الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: حصر بورداب الخرطوم تمهيدا لإنعقاد جمعية عمومية (Re: الشاذلى خيرى عبد الله)
|
:QUOTE بورداب الخرطوم دى...
بتشمل بورداب الأبيّض؟؟؟ الأخ عبدالحفيظ حسن.. سؤآلك ده ذكرنى بقصة او طرفة لا أدرى عن احد الفنانين الصاعدين من عندياتكم بألأبيض ..فالأخ الفنان الناشئ كان معجبا لحد الوله بالفنان حيدر بورتسودان وكان يحفظ عن ظهر قلب ويردد كل اغانى حيدر بورتسودان ولما صار الأخ الفنان نصف مشهور طلب منه اصدقائه ان يختار لنفسه اسما فنيا فما كان الا ان قال لهم لافض فوه (سمونى حيدر بورتسودان الأبيض ). دحين ياعبدالحفيظ الأبيض ياخوى خليك قاعد قبلك فى الأبيض (يعنى انت مامحسوب معانا نحن اولاد البندر).وبعدين تانيا انت جايينا ليه؟نحن قاعدين نجيكم؟ مع تحياتى .
| |
|
|
|
|
|
|
Re: حصر بورداب الخرطوم تمهيدا لإنعقاد جمعية عمومية (Re: tahani abusin)
|
!!!
Quote: في يوم من الايام أصبحنا من الصباح لقينا اسم بكتب معانا (نيك نيم) بورداب الخرطوم ..
اها ما عرفنا الطلب الاسم منو؟ ولا البكتب بيه منو ؟ رفضنا هذا الاسم جملة وتفصيلاً ..
وقام الاخ بكري مشكور بحذفه .. |
خليكي من الكلام الفاضي المغتغت وخمج ..!!
وضحي دايرة تقولي شنو !!
| |
|
|
|
|
|
|
Re: حصر بورداب الخرطوم تمهيدا لإنعقاد جمعية عمومية (Re: أنور عبد الرحمن الشيخ)
|
فاديه اليمني
مقترح اول: انا أييد وجود مكان (نادي او مركز) للملتقيات الثقافية والاجتماعية
لكى يجد فيه كل عضو من البورد اريحية بعد يوم/ اسبوع/ شهر/.. من رهق الحياة القاسي والشاق
كا ستجمامة لهم (ببرامج ثقافية، رياضية، غنائية...الخ) بنفس فكرة (بيت الفنون) كنموذج،
ويتم هذا بمساهمة من كل الاعضاء (بعد حصرهم).
مقترح ثانى:
الاتفاق و التنسيق - بأي صورة كانت - مع طارق الامين (بيت الفنون) بتخصيص يوم فى الاسبوع او الشهر للاعضاء سودانيزاونلاين.
| |
|
|
|
|
|
|
Re: حصر بورداب الخرطوم تمهيدا لإنعقاد جمعية عمومية (Re: فادية اليمني)
|
سلام العوض
الفكرة تحمل حسن النيه ولكن
أنا مثلا أكتب فى هذا الموقع ومن سكان الخرطوم
وأعتقد أى جسم أو كيان يحدد بصورة منظمة يجب أن يكون بينهم
إتفاق ومبادىء مشتركة وقيم أيضا طبعا ممكن إكونوا بختلفوا
بس ما فى الأساسيات والثوابت
دى ما بتتوفر فى بورداب منطقة واحدة خاصة الخرطوم
هناك أمنجية وأعضاء مؤتمر وطنى ما الذى يجمعنى بهم
هم أعداء بالنسبة لى كيف يستقيم أن أكون عضوة معهم فى تنظيم له جمعية
عمومية واحدة
هذا الجسم سوف يصدر قرارات بإسم بورداب الداخل
ما هى مسئوليتى عنها إذا كانت ممثلة لهم
إذا كان هناك من يرغب فى تكوين جسم يجب أن يكون له إسم
لا يشمل جميع البورداب
| |
|
|
|
|
|
|
Re: حصر بورداب الخرطوم تمهيدا لإنعقاد جمعية عمومية (Re: وليد محمد المبارك)
|
Quote: خليكي من الكلام الفاضي المغتغت وخمج ..!!
وضحي دايرة تقولي شنو !! |
دي رسالة رسلتها لمن اصبح من الصباح وكتب باسمنا دون علمنا،
عكس العوض عايز يلم الناس بعلمهم والداير يتفق حبابه والما داير برضو حباب مشيتو ..
الرسالة بتخصك ولا شنو .. ؟؟
غايتو قدر ما الزول يبيض نيته معاك يا ناذر الخليفة انت نيتك سوداء ..(على ما اظن)
والنية زاملة سيدا..
| |
|
|
|
|
|
|
Re: حصر بورداب الخرطوم تمهيدا لإنعقاد جمعية عمومية (Re: ناذر محمد الخليفة)
|
يازول هوي ، انا ما شافعة ولا إمعة انا مسئولة عن كتابتي وعن كلامي البقولوا وواعية مافي زول قاعد يقول لي اكتبي ولا اعملي ، كتاباتي وعملي البعملوا يشهد لي الجميع بيهو ..
والله انا ما بتشرف ادخل في ارشيفك وكمان ما قاعدة أقرأ بوستاتك أها..
ولا انا من نوع الناس البتقعد تفتش !! وتبحبت !! وتتناقل الكلام بالتلفونات !!
يا هي الشاشة دي قدامي والعايزاه بقولوا ..
افتكر الرسالة أدت غرضها
شكرا
---- تبلدينا بتفق معاك في كلامك 100%
| |
|
|
|
|
|
|
Re: حصر بورداب الخرطوم تمهيدا لإنعقاد جمعية عمومية (Re: Osama Siddig)
|
!!!!
Quote: ولا انا من نوع الناس البتقعد تفتش !! وتبحبت !! وتتناقل الكلام بالتلفونات !!
|
باللاي !!! الكلام دا قوليهو لي زول بياكل شعيرية !! مش ياكي إنتي القدامي دي ولا واحدة تانية ؟؟!!
Quote: والله انا ما بتشرف ادخل في ارشيفك وكمان ما قاعدة أقرأ بوستاتك أها..
|
لا دايرة تجتهدي لا دايرة تفتشي بس عاجباك كدة شغلة التبلي على الناس من طرف ؟!
خلاص أختيني بي الله واحد وطلعي سلكك من فيوز حياتي ياخ !!
