الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: القبض على طالبة بكلية الهندسة بجامعة شهيرة تقوم بتصوير زميلها( ش.ع )عاريا داخل الكلية (Re: محمد على حسن)
|
معتصم يا صديقي تحايا ومحبه
Quote: ضبط الحرس الجامعي باحدى الجامعات الشهيرة طالبة بكلية الهندسة تقوم بتصوير زميلها ( شهادة عربية ) عاريا في منطقة معزولة من الكلية والطالب يقيم في شقة بمفرده واسرته خارج السودان . |
جوه الجامعه..؟؟ طيب الشقه البعيش فيها بمفرده مامشوا ليها ليه؟؟ وبتصوروا ليه يعني ؟؟ احتمال كانوا بعملوا (بورتريه).. ودي جامعة شنو الفيها حته طرفيه الزول يقلع فيها دي..؟؟ وعلاقة شهاده عربيه بالموضوع.؟؟ عارف يا معتصم يا صاحبي اخوك من اكتر الناس البصروا علي انه اول خطوه في طريق اصلاح الخطاء هي الاعتراف بيه.. لكن بالجد والله الاخبار الذي دي بتخلي الناس (تقل خير) البلد دي.. مودتي التي تعرف..
| |
|
|
|
|
|
|
Re: القبض على طالبة بكلية الهندسة بجامعة شهيرة تقوم بتصوير زميلها( ش.ع )عاريا داخل الكلية (Re: amir jabir)
|
استراتيجيه (التعريه) تواجهه بعده خطط اخرى , زي الاستراتيجيات الحكومه البنسع بها في تلفزيون السودان , وجميعها يؤكدأن السودان يعيش حاله غير طبيعيه , في كل مناحي الحياه.
لو مسكت اي حاجه في السودان تلقاها ما في محلها , والشاب ده ممكن يكون اتصور وداير يرسل صورتو للحكمومه , يقول ليها يا حكومه أهو انا برضو واقف ملط مش انتي لوحدك يعني ...
والله البلد دي عجيبه... , عليك الله يا معتصم تاني ما تجيب الاخبار البتسيح الركب دي مع الصبح كده , أو ما تجيبها كلو كلو ! والله القاري الكريم لو قدر وامتلك باصويرد وحدثك عن الواقع يحيرك انت ذاتك ...!!! .
القارئ عارف وشايف وحاسي , فخليه في حاله عليك الله يلقاها منك ولا من الحكومه
| |
|
|
|
|
|
|
Re: القبض على طالبة بكلية الهندسة بجامعة شهيرة تقوم بتصوير زميلها( ش.ع )عاريا داخل الكلية (Re: مجدى محمد مصطفى)
|
Quote: استراتيجيه (التعريه) تواجهه بعده خطط اخرى , زي الاستراتيجيات الحكومه البنسع بها في تلفزيون السودان , وجميعها يؤكدأن السودان يعيش حاله غير طبيعيه , في كل مناحي الحياه.
لو مسكت اي حاجه في السودان تلقاها ما في محلها , والشاب ده ممكن يكون اتصور وداير يرسل صورتو للحكمومه , يقول ليها يا حكومه أهو انا برضو واقف ملط مش انتي لوحدك يعني ...
والله البلد دي عجيبه... , عليك الله يا معتصم تاني ما تجيب الاخبار البتسيح الركب دي مع الصبح كده , أو ما تجيبها كلو كلو ! والله القاري الكريم لو قدر وامتلك باصويرد وحدثك عن الواقع يحيرك انت ذاتك ...!!! .
القارئ عارف وشايف وحاسي , فخليه في حاله عليك الله يلقاها منك ولا من الحكومه |
يا مجدي ..
دائما ما اقول ان الواقع افدح وأمر ..
