الأدوار المشبوهة للبروفيسور تيسير محمد أحمد في إريتريا .. إلى أين ؟ -بقلم الأستاذ /إبراهيم أحمد

Quote: «نعلن مسؤوليتنا الأخلاقية والسياسية عما حصل» ده إعتراف كامل يا سعد و الا الزول ده لا يعي ما يقول !!!! أنا ما عندي دليل و لا سماعي ساي إنو دكتور تيسير كان مشارك - و لو بالصمت - في الانتهاكات المذكوره : أنا بحاسبو بكلامو القالو !! ياخي زول قيادي في تنظيم - ما عارفو كان نمره واحد ولا اتنين فيهو - يقول بنعترف إنو تنظيمنا عمل فظائع بال magnitude ده و يجيبا بالتفاصيل دي و يبرئ نفسو ؟ و مش كده و بس يقول أنا ما عملت و ما كنت عارف لكن القيادي التاني في التنظيم كان عارف و مافي شئ بيتم من دونو !!! ياخي إنت قلت ما كنت عارف بالانتهاكات الحاصله كلها ، عرفت كيف إنو عبدالعزيز خالد كان عارف و مافي شئ بيتم من دونو ؟!! عملت بحث في قوقل أشوف لو حصلت محاكمات في موضوع التحالف ده و ما لقيت حاجه ، فبالله لو في زول عارف إنو في محاكمات حصلت يدينا خبر . لكن ما أظن يكون ولا حا يكون في محاكمات لانو قيمة الانسان في السودان الشقيق و في ارتريا الشقيقه لا قيمة لها !!!