صنفرة :
دي شنو اللايوقة دي !!
| |
|
|
|
|
|
|
Re: حصر بورداب الخرطوم تمهيدا لإنعقاد جمعية عمومية (Re: Dr.Ahmed Boasch)
|
ازيكم
عارفين أنا عندي احساس انو نازر الخليفة وانعام حيمورة ديل خاتننا في كمين
أوعكم واحد يدخل بيناتهم بيقومو يقبلو عليهو
لأنو علي حسب علمي القليل انو الجماعة ديل سمن علي عسل
بس حابين يدخلونا معاهم في حتات ضيقة ما عارف مااربها شنو
وكمان شامي ريحة تبلدينا بي تحت تحت
الله يهدي سر النفوس
| |
|
|
|
|
|
|
Re: حصر بورداب الخرطوم تمهيدا لإنعقاد جمعية عمومية (Re: بكري الخير)
|
سلام تاني
..Quote: لملفت للنظر ان غالبية المعارضيين تواجدهم الاجتماعى مع بورداب الخرطوم هو شبه معدوم او نادرا جدا وبلا حساسية وبكل الشفافية اخص : خضر - صفية - زينب - وليد ان استثنينا ناذر بدرجة اقل .. فهل انتم تعلمون ما اود ايصاله من هذه التخصيص.. |
تعال هنا يا صالح اقصد تبلدينا
وريني كلامي دة بيتفهم معارضة ازاي انا باختصار قلت الناس تجتمع وتقرر العاوزاه
او الله كل الاراء اللي اتقالت هنا ما بطالة بتحتاج بلورة وتوضيح رؤى ايا كان مع او ضد
اقتراحي هو اجتماع اولي لحصر العضوية ومناقشة ماذا تريد واللي حيجمع عليه الاغلبية الناس بتقبله اذا كانت قابلة فكرة التجمعات المنظمة
يا بدر الدين المحاذير واردة لكن صدقني لو في فعلا ديمقراطية وحرية تجمع و تعبير الناس ما بتمشي تكوس كيانات عشان تمارس من خلالها ودي فعلا الشي الاضر بعمل منظمات المجتمع المدني في السودان
اها دحين عشان ما يتم احتواء اي كيان نعمل من اجل وجود وطن خير ديمقراطي يسمح بحرية التجمع والتعبيرQuote:
Quote: تواجدهم الاجتماعى مع بورداب الخرطوم هو شبه معدوم او نادرا جد |
هل ندرة التواجد بتنفي الانتماء للعضوية والمكان الجغرافي كل زول عنده ظروفه اللي من خلالها يقدر متى واين يحضر/لا يحضر لكن نظل من بورداب الخرطوم
سلام
| |
|
|
|
|
|
|
Re: حصر بورداب الخرطوم تمهيدا لإنعقاد جمعية عمومية (Re: Safia Mohamed)
|
والله يا صالح يا اخوى .. يوم واحد من ما جيت (البنبــر ) ده ما لقيت ليــك كلام بالمتر قدر ده ..
انت نازل انتخابات ولا شنو ..
________________________________
والله المعبود بالحــق ( كلام سمين / مليان / سمح / ويصلح مادة لمنتدى بورداب الخرطوم الاول ..
Quote: .. . معارضة معارضة حقيقة عايز اقيف فى توجه البعض لنقطة ( المعارضة ) واتسال الناس دى بتعارض على شنو ؟؟ والاسباب شنو ؟؟ ومتين بدينا عشان تعارضو ..!!؟ والكلام دا موجه لاصدقائى المعارضيين بدون تحديد اسماء فهم معرفون هنا.. وسأتيهم لاحقا
طبعا نحن السودانيين شغالين بنظرية ( يا فيها يا نطفيها ) وهنا بتطرح عده تساؤلات هل هم معارضيين عشان الموضوع طوالى خش فى انعقاد جمعية عمومية ؟؟ ام لانهم ليس المبادرون ؟؟ او قد يكون سبب المعارضة بأنهم كان الامر فرض عليهم فرضا ؟؟ او احتمال ان يكونوا ظنوا ان تحت الاكمة ما تحتها وقد يكون هذا تنظيم سياسي حاكم ( مؤتمر وطنى) او معارض ( حركة شعبية) يدبر للامر فى الخفاء ؟؟ ام ان هى معارضة حبا فى المعارضة والصوت النشاذ ؟؟
المعروف علميا ان لكن فكرة مبتكر ولكل مجتمع قادة راى .. واناس خلقوا ليقودوا صاحب الفكرة او قائدو الرائ هم من يتبنون زمام المبادرة لخلق اى تنظيم او كيان او جسم او حتى مظاهرة .. وكخلفية لهذا الامر فقد دار فى السابق نقاش عن اشياء كثيرة منها نشاطات اعضاء المنبر الثقافية والاجتماعية وكان لابد من جسم وكيان ينظم هذاالامر .. وحتى نتحدث بشفافية .. هناك حالات كثيرة لنشاط اجتماعى تقع المسئوليات والمصروفات والتنظيم على عدد من الشخصيات والبقية يقف موقف المتفرج او المشاركـ فقط ..!! ايضا هناك عدد من المساهمات لبعض الحالات المرضية للاعضاء او مساعدات خيرية يتبناها ويقوم بها عدد محدد من العضوية..!! الافطارات الرمضانية والمناسبات واستقبال الاخوة الزوار من خارج البلاد دوما تلاحظ ان هناك شخصيات فى ركن قصى عشان تجمع الشيرنغ او عشان الشيرنغ نقص ولازم يكتمل ..!! مساهمات العضوية من الخارج او الداخل حول الدعم الانسانى غير منظم تتم دوما حسب العلاقات الشخصية مع الجهة او الشخص المتابع او صاحب الحوجة.!! المواقف التعبيرية عن راء الشعب السودانى ضد الهجمات الخارجية الإستفزازية ..!! حالات كثيرة متكررة .. ولقد دار حوار فى فترات متفاوته من ضرورة وجود كيان منظم يعمل على ترتيب هذا الجسم وتلك العضوية وتنظيم هذه النشاطات.. وذلك بتحديد النشاطات الثقافية وبرمجة المساهمات الاجتماعية وووضع الميزانية ومتابعة تحصيل الاشتراكات حتى لا تكون عائقا متكررا فى اى نشاط .. كما يساعد على تحديد المسئوليات .. الفرد والجماعة.. والمسالة عنها ..
