|
|
 Re: نجاد يحث الإيرانيين على الإنجاب (Re: معاذ حسن)
|
معاذ
تحياتي يا صديق
رأي في المسألة إختزله ناس حلمنتيش زمان في كلمات جميلة قالها الشاعر الحلمنتيشي الكبير ود بادي أذكر منها:
شوف كمان جنس الفصاحه
والفتاوي الماها صاحه
نحن عارفين الله اعظم
والرزق بنزل مقسم
للبجابد والمعسم
والله ما شقالو حنكاً ضيعو
والله ما سوالو طفلاً ما سقاهو ورضعو
الا اسمعو يا رفاقا
الرضاعه خشم بيوت
والربايه خشم بيوت
والمعايش ماها توت
والمعذب اخير يموت
الوليد ان كان مبرجل شن بسوي
زي كليب جربان يهوي
لا يبهرج لا يضوي
الوليد كان يربى قوي
عمله استرليني سايره يبقى صاروخ ارض جوي
النجاح مو من كتير
والكتير البشبه العرزين يطير
والبطير من ارض جاعت كان اخير
واخير اجيكم بي بشاره وقولو خير
ربنا يخلي الخواجه
ما تقيف قدامنا حاجه الا يرطن فيها حاجه
يا خلق يا عقل صبه
تلحسو الرز بالمربه
وتلدو كبه وراها كبه
عشان تقيف ما تاخدو حبه
انت يا جاموسه دري
هو اليكتح وانت ضري
وأجد أن في آخر القصيدة دعوة صريحة لتحديد النسل.
|
|
 
|
|
|
|
|
| |
almulaomar
فيس بوك
تويتر
انستقرام
يوتيوب
بنتيريست