|
بقر الفضائيات السودانية
|
متشابه علينا بقر الفضائيات السودانية البرامج متشابهه والضيوف نفس الضيوف مذيع مسطح يتكلم فى اى حاجة وضيوف عاملين طواف من قناة لاخرى نفس الفنان هنا وهناك مثلا حمد الريح غنى مع حسين خوجلى وفى برنامج السر قدور وفى هارمونى وحمد الريح كلامو اثقل من غناهو زيدان ظهر فى قنوات كتيرة الحلنقى ظهر مع حسين خوجلى ومع هلرمونى جمال حسن سعيد شايت مقاولة فى الكل
ناس النكت محمد موسى وما شابه فى كل مكان نفس النكت بتاعت الزول المجنون بالكوتشينة سمعناها اكتر من تلات مرات
الغريبة نفس العبارات المموجة عند المذيعيين والمذيعات نحيى فلان ونحيى علان الراحل المقيم الفنان القامة
تفتح هنا تسمع الحقيبة شكلت الوجدان السودانى كلو كضبا كاضب تفتح التانية دوبيت وغناء الدلوكة الجقر فى السودانية وفى هارمونى وفى النيل الازرق بالمناسبة الجقر دا فنان ولا باحث فى التراث ولا ود الحقيبة واولاد البنا فى كل مكان عاصم الفرجونى الامين الجقر كرهتونا ام درمان ذاتا
المشكلة ابونى قلنا ناس الجنوب ذاقو مرارة التهميش حيكونو عادلين ويهتمو بثقافات وفنون الهامش زى جبال النوبة والنيل الازرق لكن ابونى كلها غنا الجنوب فقط
الابداع فى جوهرو هو تنوع وجمال واختلاف
التشابه والنمطية دليل على فقر فى الخيال
قناة تستضيف فنان تانى يوم كل القنوات تستضيف نفس الفنان قناة تستضيف زول يقول نكتة يقوم يعمل لينا وجع وش
البرامج كلها حوارات مملة وغناء اغانى واغنى فقد كثير من جاذبيته برنامج حسين خوجلى بداية قوية فقط سهرات خيمة النيل الازرق فوضى مذيعين وهرجلة خيمة الشروق رتيب بينى وبينك فكرة الديتو ماعندها مكان فى الغناء السودانى وين الدراما وين برامج المسرح وين الشعر وين الافلام وين برامج زى صور شعبية وزى برنامج جرهام عبد القادر وين برنامج زى دراما هاشم صديق
جاى علينا العيد حنشوف نفس الضيوف الثقلاء ونفس مقدمين البرامج الثرثاريين ونفس النكت المكررة ونفس مسرحيات عادل امام القديمة
|
|
|
|
|
|
|
العنوان |
الكاتب |
Date |
بقر الفضائيات السودانية | mohmmed said ahmed | 08-30-10, 07:07 AM |
Re: بقر الفضائيات السودانية | EMU إيمو | 08-30-10, 07:52 AM |
Re: بقر الفضائيات السودانية | mohmmed said ahmed | 08-30-10, 08:18 AM |
Re: بقر الفضائيات السودانية | Mohammed Tirab | 08-30-10, 08:33 AM |
Re: بقر الفضائيات السودانية | عبدالله كع | 08-30-10, 08:34 AM |
Re: بقر الفضائيات السودانية | mohmmed said ahmed | 08-30-10, 01:55 PM |
Re: بقر الفضائيات السودانية | mohmmed said ahmed | 09-03-10, 10:28 AM |
Re: بقر الفضائيات السودانية | cantona_1 | 09-03-10, 11:15 AM |
Re: بقر الفضائيات السودانية | ahmed haneen | 09-03-10, 01:51 PM |
Re: بقر الفضائيات السودانية | عادل عبدالعزيز عبد الرحيم | 09-03-10, 02:25 PM |
Re: بقر الفضائيات السودانية | jini | 09-03-10, 02:30 PM |
Re: بقر الفضائيات السودانية | انس العاقب | 09-03-10, 03:46 PM |
Re: بقر الفضائيات السودانية | jini | 09-03-10, 03:56 PM |
Re: بقر الفضائيات السودانية | abubakr | 09-03-10, 03:59 PM |
|
|
|