| |
|
|
|
|
|
|
Re: القبض على طالبة بكلية الهندسة بجامعة شهيرة تقوم بتصوير زميلها( ش.ع )عاريا داخل الكلية (Re: يوسف محمد يوسف)
|
خبر عادى الا ان نشره غير مفيد جامعات اليوم ليست جامعات الامس التى كانت تضم اقل من خمسة الف طالب جامعات اليوم و معاهد عليا و دراسات عليا و منتسبون لا يقل عددهم عن المليون طالبا (اى 3% من سكان السودان) و لهذا من الطبيعى ان يكون منهم نسبة من (المنخرفين) تماما كمافى المجتمع العريض اخذوا الموضوع عادى يا سادة ليس فى الامر ما يثير او يقلق هذه هو مجتمعكم هؤلاء هم ناسكم ليس فى الامر عجب حتى فى المجتمع (الاطهر و الاكمل) فى دولة الرسول كان هناك من يزنى و يقترق باقى الموبقات (و الا فلمن شرعت الحدود)
| |
|
|
|
|
|
|
Re: القبض على طالبة بكلية الهندسة بجامعة شهيرة تقوم بتصوير زميلها( ش.ع )عاريا داخل الكلية (Re: فدياس نجم الدين)
|
Quote: هل إيراد هذه الجزئيه لتأكيد الصوره النمطيه لدي الكثيرين هنا
عن أخلاق طلاب الشهاده العربيه
هناك ظلم كبير يقع على المغتربين وأبنائهم هنا وفي الوطن عموماً
تحياتي لصاحب البوست |
تحياتي فدياس ..
ما تعاينو للفيل وتطعنو في ضلو ..
غالبية طلاب وطالبات الشهادة العربية يسكنون في شقق او منازل خاصة على عكس الاخرين وغالبيتهم تاتيهم مصاريف شهرية اكبر من احتياجاتهم الفعلية وتتوفر لهم احدث اجهزة الهاتف السير واللابتوبات وفوق ذلك كله لا رقيب عليهم من الاسرة او الاهل .. في اعتقادي انها اسباب كافية جدا لانحراف اي منهم خصوصا ان اغلبهم لم يتخطوا سن المراهقة ..
| |
|
|
|
|
|
|
Re: القبض على طالبة بكلية الهندسة بجامعة شهيرة تقوم بتصوير زميلها( ش.ع )عاريا داخل الكلية (Re: عبد اللطيف بكري أحمد)
|
اتخيل يامعتصم في كم واحدة شهادة عربية بتدرس هندسة في جامعة مشهورة؟؟
تخيل كم من الناس دخلتهم في أضافرهم من خبرك دا؟؟
أحسن كان تنشر أسمها وكليتها وجامعتها من التعميم المخيف دا،،
==
يامعتصم : حتى لو الخبر صحيح (ولا أشك في مصداقيتك) : أين أنت من :
Quote: وفي الصحيحين من حديث ابن عمر -رضي الله عنه- عنهما عن النبي -صلى الله عليه وسلم- أنه قال: (المسلم أخو المسلم لا يظلمه ولا يُسلمه، ومن كان في حاجة أخيه كان الله في حاجته، ومن فرَّج عن مسلم كربة فرَّج الله عنه بها كربة من كرب يوم القيامة، ومن ستر مسلماً ستره الله يوم القيامة) |
| |
|
|
|
|
|
|
Re: القبض على طالبة بكلية الهندسة بجامعة شهيرة تقوم بتصوير زميلها( ش.ع )عاريا داخل الكلية (Re: عبد اللطيف بكري أحمد)
|
والله ربنا ح يسالك سؤال نكير ...اين انت من هذا ..... ده عدم الموضوع !!!! خاف الله فى عباد الله....
وين المصدر للقصه؟؟ *****
Quote: اتخيل يامعتصم في كم واحدة شهادة عربية بتدرس هندسة في جامعة مشهورة؟؟
تخيل كم من الناس دخلتهم في أضافرهم من خبرك دا؟؟
أحسن كان تنشر أسمها وكليتها وجامعتها من التعميم المخيف دا،،
==
يامعتصم : حتى لو الخبر صحيح (ولا أشك في مصداقيتك) : أين أنت من :
Quote: وفي الصحيحين من حديث ابن عمر -رضي الله عنه- عنهما عن النبي -صلى الله عليه وسلم- أنه قال: (المسلم أخو المسلم لا يظلمه ولا يُسلمه، ومن كان في حاجة أخيه كان الله في حاجته، ومن فرَّج عن مسلم كربة فرَّج الله عنه بها كربة من كرب يوم القيامة، ومن ستر مسلماً ستره الله يوم القيامة) ] |
تحياتى للاخ عبد اللطيف بكرى احمد
| |
|
|
|
|
|
|
Re: القبض على طالبة بكلية الهندسة بجامعة شهيرة تقوم بتصوير زميلها( ش.ع )عاريا داخل الكلية (Re: معتصم محمد صالح)
|
ياحليل مولانا العميد زمان كان يقول ياناس هوي لمن الواحد تضطر زميلتو تقعد معاه لازم يكون بينك وبين زميلتك مترين !!!
