الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: وحدوي ... نعم (Re: خيرى بخيت خيرى)
|
عزام. سلام، والله بتذكرني بالأخ بشاشا. هو ود عمك ولا غيرت اسمك(ما تاخدها بالجد) علي اي حال أتمني لو كان بشاشا هنا. الاخ شول اشوانق. الوحدة دي كلنا واقصد أنا وانت وعزام( ويا أكوي انت ما معانا) ونواحي، عيزنه بس مختلفين في طريقته وآلية تنفيذو. والظاهر حسبك نداءك واصوات الأخوة الساندوك انو والله اعلم في يدكم الآلية المطلقة!! خلاص فهمونا وأصد أنا وعزام( الطيب مصطفي برة الحكاية)!! ألبي يدكم شنو!! وحاتقنعوا منو؟! وفي كم فترة زمنية؟! والاتغير شنو؟! وليه الوحدة دي ما اتحققت في القرون السابقة!! خلاص خليناها نصف قرن!! برضو نكسر القرن ونخليهو عقد!! خلاص عشان خاطر أكوي نحل نص العقد ونبقي علي النص اللي هو ما بعد التوقيع علي الفشفاشا!! الممكن شنو الليلة اللي ما كان ممكن قبل كدا؟!! أكوي!! هويد اجي تنق! كو تنق أجي بانق!! شول!! دوق ردد لوي آعار نؤم، كو دق يا عار نؤم كي ئين! عفوا إخوتي . مجرد تصفية حسابات.
| |
|
|
|
|
|
|
Re: وحدوي ... نعم (Re: Albino Akoon Ibrahim Akoon)
|
Quote: الاخ شول اشوانق. الوحدة دي كلنا واقصد أنا وانت وعزام( ويا أكوي انت ما معانا) ونواحي، عيزنه بس مختلفين في طريقته وآلية تنفيذو. والظاهر حسبك نداءك واصوات الأخوة الساندوك انو والله اعلم في يدكم الآلية المطلقة!! خلاص فهمونا وأصد أنا وعزام( الطيب مصطفي برة الحكاية)!! ألبي يدكم شنو!! وحاتقنعوا منو؟! وفي كم فترة زمنية؟! والاتغير شنو؟! وليه الوحدة دي ما اتحققت في القرون السابقة!! خلاص خليناها نصف قرن!! برضو نكسر القرن ونخليهو عقد!! خلاص عشان خاطر أكوي نحل نص العقد ونبقي علي النص اللي هو ما بعد التوقيع علي الفشفاشا!! الممكن شنو الليلة اللي ما كان ممكن قبل كدا؟!! أكوي!! هويد اجي تنق! كو تنق أجي بانق!! شول!! دوق ردد لوي آعار نؤم، كو دق يا عار نؤم كي ئين! عفوا إخوتي . مجرد تصفية حسابات. |
لغاية أرجع ليك يا بنج البينو وارد ليك.
| |
|
|
|
|
|
|
Re: وحدوي ... نعم (Re: شول اشوانق دينق)
|
ابينو اكوى بعد التحيه الوحدة دي كلنا واقصد أنا وانت وعزام( ويا أكوي انت ما معانا) ونواحي، عيزنه بس مختلفين في طريقته وآلية تنفيذو. والظاهر حسبك نداءك واصوات الأخوة الساندوك انو والله اعلم في يدكم الآلية المطلقة!!
على حسب فهمك لعزام ممكن تورينا انت الاول ايه هو الطريقه والية التنفيذ الذى يتبعه هو اقصد عزام حسن فرح ،انا شخصيا ماشايف اىّ دعوه لى وحده فى كتاباته ومداخلاته هنا او اى بوست اخر ،هو نفسه الذى يتحدث بصوت الانفصالين امثال الطيب مصطفى ،فقط هو يحاول التخفى حول ماذا فعلنا للجنوبين فى السابق لكى نتحدث عن الوحده اليوم
الاجابه له ولك انت ياابراهيم اخوى هو ان لكل جيل فكر تحياتى
| |
|
|
|
|
|
|
Re: وحدوي ... نعم (Re: خيرى بخيت خيرى)
|
للمعلومية: - لم أنكر ولا يوم من الأيام مظالم أهلي في جنوب السودان وحتي في الخرطوم بل، عشت وخضت الكثير منها وعرفت معني الحرب والدمار. - لم أنكر حق الإستفتاء ولا حق من يريد ان يصوت للإنفصال بتاتاً ولا يحق لي ذلك مبدئياً. - أعتقد إعتقاد جازم بإمكانية إيجاد حلول عادلة وموضوعية بالنسبة لمشكلات كل الهامش السوداني في إطار الوحدة .
