|
الرسول آآآنجيمات جاوبني
|
الرسول آآآنجيمات جاوبني.. النبي فيكن شايفات تميراتنا الهناك.. الرسول فيكن التمُر سوا ام راس ولا لليلي يوقع وبقى هرود آآآنجيمات قولنلي الدفيق دبغ عراريق ولاد اهلي وهن مندلينا في حيضان البرسيم قولنلي ان بقى الناس يحشو في الصفوري جاوبني آآنجيمات: عمي الطيب لليلي يقرع في حيضان البرسيم والفردوس بت اريح آآآنجيمات ليلي خاتي طاقية القش في راسها وتحش في البرسيم للنعاج آآنجيمات رابح لليلي عربيتو تزوزي من مروي لي كريمي الرسول سلمن عليهو وقولنلو انا بالشوق كتل ضُمة ضُمة آآنجيمات زينب بت يوسف كفنها.. نصيحي.. نعل ما صايدها شي القمريي المعششيي في ديوان ود موسى لليلي تزغد في زغاليلا آآآنجيمات شايفات عناقريبنا الملايات يهبهبن فوقن قولنلي التُكل لليلي مولع نوره وفيهو زولا ياكلو في تُُرمي يا نجيمات في زولا تاني قننلو لبيني في حلة بت ابو دية الرسول أأنجيمات المعراكة ألتها فيها باقي كسري ولا فطير النبي فيكن ان ما شفتن المعلاق ان بقى فيهو باقي روب شي وحات ربكن قولنلي أبوي كيفنو لليلي يجيب بنبرو ويخت ساعتو في حرف الحوض ويتوضأ فشان يمشي لي صلاتو آآآنجيمات قولنلو لا تنساني من عفوك ورضاك خسمتكن بالنبي ان ما دعيتن ربكن يشيل شلل يدو اليمين فشان اقالدو آآآنجيمات ابراهيم اخوي كيفنهو.. انا في دربو غلبني الشوق ضُمة آآآنجيمات شوفنلي حل.. ماني داير اموت هني بي شوقي..
|
|
|
|
|
|
|
العنوان |
الكاتب |
Date |
الرسول آآآنجيمات جاوبني | طارق جبريل | 08-01-10, 00:05 AM |
Re: الرسول آآآنجيمات جاوبني | نادر النور آدم | 08-01-10, 07:27 AM |
Re: الرسول آآآنجيمات جاوبني | Fadl Karrar | 08-01-10, 08:54 AM |
Re: الرسول آآآنجيمات جاوبني | طارق جبريل | 08-01-10, 10:13 AM |
Re: الرسول آآآنجيمات جاوبني | طارق جبريل | 08-01-10, 10:12 AM |
Re: الرسول آآآنجيمات جاوبني | ليلي عثمان عبيد | 08-01-10, 10:48 AM |
Re: الرسول آآآنجيمات جاوبني | طارق جبريل | 08-01-10, 12:19 PM |
Re: الرسول آآآنجيمات جاوبني | ملكة سبأ | 08-01-10, 02:47 PM |
Re: الرسول آآآنجيمات جاوبني | طارق جبريل | 08-01-10, 03:53 PM |
Re: الرسول آآآنجيمات جاوبني | معاذ حسن | 08-01-10, 03:57 PM |
Re: الرسول آآآنجيمات جاوبني | EMU إيمو | 08-01-10, 04:03 PM |
Re: الرسول آآآنجيمات جاوبني | طارق جبريل | 08-02-10, 10:02 AM |
Re: الرسول آآآنجيمات جاوبني | طارق جبريل | 08-01-10, 09:49 PM |
Re: الرسول آآآنجيمات جاوبني | طارق جبريل | 08-02-10, 05:06 PM |
|
|
|