وهذا لا يعنى ان هذا الكيان سياسي او موجه او كما يحاول البعض ان يروج او يرسل رسائل واضحة .. وبعض اخر ينظر للامر كان الموضوع متفق عليه
وللاخوة قليلى الخبرة بالعمل الطوعى والخيرى او التنفيذى السياسي والاجتماعى اوضح الاتى : 1- الجمعية العمومية لا تعنى بالضرورة انتخابات مباشرة وفورا اوتعين إدارات بل هو لقاء تفاكرى فى البدء 2- ما لم يوضع دستور للكيان او لوائح تنظيمية منبثقة من اللقاء فلن يتكون مكتب تنفيذى او امانة عامة تنفيذية. 3- لكى يتم الموافقة على قيام هذا الكيان لابد من تحديد مسمى هل هو جمعية ام منظمة مؤسسة وكلاهما له مميزاته وسلبياته 4- هذا ( المسمى ) لن يتم اعتماده لممارسة اى نشاط ثقافى واجتماعى او _ سياسي حتى_ مالم يحضرها ممثل مفوضية الشئون الإنسانية 5- لن يستطيع هذا التنظيم ان يمارس عملها مستقبلا ( استقبال ادوية ومعدات وضيوف مشاريع .. الخ ) ان لم يتم تسجيلها رسميا فى مفوضية الشئون الإنسانية وضمن منظمات العمل الطوعى. 6- العمل الطوعى الخدمى عمل تشريفى لا يجنى منه راتبا ولا منصبا.. بل هو ارهاق واجهاد استقطاع من زمن انت فى حوجه اليه 7- فى حالة تبلور الفكرة لتكوين (جمعية) يتم الاجراء عبر حصر عضوية ومن ثم ترشيح وتوصيت وانتخاب يعنى انتخابات حرة ومن يأنس فى نفسه الكفاءة والتفرغ والنشاط والحماس ويظن ان له الرغبة مع الدعم الجماهيرى وشعبيته فلن يقف شخص فى طريقه. 8- ان لم يتم ولادة هذا الكيان بهذه الصورة فهذا يعتبر كيان ناقص ولن يكون له مستقبل فى اى نشاطات مستقبلية كاحضار معدات طبية مثلا او عقد مؤتمرات وندوات وسمنارات او مساهمات خارجية او داخلية او تنظيم مسيرات سلمية للدفاع عن حق السودان ومكانته عدا ذلك فسوف يكون هذا الجسم مجرد لمات ناس عند حليوة او قندهار .. او فطور شلة فى بيت الفنون.. وهنا .. اقول لك مقام مقال ..
ختاما اقول هذا الكيان سيخلق بأذن الله ككيان طوعى خدمى اجتماعى قد يضم دستوره المشاركات الثقافية والسياسية التى تنادى من اجل وطن شامخ وطن عاتى وطن خيّر ديمقراطى... وطن مالك زمام أمرو ومتوهج لهب جمرو وطن غالى نجومو تلالى فى العالى.. ما بهمنا داخل اللجنة ان فلان هذا مؤتمر وطنى او ذاك شيوعى او الاخر حزب امه .. بهمنا اشخاص جمعهم حب الوطن وعمل الخير وخدمة الانسان السودانى البسيط ودعم السلام والتنمية والوحدة الوطنية .. سيكون هذا الكيان خير ممثل لمواقف مجموعة او طبقة او مجتمع تعبر عن نبض الشارع وحوجته.. وهو سيكون سيكون خير تمثيل للتمازج الوطنى والوحدة السياسية والجغرافية.. والتلاقح الفكرى والثقافى لمجموعة جمعهم هذا الوطن الواقعى والاسفيرى..
فلا نجد مبررا للمعارضة غير مقنعة مالم يكن هناك ضرر ولا ضرار او كما قال تروتسكى
والله من وراء القصد؛
----------
نقاط لابد من الوقوف فيها :
* الملفت للنظر ان غالبية المعارضيين تواجدهم الاجتماعى مع بورداب الخرطوم هو شبه معدوم او نادرا جدا وبلا حساسية وبكل الشفافية اخص : خضر - صفية - زينب - وليد ان استثنينا ناذر بدرجة اقل .. فهل انتم تعلمون ما اود ايصاله من هذه التخصيص..
** قد يسال سائل واين منظمة تنادينا من كل هذا ولما لا تتواصل الجهود عبراها وهذا السؤال سنجيب عليه ان طرح فى ذلك الجمعية العمومية التفاكرية التمهيدية
صالح عبدالرحمن صالح عضو اللجنة التمهيدية لخلق كيان طوعى منظم من اعضاء سودانيز اون لاين داخل وخارج السودان ..
( بالمناسبة ان اديت نفسى حق ان اكون قائد راى براااى من غير تعين ..شنو قولكم )
اعود حتماً سافعل؛
التعديل لتصحيح صياغة وحروف سقطت الواحد عربيهو فكه ويذر نظرات محمد سليمان من البعد. |
| |
|
|
|
|
|
|
Re: حصر بورداب الخرطوم تمهيدا لإنعقاد جمعية عمومية (Re: خضر حسين خليل)
|
أنا حددت أسباب إعتراضى وهوأننى لا أقبل بالتواجد فى جسم يجمع معى أمنجية
و مؤتمر وطنى. خلاف كدا كل البلد دى معاها سمن على عسل
وبالتالى ببقى الجسم ممكن إقوم بس عشان ما يدخل الناس فى إشكال
ممكن يتم إخيار إسم مشابة لمنظمة تنادينا
وإكون معروف ديل ناس سودانيز أون لاين
عن عدم مشاركتى فى التجمعات الإجتماعية
والله أنا لمن خلقت علاقات بناس سودانيز أون لاين
ديل ما كنت عضوة وكنت مدمنه على هذا المنبر وحقيقى
كان مختلف شديد .السبب الخلانى إنقطعت هو نفسة ما ذكرت
وهو أننى أكون مضطرة أصافح أمنجى وهذا ثقيل جدا على
وحقيقى هناك الكثير من المناسبات ندمانه إنى ما حضرتها
بس أهو تقول شنو ما بقدر إمد يدى للقتلة وكمان أتبسم ليهم
وإحتمال أكون قاعدة مع واحد فى تربيزة واحدة
| |
|
|
|
|
|
|
Re: حصر بورداب الخرطوم تمهيدا لإنعقاد جمعية عمومية (Re: ناذر محمد الخليفة)
|
Quote: باللاي !!! الكلام دا قوليهو لي زول بياكل شعيرية !! مش ياكي إنتي القدامي دي ولا واحدة تانية ؟؟!! |
Quote: لا دايرة تجتهدي لا دايرة تفتشي بس عاجباك كدة شغلة التبلي على الناس من طرف ؟!
خلاص أختيني بي الله واحد وطلعي سلكك من فيوز حياتي ياخ !! |
Quote: دي شنو اللايوقة دي !! |
واغتيال الشخصية البتمارسوا علي من زمان لا انت ولا مليون زيك بقدروا عليه!!!
لاني بعرف اتعامل مع نوعك دا في كل الظروف والاحوال ..
ومش بودراب الخرطوم ديل اصلي ما بخليهم مهما جقلبت
--- ورحم الله امرئ عرف قدر نفسه
| |
|
|
|
|
|
|
Re: حصر بورداب الخرطوم تمهيدا لإنعقاد جمعية عمومية (Re: ناذر محمد الخليفة)
|
ناذر .... انعام ...
كان جادين في الموضوع ده .... صدقونى ما بشبهكم ..
قولوا بسم الله .. وانعلوا ابليس .. وما تعكروا الجو اللذيذ ده ..
اما لو .. عايزين تبوظو اعصابنا .. يبقى ده شيء تاني ..
