|
|
|
|
Re: أنا شُفتَ الزول العروس .. !! (Re: عمر سعد)
|
أقعد إتضاحك كده يا عمر .. عالم ما عندكم خوه ..
أقول ليك أتبهدلت تقوم تقرقر ؟؟؟ و بعدين العروس من عندكم ياخ .. أمدرمانية .. تقول لي ديم و بتاع ؟؟
الفيك انعرفت يا عمر .. غايتو الله يصومك رمضان ده ساكت .
| |
|
|
|
|
|
|
Re: أنا شُفتَ الزول العروس .. !! (Re: معتصم محمد صالح)
|
قلبي ماكلني يا معتصم ياخي من حكاية الصور دي .. قول لي ليه ؟؟ ..
أولاً بالتبادي الدنيا رمضان .. تانياً .. قالوا يدهم كعبة في البُنيه .. ممكن يختها ليك تحت أضانك تنبرش إلا يودوك الضل بعد داك .. تالتاً يمكن يطلقوهو/ها . رابعا و ده المهم .. انا مالي و مال كده زاتو .
| |
|
|
|
|
|
|
Re: أنا شُفتَ الزول العروس .. !! (Re: معتصم محمد صالح)
|
Quote: في مستشفى ببحري وقفت في الصف و أنا مقحوح قحة تقيلة .. جاء وقوفي بجانب أحدهم .. شكلو مااااااا راكب عدلو .. فاجأتني القحة أم عشراقة .. فقحيت قحة تقيلة .. نطّ ذلك الهناي و قال لي و هو مخلوع : ( وااااي .. جررر .. جررر ) ..
|
الحكاية وكت بقا فيها صف,
قصة القحّة دي ما بتقسم معانا
| |
|
|
|
|
|
|
Re: أنا شُفتَ الزول العروس .. !! (Re: Marouf Sanad)
|
أهااااااااااا .. جابت ليها حيثيات يا معروف ..؟؟ الصف كان مكلوج .. و لا دوغري و لا بتاع .. و انا مدي ضهري الحيطة و تعبان من القحة ياخ .. ماشفت إلا فنيلتو صفرا .. نوع أديني حقنة ديك . أنا لو بشوف كويس بقيف هناك ؟؟ كنت مشيت شفت لي فكي للقحة بت الكـلـب دي الجابت لينا الهوا .. ميتين ابو القحة زاتا ..
.......... الزول الهناي ده إتخلع من القحة .. القححححة .
| |
|
|
|
|
|
|
Re: أنا شُفتَ الزول العروس .. !! (Re: الصادق اسماعيل)
|
أها يا عمدة, هسى الجوز اللوز ده لو فكر يخون رفيقو/تو, اها برضوا بيخونه/ا مثلياً ولا بيقوم "يستعدل"؟؟ الحكاية دى محيرانى والله, وفى هذه الحالة هل يجوز عليه ....ل أم .......لان؟؟؟ بعدي لماذا لا "يوجد صور" فى بوستك ده؟؟!!! يا أنانى.....
| |
|
|
|
|
|
|
Re: أنا شُفتَ الزول العروس .. !! (Re: طارق جبريل)
|
ياسر حامد يا نصيبة .. يعني الزول يعمل شنو هسه ؟؟
أمانةً في ذمتك دي .. ديل رجال يعني ؟؟ .. أحلف .. يكونوا مثلاص هناي في شكل بطة ؟
ياخي جهجهتو لينا رمضاننا .
يا ود يا أصلي .. ليك شوق عليم الله .. تحية ليك و المدام . تصومو و تفطرو علي خير .
| |
|
|
|
|
|
|
|