بعدين التصوير في الجامعة يمكن لزوم الخلفية تكون كويسة مرات في بعض الزوايا بتكون في أشجار حلوة والصورة بيكون فيها حركة هسي يجيني واحد يقول لي حركة أكثر من انو عريان
جدودنا مما قاموا ماقاعدين يلبسوا سراويل ويوم واحد ماشفناهم قاعدين يتصوروا
اها هسي نحن قرينا اعلام والله العظيم احترت اعمل مانشيت مانشيت على طريقة عض الرجل ال###### البيدرسوه في مادة الصحافة
يعني ممكن يكون الخبر كالتالي : القبض على طالب بكلية الهندسة بجامعة شهيرة يقوم بتصوير زميلته( ش.ع )عارية داخل الكلية أيهما يصلح مانشيت ليكون اكثر توزيعاً وشهرة
وقبل هذا وذاك أتمنى أن لايكون الخبر صحيحاً
| |
|
|
|
|
|
|
Re: القبض على طالبة بكلية الهندسة بجامعة شهيرة تقوم بتصوير زميلها( ش.ع )عاريا داخل الكلية (Re: نيازي عبدالله مرحوم احمد)
|
تحياتي:
لااستبعد وقوع مثل هذه الحوادث .. ولوان الحادثه صحيحه ؟؟ فالامر يستحق تحويل من قاموا به للطبيب والباحث الاجتماعي (لانني يمكن ان افهم ممارسة الجنس داخل الجامعة اوخارجها باعتباره غريزة بشرية وحاجة من حاجيات الانسانيه التي لايستطيع البشر كبتها في بعض الاوقات والمواضع، ولكن مسألة العري والصور تدل علي ان هناك مشكلة اخري المؤهل الوحيد لفك طلاسمها الطبيب) ..
ولكن كل الاجيال التي درست في الجامعات في التسعينيات ومابعدها يعرفون الحرس الجامعي والادوار التي يقوم به منسوبوه، وخلفية الافراد الذين يتم اختيارهم للقيام بهذه المهمة، ومئات بل والآلآف الوقائع والتعديات التي يقومون بهاضد الطلاب والطالبات والتي تصل في بعض الاحيان حد القذف والتشكيك في اخلاقياتهم (في حوادث يؤخذ فيها الطلاب والطالبات بالشبهة وبالعقد والحرمان الذي يعاني منه هؤلاء)..
وعلي هذا فانا اضع دائما نسبة اكبر عند تلقي مثل هذه الاخبار لعدم صدقيتها، لانها تجئ من مصدر واحد غير محايد (بل وعدو للطلاب) ، ولان له مصلحة في الترويج لمثل هذه الاخبار (مبرر قوي لاستمرارها واستمرار القهر الذي تمارسه ضد الطلاب والطالبات) .. مع خالص احترامي
| |
|
|
|
|
|
|
Re: القبض على طالبة بكلية الهندسة بجامعة شهيرة تقوم بتصوير زميلها( ش.ع )عاريا داخل الكلية (Re: Munir)
|
Quote: الشئ التالت أن صياغة الخبر ذاتها مغرضة وتنضح حقداً علي أولاد المغتربين وتعتمد الصياغة علي الايحاءات والإيماءات الرخيصة .. حيث أن كلمة 'عارياَ' كلمة مبهمة لا تعني العري الفاحش .. وثانياً إقحام شهادة عربية هنا فيه إشارة رخيصة، وذكر الإقامة في شقة منفردة فيها إيحاء حقير ليس له علاقة بمتن الخبر، بل مقحم إقحاماً .. وذكر أن أسرته خارج السودان يعتبر همز مغرض وحاقد ..
|
يسلم يراعك أخي منير -- 25% من طلابي شهادة عربية.. لم أري فيهم غير الإحترام و الإنضباط و الإلتزام..