نحن ما بنرضى زعل الاخوان ..
كدي خلو البتسوه فيهو ده .. وامرقو على ضيوفكم الجاينكم ..
قولوا يا لطييييييييف ...
| |
|
|
|
|
|
|
Re: حصر بورداب الخرطوم تمهيدا لإنعقاد جمعية عمومية (Re: عفاف الصادق بابكر)
|
Quote: الملفت للنظر ان غالبية المعارضيين تواجدهم الاجتماعى مع بورداب الخرطوم هو شبه معدوم او نادرا جدا وبلا حساسية وبكل الشفافية اخص : خضر - صفية - زينب - وليد |
مرحب تبلدينا
كان المقصود بالتواجد الاجتماعي قعدات الانس والونسة والفرفشة والرحلات فانا بقول ليك صدقت ولا مهتم اساسا اني اكون متواجد في الجلسات دي افضل اني اقضي الوكت ده مع اولادي في البيت
اغلب المناسبات الخاصة مشت ليها قدر استطاعتي
المهم ده ما بنفى اني من سكان الخرطوم وومن بورداب اون لاين في نفس الوكت بالتالي من بورداب الخرطوم ومعترض على ادارة وتصرفات بعض البورداب ومحاولتهم السيطرة على المجموعة على الاقل عشان معارض عشان اوري انهم الناس القاصدهم ديل لا يتحدثون باسمي حتى الان
انا جاي الاجتماع ده كمعارض عشان تتخت لوائح واضحة اقبل بيها وبعد داك اكون مسئول مع المجموعة عن اي تصرف يصدر باسم بورداب الخرطوم عبر الكيان المفترض يقوم ده
حقي ولا ما حقي ؟!
| |
|
|
|
|
|
|
Re: حصر بورداب الخرطوم تمهيدا لإنعقاد جمعية عمومية (Re: وليد محمد المبارك)
|
الاخوة والاخوات بورداب الخرطوم الذين تداخلوا هنا والذين يتابعون بدون ان يتداخلوا في هذا البوست اقول الاتي وشاكرا حسن متابعتكم .. 1- اقسم بالله العظيم ان هذا البوست فتحته رغبة مني في لم شمل بورداب الخرطوم ولاهدف غير ذلك .. 2- هذا البوست لم يقم علي شللية او تكتل بل قام علي فكرة اليد الواحدة ما بتصفق .. 3- القصد من هذا البوست هو سماع كل وجهة نظر بورداب الخرطوم في هذا الامر لانه امرهم ولا يقوم الا بما يرونه هم .. 4- القصد كذلك قيام جمعية عمومية اذا وافق عليها بورداب الخرطوم لتختار مكتب يدير عملها .. 5- شخصيا مع المجموعة في كل ما تتفق عليه ...
| |
|
|
|
|
|
|
Re: حصر بورداب الخرطوم تمهيدا لإنعقاد جمعية عمومية (Re: أحمد عامر أريا)
|
Quote: الاخوة والاخوات بورداب الخرطوم الذين تداخلوا هنا والذين يتابعون بدون ان يتداخلوا في هذا البوست اقول الاتي وشاكرا حسن متابعتكم .. 1- اقسم بالله العظيم ان هذا البوست فتحته رغبة مني في لم شمل بورداب الخرطوم ولاهدف غير ذلك .. 2- هذا البوست لم يقم علي شللية او تكتل بل قام علي فكرة اليد الواحدة ما بتصفق .. 3- القصد من هذا البوست هو سماع كل وجهة نظر بورداب الخرطوم في هذا الامر لانه امرهم ولا يقوم الا بما يرونه هم .. 4- القصد كذلك قيام جمعية عمومية اذا وافق عليها بورداب الخرطوم لتختار مكتب يدير عملها .. 5- شخصيا مع المجموعة في كل ما تتفق عليه ... |
اخوى المسلمى اصلو تبلدينا امنجهى للنهاية وبحب التنظير سيبك منو وبعدين هو سبب شعللة النيران الفى البوست دا اصلو الود يتيم ماتؤاخذو
تخريمة امنجهى يعنى شنو
| |
|
|
|
|
|
|
Re: حصر بورداب الخرطوم تمهيدا لإنعقاد جمعية عمومية (Re: نجاة محمد بابكر)
|
Quote: الاخوة والاخوات بورداب الخرطوم الذين تداخلوا هنا والذين يتابعون بدون ان يتداخلوا في هذا البوست اقول الاتي وشاكرا حسن متابعتكم .. 1- اقسم بالله العظيم ان هذا البوست فتحته رغبة مني في لم شمل بورداب الخرطوم ولاهدف غير ذلك .. 2- هذا البوست لم يقم علي شللية او تكتل بل قام علي فكرة اليد الواحدة ما بتصفق .. 3- القصد من هذا البوست هو سماع كل وجهة نظر بورداب الخرطوم في هذا الامر لانه امرهم ولا يقوم الا بما يرونه هم .. 4- القصد كذلك قيام جمعية عمومية اذا وافق عليها بورداب الخرطوم لتختار مكتب يدير عملها .. 5- شخصيا مع المجموعة في كل ما تتفق عليه ... |
نحنا حنجى نسمع ونشوف والروية حتكون واضحه والطبخه حتظهر وزى ماقال مهدى الله علية السلام لكل وقت ومقام حال ولكل زمان واوان رجال نتمنى من الله بان تكون جلسة تفاكرية ليس الا لانو جمعية عمومية دا نحنا زاتنا عاوزين نعرف فهما دا كيف هل جمعية عمومية لانتخاب عمده للبورداب هل جمعية عمومية ساكت كدا وانتخابات صورية ونتتخب رئيس وامين عام وامناء مكاتب ونجيز لائحة جاهزه الشى التانى ياشيخ العوض ماتفهمنى غلط القصد وضح من جمع اسماء بورداب الخرطوم من اعضاء سودانيز اون لاين وافهم بقى اوضح ومنذ متى كان بورداب الخرطوم يجتمعون دا يعنى نحنا حنشوف غواصات كتيره والاعلام الالكترونى بتاع المؤتمر الوطنى كبر وياشيخ العوض المعلومات العندى حقولها فى اللمه انو فى توجيهات من فوق وتوجيهات واضحه لاختراق سودانيز اون لاين واتمنى ماتفهمنى غلط وهل بورداب سودانيز اون لاين ال15 او ال20 الجيجتمعو ديل من حقهم اختيار جمعية عمومية المجموعة قالت رايها واضح للمجامله ولا لشخصنة الامور وفى ملفات كتيره حتتفتح وحتعمل مشاكل وحتزيد الطين بله وبدل ما الناس تجتمع الناس حتختلف والكلام الفى البوست دا يكفى
| |
|
|
|
|
|
|
Re: حصر بورداب الخرطوم تمهيدا لإنعقاد جمعية عمومية (Re: محمد عادل)
|
Quote: نحنا حنجى نسمع ونشوف والروية حتكون واضحه والطبخه حتظهر وزى ماقال مهدى الله علية السلام لكل وقت ومقام حال ولكل زمان واوان رجال نتمنى من الله بان تكون جلسة تفاكرية ليس الا لانو جمعية عمومية دا نحنا زاتنا عاوزين نعرف فهما دا كيف هل جمعية عمومية لانتخاب عمده للبورداب هل جمعية عمومية ساكت كدا وانتخابات صورية ونتتخب رئيس وامين عام وامناء مكاتب ونجيز لائحة جاهزه الشى التانى ياشيخ العوض ماتفهمنى غلط القصد وضح من جمع اسماء بورداب الخرطوم من اعضاء سودانيز اون لاين وافهم بقى اوضح ومنذ متى كان بورداب الخرطوم يجتمعون دا يعنى نحنا حنشوف غواصات كتيره والاعلام الالكترونى بتاع المؤتمر الوطنى كبر وياشيخ العوض المعلومات العندى حقولها فى اللمه انو فى توجيهات من فوق وتوجيهات واضحه لاختراق سودانيز اون لاين واتمنى ماتفهمنى غلط وهل بورداب سودانيز اون لاين ال15 او ال20 الجيجتمعو ديل من حقهم اختيار جمعية عمومية المجموعة قالت رايها واضح للمجامله ولا لشخصنة الامور وفى ملفات كتيره حتتفتح وحتعمل مشاكل وحتزيد الطين بله وبدل ما الناس تجتمع الناس حتختلف والكلام الفى البوست دا يكفى |
والله يا محمد مداخلتك قلبتها جاي جاي حيرني للدين ما أكضب عليك!