| |
|
|
|
|
|
|
Re: وحدوي ... نعم (Re: شول اشوانق دينق)
|
سأل Albino ، شول :
Quote: ألبي يدكم شنو!! وحاتقنعوا منو؟! وفي كم فترة زمنية؟! والاتغير شنو؟!
الممكن شنو الليلة اللي ما كان ممكن قبل كدا؟!! |
في الإنْتِظار يا شول (والله يا شول كُل ما أكتِب أسمك أرجع لأي مُداخلة ليك أتأكد مِن حُروفو ، خليتنا نِتْلفت ياخ)
| |
|
|
|
|
|
|
Re: وحدوي ... نعم (Re: عزام حسن فرح)
|
اسئله يائسه تعكس مدى يئسكم ومحدودية فكركم وليس بالضروره للوحدويين طرح كل مالديهم من خطط وافكار هنا على الملا وفى النهايه انت بالذات داير تعرف ليهياعزام؟ سلام
| |
|
|
|
|
|
|
Re: وحدوي ... نعم (Re: شول اشوانق دينق)
|
أعتقد إعتقاد جازم بإمكانية إيجاد حلول عادلة وموضوعية بالنسبة لمشكلات كل الهامش السوداني في إطار الوحدة .
نعم نعم شول اخوى هناك حلول سهله هنالك تجارب امامنا نراها ونعترف بنجاحها ونؤمن تماما بانها الحل الامثل لقضايا وطننا لكن هنالك عراقيل امامنا تمنعنا من الوصول اليها سر يا اخى ونحن معك انت الصح ،انت الاقوى مودنى بلاحدود
| |
|
|
|
|
|
|
Re: وحدوي ... نعم (Re: خيرى بخيت خيرى)
|
انتو با اخواننا ناس "ما اتو لحوار" ديل حيمسّخوا علينا البورط ...
الوحدة أو الإنفصال خيار موضوعى ... العواطف بتخربو ...
ناس الوحدة يجوا يقولوا كلامهم (جادى وموضوعى يا خيرى وطراجى)
وناس الإنفصال يجوا يقولوا كلامهم ...
ماهى مثالب الوحدة يا عزام؟
ماهى مثالب الإنفصال يا شول؟
شخصياً كنت فى مقاعد المتفرجين حتى اكتسب اخواننا الجنوبيين حق تقرير المصير ...
ومستعد لقبول نتايجو أياً كانت ... الدنيا ما حتطير ...
... المهم ...
