|
|
 Re: سؤال .. لماذا يعتقد البعض أن خلاص السودان من الإنقاذ يسبقه تنفيذ أمر إعتقال البشير ؟! (Re: محمد عمر جبريل)
|
| Quote: وبطن الإنقاذة ولادة .. بجيك علي أو نافع أو أو أو ... |
ده لأنك ما حِضرت زمن < عُمر محمد الطَيِب > أو حاضرو وما بِتوعاهو ... ياخ نميري مِن شِده ما كان شرِس ، بِعيونا دي 16 سنة ما شفنا فيها الصادِق المهدي أو أي أنصاري ساي حايِم في البلد ... بِعِيونا دي 16 سنة ما شُفنا فيها محمد عثمان الميرغني أو أي ختمي حايِم في البلد ... الجلابِية أُم رقبه ، حقت الختمِية والجلابِية الأنصارِية ، الخياطين مِن طولو ما خيطوهِن ، نِسو بِفصِلوها كيف زاتو ... بِعِيونا دي 16 سنة ما شُفنا فيها محمد إبراهيم نُقُد ... ما شُفنا 16 سنة أولاد الهندي ... وكُلهُم نميري دخلُمْ غصبًا عنهُم الإتِحاد الإشْتراكي كُلهُم كُلهُم ... اليَوم الوضع مرخي ... مرخي مِن الشهور الأولى ... أهو الأحزاب هايصا ... واحدين إشتروهُم وواحدين إتوالو وواحدين في البِيوت مُدمْدِمين ومُكَوِعين إيديهُم ... يا حليلو نميري لو قال كلِمة في كادُقلي تتنفذ في الخُرطوم ... البشير ليهو سنين ما قادِر يِشيل الخَيم المنصوبة في خشُم كُل وِلاية ومُحافظة وبِتشيل قُروش الناس ذندية ... البشير قبُل كَمين سنة كَدي ، طلع في التلفزيون ولغى كُل الرسوم على طريق مدني، وحياتك بعد ثلاثة أيام ، ماشي في طريق مدني شالو مني قروش في (3) نِقاط سنار ومدني وسوبا ... يا زول الإنقاذ ما زي ما إنت مُتصَوِر ، بس إنت ما شُفت الشافو القُبالك ، حتقارِن كيف ده بِده وإنت ما بِتعرِف غير ده. < ... تُؤْتِي الْمُلْكَ مَن تَشَاء وَتَنزِعُ الْمُلْكَ مِمَّن تَشَاء ... > 26 آل عِمران
ـــــــــــــ
| Quote: الإنقاذ هي خلاصة لتجربة طويلة جدا خاضها تنظيم الأخوان المسلمين |
تجرُبة شنو يا خوي ... التجرُبة دي بِتأدي لِلوصول إلى حقائِق ... الإنقاذ لو عِندها تجرُبة ما كانت قتلت أكتر مِن 2 مليون بني آدم في الجنوب والغرب والشرق وشردت قدُرُمْ. ما كانت خلت المال دَولة ... ما كان رئيسها بِطلع بِدَبا ويِدخُل بِدْبا مِتل الحرامي
ـــــــــــــ
| Quote: الحاجة التانية البتخلي الإنقاذ مازي نظام نميري .. إنها بتهبش الناس (السودانين) في وتر حساس جدا بالنسبة لينا .. وتر الدين .. والله . والرسول |
الدين الإسلامي ، في السودان < مُسَودن > لامِن ركز ، ركز بِواسطة الطُرُق الصوفِية ... وبِيوتات العِظام (ناس أنا أبوي المهدي وأنا أبوي الميرغني وأنا أبوي الهندي) كان مالكين العرض والأرض بِالدين أب نوبا وشتَمْ ده وبِرغم ده العُظامِيين سقطو كذا مره (الصادِق المهدي/الميرغني/الهندي) الدين الإسلامي في السودان لا هو وتر حساس ولا هو وتر تخين ... أمشي شِق البُطانة شوف الناس كيفِن بِتْصلي ، ذكرت البُطانة علشان مظان الأعراب ... هسِع يوم الليلة ده في زول بِقول إنو الإنقاذ بِتطبِق الدين الإسلامي؟ شوف السودان ده فوقو كم قُبة فكي وشيخ طريقة ومُعظم الطُرُق في ضلال وبعيدة عن الدين الإسلامي ... يِقول ليك ده بِطير وده بِمِش فوق الموية وده بِجيب الغايبه وده بِخلي المرا العاقِر تلِد و ... و ... و