إنعام وناذر بالله يا جماعة خففو البنزين شوية رجاءاً.
| |
|
|
|
|
|
|
Re: حصر بورداب الخرطوم تمهيدا لإنعقاد جمعية عمومية (Re: شول اشوانق دينق)
|
بصفتي يوما ما - كان الله مد في العمر - حا أكون من بورداب الخرطوم ، اسمحو لي أدخل خشمي معاكم : والله مافي أي داعي لقصة حصر البورداب و تكوين أجسام و رئيس و نايبو و سكرتير و كلام غير المشاكل - و اللي الناس كلها ما ناقصها - ما حا يعمل شئ : واقعيا مافي حاجه لامه الناس دي غير وجودها في محيط جغرافي معين و كتير من بورداب الخرطوم بينهم ما بينهم من المشاكل و الاتهامات و الكلام الفارغ الوصل مرحلة الطعن في الشرف و الأتهامات بانو ده أمنجي وده غواصه و ده شنو ما عارف !! الناس لما تعمل ليها جسم جامع بيكون في حد أدني من الاتفاق بينهم : بورداب الخرطوم تحديدا مافي حد أدني لاتفاق بينهم لكترة عددهم و طبيعة وجودهم في السودان بتخلي قصتهم مختلفه تماما عن أي بورداب في أي حته تانيه . واضح إنو في ناس الناس كلها متفقه عليها (العوض و شول و د.داليا مثلا ) خلو الناس دي براها منها و فيها يشرفو علي تنظيم المناسبات و يحددو الحاجات و منو يعمل شنو و الشير كم و باقي التفاصيل التانيه : الناس تتلم و تقضي وقت ظريف و كل زول يتفضل يمشي اهلو ، قصة تنظيم و تكوين أجسام و لجان و ...... كان ما فرقت بين الناس ما ممكن تلمهم !!!
| |
|
|
|
|
|
|
Re: حصر بورداب الخرطوم تمهيدا لإنعقاد جمعية عمومية (Re: شول اشوانق دينق)
|
شايف البوست دا ماشي كويس بدون مشاكل وقلت أحسن أعمل فيهو مشكلة عنصرية جهوية وتاني شنو كدا ما عارف عشان التعليقات تكتر وتلقوا ليكم حاجة تشغلكم لأن الكثيرين لا شغل لا مشغلة 1- ابراهيم عبدالله بقال سراج / الفاشر - نيالا / ج و ش دارفور الحكاية لعيال وبنات الخرتوم إنت الدخلك شنو يا بقال ولا عاوز تشيل المواسير وتجيبها الخرتوم يا زول أرعى بقيدك ألمي حامي ولا لعب قعونج 2- صلاح غريبة وعمنا عبد الحفيظ لن نقبلكم أعضاء إلا بعد أن تصلكم كهرباء مروي وموية كوستي ودي طبعاً رابع المستحيل 3- يا بت كوستي النسيت اسمك خليك هناك أكلي السمك والباعوض ياكلك ما تعملي لينا زحمة في خرطوم أحمد 4- طبعا ناس الخرتوم ذاتهم خشوم بيوت يعني ناس حي .... زي ناس حي .... ولا أنا غلطان
كدا سخنت ليكم البوست وورونا غضبتكم العنترية
أما الناس القالوا الحكاية سياسة وكلام فارغ من النوع دا ما الواحد فيكم يقعد في بطن بيتهم في زول حيجي يجرك من بيتكم علك ما جيت يا ملاسي مش اللقاء الكان في حديقة الرياض ولا الطفل كان مزبوط وكله تمام؟ ولا أنا غلطان
أنسوا السياسة وتعالوا اتونسوا في الله قال والرسول قال.. أحكوا تجاربكم لبعض عشان الما عارف يعرف والما ناقش ينقش ويستفيد والداقس تصحوه .. وإمكن يحصل خير وتبقى معرفة لقدام
طبعاً نفخت جضومك وقلت الزول دا قاصد شنو؟ قاصد أفرق عليكم شوية من التنشنة الما عارفين ليها جهة خليكم مع الزمن
سلام يا غريبة ليك وحشة لكن لو جيت الخرتوم أحسن تخرف في الأبيض وبعد الخريف تجي لأن الخرتوم زي نار جهنم
تحياتي للجميع
| |
|
|
|
|
|
|
Re: حصر بورداب الخرطوم تمهيدا لإنعقاد جمعية عمومية (Re: cantona_1)
|
Quote: شايف البوست دا ماشي كويس بدون مشاكل وقلت أحسن أعمل فيهو مشكلة عنصرية جهوية وتاني شنو كدا ما عارف عشان التعليقات تكتر وتلقوا ليكم حاجة تشغلكم لأن الكثيرين لا شغل لا مشغلة 1- ابراهيم عبدالله بقال سراج / الفاشر - نيالا / ج و ش دارفور الحكاية لعيال وبنات الخرتوم إنت الدخلك شنو يا بقال ولا عاوز تشيل المواسير وتجيبها الخرتوم يا زول أرعى بقيدك ألمي حامي ولا لعب قعونج 2- صلاح غريبة وعمنا عبد الحفيظ لن نقبلكم أعضاء إلا بعد أن تصلكم كهرباء مروي وموية كوستي ودي طبعاً رابع المستحيل 3- يا بت كوستي النسيت اسمك خليك هناك أكلي السمك والباعوض ياكلك ما تعملي لينا زحمة في خرطوم أحمد 4- طبعا ناس الخرتوم ذاتهم خشوم بيوت يعني ناس حي .... زي ناس حي .... ولا أنا غلطان
كدا سخنت ليكم البوست وورونا غضبتكم العنترية
أما الناس القالوا الحكاية سياسة وكلام فارغ من النوع دا ما الواحد فيكم يقعد في بطن بيتهم في زول حيجي يجرك من بيتكم علك ما جيت يا ملاسي مش اللقاء الكان في حديقة الرياض ولا الطفل كان مزبوط وكله تمام؟ ولا أنا غلطان
أنسوا السياسة وتعالوا اتونسوا في الله قال والرسول قال.. أحكوا تجاربكم لبعض عشان الما عارف يعرف والما ناقش ينقش ويستفيد والداقس تصحوه .. وإمكن يحصل خير وتبقى معرفة لقدام
طبعاً نفخت جضومك وقلت الزول دا قاصد شنو؟ قاصد أفرق عليكم شوية من التنشنة الما عارفين ليها جهة خليكم مع الزمن
سلام يا غريبة ليك وحشة لكن لو جيت الخرتوم أحسن تخرف في الأبيض وبعد الخريف تجي لأن الخرتوم زي نار جهنم
تحياتي للجميع |
علي الأيمان إنت الذ زول !!
