|
Re: برطع فرتق كنكش سردب .. صنقع هضرب زرقن بشتن .. ! (Re: جمال الباقر)
|
جمال الباقر .. هاك دا كلام الفاتح جبرة ..
Quote: برطع : البرطعة هى الجرى فى الفضاء بلا قيود أو موانع .. يقولون أن فلان بعد أن أمسك بزمام المسئولية فى المصلحة أصبح يبرطع فيها ساااى أى اخذ يفعل ما بدأ له بصورة (حرة) دون قيود أو موانع (مفيش حد بيسالو) !
فنجط : الفنجطة هى حالة تصيب (الحمير) بأنواعها المختلفة وهو نوع من الجرى بصورة غير منتظمة وغير متناسقة وغير مدروسة (إذا أردت أن تشاهده فتفرج على أحدى مباريات القمة) !
صنقع : صنقع الرجل أى رفع رأسه فوق (زى العاوزين يكبوا ليهو قطرة فى عيونو) ..
دنقر : عكس (صنقع) ودنقر الشخص رأسه أى خفضه (زى القاعدين يحلقو ليهو) ودنقير الرأس نحو الأرض دليل على الخجل والإنكسار لكن (حرامية) اليومين ديل حكمت الله زول بيدنقر راسو مافى !
فرتق : فرتق الشئ أى جزأه وقسمه بعد إجتماع كقولك تفرتقت الأحزاب المعارضة إلى أجنحة .. (هى بدون أجنحة ما عاملا حاجه) أو كقولهم (فلان) فرتق الحفلة أى إفتعل شجاراً فقام الفنان شال عدتو ومشى !
كنكش : كنكش فى الشئ أى قبض فيهو قبضة (الجن ما يفكها منو) ككنكشة بعض المسئولين فى مناصبهم .
سردب : السردبة (بضم السين وتشديد الدال وضمها) يقال أنها فى العامية هى أعلى الظهر وسردب الشخص أى وقف منحنياً دون حراك علامة عدم تفاعله وإكتراثه للأمر .. كقولهم (والله الحياة بقت صعبه خلاص لكن مسردبين ليها)
هضرب : الهضربة هى الهذيان والكلام (الخارم بارم) الذى يتفوه به الشخص عندما تتملكه الحمى ويمكن للشخص أن يهضرب (بدون حمى) إذا ما واجه موقفاً صعباً كتلك الزوجه التى سمعت أن زوجها قد قام بتطليقها فقالت : عادى ما مشكلة بس خلوهو (يطهر) ليا البيت ويضرب ليا الأولاد جير !
مزمز : المزمزة هى تناول الطعام فى لذة وتأنى خاصة (المشويات) والمحمرات والمتبلات والمقمرات وكده ! (طبعن ما معقولة الزول يمزمز بى بوش؟)
زرقن : الزرقينة هى أداة تستخدم فى ورش الحداده والنجارة لكبس القطع وضغطها ويقولون أن فلان قد زرقنوهو فى التحقيق زرقنة شديده (أكيد ما عندو ضهر)
طربق : الطربقة هى الكلام الكتير دون فائدة يقولون فلان طرباق أى (رادى وإتفتح) والطربقة من الممكن أن تصاحبها (هضربة) كما شهدنا فى لقاءآت المرشحين فى الموسم الإنتخابى الأخير .. مافيش تانى حاجة إسمها (بايركس) .. أنا ح أقفل ملف العنوسة فى السودان نووهائ .. ما بعرف شنو داك ( أها هسى فزتا يلا ورينا)
سلفق : السلفقة هى الحصول على المبتغى دون إستحقاق .. كقولهم والله الزول ده وصل نايب مدير سلفقة ساااكت (ما سلفقة كيف إذا هو كان شغال فى البوفيه)
عصلج : يقولون (الصامولة) عصلجت بمعنى أنها أبت أن تنفك من (المسمار )ووقفت فى حتة واااحده .. وفلان راسو (معصلج) أى لا يقبل التفاهم .. والموضوع معصلج أى واقف فى محلو وعاوز ليهو (ضحاكات) تحركو شوية !
خرخر : الشخص (الخرخار) هو ذلك الشخص الذى لا يتقبل الهزيمة أثناء اللعب ويغالط فى مجريات اللعب والنتيجة ولا يمتثل لقانون اللعبة وربما قام ببعض المخالفات حتى يكون الفوز من نصيبو وكده (أنا هسه جبتا سيرة حاجه) !
حندك : يقولون أن فلان قد حندك فلان إذ أخذ الأول فى التلذذ بشئ أمام مرأى ومشهد الأخير دون أن يكون للأخير مقدرة التلذذ بذلك الشئ .. وشعب (محندك) إذ كان معظمه يرى القلة تتلذذ (وهو قاعد يعاين) !
طمبج : طمبج الشئ إى (زادو موية) أكتر مما يجب ، وشوارع وساحات (مطمبجة) بالمياه يعنى (مليانة موية) .. ما الخريف (زى ما بنقول طوااالى ) جاء شنو؟ .... فجأتن !!
بشتن : بشتن الشئ أى زاده قبحاً والشخص المبشتن هو ذلك الشخص الذى يرتدى ثياباً قبيحة بالية غير متسقة والشوارع المبشتنة (زى شوارعنا دى) !
حمبك : أنظر خرخر
سنسن : السنسنة عند معاقرى الخمر هى السكر الخفيف .. يقولون أن فلان عامل سنة (بكسر السين وتشديد النون المفتوحة) حتى إذا ما زود الحكاية اصبح (سكران طينة)
عنقد : العنقدة هى أن يحول شخص أو شئ دون إكمال موضوع ما كقول أحدهم : والله كنت جاييك لكن بس ناس المرور عنقدوا ليا (عربيتو ما مرخصة) !