| |
|
|
|
|
|
|
Re: وحدوي ... نعم (Re: تبارك شيخ الدين جبريل)
|
Quote: أعتقد إعتقاد جازم بإمكانية إيجاد حلول عادلة وموضوعية بالنسبة لمشكلات كل الهامش السوداني في إطار الوحدة . |
بهذا المنطق الصعب فقط بمكن ان تبني الاوطان
اما الفرقان والازقه ذات الانسجام المزيف فحجتها موجوده ومتجدده دائما والطلاق ليس اسهل الطرق فباطن الارض لا يمكن تجزئته
شول تحياتي وللشباب جميعا كامل التقدير
| |
|
|
|
|
|
|
Re: وحدوي ... نعم (Re: محمد علي شقدي)
|
كثيرا مايردد السيد عزام باننا جربنا الوحدة اكثر من خمسين عام ،دون الرجوع الى اين كنا قبل خمسون عام ،لماذا الاصرار بان لاعلاقة تربطنا بل التقينا من قبل خمسون عاما،وحاولنا ان نعيش متوحدين ولم نستطيع بل لابد من الانفصال!!!!!!! لماذا نسسى تاريخنا ومايربطنا من حضارة واحده ودماء واحد؟هل لسبب التداخل العرقى التى تم فى الشمال عبر القرون وغير لون بشرتنا يجعلنا رفض الانسان الافريقى صاحب الاصول بانهم مختلفين عنا عرقيا ؟لما الاصرار بان الفاصل الزمنى بين الشمال والجنوب فقط خمسون عام؟ ودليل رفض عزام عن صلته بالجنوبين هو المثل الذى ضربه فى المداخله اعلاه بان اهل اليمن ذات عرق واحد ،اى لديه مايميزهم عنا نحن السودانيين ،لايااخى العزيز لم يكن هناك اختلاف فى اعراقنا بل القاسم المشترك بيننا هو العرق الافريقى الزنجى وعاداتنا وتقاليدنا المتوارثه ،وليس صحيحا مايقال عنا باننا شعوب ذات اعراق متعدده ،ثقافات متعدده نعم والثقافة تتغير بتغير البيئه التى ينتقل اليها الانسان .نحن نختلف عن تلك الشعوب التى انفصلت لاننا شعب عريق ذات حضاره عريقه وموقعنا فى مكان القلب للقاره الافريقيه يميزنا عن تلك الشعوب خالص الود
| |
|
|
|
|
|
|
Re: وحدوي ... نعم (Re: haroon diyab)
|
Quote: شول ياعمك
صباح الخير
معقولة بس.....؟
يعني مايلمو فيك الا الساعة 3 صباحا
اصحي يابريش بيناتنا مواعيد |
يااااااااا هارون اها انا بسببي البين والظاهر والضمير المستتر ذاتو إنت المصحيك لغاية هسع شنو؟
السودانيين (وانا منهم) عندهم مشاكل في حكاية المواعيد دي ياخ فآسف جداً علي الخزلان يا عزيز.
| |
|
|
|
|
|
|
Re: وحدوي ... نعم (Re: Tragie Mustafa)
|
كتب عزام في أغلب مُداخلاتي في العمود ده شرحت ومحاسِن الإنْفِصال عيوب الوحدة
يااخوانا ممكن كلمة وحده يمكن تجى معاها كلمة عيوب ؟
عيب الوحده!!!! عيب الوحده ؟؟ معقوله يااااكوانا؟
| |
|
|
|
|
|
|
Re: وحدوي ... نعم (Re: خيرى بخيت خيرى)
|
هل تكون الدولة الجديدة دولة عربية في منطقة البحيرات؟ دولة عربية ثقافتها مسيحية غالبة هل تكون دولة على النسق اللبناني؟ ماهي طبيعة علاقاتها مع دولة السودان الشمالي؟ اعالي النيل وابيي وبحر الغزال هل تكون اقرب الى الشمال المسلم كيف تكون علاقات المسلمين الجنوبيين مع دولة السودان الشمالي؟ هل يقومون بتعمير الطريق البري لرحلات الحجيج السنوية ؟ هل تنفصل بمرور السنوات عرى التقارب بين اهل السودان الشمالي وقبيلة الزاندي باعتبارهم قبائل غير حدودية؟
| |
|
|
|
|
|
|
Re: وحدوي ... نعم (Re: عابدون محمد عابدون)
|
عزام كيفك ياخ انا داير اعرف تفاصيل قصة وليام دا لانو انا بعتبر انو في اغلب الاسر السودانية في قصة شبيهة والزمن اتغير كتير وبيني وبينك يعني انا بتعتبر انو حتى لو كانت الوحدة ممكنة الا انو التوجه الاستقلالي اصبح اكثر جاذبية الان يعني بالنسبة للجنوبيين تعرف انو حق تقرير المصير هو في حد ذاته اغراء يصعب مقاومته وبالنسبة للشماليين فهم برضه عايزين يعيشوا تجربة جديدة ياعزام ليه مانبدا نناقش مزايا الوضع الجديد؟
| |
|
|
|
|
|
|
Re: وحدوي ... نعم (Re: Tragie Mustafa)
|
انتى ياتراجى مابتتعبى من المشاكل مع الناس؟ ياخى انتى قالوا مرة طيبة وكويسة طيب مالك موترة اعصابك واعصاب الناس هنا؟ بعدين اخونا شول زول قال رأى وطرحه للنقاش ومن متابعتى لى شول ومواضيعه فهو راجل يمتاز بأدب شديد فى تعامله مع الناس كما انو راجل ذكى جدا وبيعرف يرد على الناس هسة انتى الجابك تردى بالنيابة عنه شنو؟
| |
|
|
|
|
|
|
Re: وحدوي ... نعم (Re: شول اشوانق دينق)
|
Quote: عابدون
مش غريبه احتلالكم للبوست ولا حتى مناقشة فكرة صاحبه كمان عايزين تطرحوا افكاركم انتو؟؟؟
Quote: ياعزام ليه مانبدا نناقش مزايا الوضع الجديد؟
يا اخي تشيل افكارك دي انت وعزامك ده وتفتح بوست جديد بعيد عن فكرة البوست الوحدويه ممكن بالله!!