لما التجني علي شريحة ضحي أباؤهم لكي نعيش (نحن بالداخل) علي خيرهم.. قليل من الوفاء يكفي !!!!
| |
|
|
|
|
|
|
Re: القبض على طالبة بكلية الهندسة بجامعة شهيرة تقوم بتصوير زميلها( ش.ع )عاريا داخل الكلية (Re: ابراهيم بقال سراج)
|
بطلوا حساسيه وعقد واقعدوا في الواطه دي واقروا بان بلادنا تواجه تغيرات حقيقه بعضها خطير. يا من وصفتم انفسكم بانكم صفوة.
رغم اني ارى هذا الموضع تحديدا بزاويه متخلفه تماما واثق ان هؤلاء الضحايا اكيد كان لهم فهم آخر غير ما ذعبنا اليه فلا منطق يقول بانه طاملا لهم شقق لماذا هم في الجامعه لو رغبوا بفاحشه وانما لهم هدف آخر خاصه ان بالامر تصوير فقط!! ولاحدهم فقط!!
اما كون البلد تواجه كارثه اخلاقيه فهذه حقيقه وكما قلت من قبل كفوا عن الانتماء لقبيلة النعام ودعونا نواجه الامر بشجاعه بدون انقسامات لمعسكر نحن وانتو ولنفكر معا بانها مشكلتنا جميعا وتهمنا جميعا. اما الضحلين و المستعدين للفح الكلام دون تعمق والمستعدين لنصب المشانق فقط لمجدر انهم يختلفون مع زيد او عبيد فاليكفوا عن التداخل بمثل هذه البوستات.
معتصم هذا طوال عمره هذه نوع بوستاته واتابعها جيدا ليس فرحا بها وانما حرصا على الاطلاع لما يحدث بالداخل. الغريبه كان حبيب الكل ولم يجد نقدا....الآن انتبه جيدا لكل تداخلات كانت مباركه له وصارت ناقده...لان قصار النظر صاروا يرون ان امثال معتصم يزودن تراجي باثباتات لاحصاءاتها!!رغم معرفة الغالبيه انها لم تكن احصاءات وانما كلام عابر لم افتح به بوست ولا غيره....وانما تعليق بسيط ببوست فاتحه احمد موسى ا ل م س ت ه ب ل!! م س ت ه ب ل لانه كان فاتح بوست زي معتصم ده ومتبني ادانة كل الاطراف ومؤيد لكلام د.حرم شداد صاحبة المقال ومعترف بان ببلادنا كارثه! والبوست قاعد له فوق ال 3 ايام!!بس تراجي دخلت القيامه قامات رغم انه متداخلين كثر ايدوا نفس كلامي بس بلغتهم الخاصه!ومنهم احمد موسى للاسف امثاله يهللون لحذف بكري للبوستات لانها تخفي الادله!
يبقى يا جماعه الكلام لا عن 75% ولا 40% الكلام عن لو هي 1% فهي تهمنا ايضا ونسب تستحق البحث لمعرفة اسبابها وايقافها. لانهم شريحه مننا وتهمنا. وهذا كل ما هنالك.
فبدلا عن الانكار لنعترف بها اولا ونبحث عن الحلول ثانيا ولما قلنا بنات المركز لم نعني اعراق فالمركز تسكنه كل اعراق السودان وذكرته لان الحياة به اكثر طحنا....والريف اكثر تكافلا وهذه فروق طبيعيه بين الريف و المدن....لكن ربنا يرحم اللافحين.
| |
|
|
|
|
|
|
Re: القبض على طالبة بكلية الهندسة بجامعة شهيرة تقوم بتصوير زميلها( ش.ع )عاريا داخل الكلية (Re: محمد حسن العمدة)
|
أنا ما عندي إحصائية .. لكن بالنظر أو الملاحظة ساي للواقع كتير من المشاكل الأخلاقية وعلى مستويات عديدة إذا كان على مستوى "الجنس" أو خلافه جاية من ناس الشهادة العربية ديل، وما كلهم طبعاً ... لكن نسبة مقدرة منهم .. والكلام ده كلام حقيقي
فيبقى فتشوا عن السبب أو الأسباب، وما تنكروا الحقائق ..
ومن ملاحظتي غايتو أو في النماذج الشفتها أو سمعتا بيها ..
معظم المشاكل جاية من الناس الجاية من السعودية ثم الامارات ..
بينما الناس الجاية من بقية الخليج "قطر" وغيرها اكثر احترام "احتمال لانو عددهم شوية فما بتظهر المشاكل"
او احتمال لانو البيئة النشأوا فيها ربما أفضل ..