جهجه : جهجه الشئ اى (أفقده البوصلة) وخلاهو ما عارف الإتجاهات مما جعله يفقد السيطرة على الأشياء .. كقول أحدهم : يا ناس وزارة الصحة بالله ما تجهجهونا .. الإسهالات الحايمه دى جايباها الموية وإلا دى (إبتلاءآت ساااكت ) !
كسرة :
نكسر بى شنو؟ هو ناس المواسير و(الكسر) ديل خلو لينا حاجه نكسر بيها ؟ |
|
|
|
|
|
|
|
العنوان |
الكاتب |
Date |
برطع فرتق كنكش سردب .. صنقع هضرب زرقن بشتن .. ! | humida | 06-30-10, 07:23 AM |
Re: برطع فرتق كنكش سردب .. صنقع هضرب زرقن بشتن .. ! | humida | 06-30-10, 07:25 AM |
Re: برطع فرتق كنكش سردب .. صنقع هضرب زرقن بشتن .. ! | ماضي ابو العزائم | 06-30-10, 07:31 AM |
Re: برطع فرتق كنكش سردب .. صنقع هضرب زرقن بشتن .. ! | نادر النور آدم | 06-30-10, 07:34 AM |
Re: برطع فرتق كنكش سردب .. صنقع هضرب زرقن بشتن .. ! | omer osman | 06-30-10, 07:35 AM |
Re: برطع فرتق كنكش سردب .. صنقع هضرب زرقن بشتن .. ! | عبدالله ود البوش | 06-30-10, 07:48 AM |
Re: برطع فرتق كنكش سردب .. صنقع هضرب زرقن بشتن .. ! | محمد عبد الماجد الصايم | 06-30-10, 07:56 AM |
Re: برطع فرتق كنكش سردب .. صنقع هضرب زرقن بشتن .. ! | محمد عبد الماجد الصايم | 06-30-10, 08:00 AM |
Re: برطع فرتق كنكش سردب .. صنقع هضرب زرقن بشتن .. ! | محمد عبد الماجد الصايم | 06-30-10, 08:02 AM |
Re: برطع فرتق كنكش سردب .. صنقع هضرب زرقن بشتن .. ! | نادر النور آدم | 06-30-10, 08:04 AM |
Re: برطع فرتق كنكش سردب .. صنقع هضرب زرقن بشتن .. ! | أيمن الطيب | 06-30-10, 08:04 AM |
Re: برطع فرتق كنكش سردب .. صنقع هضرب زرقن بشتن .. ! | محمد عبد الماجد الصايم | 06-30-10, 08:09 AM |
Re: برطع فرتق كنكش سردب .. صنقع هضرب زرقن بشتن .. ! | humida | 06-30-10, 08:10 AM |
Re: برطع فرتق كنكش سردب .. صنقع هضرب زرقن بشتن .. ! | نور الدين عثمان | 06-30-10, 08:24 AM |
Re: برطع فرتق كنكش سردب .. صنقع هضرب زرقن بشتن .. ! | humida | 06-30-10, 08:28 AM |
Re: برطع فرتق كنكش سردب .. صنقع هضرب زرقن بشتن .. ! | ماضي ابو العزائم | 06-30-10, 08:32 AM |
Re: برطع فرتق كنكش سردب .. صنقع هضرب زرقن بشتن .. ! | نور الدين عثمان | 06-30-10, 08:36 AM |
Re: برطع فرتق كنكش سردب .. صنقع هضرب زرقن بشتن .. ! | محمد عبد الماجد الصايم | 06-30-10, 08:36 AM |
Re: برطع فرتق كنكش سردب .. صنقع هضرب زرقن بشتن .. ! | ياسر بيناوي | 06-30-10, 08:46 AM |
Re: برطع فرتق كنكش سردب .. صنقع هضرب زرقن بشتن .. ! | نادر النور آدم | 06-30-10, 08:49 AM |
Re: برطع فرتق كنكش سردب .. صنقع هضرب زرقن بشتن .. ! | humida | 06-30-10, 08:55 AM |
Re: برطع فرتق كنكش سردب .. صنقع هضرب زرقن بشتن .. ! | ود الباوقة | 06-30-10, 08:59 AM |
Re: برطع فرتق كنكش سردب .. صنقع هضرب زرقن بشتن .. ! | ود الباوقة | 06-30-10, 09:02 AM |
Re: برطع فرتق كنكش سردب .. صنقع هضرب زرقن بشتن .. ! | humida | 06-30-10, 09:04 AM |
Re: برطع فرتق كنكش سردب .. صنقع هضرب زرقن بشتن .. ! | ود الباوقة | 06-30-10, 09:06 AM |
Re: برطع فرتق كنكش سردب .. صنقع هضرب زرقن بشتن .. ! | ياسر بيناوي | 06-30-10, 09:07 AM |
Re: برطع فرتق كنكش سردب .. صنقع هضرب زرقن بشتن .. ! | humida | 06-30-10, 09:12 AM |
Re: برطع فرتق كنكش سردب .. صنقع هضرب زرقن بشتن .. ! | فايزودالقاضي | 06-30-10, 09:12 AM |
Re: برطع فرتق كنكش سردب .. صنقع هضرب زرقن بشتن .. ! | humida | 06-30-10, 09:16 AM |
Re: برطع فرتق كنكش سردب .. صنقع هضرب زرقن بشتن .. ! | جمال الباقر | 06-30-10, 09:19 AM |
Re: برطع فرتق كنكش سردب .. صنقع هضرب زرقن بشتن .. ! | humida | 06-30-10, 09:27 AM |
|
|
|