| |
|
|
|
|
|
|
Re: حصر بورداب الخرطوم تمهيدا لإنعقاد جمعية عمومية (Re: cantona_1)
|
Quote: 1- ابراهيم عبدالله بقال سراج / الفاشر - نيالا / ج و ش دارفور الحكاية لعيال وبنات الخرتوم إنت الدخلك شنو يا بقال ولا عاوز تشيل المواسير وتجيبها الخرتوم يا زول أرعى بقيدك ألمي حامي ولا لعب قعونج |
يكفيني شرفاً انني كنت رئيساً لبورداب الخرطوم لاكثر من سنتين واستطعت في تلك الفترة لم شتات البورداب في اكثر من لقاء ولا سيما لقاءات الافطارات الجماعية في بيت الفنون ( بيت بكري ) ولقاءات قندهار وغيرها الان انا في دارفور منذ ثلاث اشهر
والمثل بيقول البحر الما فوقوا تمساح يقدل فيه الورل
او الغابة الما فيها اسد حمار ببقي ملك
| |
|
|
|
|
|
|
Re: حصر بورداب الخرطوم تمهيدا لإنعقاد جمعية عمومية (Re: منتصرمحمد زكى)
|
الحبيب أمين محمد سليمان بعد السلام.
حأرد عليك بصراحة لكن لو الجماعة شمروا عن سواعد الجد وهاجموني تتولى مهمة الدفاع عني وتشوف ليك جكسوية معاك عشان في واحدين بخافوا من العوين وكبكابات محل ما العوين يميلن بميلوا معاهن يعني ذنب ديك.
كنا من المؤسسين للبالتوك وصلنا وجلنا وتعرفنا على ناسات كتار (ناسات جمع عوين ورجال). مفروض تكون عرفت عوين يعني شنو؟ (دي جمع إمرأة). وبعدين انشغلنا بأمور الدنيا
بعد فتح المنبر دا دخلناه مع الفاتحين وبعدين لقينا الكلام كله أشتر وواحدين شغالين بنظرية خالف تذكر أو تعرف. والأدهي وأمر تجد في المنبر من يغالطك في النظرية النسبية وهو لا يعرف الفرق بين همزة الوصل وهمزة القطع. بل يفقع مرارتك ويكتب ليك هذا بالزين (هزا).
يعني الواحد ما بعرف الفرق بين الألف وكوز الذرة ويتكلم عن الطاقة الذرية ويهاجم الصادق المهدي والترابي وعمر البشير ونقد وقرنق والميرغني وحركات دار فور باختصار ما تعرفه شايت على وين! والزي دا ممكن تصيبك منه نيران صديقة لا إيدك ولا رجلك.
أنا يا عزيزي المفضال ساكن في شنطتي محل ما الشمس تغيب ببيت. كم شهر في الخرتوم وكم شهر في أم طرقاً عراض وكم شهر في لندن (شفت القفزة النوعية دي!). في الخرتوم النت تسل الروح وكمان بكون مشغول مع المعايش وعارف ناس السودان وعدم إهتمامهم بالوقت.
طبعاً ما تتوقع (أم طرقاً عراض) يكون فيها تلفون ولا نت بس بكون مع بقري وغنمي وحصاني وكلاشي. يعني بكون مرتاح 24 قيراط. بشرب الحليب وباكل أم حليبين وما بنكون عارفين هو الحاكم السوداني عبود ولا نميري.
(واحد بلدياتنا خرج من وسط الصفوف في ميدان الإحتفال وكان الذي يتحدث عمر البشير، خرج الرجل هاتفاً: (عاشت ثورة مايو ... عاش الرئيس النميري). ضحك البشير ونبهه أن الرئيس أنا عمر البشير. رد بلدياتي قائلا: (أوب سوري أنا غلطان). بالله ديل مش مرتاحين ضميرياً على أقل تقدير؟
اليومين ديل مرطب في لندن. وعندي فراغ كبير قلت اشاغل ناس المنبر وأعمل مشاغبات ممكن أطلع لي بصاحب صاحبين... أها لقيتك إنت وشايفك من ناس خرطوم أحمد بعدين لمن أرجع نتقابل إن شاء الله. دا حيكون بعد 15 أكتوبر القادم بقدرة الله.
كمان لقيت الأعجمي عزام زول كويس ممكن نتواصل معاه. الأكثر فائدة عندي صاحبي كان رايح مني من سنة 1977 لقيتوا في البورد ودي حسنة للمهندس أبو بكر.
لك التحايا والود.
يا بقال لو ما حليت مشكلة الناس بتاعين المواسير ورجعت ليهم قروشهم - ما تقول لي ما شلتها إنت- كان شلتها كان ماشلتها تشوف طريقة ترجعها ليهم وبعدين تجي الخرطوم. وبهذه المناسبة أنا طالبك عزومتين لكن مش في قندهار أنا بتاع الساحة اللبنانية وروتانا وبرج الفاتح. شوف غيري توديهو قندهار.
طبعاً ما بتكون نسيت وصية ناس الغرب لأولادهم لمن يجوا الخرتوم: بقولوا ليهم أوعكم من 3 حاجات: البحر وشارع الزلط وبنات الخرتوم. الوصية دي ماسكها ولا فكيتها يا بقال؟
(العوج راي والعديل راي)
| |
|
|
|
|
|
|
Re: حصر بورداب الخرطوم تمهيدا لإنعقاد جمعية عمومية (Re: cantona_1)
|
كونتا يا حبيبنا ، أنا عرفتك زول قديم و قديم جدا كمان لانك مسجل بنك نيم و بتاريخ قديم ، بس استغربت انك ما كتبت هنا ليك فتره طويله و ما شفت ليك مداخله قبل كده ، فعذرا يا شيخنا .
