|
Re: احمد الجابري كلما اعتقدت اني اعرفك اراك بعيدا (Re: احمد الامين احمد)
|
Quote: الجابرى ياخليل فنان مرعب جدا والحديث عنه عاوز مزاج وحضور وفرح لمايمتاز به من صوت وتطريب ومقدرة مذهله فى العبث باوتار المزهر وحضور فى الاداء يجعله يترجل لزمات وطلعات على العود دون موعد مسبق اثناء الغناء مع الاوركسترا ولعل من اسعد لحظاتى حضورى لبروفه بمنزله برفقه الصديق وزميل الدراسه عبدالله مصطفى أثناء ذهابنا لمنزله بالثورة لدعوته لإحياء حفل بالجامعة وهو فى البروفات ومزهره مشدود يغنى بدرجه تجعلك توشك ان تطير ... |
يا سلام يا احمد الامين يا سيد الكلام
وفعلا احمد الجابري احد الفلتات الفنية التي لن تتكرر في بلادنا بعد ذلك
| |
|
|
|
|
|
|
Re: احمد الجابري كلما اعتقدت اني اعرفك اراك بعيدا (Re: khaleel)
|
يا خليل يا خليل يا خليل من وين نكت الأغنيه دى ؟ مع أنى من المغرمين العاشقين للجابرى رحمه الله ومن الوسط الفنى ...فى هذه الأغنية الجابرى لم يكن يغنى غناء عاديا ...أن حسيت بيهو فى حالة وجد وانجذاب صوفى وهو أصلا من بيت صوفى ... أنا يا خليل الآن ما بعرف مزيكه ولا يحزنون ولا دكتور ... الجابرى فى هذه اغنية سحرنى وحلق بى فى عالم نغمى شفيف ورفيف وهفيف ... أنا سكران عديل ...أنا قلت وكتبت إنو الجابرى هو أحد العظماء المبدعين المجددين يرحمه الله ويحسن إليه وما عندى ليك يا خليل سوى ثلاث كلمات من القلب (بارك الله فيك )وتقبلنى صديقا....
| |
|
|
|
|
|
|
Re: احمد الجابري كلما اعتقدت اني اعرفك اراك بعيدا (Re: انس العاقب)
|
الله عليك ياخي .. الله عليك يا وليد ياخ و علي اختياراتك و ذوقك يا ود يا فنان إنت . الجابري ده كوم براهو .. سئيلي الله يا خليل أخوك كل ما تزيد عليهو الغلغلة يجري على إتنين : سيدي ابو داوود .. و هذا الجميل الجابري : ( تنسونا .. نطراكم ) ( الزهور بسمت لينا ) ( مظلوم في حبي مالي ) ( أهون عليك ) .. و غيرها و غيرها و غيرها .. تسمع كده لما ربنا يغفر ليك .. ما سمع ، إنصات و خشوع . نضافة يا خلي .. تنضف أضانك و روحك بصوت هذا الزول و هذه الألحان العجيبات و كمية الطرب و الجمال و الشجن الفيها .. تمرق من تحت هدهدته ليك دي زول كويس و مظبوط و .. مية المية .
ياخي الله يريحك بركة جاه النبي .. و يرحم الجايري و يغفر ليهو .
| |
|
|
|
|
|
|
Re: احمد الجابري كلما اعتقدت اني اعرفك اراك بعيدا (Re: khaleel)
|
خليل ، كيف حالك ، ياأخى الجابرى دا فلتة من فلتات الزمن ، قل ان يجود بمثله، كنت أعشق أغانيه وشريطه لايفارقنى فى صحوى ومنامى كما يقال، وكانت وفاته فجيعة كبيرة لعشاق فنه الرفيع ، وصدقنى ياخليل كلما استمع لأحد أغنياته أجد فيه جمال جديد و أكتشف ابداع وألق رائع ، مطرب يدخل القلب ويعشعش فى الوجدان ، رحمه الله فلقد أمتعنا حيا وميتا ، مودتى .
| |
|
|
|
|
|
|
Re: احمد الجابري كلما اعتقدت اني اعرفك اراك بعيدا (Re: khaleel)
|
Quote: تسمع كده لما ربنا يغفر ليك .. ما سمع ، إنصات و خشوع . نضافة يا خلي .. تنضف أضانك و روحك بصوت هذا الزول و هذه الألحان العجيبات و كمية الطرب و الجمال و الشجن الفيها ..