مدخلاتكم مفسده للبوست وانسيابه وفكرته. صحيح جلابه!!
معقوله بس!! ناس تنداح قدر ده وتعفص لصاحب البوست بلا ادب؟؟؟ ولا احترام لحقوقه الملكيه؟؟؟ وتنسف فكرته وتبرطع في البوست!
انتو السودان كله مبرطعين فيه مستكثرين على شول ده بوست خاص في منبر عام يشرح فيه افكاره هو وليست افكاركم؟؟!! |
وِكْتين مسحتو مُداخلاتي جتْ ... مُداخلة تراجي دي ليه قاعده في فِجتا ليه ... ما دي زاااااتا الشعْللت النار فوقنا
ــــــــــــــــــــ وإنتو يا مُشاهدين أقعُدو تطيِرو لي في عِويناتكم الكُبار ديل ، ما حدثتكُم وقلت ليكُم وثِقو صوِرو أطبعو ... أها كُل الدُرر رااااحت منكُم ... بس منكُم إنتو بس ... أنا عِندي قاااااعدة في الحِفظ والصون ... في جِهازي ... في فِلاشي ... في CD يا سيدي في مُجلد رسلتو في رِسالة لِرقبتي ... عِنوان الرِسالة < مِن عزام فرح (الياهو) إلى عزام حسن فرح (الجي ميل) يجِده بِخير وكِده >
أها المولِد إنْفض الله لا ريحك إنت وإنت وإنتي والبهِناااك ديك حتو
| |
|
|
|
|
|
|
Re: وحدوي ... نعم (Re: عزام حسن فرح)
|
ياخى انتى قالوا مرة طيبة وكويسة طيب مالك موترة اعصابك واعصاب الناس هنا؟
يااخوى عبدون مسكاقمى
هنا وهناك ومحل ما وجدت مافى زول بيقدر يفهما الا هى تفهم نفسها !!!
| |
|
|
|
|
|
|
يا خيري...الزول ده مرق بره خط البوست الوحدوي
وانت تقول ما عارف ده سبب شنو؟؟
Quote: يااخوى عبدون مسكاقمى
هنا وهناك ومحل ما وجدت مافى زول بيقدر يفهما الا هى تفهم نفسها !!! |
....بالله!!
| |
|
|
|
|
|
|
Re: وحدوي ... نعم (Re: Tragie Mustafa)
|
وبالنسبة للشماليين فهم برضه عايزين يعيشوا تجربة جديدة ياعزام ليه مانبدا نناقش مزايا الوضع الجديد؟
عبدون يعنى ايه كلامك ده يااخوى تجربه جديده بتاعت شنو الدايرين يعيشوها الشماليين والوضع الجديدانت داير تتناقش فيه شنو؟ والله ياعبدون لو ماصلة القرابه البتربطنى بيك وبالحقيقه اول مره اعرف انك كوز غريبه!!!
