الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
شكراً للباشمهندس بكري أبوبكر والأستاذ ممدوح أبارو
|
سلام للجميع أتوجه بأجزل الشكر للباشمهندس بكري أبوبكر
وأستاذي الجليل ممدوح أبارو
كما أسعد بالانضمام الي هذه الكوكبه
وأتمني أن أجد ما يفيدني ويقومني بين أقلامكم وسطوركم في مسيرتي
فهيمة عبد الله إبراهيم
|
|
|
|
|
|
|
|
Re: شكراً للباشمهندس بكري أبوبكر والأستاذ ممدوح أبارو (Re: محمد علي شقدي)
|
Quote: كما أسعد بالانضمام الي هذه الكوكبه
|
يشهد الله نحن السعيدين بوجودك بينا .. ونحمدالله زدنا جمال وبهاء ..
مرحب بيك في حوش بكري الحوش الحنين .. مليان اخوان اخوات يسدو عين الشمس ..
ومليان اخوات .. حنان .. تلقيهم وين ما تقبلي ..
مليار مرحب بي فهيمة الهادئة الرزينه (( غايتو يا ود الصايم كان قلته كثير تلج بشكيك لي الله ))
| |
|
|
|
|
|
|
Re: شكراً للباشمهندس بكري أبوبكر والأستاذ ممدوح أبارو (Re: محمد علي شقدي)
|
دي النقاوة والله بلاش
فهيمة عديل كدة
صدقيني انا بكيت معاك يوم فرز النتيجة وفوزك الكبير بجائزة نجوم الغد
احس فيك براءة بنات بلدي والطيبة والتلقائية والبساطة وعدم التكلف
غايتو يا قريبي اباروا دي قلبت فيها الهوبة
ويا بورداب الخرتوم ما تكتروا من الملح ( بكتلكم)
ويا بكري ياشفيف اعمل لينا مكتبة غنائية لفهيمة
| |
|
|
|
|
|
|
Re: شكراً للباشمهندس بكري أبوبكر والأستاذ ممدوح أبارو (Re: الشامي الحبر عبدالوهاب)
|
Quote: دي النقاوة والله بلاش فهيمة عديل كدة صدقيني انا بكيت معاك يوم فرز النتيجة وفوزك الكبير بجائزة نجوم الغد احس فيك براءة بنات بلدي والطيبة والتلقائية والبساطة وعدم التكلف غايتو يا قريبي اباروا دي قلبت فيها الهوبة ويا بورداب الخرتوم ما تكتروا من الملح ( بكتلكم) ويا بكري ياشفيف اعمل لينا مكتبة غنائية لفهيمة |
ابو التلج زاتو عرفنا النقاوة والبكوا ساعة النتائج وبكري البقي شفيف ده ..زولة عندها 5 مداخلات يعملوا ليها مكتبة كيف هسة
_ مرحبتين بالاخت فهيمة ..ويرجو ان يطيب بك المقام
| |
|
|
|
|
|
|
Re: شكراً للباشمهندس بكري أبوبكر والأستاذ ممدوح أبارو (Re: GamarBoBa)
|
Quote: دي النقاوة والله بلاش فهيمة عديل كدة صدقيني انا بكيت معاك يوم فرز النتيجة وفوزك الكبير بجائزة نجوم الغد احس فيك براءة بنات بلدي والطيبة والتلقائية والبساطة وعدم التكلف غايتو يا قريبي اباروا دي قلبت فيها الهوبة ويا بورداب الخرتوم ما تكتروا من الملح ( بكتلكم) ويا بكري ياشفيف اعمل لينا مكتبة غنائية لفهيمة |
السيدح ياقريبي شكراً علي الكلمات الطيبات في حق فهيمة
فهي بالجد تستاهل
| |
|
|
|
|
|
|
Re: شكراً للباشمهندس بكري أبوبكر والأستاذ ممدوح أبارو (Re: الشامي الحبر عبدالوهاب)
|
الحمد لله اولاً وآخراً
اولاً شكراً لي بكري الذي اعطانا فرصة الحديث إليك مباشرة ولقائك عبر هذا الموقع الذي هو حقنا (سودانيز)
قبل ما ارحب بيك يا فهيمة عاوز اقول ليك انك اطربتيني طرب شديد خلاص ايام برنامج نجوم الغد
وطبعا كنتً من الذين صوتوا لك
واخيراً مرحب بك بيننا
بعدين تاني ما تفتحي البوست وتزوغي رغم مشغولياتك الكتيرة طبعاً لكن برضو ردي للناس دي
الصادق
| |
|
|
|
|
|
|
Re: شكراً للباشمهندس بكري أبوبكر والأستاذ ممدوح أبارو (Re: الصادق صديق سلمان)
|
اهلاً باختنا فهيمة عبدالله بيننا ..وماداير اقوليك نغمة رنين جوالي هي (خطر المحامد) بصوتك الجميل عشان مايقولوا كسير تلج ..حاجة جميلة جداً ...
______________________________
Quote: صدقيني انا بكيت معاك يوم فرز النتيجة وفوزك الكبير بجائزة نجوم الغد |
اكيد بكيت من خشية الله والبكية صادفت فرز النتيجة !!!
| |
|
|
|
|
|
|
Re: شكراً للباشمهندس بكري أبوبكر والأستاذ ممدوح أبارو (Re: الطيب شيقوق)
|
Quote: غايتو ربنا فاتح ليك واسهمك ارتفعت فوق طالما مولانا فهيمة ذاااااااااتها جابت اسمك في البوست -
اتوسط لي قول ليها عندك عم جيبي اسمو عشان ينبسط ويشنق طاقيتو في هامة |
وكمان كان غنت ليك *** سيل الوادي المنحدر*** !!!!!