|
عماد عبدالله سلام سرمدي لروح العبقري الجابري
وسلام له لانه احضرك الي هنا
وانت يا عمدة لن يحضرك الا الشديد القوي واخاله هو الجابري
واصبح قربنا بعدا وامسي امننا خوفا
بالغ ياخ
| |
|
|
|
|
|
|
Re: احمد الجابري كلما اعتقدت اني اعرفك اراك بعيدا (Re: khaleel)
|
Quote: خليل ، كيف حالك ، ياأخى الجابرى دا فلتة من فلتات الزمن ، قل ان يجود بمثله، كنت أعشق أغانيه وشريطه لايفارقنى فى صحوى ومنامى كما يقال، |
يا هاشم من تغني
يا عصيفير المحنة
يا متلي وحداني واحن
اتوسد الشوق واستريح
ما كفاية كتير رحلنا
لن يموت ابدا
| |
|
|
|
|
|
|
Re: احمد الجابري كلما اعتقدت اني اعرفك اراك بعيدا (Re: khaleel)
|
Quote: ليك يا خليل سوى ثلاث كلمات من القلب (بارك الله فيك )وتقبلنى صديقا.... |
استاذنا انس العاقب شخصيا
لا اصدق والليلة في بوستنا رجلا
انتم يا استاذي من جمل وجداننا
انتم من خلق لنا الفرح
ومعظم الناس تقول ان احسن حاجة في السودان اغنياته
لا سياسته ولا رياضته ولا صناعته ولا زراعته
وانا مع هذا الراي
حبابك استاذي ولك في القلوب منازل
| |
|
|
|
|
|
|
Re: احمد الجابري كلما اعتقدت اني اعرفك اراك بعيدا (Re: maia)
|
يا خلي وصديقي وخلي العيش حرام تحياتي إعجابك بالأغنية إلى الآن لم يخرج من صدمة الإعجاب بالنص الشعري الإبتدائية ولم تصل إلى أحمد الجابري ولم تغوص في عوالمه الساحرة بعد، لذلك أتى عنوان هذا البوست إعترافا صادقا منك ومقدر جدا.
أحمد الجابري يا خلي كان قد نقل الأغنية من مرحلة الإلقاء الشعري المنغم إلى مرحلة الغناء الحقيقي، الغناء داخل الحرف الواحد، غناء الكلمة، الغناء في، والتعبير عن المقطع الشعري بصورة تصل في قوتها أو تتفوق على الشعر واللغة المستخدمة وتصلك بشكل أصدق من النظم. وفي حالة غناء أحمد الجابري فإنك تسطيع ان تحور في البيت الشعري الشهير وتقول: إن غناء أحمد الجابري أصدق إنباءا من الشعر..
و عليك الله يا خلي تأمل غناء الرجل في حرف الراء من كلمة (قـربنا) في (وأصبح قربنا بعدا) ثم رأيك شنو في فكرة غناء (لأنك لم تكن تدري) ونوع الصوت ده وفكرة اللحن هنا شكلها شنو؟؟ ثم أسكر في كلمة (يهواك) في (حال الذي يهواك) وأصبر ساكت ما تتلجلج.. وتأمل كلمة (هم) في غناءه (فوا هم الذي يهواك) ثم أقيف على طولك واسمع ترديد وقلبي...في (وقلبي.. يالهذا القلب مشغول بما فيه) وحرك جسمك لتغير في كيمياءه وكهربته(القوة الإلكتروكيميائية) وأذكر إسم الله اللطيف عله يلطف بك من هذا الشئ....
لكن إحذر يجب دخول هذا المقام الرفيع وأنت على طهارة كاملة ولازم تقرأ أورادك كاملة وإلا أنا بعدين ما بكون مسئول عن البحصل بعدين أقعد براك ما تخلي لا الاولاد ولا أمهم معاك... وخت ليك أربع مصاحف كل مصحف في جهة من الجهات الأربع بعد ده كله الله يستر عليك من الإنجذاب والصعود لتلك الأماكن لأن العودة منها صعبة جدا لهذا العالم الرتيب الكئيب...المضجر.