ما عارف غايتو لكن دي ملاحظة بس ليس إلا
| |
|
|
|
|
|
|
Re: القبض على طالبة بكلية الهندسة بجامعة شهيرة تقوم بتصوير زميلها( ش.ع )عاريا داخل الكلية (Re: Salahaldeen Nadir)
|
Quote: يقال ( والله أعلم ) أن الحكومة أوعزت للصحف التابعة لها بنشر أكبر كمية من نوعية هذه الأخبار للتغطية على الصحف التي تتحدث و تنشر ملفات الفساد و ذلك لشغل الرأي العام بموضوع آخر خلاف الفساد الحكومي ..
لهذا تجد مثل هذه الإخبار حتى في الصحف السياسية التي تتبع للحكومة بعدما كانت قاصرة على الصحف الصفراء
! |
الحكـومة دى مابغلبها اى شئ حتـى لو كـان سمعة شعبها
غايتو ياخالد الكلام دا اقررب للتصديق ..
تفاهة اخبار تحيرك فى عمـرك دا ومامحبوكة بشكل كويس,,
| |
|
|
|
|
|
|
Re: القبض على طالبة بكلية الهندسة بجامعة شهيرة تقوم بتصوير زميلها( ش.ع )عاريا داخل الكلية (Re: Abureesh)
|
Quote: ضبط الحرس الجامعي باحدى الجامعات الشهيرة طالبة بكلية الهندسة تقوم بتصوير زميلها ( شهادة عربية ) عاريا في منطقة معزولة من الكلية والطالب يقيم في شقة بمفرده واسرته خارج السودان . |
يا معتصم أنا ما فهمت الصحفي النحرير دا قصد شنو بالإشارة لنوع شهادة وسكن المجني عليه! هل معناها حاسد الشاب الفارة دا، السايب الشقة الفاضية وقالع في الكلية! ولا معناها أولاد الشهادة (الما عربية) عفيفين وما بعملوا كدا! ولا الصحفي دا خريج حاسوب قسم تشريح وموارد بشرية! ولا شنو بالظبط؟ ياخ أنا ما عارف بكري بيجيب لينا الصحفيين ديل من وين؟
| |
|
|
|
|
|
|
Re: القبض على طالبة بكلية الهندسة بجامعة شهيرة تقوم بتصوير زميلها( ش.ع )عاريا داخل الكلية (Re: Ashraf el-Halabi)
|
Quote: ما أوردنا موارد العطب والتهلكة إلا أولئك الذين يتحدثون في كبريات الأمور بدون تثبت مدعوم -بالضرورة - بـ ( إحصائيات ) أو مستند على كتاب منير . لكن ما حيلتنا لا تزال والكلمة التي تهوي بصاحبها سبعين خريفاً في جهنم سهلة على ألسنة بني قومنا يلقونها ولا يأبهون بها أو لا يرمش لهم طرف . " خواطر فجة فطيرة ، ترسل إرسالاً شططاً في طرف الإفراط وشططاً في طرف التفريط " لا يهمهم من تصيب ولا يؤرق مضاجعهم إلام تقود . كنا نظن - وظننا يبدو أنه إثم - كنا نظن أن الألفية الثالثة بثورة إتصالاتها وسهولة الوصول للمعلومة- أى معلومة - قد أفادت بني قومنا في تغيير السلوك ( الإنطباعي ) عندهم المرتبط بـ ( خمول الذهن ) والركون للمعلومة المجتمعية دون تمحيصها وفق ما يقتضيه التمحيص من تلمض وآليات . رأينا كذلك في خروج بني قومنا ( المؤلم ) من ديارهم رأينا فيه النصف الممتلئ من الكوب وقلنا أنها فرصة جيدة للاحتكاك بشعوب قد خطت خطوات واسعة في دروب التحضر ، وأن نفيد من تجاربهم المرتبطة باختصار أرجوه غير مخل بـ ( الإحصاء والمعلومة ) . لكننا نعيش هناك أجساداً فقط وعندما نناقش أمراً سودانياً نرجع بكل ( عقليتنا ) لنفس عقلية ذاك الذي لم يعرف للمعرفة سبيلاً ولم يعرف للإحتكاك بالآخر مطاراً
اللهم لا نسالك رد القضاء لكنا نسألك اللطف فيه |
شكرا عاطف .. عبرت عني بكل ما تحمل الكلمه من معنى ------------ يا الهادي : قلتا لي ناس السعوديه اول وبعدهم ناس الامارات ..؟؟ حسبي الله ونعم الوكيل فيك !