| |
|
|
|
|
|
|
Re: وحدوي ... نعم (Re: خيرى بخيت خيرى)
|
ياود بخيت خيرى .. اولاد المرحوم على عبد القادر موجودين فى كندا ولا فى السعودية؟ واخبارهم شنو؟ ياخيرى انا ماجبهجى لكن (بعض) مواقفى بتكون قريبة منهم.. مالك ماظاهر فى موقع كرمة بى هناك؟
شول .. استميحك العذر فى هذا الحوار الجانبى فمن مزايا هذا الانترنت وسحره كونه جعل التواصل الاسرى والعائلى ممكنا مع بقاع بعيدة فى العالم.
| |
|
|
|
|
|
|
Re: وحدوي ... نعم (Re: عابدون محمد عابدون)
|
مزايا الوضع الجديدة والتجربة الجديدة وماادراك ما كل ذلك
هو وضع تنشا فيه دولة جديدة فريدة من نوعها غنية بمواردها افريقية الملامح مثلنا وعربية اللسان هناك الاف الجنوبيين درسو في الجامعات المصرية ومئات الالاف درسوا في مدارس الخرطوم وجامعاتها وهؤلاء يتحدثون العربية افضل من كثير من الشماليين اللغة العربية هي اللغة السائدة في مدن الجنوب الكبرى وستظل اللغة العربية راسخة وربما متطورة اكثر في الدولة الجديدة
دولة قريبة مناعلى امتداد حدود ثلاثة دول افريقية سابقة دولة صديقة وشقيقة
لم لا في قيادتها سلفاكير ورياك مشار وباقان اموم هم اشخاص عرفونا وعرفناهم عن قرب دولة نتعاون معها على الخير اذا ضافت بنا الحياة هرعنا لها واذا ضافت عليهم الظروف مكانهم بيننا دولة تحبنا ونحبها قوية عزيزة
| |
|
|
|
|
|
|
Re: وحدوي ... نعم (Re: عزام حسن فرح)
|
نواب الحركة الشعبية ينسحبون من البرلمان بسبب مفوضية إستفتاء أبيى Jun 29, 2010, 18:23
سودانيزاونلاين.كوم Sudaneseonline.com
كتب : خميس كات ميول / القاهرة - الخرطوم
وفقاً لمصادر موثوقة به إنسحبت الحركة الشعبية لتحرير السودان من البرلمان الإتحادى بسبب رفض المؤتمر الوطنى مرشح الحركة الشعبية لرئاسة مفوضية إستفتاء أبيى بالإضافة إلى الخلاف حول رئاسة اللجان داخل البرلمان حيث ترى الحركة الشعبية أن ترأس خمسة لجان برلمانية وأن تؤول لها نواب خمسة لجان أخرى الأمر الذى يرفضه المؤتمر الوطن مما أدى لتجميد نشاط نواب الحركة الشعبية حتى إكتوبر المقبل.
| |
|
|
|
|
|
|
Re: وحدوي ... نعم (Re: شول اشوانق دينق)
|
Quote: سأعمل من أجل الوحدة (حتي ولو كان علي مستوي محيطي الصغير) لإعتقادي بأنها الأفضل للسودان ولــ (إيماني القاطع) بأن كل شبر في سودان المليون ميل مربع لي كامل الحق فيها. تركت الحركة الشعبية المؤتمر الوطني طيلة الخمسة سنوات الماضية تفعل كل ما يحلو لها وجلست هي للشكوى فقط دون العمل الجاد من أجل ترسيخ مشروعها داخل المجتمع السوداني.
******** ********
إذا كانت الصورة أعلاه علي سور قبر الراحل د. جون قرنق دي مبيور بما فيها من مطالبة وحث للإنفصال فهذا شئ مؤلم بحق وحقيقة. |
| |
|
|
|
|
|
|
Re: وحدوي ... نعم (Re: صديق عبد الجبار)
|
ولو تسألنا....عن مدى مصداقية المدعين بالوحده من انصار المؤتمر الوطني لماذا لا يستضاف امثال شول اشوانق دينق في التلفزيون القومي ليتحدثوا عن الوحده من وجهة نظرهم؟؟؟ لعرفنا بان مصداقيتهم = 0
| |
|
|
|
|
|
|