وتسلم يا خلي العيش الحرام
| |
|
|
|
|
|
|
Re: احمد الجابري كلما اعتقدت اني اعرفك اراك بعيدا (Re: Azhari Nurelhuda)
|
Quote: إعجابك بالأغنية إلى الآن لم يخرج من صدمة الإعجاب بالنص الشعري الإبتدائية ولم تصل إلى أحمد الجابري ولم تغوص في عوالمه الساحرة بعد، لذلك أتى عنوان هذا البوست إعترافا صادقا منك ومقدر جدا.
|
ابو الزهور ملك الشعور
والله انا من امس في مرحلة ذهول من ادا الجابري ومن العبقرية ومن الصوت
هذا الجابري من كوكب اخرQuote: و عليك الله يا خلي تأمل غناء الرجل في حرف الراء من كلمة (قـربنا) في (وأصبح قربنا بعدا) ثم رأيك شنو في فكرة غناء (لأنك لم تكن تدري) ونوع الصوت ده وفكرة اللحن هنا شكلها شنو؟؟ ثم أسكر في كلمة (يهواك) في (حال الذي يهواك) وأصبر ساكت ما تتلجلج.. وتأمل كلمة (هم) في غناءه (فوا هم الذي يهواك)
|
تعرف يا ازهري لما وردي يقول في اغنية مرحبا يا شوق
يغمرني شجوننا والتياعا كنت احس ان وردي فعلا (غمر) داخل
لكن تولي العام دي طريقة الجابري في تولي العام
عالم تاني
وكان الجابري بابداعه ان يقول يا خليل
بانك لم تكن تدري
| |
|
|
|
|
|
|
Re: احمد الجابري كلما اعتقدت اني اعرفك اراك بعيدا (Re: عبدالكريم الامين احمد)
|
Quote: واتمني وفي حضور الدكتور الموسيقي الكبير الماحي سليمان والاخوان احمد الامين وعماد ان نقراء عن الجابري |
الكبر دخل الله يسالنى ..اسى وين الماحى سليمان هنا ..
***
ياسلااام ياخليل على الجابرى ...
حنين الدنيا كلها فى صوت الجابرى ...وشخصيا الجريف واللوبيا اعتبرها من العشرة الاوائل فى الاغنية السودانية ..يمين نازلة بالمقاس على اربجى وجروف اربجى وناس اربجى ...
| |
|
|
|
|
|
|
Re: احمد الجابري كلما اعتقدت اني اعرفك اراك بعيدا (Re: محمد عبدالرحمن)
|
يا أخى محمد عبد الرحمن دكتور الماحى سليمان هوصديق العمرمنذ أن إلتقينا فى صباح السبت الموافق يوم 6 أكتوبر 1969 وكنا مجموعة من الطلاب المقبولين فى الدفعة الأولى لدراسة الموسيقى فى معهد الموسيقى والمسرح والفنون الشعبية بعد أن إفتتحه الزعيم الراحل إسماعيل الأزهرى فى أبريل 1969 وقد شرف الإفتتاح الفنانه صباح والمغنى السورى فهد بلان ومنذ ذلك اليوم لم نفترق ...رحلة شاقة ومتعبه ومشرقه هى عمر بحاله 42 سنه وأذكر جيدا بعد أن إنتظمت الدراسة كانت تجمع الدفعة جلسة يومية بين المحاضرات نتسامر ونحكى ونغنى وكان الماحى متخصص فى الغناء للجابرى يقلده فى كل شئ بشكل مدهش يثير فينا الطرب والمرح فى وقت واحد وكانت أغنسة هوج الرياح من المفضلات عندنا وكان زميلنا الماحى سليمان مبهرا فى عزف العود وكنا نعجب وهو يغنى للجابرى كيف يحرص أن يقلده بشكل كامل وكان أكثر ما يثيرنا متعة وإبهارا هوإجادته التامة لطريقة الجابرى فى نطق حرف (الراء) خاصة عندما يقول ( جرعنى كاس ..جرعنى كاس) يارعى الله تلك الأيام النضرات ... أنت لم تخطئ وليس هو عامل الكبر لأن الماحى دكتور موسيقى كبيرفعلا وصديق عزيز أعتز به وسأجرجره للمشاركه ..بارك الله فيك يا عزيزى محمدعبد الرحمن