التوقيع : د.داليا كباشي /شهاده عربيه من السعوديه اخت م.ساره كباشي / شهاده عربيه من السعوديه..!
| |
|
|
|
|
|
|
Re: القبض على طالبة بكلية الهندسة بجامعة شهيرة تقوم بتصوير زميلها( ش.ع )عاريا داخل الكلية (Re: معتصم محمد صالح)
|
يا معتصم ياخ سيب الناس في حالها..... يعني كل يومين منزل ليك بوست بتاع فضايح و شيل حال ناس..... انت ممثل جريدة الدار (الشمار) في المنبر ولاٌ شنو؟ و مرات تجيب أخبار الإمارات و عدنان بريتش.... و دي بالعكس بتقلل من شأنك و إحترامك..... _______________
سؤال هسي لو (بعد عمر طويل) بإذن الله لو غادرت الدنيا الفانية..... دي فجأة الناس تتذكرك بشنو؟ ب بوستاتك دي و لاٌ تترحم عليك..... ياخ نصيحة لله و الرسول دع الخلق للخالق و أستر عورات أخيك المسلم.....
| |
|
|
|
|
|
|
Re: القبض على طالبة بكلية الهندسة بجامعة شهيرة تقوم بتصوير زميلها( ش.ع )عاريا داخل الكلية (Re: Emad Abdulla)
|
الاخ معتصم وضيوفه والعابرين كيفكم ياخي والله سببتا لي أحبط أناكنت قايل الموضوع غاية في الخطورة حسي الجريمة دي حكمها غرامة مائة جنيه وسجن شهر مع وقف التنفيذ لانها طالبة بس أخطار والي الامر عشان يجي يدفع الغرامة بالمناسبة ويطلق سراحها من قاعة المحكمة بعد دفع الغرامة أناذاتي كان عارف شهادة عربية بس قديمة انتو ليه بتعاملونا كدا وبعدين زمان صورني وكنت لبس هدوم والكاميرا كانت اللي بتطلع الصورة طولي ديك أسما بلوريد علي ماأذكر كمان في أخر المدرج والصورتني حسي مسئوؤلة كبيرة في أعلام ديوان الزكاة المهم انا غضبان جدا شهادة عربية قال !!!!!!!!!!!!
| |
|
|
|
|
|
|
Re: القبض على طالبة بكلية الهندسة بجامعة شهيرة تقوم بتصوير زميلها( ش.ع )عاريا داخل الكلية (Re: زهير عثمان حمد)
|
عن سمرة بن جندب الفزاري رضي الله عنه قال : كان رسول الله صلى الله عليه و سلم فيما يقول : ( هل رأى أحد من رؤيا ) ؟ فيقص عليه من شاء الله أن يقص وإنه قال لنا ذات غداة : ( إنه أتاني الليلة آتيان وإنهما ابتعثاني وإنهما قالا لي : انطلق وإني انطلقت معهما حتى أتينا على رجل مضطجع وإذا آخر قائم عليه بصخرة وإذا هو يهوي بالصخرة لرأسه فيثلغ بها رأسه فتدهدهه الصخرة ها هنا فيقوم إلى الحجر فيأخذه فما يرجع إليه - أحسبه قال : حتى يصح رأسه كما كان ثم يعود عليه فيفعل به مثل ما فعل المرة الأولى قال : قلت : سبحان الله ما هذان ؟ قالا لي انطلق انطلق قال : فانطلقت معهما فأتينا على رجل مستلق لقفاه وإذا آخر عليه بكلوب من حديد فإذا هو يأتي أحد شقي وجهه فيشرشر شدقه إلى قفاه ومنخره إلى قفاه وعينه إلى قفاه ثم يتحول إلى الجانب الآخر فيفعل به مثل ما فعل بالجانب الأول فما يفرغ من ذلك الجانب حتى يصح الجانب الأول كما كان ثم يعود فيفعل به مثل ما فعل المرة الأولى قال : قلت : سبحان الله ما هذان ؟ قالا : انطلق انطلق فانطلقت معهما .......................... أما الرجل الأول الذي أتيت عليه يثلغ رأسه بالحجر فإنه الرجل يأخذ القرآن فيرفضه وينام عن الصلاة المكتوبة وأما الرجل الذي أتيت عليه يشرشر شدقه إلى قفاه وعينه إلى قفاه ومنخره إلى قفاه فإنه الرجل يغدو من بيته فيكذب الكذبة فتبلغ الآفاق .رواه ابن حبان وغيره وصححه الألباني
.......... من المؤكد أن الأخ صاحب البوست مجرد ناقل ، لكن قد يكون نقله لكذبة فيساهم في أن تبلغ الآفاق ، وفي الحديث وعيد شديد لا يستهان به في تحري نقل الأخبار. ولك أن تضع احتمال أن الخبر مكذوب ومن خلفه كيد لشخص ما!!! .......... أتمنى أن تطرح مشكلات المجتمع بأنواعها وهي معروفة وواضحة، ويتم النقاش في أسبابها وطرق معالجتها ،،، .......... أشوف إن الناس هنا ينتظر منهم تقديم ما يفيد وينفع . ..........