|
|
 
|
|
|
|
|
| العنوان |
الكاتب |
Date |
 سؤال .. لماذا يعتقد البعض أن خلاص السودان من الإنقاذ يسبقه تنفيذ أمر إعتقال البشير ؟! | محمد عمر جبريل | 07-23-10, 11:38 AM |
| Re: سؤال .. لماذا يعتقد البعض أن خلاص السودان من الإنقاذ يسبقه تنفيذ أمر إعتقال البشير ؟! | محمد عمر جبريل | 07-23-10, 11:54 AM |
| Re: سؤال .. لماذا يعتقد البعض أن خلاص السودان من الإنقاذ يسبقه تنفيذ أمر إعتقال البشير ؟! | Sabri Elshareef | 07-23-10, 11:58 AM |
| Re: سؤال .. لماذا يعتقد البعض أن خلاص السودان من الإنقاذ يسبقه تنفيذ أمر إعتقال البشير ؟! | محمد عمر جبريل | 07-23-10, 01:05 PM |
| Re: سؤال .. لماذا يعتقد البعض أن خلاص السودان من الإنقاذ يسبقه تنفيذ أمر إعتقال البشير ؟! | عزام حسن فرح | 07-23-10, 01:23 PM |
| Re: سؤال .. لماذا يعتقد البعض أن خلاص السودان من الإنقاذ يسبقه تنفيذ أمر إعتقال البشير ؟! | محمد عمر جبريل | 07-23-10, 01:51 PM |
| Re: سؤال .. لماذا يعتقد البعض أن خلاص السودان من الإنقاذ يسبقه تنفيذ أمر إعتقال البشير ؟! | Mohamad Shamseldin | 07-23-10, 02:06 PM |
| Re: سؤال .. لماذا يعتقد البعض أن خلاص السودان من الإنقاذ يسبقه تنفيذ أمر إعتقال البشير ؟! | محمد عمر جبريل | 07-23-10, 02:19 PM |
| Re: سؤال .. لماذا يعتقد البعض أن خلاص السودان من الإنقاذ يسبقه تنفيذ أمر إعتقال البشير ؟! | Mohamed Suleiman | 07-23-10, 03:08 PM |
| Re: سؤال .. لماذا يعتقد البعض أن خلاص السودان من الإنقاذ يسبقه تنفيذ أمر إعتقال البشير ؟! | محمد عمر جبريل | 07-25-10, 12:19 PM |
| Re: سؤال .. لماذا يعتقد البعض أن خلاص السودان من الإنقاذ يسبقه تنفيذ أمر إعتقال البشير ؟! | عزام حسن فرح | 07-23-10, 02:31 PM |
| Re: سؤال .. لماذا يعتقد البعض أن خلاص السودان من الإنقاذ يسبقه تنفيذ أمر إعتقال البشير ؟! | عبد المنعم سليمان | 07-23-10, 03:00 PM |
| Re: سؤال .. لماذا يعتقد البعض أن خلاص السودان من الإنقاذ يسبقه تنفيذ أمر إعتقال البشير ؟! | محمد عمر جبريل | 07-25-10, 12:34 PM |
| Re: سؤال .. لماذا يعتقد البعض أن خلاص السودان من الإنقاذ يسبقه تنفيذ أمر إعتقال البشير ؟! | عثمان جلال الدين | 07-23-10, 04:19 PM |
| Re: سؤال .. لماذا يعتقد البعض أن خلاص السودان من الإنقاذ يسبقه تنفيذ أمر إعتقال البشير ؟! | Mohamad Shamseldin | 07-23-10, 11:45 PM |
| Re: سؤال .. لماذا يعتقد البعض أن خلاص السودان من الإنقاذ يسبقه تنفيذ أمر إعتقال البشير ؟! | Sabri Elshareef | 07-23-10, 11:55 PM |
| Re: سؤال .. لماذا يعتقد البعض أن خلاص السودان من الإنقاذ يسبقه تنفيذ أمر إعتقال البشير ؟! | Nasr | 07-25-10, 07:14 PM |
|
| |
عزام حسن فرح
فيس بوك
تويتر
انستقرام
يوتيوب
بنتيريست