| |
|
|
|
|
|
|
Re: احمد الجابري كلما اعتقدت اني اعرفك اراك بعيدا (Re: عبدالكريم الامين احمد)
|
Quote: فالجابري فنان كلامو تاني والحانه تكفي الحنيةوالدعاش الموجودات في توناتها تطريب عالم كامل تطريب وتجويد وحنية وموسيقي كما الاجراسسسسسسسسسس... ويا سسسلام يا الجابري ياخي |
ميزة الجابري يا ممراح
ممكن تسمع اغنياته في كل الاوقات
الصباح ممكن تسمع
اشرقت شمس الاصباح تنثر الورد علينا
ضهرية كدة
ممكن تسمع انت يا قلبي المتيم
ليلا تسمع
الليل يهود بي ويبقي تلت اخير
| |
|
|
|
|
|
|
Re: احمد الجابري كلما اعتقدت اني اعرفك اراك بعيدا (Re: khaleel)
|
Quote: الكبر دخل الله يسالنى ..اسى وين الماحى سليمان هنا .. |
لوووووووووووووووول الله الله ياخي وكل الاعتذار للدكتور انس العاقب والامر ليس بكبر يا محمد عبدالرحمن بل هي الاغنية الجابرية التي اسكرتني وطرطشت التركيز بتاعي وسرحت وحلقت في عوالم اساطين وجداننا الغناني الذي شكله الموسيقار انس العاقب والماحي سليمان (طوالي قاعد اسمع الاسامي دي سووووووه فهم موسقين بقامة عالية وكبيرة) ونعل الله الرهافة والخفة واللفة وتقدير كبير واحترام واعتذار مستحق لاستاذي انس العاقب
| |
|
|
|
|
|
|
Re: احمد الجابري كلما اعتقدت اني اعرفك اراك بعيدا (Re: عماد الدين عبدالله)
|
يا سلام يا خليل.. عارف بعد قريت كلام الاستاذ انس العاقب اطمانيت على سلامة طبلة الاضان والذائقة .. سته هم يا خليل ماسكتيرز الصوت الشجي.. كدى شغل المعادلات الهندسية بتاعتك وطلع القاسم المسترك بينهم.. احمد المصطفى . احمد الجابري . ابو داؤد . صلاح محمد عيسي . خوجلي عثمان . رحمهم الله ومحمد مرغني متعه الله بالعافية.. يا ترى دا شيء عام واللا مرتبط بذائقة جيل بعينه ؟ شكرا ليك وللمعاك على خط البوست.
| |
|
|
|
|
|
|
Re: احمد الجابري كلما اعتقدت اني اعرفك اراك بعيدا (Re: محمد على طه الملك)
|
Quote: وقلبي يا لهذا القلب مشغول بما فيه وعندي من حديث الحب ما رقت حواشيه ومن تشجيه انغامي ومن يضغي لالهامي وانت بكل ما تحتويه من دل وفي تيه . |
أبو القووووووق ياااااااااخ ... (رعى الرحمن أهلك ما أقاموا وما رحلوا وحيّاك الغمام) إنت يا زول ما نصيح !!! قسطا قَلَب مغنى ولا شنو ؟
إنت بدري وكيف ***** الخدر ظلالك أنت كوكب نور ***** تشتهي الأفلاك فيكم كوم آيات ***** يالحياك جلالك منظر الساحرات ***** ومنظر الأفلاك ياجميل النور ***** ماسه من عيناك بنظر الأنوار ***** طالعة من مغناك والشباب يترنم ***** بي معاني غناك والجمال الفيك ***** عن مديح أغناك ______________________ رحم الله شاعرنا الكبير مبارك المغربي وقامتنا الفنية أحمد الجابري
| |
|
|
|
|
|
|
Re: احمد الجابري كلما اعتقدت اني اعرفك اراك بعيدا (Re: محمد على طه الملك)
|