| |
|
|
|
|
|
|
Re: القبض على طالبة بكلية الهندسة بجامعة شهيرة تقوم بتصوير زميلها( ش.ع )عاريا داخل الكلية (Re: عارف الركابي)
|
أستغرب حيقيقة من كل الناس المصره تجرم معتصم!! ومصره تقول انه مافي مشاكل تستحق التوقف.
الغرب ده يا عاطف عمر برضو علمنا انه نواجه الحقيقه قبل البحث عن احصائيات عشان ما تعمل فيها بتهبش الناس وممكن يمر كلامك من غير تمحيص.
الاحصاءات ارفع صوتك لدولتك وطالبها باحصائات وما تطالب بيها افراد.
زمان يا عضوية المنبر القديمه تحديدا لما ظلت الاستاذه نور تاور تكتب عن احوال المنافي ظلت معظم العضويه من الخليج تحديدا تطنبر لها وتطالبها بالمزيد....وناس المنافي وكندا تحديدا لا نكوا لها في بوستتها لا شتموها...ولا قالوا لها هذا غير صحيح.... رغم انها لم تكتب عن احصاءات....وانما من المجتمع العاشرته وبتعرفه!
يا ترى بقى لكم حار ليه؟؟؟انه الناس تنكش في السودان وحاله رغم اننا كننا عندنا فيه؟؟؟؟
عالم غريبه....وعجيبه....وتهوى تجاهل المشاكل...لحد ما تتطربق فوق راسكم.
| |
|
|
|
|
|
|
Re: القبض على طالبة بكلية الهندسة بجامعة شهيرة تقوم بتصوير زميلها( ش.ع )عاريا داخل الكلية (Re: سيف النصر محي الدين محمد أحمد)
|
أولا: هل إعتدت هذه الطالبه على خصوصية زميلها ام صورته بقبوله؟
إن تم التصوير بالتراضى بين الطرفين فليس لأحد الحق أن يتعرض لهما.
ثانيا :
دارسى الهندسة بكل فروعها التى تتعامل مع التصميم للأنسان من معمار وعماره داخلية وتصميم صناعى .. الخ ، دراسة جسم الانسان بالنسبة لها من الاساسيات التى لايمكن ان يكون هنالك مهندس بدرجه أكاديمية فى هذه المجالات ولم يدرس جسم الانسان (الدول التعيسة إستثناء) بالطبع.. لذا نجدها تستورد مهندسى الكفار للتصميم... أو تستهلك ماأنتجه مهندسى الدول التى لاأخلاق لها!
سنوات الدراسة الجامعية هى سنوات الأسئله والفضول والتجريب والمغامره والاختراع... فكفاكم قمعا للناس ولفضولهم ايا كانت قيمكم .. فمالم يتعرضوا لكم أتركوهم وحالهم!
دراسة جسم الانسان يمكن أن تكون عن طريق عدة تقنيات... اهما الرسم والتصوير...
ولدراسة جسم الانسان عاريا لأغراض غير حسية ولاعلاقه لها مع (الجنس) ولا (الأخلاق) تاريخ إنسانى ثرى وهام ذى تأثير فى حاة المسلمين والكفار... ومن لهم أخلاق ومن هم بدون اخلاق....
Leonardo da Vinci
| |
|
|
|
|
|
|
|