|
شاعرنا الجميل عزمي احمد خليل ـ ضيفا على منتدى الحروف
|
يحل ضيفا على منتدى الحروف بالدوحة ، شاعر الجمال والهوى الأستاذالشاعر الكبير / عزمي احمد خليل وسيصل الى مطار الدوحة على متن القطرية في تمام الساعة العاشرة من مساء الجمعة الموافق / 1 / 10 / 2010 وسيكون بيننا لمدة اسبوع ليحيل صيف قطر الى ربيع ...
|
|
|
|
|
|
|
|
Re: شاعرنا الجميل عزمي احمد خليل ـ ضيفا على منتدى الحروف (Re: بكري عباس علي)
|
أخي العزيز / محمد السني تحياتي وأشواقي ،
Quote: وسيكون بيننا لمدة اسبوع ليحيل صيف قطر الى ربيع ... |
اسبوع تمام ؟! .. يا حظكم والله .. أغبطكم أحبتي على استفرادكم وحظوتكم بشاعرنا الفخيم ، وأخينا العزيز الراقي .. عزمي ، وأتمنى له إقامة طيبة وسعيدة بين ظهرانيكم ومؤكد سوف يكون حال أهل الدوحة مثلما قال شاعرنا المبدع / السر عثمان الطيب : والساعة ديك عاد الدوحة تتجارى قاصداك يا السمح والناس توسوس لي بعض (يي داك وصل والله صح حتى اللي كان محزون وباكي الليلي عاد هش وفرح في يوم وصولك يا عزمي روحنا تب يبرا الجرح وأحسبها المرة الأولى ، إن لم أكن مخطئاً ، والتي يزور فيها دوحتكم الوارفة بمختلف ضروب الفنون والآداب ولا يلتقي فيها برفيق دربه و صنو روحه ، راحلنا المقيم ، وفناننا المرهف ، طيب الذكر الأستاذ / هاشم ميرغني ،عليه شآبيب الرحمة والمغفرة . أقول ذلك وفي مخيلتي بعضاً من كلمات شاعرنا الأديب الفنان الشامل يحيى فضل الله : ما معنى أن نشهد موات الأغنيات ؟ ما معنى هذا الصمت الذي لا ينتهي ؟ وهل نودع بعضنا ونذهب .. في سراب الذكريات .. ؟ كيف تبدو الذكريات ؟ كيف يبدو طعم أيام الشجن ؟
كيف يا ترى سيجد عزمي الدوحة وهي تفتقد أبو صداح ، هاشم ميرغني ؟! وأتمنى ألا ينعكس ذلك سلباً على حضوره وتجلياته الشعرية وهو يستنطق الصخر العصي في حضراتكم ، مثلما استنطق شيطان شعره غداة رأس السنة والتي أبهجنا فيها بتلك القصيدة عن راس السنة في منفاه الاختياري في بلاد العم سام :
تسالنى كيف راس السنه وانا بى هنا مليان شقا وشرقان ضنا يابختك انت هناك سعيد متهنى بالعام الجديد كلك فرح ودايب غنا وتسالنى كيف راس السنه حليل بلدنا وياحليل كل الجميلات والفرح وبلدنا بى رغم الظروف القاسيه والهم الطفح ما فيش بلادآ تشبها ولا غير سماها كنار صدح كل حاجه ليها طعم هناك حتى الحزن زى المرح وحناننا ما زى كل حنان ولا ناسنا زى الناس هنا وتسالنى كيف راس السنه انا لى زمن ما حضرت عيد فى وطننا وله فرحته يوم يوماتى شايلنى الاسى ويدينى بعدو كمان هموم الليل يمر زى حول هنا القاهو من اصحى واقوم وكتير ليالى تعدى بى من دون عيونى يجيها نوم واهو ديه حال كل زول غريب الرجعه ليهو تكون منى وتسالنى كيف راس السنه هنا لا فرح ولا عيد بيجى ولا بنعرف مروا كيف كل الاماسى زى الصباح وحتى الربيع زى كل صيف من عمرنا بيمضى الزمن وايامنا ماشه على خريف وعيوننا جافاها النظر وحتى القليب قرب يقيف والشوق خلاص كمل دموعنا واقدارنا مابيه تلمنا وتسالنى كيف راس السنه بالله كيف ناسنا الهناك طبعآ سعيدين فى الوطن الفرحه ما فرحة فلوس الفرحه احساس بالزمن وزى ما بيقاسوا من الظروف اهو نحنا حاضنانا المحن ومحنه فى بلدى العزيز فى الدنيا معدومة تمن وظروفنا بكره بتتعدل ومن تانى بيزورنا الهنا وتسالنى كيف راس السنه كل يوم يمر يابلدى فيك انشالله تقفزى للامام وربوعك الخضره الجميله بالخير يغطيها الغمام والناس تعود زى ناس قبيل لا فتنه لا جفا لا خصام وتعودى زى ماكنت اول عش للعصافير والحمام ونجيهو سوداننا الزمان وعليهو مانشيل همنا وتسالنى كيف راس السنه
مؤكد الدوحة ستزداد تألقاً وبهاءاً بوجود عزمي فيها فله كل الود والتحايا وهو يلتقيكم وأنتم تحتفون به . و .. قطعاً لن نوصيكم على التوثيق ، فأنتم أسياد ذلك ؟!
مودتي ،
( ليمو )
| |
|
|
|
|
|
|
Re: شاعرنا الجميل عزمي احمد خليل ـ ضيفا على منتدى الحروف (Re: محمد سنى دفع الله)
|
بختكم ياالسنى فى منتدى الحروف فى الدوحه.... الشاعر الكبير صديقناعزمى أحمد خليل ممتع الشعرممتع الحديث ممتع الصحبه وممتع الصراحه .... سعدت بصحبته أيام قليله فى القاهره قبل ثلاثة أعوام لم تسمح لنا الأشواق حتى أن نتبادل الشعر والغناء .. عزمى مبدع نادر وإنسان نبيل ... وبهذه المناسب ربما أقوم بزيارة الدوحه بعد عيد الأضحى إن شاء الله ... تحياتى لناس المنتدى والفنان عادل التيجانى وتحياتى للعزيز عزمى أحمد خليل.... بلغه أن السودان كله مشتاق لك يا عزمى ....
| |
|
|
|
|
|
|
|