Quote: احمد المصطفى . احمد الجابري . ابو داؤد . صلاح محمد عيسي . خوجلي عثمان . رحمهم الله ومحمد مرغني متعه الله بالعافية.. يا ترى دا شيء عام واللا مرتبط بذائقة جيل بعينه ؟
|
حباب محمد ود المك عريس
انت تفتح لنا ملف عرش الفن السوداني
وتدخلنا في علم اصوات وجمال وطلاوة
هذا جيل خلقه الله فقط ليبهجنا ويطربنا لانه قد علم في الازل
بان هولاء اخر افذاذ السودان
وما تنسي الخير عثمان صوت من الماس والتاج مصطفي صوت ذهبي
كتاااار ياخي هم
| |
|
|
|
|
|
|
Re: احمد الجابري كلما اعتقدت اني اعرفك اراك بعيدا (Re: احمد الامين احمد)
|
Quote: لكن يا khaleel أجمل الحانه وكلماتها " سيد الاسم" للشاعر المبدع المقل كامل عبد الماجد الذى كتب عنه الاستاذ الكبير معاويه حسن يس قديما معترفا انه اى كامل وفضيلى جماع والتجانى سعيد لولا القهر النفسى الذى تجرعوه عهد مايو لساروا بالاغنيه السودانيه الى مسار اخر ودروب جديده وهذه حكايه اخرى يا خليل مع ودى ولوتكرمت سمعنى الجابرى على العود فقد فى رائعة ابوصلاح "يارشا ياكحيل غثنى الهوى سبانى " ورائعةسيد عبدالعزيز "ياحليف الصون"سلام على الجابرى فى جنان النعيم ..
|
سلامات احمد الامين
اكيد بعد رسمك بالكلمات يمكن ان نطلق عليه اسم بوست
حليف الصون هدية ليك
http://www.alrakobasite.com/alshadin/jabri/7alifal9oun-shadin.mp3
| |
|
|
|
|
|
|
Re: احمد الجابري كلما اعتقدت اني اعرفك اراك بعيدا (Re: عبدالكريم الامين احمد)
|
يا سلااااااااااااااااااااااااااااااااااااااااااام
اخي خليل
اثق تماما في اذن من يستمع ويحب الجابري
واشهد بانه فنان حقيقي
وهو من الاصوات النادرة في السودان
كثير من المطربين يسهل تقليدهم لكني لم اجد من يستطيع تقليد الجابري
يمتاز يصوت ملائكي يتقسم بطبيعة عجيبه
ووالله العظيم كنت لما استمع اليه عيانا بيانا
امعن النظر الي حنجرته واحيانا الي حنكه وهو يتحرك مخرجا تلك الدرر
انا من عشاق الجابري والحمد لله عرفته وتعرفت عليه وعزفت معه عدة مرات
وجالسته في منزله وببحري وبرفقة صديقه وصديقي المرحوم ابو امنه حامد الذي غني له مانسيناك
بعد عام هذه من ابدع روائع الشاعر الكبير مبارك المغربي
ولحنها وغناها الجابري حوالي العام 1980 م
سجلها للاذاعة ولم اسمعه يغنيها في اي مسرح او تلفزيون
واتمني ان اري لها تسجيلا مصورا
| |
|
|
|
|
|
|
Re: احمد الجابري كلما اعتقدت اني اعرفك اراك بعيدا (Re: khaleel)
|
ياسسسسسسسلام يا ابو خليل وياخلي انا بعد ده مفروض اصدر قراري سياسي وابعد منك رسمي وشعبي لانو بالطريقة دي يوم بلقوني مصلوب ومشنقل علي قارعة هذا الاسفير من اثر الاندياح والدهشة والايغال في امتصاص رحيق الحاجات القاعد تجيبها من بيت الكلاوي دي.. وياجماعة انا اعمل شنووووووو مع خليل ده..؟؟
| |
|
|
|
|
|
|
Re: احمد الجابري كلما اعتقدت اني اعرفك اراك بعيدا (Re: khaleel)
|
خلو ياخ ربنا يرحم الجابرى > فنان مدهش و صوت عميق
....................................................
