الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
عزام حسن فرح مبروووووووووووك الوليد
|
رزق الاخ عزام بمولود ذكر اسماه يوسف الف مبروك و يتربى فى عزكم ، و حمد لله على سلامة المدام . غايتو الوليد وصل يوم 25 يوليو وما سمعنا بخبر السمايه و لا فى زول نزل الموضوع فى حينه ، ألامر تم نشره اليوم بصفحة السودان (الراية القطرية) معليش غايتو جنس لوم يا بورداب الدوحة .
|
|
|
|
|
|
|
|
Re: عزام حسن فرح مبروووووووووووك الوليد (Re: الصادق صديق سلمان)
|
الـ ......... عربي السنيح
مالك؟ ناوشناك وناوشتنا هنا في البورد ده ... ولاقيناك بي خلقتك وخلقتنا .... ما بتقول شئ؟
Quote: الف مبروك يا عزام وغايتو اتلومتو يا ناس الدوحة |
أها شفت اللوم الختيتنا فيهو؟
غايتو مبروك بنقولا ليك .... ولي بت ابراهيم قبالك ... ولي أخوان يوسف
لكن بعدين بشكيك لي يوسف ده ذاااتو
| |
|
|
|
|
|
|
Re: عزام حسن فرح مبروووووووووووك الوليد (Re: هاشم نوريت)
|
والله خجلتونا ... ياخ كتر خيركُم كُلكُم جميعًا ... والما ضاق الجنا إن شاءالله يِضوقو ... عِندي بِت مِن بِت عمي ، سميتا [إيمان] مُسْتقِرة فوق الخرتوم ، بِتقرا بِهناك فنون جميلة في المُستوى التالِت -أنا يا ناس عرست عمري 21 سنة- لامِن سِمعت خبر إنو بِت إبراهيم ، تقيله قالو غِمْرت ... وقعت يابسا راااات ... قامت إتصلت بي في ذات مساء : - بابا - إزَيك حبيبي - ليه كِده يا بابا؟ صحي خالتو حامِل؟ - يا بِت البَو اليِشْرِط عدوك ... أيوه حامِل ... في شنو؟ - بس يا بابا الـ - يا بِت يا بِت ما تشوفي قِرايتك ، وخليني فوق قِرايتي البعرِفا - يعني هسِع حيكون تاني عِندنا أخو - أيوه يا إيمان يعني حيكون عِندِك أخو - هسِع أنا أقول لِصحباتي شنو يا بابا؟ - قولي ليهُم بابا زَوجتو ولدت ليهو بيبي ... بس! - ما عارفه ... رشاد دايِر يتكلم معاك - يا حاااج ... كيفك - (شوف الحَيوان ده) حاج شنو يا رشاد يا تقول لي بابا ولا يابا ولا أبوي ... ايه حاج دي؟ - طَيِب ما تزعل والله ما بقصُدا ... بس لما أتكلم معاك أو أشوفك بِتطلع مِني بِدون ما أقصُد - خلاص ... عاوِز تقول إنت كمان حاجة - والله مُباااالغة يا حا ... يا بوي - مُبالغة يا إبن الكَلب - لا لا ما بقصُد والله ... مبروك طَيِب - أُمك وين؟ - أٌُمي عِند ناس أُمها وماشين ناس حبوبه - البلد عِدمت الراجِل يا كافي البلا - قُلت شنو يا بوي - لا ماف شي ...