أنا قاعد محشور وسط بورداب الخرطوم باعتبارهم حبايبنا و اخوانا لكن أنا ما مقيم في السودان الشقيق . أنا مفكر و أديب و صحفي ناشط في حقوق الانسان أعمل و أقيم في الشقيقه أمريكا و لسه الدكتوراه حقتي حبرها ما نشف : أختها قبل كم يوم كده عقبال عندك . هسي بالله شوف لينا طرف موضوع نحتل بيه البوست ده لحدي ما أسيادو يجو الصباح !!
| |
|
|
|
|
|
|
Re: حصر بورداب الخرطوم تمهيدا لإنعقاد جمعية عمومية (Re: أمين محمد سليمان)
|
كتب الا خ امين وانا اتفق معاه *****
Quote: والله مافي أي داعي لقصة حصر البورداب و تكوين أجسام و رئيس و نايبو و سكرتير و كلام غير المشاكل - و اللي الناس كلها ما ناقصها - ما حا يعمل شئ : واقعيا مافي حاجه لامه الناس دي غير وجودها في محيط جغرافي معين و كتير من بورداب الخرطوم بينهم ما بينهم من المشاكل و الاتهامات و الكلام الفارغ الوصل مرحلة الطعن في الشرف و الأتهامات بانو ده أمنجي وده غواصه و ده شنو ما عارف !!
|
**** ما فى داعى للحصر ... اخاف عليكم من الصراعات والتصنيفات و السيطره الموجهه .. خليكم كده ...بلا زمان ولا مكان...
| |
|
|
|
|
|
|
Re: حصر بورداب الخرطوم تمهيدا لإنعقاد جمعية عمومية (Re: عبير خيرى)
|
أها يا العوض ..
عندي إقتراح ..
الناس تتفق على يوم معين يجوا فيهو كل البورداب عشان نجتمع ونحدد الدايرنو شنو والمادايرنو شنو ..!!
أنا بقترح بيت الفنون بيت البورداب يكون هو مكان التجمع ..
ولا حكاية الناس تجتمع دي بدري شوية عليها ونواصل في البوست شوية ..!!
| |
|
|
|
|
|
|
Re: حصر بورداب الخرطوم تمهيدا لإنعقاد جمعية عمومية (Re: العوض المسلمي)
|
Quote: أنا مفكر و أديب و صحفي ناشط في حقوق الانسان أعمل و أقيم في الشقيقه أمريكا و لسه الدكتوراه حقتي حبرها ما نشف : أختها قبل كم يوم كده عقبال عندك .
|
الدكتور أمين محمد سليمان ... ألف مبروك وعقبال البروفيسورشب. بس ما تعكر مزاجك بحكاية حقوق الإنسان دي. ناس العالم الأول ماخدين حقوقهم. وناس قريعتي راحت في العالم التالت في ناس ماخدين ليهم حقوقهم بالإنابة وهم راضين غصباً عنهم. فما تشيل همهم.
بعدين قول الدكتوراة بتاعتك في شنو؟ ما تكون في كسر همزة إنّ؟ أو في سنن الوضوء؟
تالت هام: بقول ليك أنا راعي بقر وغنم تقول لي عقبال عندك. بدل الدكتوراة داير بقري يتمن ألف راس. وغنمي يتمن العشرة آلاف راس. أنا يا دوب بفك الخط. لكن بعرف إنجليزي سينماكوليزيوم داك. وبعرف الباقيات الصالحات حقات الإنجليز: Please, Excuse me & Thanks أها خليت لٌٌلإنجليزي عوجة. وكمان بعرف ون باوند وتن بنس. One pound ten pence.
لك التحايا والود لكن ما قلت لي حلتكم وين في أميركا عشان كان الله رفع القدم نجيكم زيارة؟
| |
|
|
|
|
|
|
Re: حصر بورداب الخرطوم تمهيدا لإنعقاد جمعية عمومية (Re: عبير خيرى)
|
بورداب كوستى فرع الخرطوم حكاية التسجيل ... والله ده كلام غريب وارقام تلفونات على الهواء ... وثم ... شيخنا العوض صباحاتك بيضاء صدق نوايا الفكرة لا يقلل من كونها مثيرة للتساؤل ومحرضة على الشك ... وكونها هــــــــدية مجانية لكائنات الظلام
Quote: امــيرة الشيخ,,,,
بورداب كوســـتى |
| |
|
|
|
|
|
|
Re: حصر بورداب الخرطوم تمهيدا لإنعقاد جمعية عمومية (Re: عبير خيرى)
|
سلام اونلاين للجميع ..
هاكم النجيضة
وبإختصار شديد ..
طبعا نحن السودانيين شغالين بنظرية ( يا فيها يا نطفيها ) وهنا بتطرح عده تساؤلات هل هم معارضيين عشان الموضوع طوالى خش فى انعقاد جمعية عمومية ؟؟ ام لانهم ليس المبادرون ؟؟ او قد يكون سبب المعارضة بأنهم كان الامر فرض عليهم فرضا ؟؟ او احتمال ان يكونوا ظنوا ان تحت الاكمة ما تحتها وقد يكون هذا تنظيم سياسي حاكم ( مؤتمر وطنى) او معارض ( حركة شعبية) يدبر للامر فى الخفاء ؟؟ ام ان هى معارضة حبا فى المعارضة والصوت النشاذ ؟؟
المعروف علميا ان لكن فكرة مبتكر ولكل مجتمع قادة راى .. واناس خلقوا ليقودوا صاحب الفكرة او قائدو الرائ هم من يتبنون زمام المبادرة لخلق اى تنظيم او كيان او جسم او حتى مظاهرة .. وكخلفية لهذا الامر فقد دار فى السابق نقاش عن اشياء كثيرة منها نشاطات اعضاء المنبر الثقافية والاجتماعية وكان لابد من جسم وكيان ينظم هذاالامر .. وحتى نتحدث بشفافية .. هناك حالات كثيرة لنشاط اجتماعى تقع المسئوليات والمصروفات والتنظيم على عدد من الشخصيات والبقية يقف موقف المتفرج او المشاركـ فقط ..!! ايضا هناك عدد من المساهمات لبعض الحالات المرضية للاعضاء او مساعدات خيرية يتبناها ويقوم بها عدد محدد من العضوية..!! الافطارات الرمضانية والمناسبات واستقبال الاخوة الزوار من خارج البلاد دوما تلاحظ ان هناك شخصيات فى ركن قصى عشان تجمع الشيرنغ او عشان الشيرنغ نقص ولازم يكتمل ..!! مساهمات العضوية من الخارج او الداخل حول الدعم الانسانى غير منظم تتم دوما حسب العلاقات الشخصية مع الجهة او الشخص المتابع او صاحب الحوجة.!! المواقف التعبيرية عن راء الشعب السودانى ضد الهجمات الخارجية الإستفزازية ..!! حالات كثيرة متكررة .. ولقد دار حوار فى فترات متفاوته من ضرورة وجود كيان منظم يعمل على ترتيب هذا الجسم وتلك العضوية وتنظيم هذه النشاطات.. وذلك بتحديد النشاطات الثقافية وبرمجة المساهمات الاجتماعية وووضع الميزانية ومتابعة تحصيل الاشتراكات حتى لا تكون عائقا متكررا فى اى نشاط .. كما يساعد على تحديد المسئوليات .. الفرد والجماعة.. والمسالة عنها ..