وفى صف واقفين ومنتظرين يا قسطنطين > هدية انشاء الله بمناسبة زعمطت الارجنتين > ياريت حاجة من جووووووووووه بيت الكلاوى > ترجعنا لايام البركس و الجهة الخلفية لكافتريا هندسة و البعيو معانا يا جمالا
| |
|
|
|
|
|
|
Re: احمد الجابري كلما اعتقدت اني اعرفك اراك بعيدا (Re: طارق الكوتش)
|
Quote: وفى صف واقفين ومنتظرين يا قسطنطين > هدية انشاء الله بمناسبة زعمطت الارجنتين > ياريت حاجة من جووووووووووه بيت الكلاوى > ترجعنا لايام البركس و الجهة الخلفية لكافتريا هندسة و البعيو معانا يا جمالا |
يا كتاشة
كيكي عمل اااامي بالكنز براهو
خلينا في الجابري لحدي ما كيكي يفك المسجون
| |
|
|
|
|
|
|
Re: احمد الجابري كلما اعتقدت اني اعرفك اراك بعيدا (Re: ممدوح أبارو)
|
Quote: ابو خليل انا كيكي صحبك ياخي ما تجدع لينا هدية كدة بتاعة اخوان |
Quote: لكن انت عارف انا بحبك عشان كدة خليني اديني حاجة للجابري من جووووووووووووووة |
خلي و كيكي ملوك الون تو ( علي قول حبيبنا الفاتح ميرغني )
والله يوم بتكتلو ليكم زول هنا ! ! ! ! !
متعة لا توصف في حضرة مبدعنا الجابري
| |
|
|
|
|
|
|
Re: احمد الجابري كلما اعتقدت اني اعرفك اراك بعيدا (Re: خالد العبيد)
|
سلام يا خلي واحد صاحبي كان بيقول إنه" نصف الشباب في السودان تعلموا الحب على وقع كلمات اغاني الجابري، والنصف الأخر تعلم زرف الدموع الصادقة على اغاني زيدان والراحل هاشم ميرغني، عليه الرحمة.
Quote: تولي العام يا دنياي لم تعطف ولم تسال
ولم تدري كيف حال الحال منذ لقائنا الاول
وما زودتنا حتي القليل لعامنا المقبل
لكنك لم تكن تدري بما قد جد من امري |
الكلام ده زي السحر والطلسم كده مش؟
محبتي
| |
|
|
|
|
|
|
Re: احمد الجابري كلما اعتقدت اني اعرفك اراك بعيدا (Re: khaleel)
|
سلام يا خليل في زيارتي الاخيرة للسودان شهر اتناشر استمعت في سيارة شقيقي الى شريط للجابري اشد ما حيرني ان جميع ما يحويه الشريط اغاني قديمة جدا لم اسمع اي منها من قبل كترت التحانيس لشقيقي ان يهديني الشريط مانفعت معاهو اي تحانيس نوع انا مجدوع في صقط لقط ! وعندنا صقط .. وشنو وشنو !! قال لي الشريط ده انا لقيتو بالصدفة في مكتبة قديمة وما في زول منتبه ليه فتشت لي نسخة منو لكن كل المحاولات باءت بالفشل نقبت في محلات الشرائط في الشهداء محل محل ولم انجح الشريط يحمل اسم غريب لاغنية ما مسموعة
| |
|
|
|
|
|
|
Re: احمد الجابري كلما اعتقدت اني اعرفك اراك بعيدا (Re: خالد العبيد)
|
Quote: قال لي الشريط ده انا لقيتو بالصدفة في مكتبة قديمة وما في زول منتبه ليه فتشت لي نسخة منو لكن كل المحاولات باءت بالفشل نقبت في محلات الشرائط في الشهداء محل محل
|
ابو الخلد
بالقرب من سعد قشرة في محلات كاسيت اسمها يامن
بها اشرطة كاسيت نادرة ممكن توصي الجماعة في السودان
يجيب ليك منها
| |
|
|
|
|
|
|
Re: احمد الجابري كلما اعتقدت اني اعرفك اراك بعيدا (Re: khaleel)
|