أها بِت إبراهيم عِندي مِنا حتو بِت بِنْاديها " دُرة " معاي بِجاي وديل ناس يابا ... لامِن عِرفت إنو أُمها أصبحت تقيله : - يابا الرسول أكان تشحد الله يِسيها بِت - يا بِت الشي مو كَدي ... البِجيبو الله كلو سمِح أكان بِت ولا ولد ... عاد بِشاوِرلو زول؟ - يابا بدورلي أُخُت توازرني ، تِمير العِده ساي بشْتن حالي ، خلو العُواسا حاماني مِن الكُواسا - والكُواسا ما بِشنِفو بيها الحُره وإنتي دُرة إنتي غُرة - لا لا يابا ... رضيني ... أشحد الله الرسول يابا - ما تشحدي إتي أنا حابِس عاد درب السما - سمِح ... وأكان جات بِت نسميها "الرِسالة" على المرحومة خالتي ، حليلا يابا - يا بِتي الأسوم كتيره - الرِسالة مالو يابا ما خالتي وأكانت بِتْريدك بِالحيل؟ - ما مالو ، عِلا أهلِك المحس الإسم ده بِذكِرُم بِفزعه العرب على الدار ، ومِن الزمن دااااك الشئ مِغلِت علينا تاااب أنا أبوك ... سوو معانا واحدة ، لِهسِع ما مرقت مِنا ... أكان جات بِت بِناديها [أو نتي] - ودي شِني دي؟ - دي معناتا [قمر السما]
| |
|
|
|
|
|
|
Re: عزام حسن فرح مبروووووووووووك الوليد (Re: عزام حسن فرح)
|
د. محمد بابِكر
Quote: وبعد يوسف انشاء ربنا يديكم خزائن الارض |
والله يا خوي أنا بعد ده دايِر أرى بُرْهَانَ ربي سااااي ...
الفوق بِت إبراهيم عاد لِحِقت حدو ... طال جفاها أريت قِليبا أسْمعني ردو ... الريل قوامو ومِتْل الحرير حليلو خدو ... يِمْه يِمْه <فُلانة> وقلبي بِهناك عدو ...
| |
|
|
|
|
|
|
Re: عزام حسن فرح مبروووووووووووك الوليد (Re: عزام حسن فرح)
|
تبارك
Quote: فى عزّك المعرفى والحضارى |
والله وِكْتين جلتْ مني بتعشما فوق ولدي ... أصلي كُنت راجي شيتًا يِنزِل علي لامِن أصل الأربعين ، وتراني وصلتها وفُتها بِغادي ... ما نزل لي شي يِقولو عليهو كَدي ... حاجات بسيطة خاصة مو عامة وحاجات كَدي لِلأقربين بس ... معقول كِده بس ... أنا بدرالدين ود الأمير ، حفيد الغُزاة العرب ، نكون في صعيد واحِد ... معليش معليش ... أها التبقى لِجنا مِن ضهري ... زي بعضو ...
| |
|
|
|
|
|
|
Re: عزام حسن فرح مبروووووووووووك الوليد (Re: عزام حسن فرح)
|
قلقو
Quote: ونحن فى انتظار عزومةالسماية |
كُنا مُتْعشِمين < وَفَدَيْنَاهُ بِذِبْحٍ عَظِيمٍ > الصافات 107 ولا زِلنا ... أخير نترَيِث في السِماية شوية ... الله بِدور يِتعرف على خلقو ... الصبُر سمِح
سيدي إبن عطاءُ الله السَكندري قال [ لا يكُن تأخُر أمد العطاء مع الإلحاح في الدُعاء موجِباً لِيأسُك ، فهو الذي ضمِن لك الإجابة فيما يختارهُ لك ، لا فيما تختارهُ لِنفسُك ، وفي الوقت الذي يُريد لا في الوقت الذي تُريد ] إنتهى مدد ... مدد ... مدد ... مدد
| |
|
|
|
|
|
|
Re: عزام حسن فرح مبروووووووووووك الوليد (Re: النذير حجازي)
|
الاخ عزام
الحمد لله على سلامـة أم يوسف والف مبروك ويربى فى عزكم إن شاء الله.. والخير على قدوم الواردين..
وأقول للأخ يوسف عزام الف حمد الله على السلامـة وشرفت الوجود وباسووردك محجوز.
يللا يا شاب عزام، إتحزم وإتلزم.. رمضان دا بالذات حتقوم الليل غصبا عنك.. والشيخ ابن عطاء الله السكندرى برضو قال: من لم يسـر الى الله بلطائف الإحسان قيد اليه بسلاسل الإمتحان.. والاخ يوسف حيكون المسحراتى بتاعكم.
| |
|
|
|
|
|
|
|