هلا هلا وحاتك أم عبد الله علا تلحقك هناك وتحلق ليك يا سجم
بفتش الغنية واجيبا ليك خليك متشنق وطب حنكولك للتببي
| |
|
|
|
|
|
|
Re: شكراً للباشمهندس بكري أبوبكر والأستاذ ممدوح أبارو (Re: Hisham Ibrahim)
|
حبابك دشليون بعد مرارة إعتزال حنان النيل بالجد فرحت شديد لمن سمعت صوتك لأول مره وكنت متأكد من فوزك في البرنامج من سنين طويله جداً والسودانيين بإنتظار صوت يعيدهم لعصر الأغنيه السودانيه الذهبي متنبيء ليك بي مستقبل كبير وأتمنى أن تواصلي مشوارك الفني لأنو كثيراً ماتتوقف الاصوات النسائيه وسط الطريق
مؤونة عام من الود
| |
|
|
|
|
|
|
Re: شكراً للباشمهندس بكري أبوبكر والأستاذ ممدوح أبارو (Re: ممدوح أبارو)
|
اوووووه ما دام النجضية جات وممدوح ابارو بصم بالعشرة والشاويش ود الصايم ادانا الاذن المشفر بالانطلاق والترحيب بصوت الاجراس والنغمة الحنونة الطالعة من جوووف البلد المدهش الرائع الاسمو السودان فهيمة عبدالله.. اذن امسكو الخشب والكاتل الله والمكبشر ود البشري ونقول.. مرحب يا فهيمة وحبابك وحباب حضورك الكارزيمي الطاغي الذي تسربل شفيفا وعانق دهشة التطريب واجراس معابد الدهشة في غناويك التي اتتينا نحن البعيدين في شواطي ومواني بعيدة لا تعرف الا الغربة والرحيل.. ولكن عنما سري فيها صوت فهيمة عبدالله صنع لوجودنا وموسيقي منافينا معني وامل في الصوت والفن السودان الذي نحلم بان يظل عاليا عاليا..
وحباب فهيمة عبدالله حباب صوت الاجراس
| |
|
|
|
|
|
|
Re: شكراً للباشمهندس بكري أبوبكر والأستاذ ممدوح أبارو (Re: عبدالكريم الامين احمد)
|
Quote: اوووووه ما دام النجضية جات وممدوح ابارو بصم بالعشرة والشاويش ود الصايم ادانا الاذن المشفر بالانطلاق والترحيب بصوت الاجراس والنغمة الحنونة الطالعة من جوووف البلد المدهش الرائع الاسمو السودان فهيمة عبدالله.. اذن امسكو الخشب والكاتل الله والمكبشر ود البشري |
كيكي يا لعين
إنداح ياخوي الكبشرة* دي ما بتجيك
*علي وزن الحبة دي
دمدني لو ما جابت مبدعين بتحتضن المبدعين ولا شنو يا ود مايو 40؟
| |
|
|
|
|
|
|
Re: شكراً للباشمهندس بكري أبوبكر والأستاذ ممدوح أبارو (Re: Omer Abdalla Omer)
|
Quote: شكراً للباشمهندس بكري أبوبكر والأستاذ ممدوح أبارو |
لإتاحة الفرصة للجميع هنا للتعبير عما أرادوا قوله من على البعد يوم تتويجك البهي وشكراً لك أنتِ حينما كنتَ - ولا زلتِ - تخلبين ألباب مستمعيك وصوتك يتهادى في النفوس ،،، كم وكم جلسنا ننتظر مشاركاتك في "نجوم الغد" (والغد) عندك جاء قبل (يومه) ... مرحب بك هنا وزي ما بقولوا أهلنا "حبابك عشرة بلا كشرة" _________________ شكراً أخي لؤي وأنت تزيّن البوست بهذه اللوحة
| |
|
|
|
|
|
|
Re: شكراً للباشمهندس بكري أبوبكر والأستاذ ممدوح أبارو (Re: خدر)
|
حباب البنية المن بطن الاهل الاخت فهيمه بالجد صوتك يبكيني ويشجيني كما قال عمي الجليل الاديب عبد الله علقم يا هلا ومرحب بيك الف
تسلم يا ابارو ياخ اجمل فرحة واغلا اضافة فى السنة دي كلها والجاية كمان هديتي ليك 3 قصائد يا صاحبة الصوت المميز جداااااااااا والحقيقة حاتكون هديتك انتي لي لما اتشرف بالتعامل معاك حبااااااابك من تاني
| |
|
|
|
|
|
|
Re: شكراً للباشمهندس بكري أبوبكر والأستاذ ممدوح أبارو (Re: كمبورة)
|
اختي فهيمة نلتي اجر تطريبنا بهذا الرومانس الوطني البديع (بلادي يا سنا الفجري) و الذى كتب كلماته صاحب الصورة الراحل الأستاذ/ حسين عثمان منصور
ولا تزال حقيبة الأصوات النسائية و منذ عهد مهلة العبادية قادرة على إخراج (سنونو) سوداني فريد حين بعد الآخر صوتك يا فهيمة فيهو هدئة متصوفة السودان و إنسيابية نهر النيل عند لفة ابو حمد ..
تقديري لكل زوار بوستك و شكرا لممدوح ابارو و بكري
| |
|
|
|
|
|
|
|