وهذا لا يعنى ان هذا الكيان سياسي او موجه او كما يحاول البعض ان يروج او يرسل رسائل واضحة .. وبعض اخر ينظر للامر كان الموضوع متفق عليه
وللاخوة قليلى الخبرة بالعمل الطوعى والخيرى او التنفيذى السياسي والاجتماعى اوضح الاتى : 1- الجمعية العمومية لا تعنى بالضرورة انتخابات مباشرة وفورا اوتعين إدارات بل هو لقاء تفاكرى فى البدء 2- ما لم يوضع دستور للكيان او لوائح تنظيمية منبثقة من اللقاء فلن يتكون مكتب تنفيذى او امانة عامة تنفيذية. 3- لكى يتم الموافقة على قيام هذا الكيان لابد من تحديد مسمى هل هو جمعية ام منظمة مؤسسة وكلاهما له مميزاته وسلبياته 4- هذا ( المسمى ) لن يتم اعتماده لممارسة اى نشاط ثقافى واجتماعى او _ سياسي حتى_ مالم يحضرها ممثل مفوضية الشئون الإنسانية 5- لن يستطيع هذا التنظيم ان يمارس عملها مستقبلا ( استقبال ادوية ومعدات وضيوف مشاريع .. الخ ) ان لم يتم تسجيلها رسميا فى مفوضية الشئون الإنسانية وضمن منظمات العمل الطوعى. 6- العمل الطوعى الخدمى عمل تشريفى لا يجنى منه راتبا ولا منصبا.. بل هو ارهاق واجهاد استقطاع من زمن انت فى حوجه اليه 7- فى حالة تبلور الفكرة لتكوين (جمعية) يتم الاجراء عبر حصر عضوية ومن ثم ترشيح وتوصيت وانتخاب يعنى انتخابات حرة ومن يأنس فى نفسه الكفاءة والتفرغ والنشاط والحماس ويظن ان له الرغبة مع الدعم الجماهيرى وشعبيته فلن يقف شخص فى طريقه. 8- ان لم يتم ولادة هذا الكيان بهذه الصورة فهذا يعتبر كيان ناقص ولن يكون له مستقبل فى اى نشاطات مستقبلية كاحضار معدات طبية مثلا او عقد مؤتمرات وندوات وسمنارات او مساهمات خارجية او داخلية او تنظيم مسيرات سلمية للدفاع عن حق السودان ومكانته عدا ذلك فسوف يكون هذا الجسم مجرد لمات ناس عند حليوة او قندهار .. او فطور شلة فى بيت الفنون.. وهنا .. اقول لك مقام مقال ..
ختاما اقول هذا الكيان سيخلق بأذن الله ككيان طوعى خدمى اجتماعى قد يضم دستوره المشاركات الثقافية والسياسية التى تنادى من اجل وطن شامخ وطن عاتى وطن خيّر ديمقراطى... وطن مالك زمام أمرو ومتوهج لهب جمرو وطن غالى نجومو تلالى فى العالى.. ما بهمنا داخل اللجنة ان فلان هذا مؤتمر وطنى او ذاك شيوعى او الاخر حزب امه .. بهمنا اشخاص جمعهم حب الوطن وعمل الخير وخدمة الانسان السودانى البسيط ودعم السلام والتنمية والوحدة الوطنية .. سيكون هذا الكيان خير ممثل لمواقف مجموعة او طبقة او مجتمع تعبر عن نبض الشارع وحوجته.. وهو سيكون سيكون خير تمثيل للتمازج الوطنى والوحدة السياسية والجغرافية.. والتلاقح الفكرى والثقافى لمجموعة جمعهم هذا الوطن الواقعى والاسفيرى..
فلا نجد مبررا للمعارضة غير مقنعة مالم يكن هناك ضرر ولا ضرار او كما قال تروتسكى
شكرا تبلدينا....
----------
الرئيس السابق.. بقال ..
الفاشر احسن ليك واكثر امنا ...
وبرضو مافيها اسد ولا ورل غيرك
نازر وانعام .. والله شكلتكم اونلاين ما ظريفة
تعالوا نسويها وجه لوجه .. نظام المديدة حرقتني ..وكدا
يلا يا شباب..
صفوا القلوب
وبيضوا النوايا..
ومدوا الإيادي ...وتعالوا نتلما ..
| |
|
|
|
|
|
|
Re: حصر بورداب الخرطوم تمهيدا لإنعقاد جمعية عمومية (Re: ahmed haneen)
|
سلام ..
Quote: وافتكر يوم الجمعة القادم معقول يا ناذر للجميع ولا شنو يا اهل الراي ؟؟ |
أثني الإجتماع يوم الجمعة بعد صلاة المغرب إنشاء الله ..
أرجو التنسيق مع طارق الامين في هذا الامر ..
شكرا أحمد حنين ...
عبير خيري ..!!
يا زولة مما وصلتي هناك قعادك بقى كتير في المنبر .. الحاصل شنو ..!!!
الحاجة التانية ..
ما تخافي علي .. حتى لو الارض معشكبة الصراع فيها بينقدر ..
| |
|
|
|
|
|
|
Re: حصر بورداب الخرطوم تمهيدا لإنعقاد جمعية عمومية (Re: وليد محمد المبارك)
|
Quote: أها يا العوض ..
عندي إقتراح ..
الناس تتفق على يوم معين يجوا فيهو كل البورداب عشان نجتمع ونحدد الدايرنو شنو والمادايرنو شنو ..!!
أنا بقترح بيت الفنون بيت البورداب يكون هو مكان التجمع ..
|
كدا متفقين يا ناذر .. دا كلام العقل وكلام ناذر البعرفو .. انا ازيد على اقتراحك انك تعمل بوست انت , وتبقى على فكره الجمعه بعد صلاه المغرب , وسنكون حضورا باذن الله وربنا يبعد العوارض ..
-------------- كدا الكلام يادووووب بقى معقول ..
| |
|
|
|
|
|
|
| |