من السيرة الذاتية للفنان احمد الجابري وردت هذه المعلومات ـ ولد الفنان أحمد الجابري بقرية الشرفة ـ أسمه الحقيقي هو أحمد محمد عبدالله الشهير بـ(الجابري) ـ إستقر في حي العرب بأم درمان.. ـ يوجد بهذا الحي الفنانون عبدالرحمن الريح – الطاهر إبراهيم – إبراهيم عوض والفنان التاج مصطفى والشاعر سيف الدين الدسوقي الخ.. ـ الجابري لم يتعلم كثيراً بالمدرسة ولكنه ثقف نفسه بنفسه ـ فاطمة محمد الجابري هي والدته التي كانت تعيش معه بحي العرب وقد جاء لقب الجابري من جده لأمه ـ وبعد وفاتها عاش ظروفاً قاسية وصعبة جداً وأعتزل الغناء فترة من الزمن وتدهورت صحته وعاش فترة إكتئاب وتعاسة ـ أهتم به اللواء جعفر فضل المولى قائد سلاح الموسيقى في ذلك الوقت وأبقاه بمستشفى السلاح الطبي ـ غنى الجابري أغنية الطاؤوس (ملك الطيور) والتي صاغها عبدالرحمن الريح في حديقة الحيوان بالخرطوم حيث كان يتردد كثيراً على الحديقة كل يوم جمعة وأحد . ـ يعتبر من أميز وأمهر عازفي العود في السودان وهو صاحب أجمل ريشة ولا يختلف أهل الوسط الفني في ذلك.. ـ قالت الفنانة الكبيرة أم كلثوم أن أجمل الأصوات في السودان الجابري ورمضان حسن ـ ظهر الجابري مع عدد من العمالقة في منتصف الخمسينيات والفترة الذهبية للإذاعة السودانية ـ من زملائه الذين ظهروا في نفس العام 1957م محمد وردي – صلاح مصطفى – زيدان إبراهيم – وفي بداية الخمسينيات 1953م ظهر سيد خليفة – إبراهيم عوض – صلاح محمد . ـ الجابري فنان متعدد المواهب فكان بجانب الغناء يحب الرسم وكان يستخدم جميع الالوان (في رسم لوحاته) وكان يشغل الأناتيك ولكن عبقريته تتمثل في الالحان.. ـ عاش الجابري وحيداً بعد وفاة والدته ومات وحيداً بتاريخ 24 أكتوبر 1997م
| |
|
|
|
|
|
|
Re: احمد الجابري كلما اعتقدت اني اعرفك اراك بعيدا (Re: خالد العبيد)
|
Quote: غنى الجابري أغنية الطاؤوس (ملك الطيور) والتي صاغها عبدالرحمن الريح في حديقة الحيوان بالخرطوم حيث كان يتردد كثيراً على الحديقة كل يوم جمعة وأحد . |
.إشتهر الجابرى بترديد هذه الأغنية "ملك الطيور" التى هى أصلا من مخلفات الفنان عمر أحمد " من ابناء ودمدنى " وقد كتب ود الريح الاغنية من وحى زيارات متعددة لجنينية النزهة كمايقولون وهى حديقة الحيوانات القديمة "برج الفاتح حاليا" بعد وفاه عمر أحمد فى ريعان شبابه او ميعةصباه كايقولون بفعل إخشوشان صوته السوبرانو الجميل بفعل البلوغ أصابه الإكتئاب فحدق فى الموت فقام ود الريح لاحقا بالسماح للجابرى بغناء "ملك الطيور" وللصوت الكاستراتو الجميل إسماعيل خليل بغناء: فى بعدك لقيت قربى وعزف لحن السرور قلبى. أما: كان بدرى عليك تودعنى وانا مشتاق ليك نشيد عمر أحمد الأثير فغناه أكثر من صوت منهم أبوعركى البخيت " برضو من مدنى" لكنها أجمل عند شرحبيل احمد عندما يغنيها بالعود فقط رغم إنه نادر مايفعل تحية لود الريح وعمر احمد والجابرى. ياخليل ود الريح قال أول مرة عزف لعمر أحمد عشان يختبر صوته باغنية القطار المرا للشفيع واغنية انا المعذب بالجمال للتاج مصطفى لم يستطع ان يعزف وتلخبط أكثر من مرة لان صوت عمر أحمد أصابه بمايشبه المس الكهربائى من روعه جماله وسحر بيانه فتامل.
| |
|
|
|
|
|
|
|