|
بورداب جدة رايكم شنو في برنامج لثاني او ثالث ايام عيد الفطر ...
|
بعد الحضور الكبير لبوراب جدة في الافطار تناقشنا انا والارباب صلاح عثمان لتوطيد العلاقات بين البورداب وتحريكهم شوية وعمل برنامج تجميع كل البورداب مع اسرهم والشيرنق حسب الامكانيات ممكن تكون في المطار القديم وممكن تكون في استراحة وعصام محمد يوسف بكمرته الانيقة جاهز للتوثيق لهذا الحدث الكبير رايكم شنو مزيد من الاقتراحات وتفضلوا .
|
|
|
|
|
|
|
|
Re: بورداب جدة رايكم شنو في برنامج لثاني او ثالث ايام عيد الفطر ... (Re: وليد عبد اللطيف)
|
ده الكلام العملى الجيد شكرا وليد ود عبد اللطيف للاقتراح الانيق عموما الاقتراح كويس لانو بينشط العلاقات الاجتماعية بين الناس وانا اقصد العلاقات الاجتماعية بين اسر البورداب بجدة اتوقع المزيد من المقترحات حول الفكرة ؟ الناس توافق وباقى التفاصيل الاخرى ساهلة تب
مؤقتا كده بقترح استراحة تكون فى موقع يناسب حركة الجميع
العشاء .... قدرة فول كاربة او اى مقترحات اخرى
لى عودة انشاء المولى
| |
|
|
|
|
|
|
Re: بورداب جدة رايكم شنو في برنامج لثاني او ثالث ايام عيد الفطر ... (Re: وليد عبد اللطيف)
|
الاخ وليد وبورداب جده كل عام وانتم بخير الفكرة ببساطه جمع اكبر عدد من بورداب جده للتعارف وتوثيق العلاقات خاصة فطور رمضان بالرمال جاءت معطم الناس متأخرة ولم تكن هناك فرصه كافيه للتعارف وزي ما قال الاخ صديق رحمه وبعض الشباب بان تكون الامور مبسطه اكثر لضمان مشاركة اكبر عدد ممكن والاقتراحات مفتوحه للجميع وان كانت الصورة الموضوعه عشاء مندي بالمطار القديم للبورداب واسرهم واتمنى مشاركة الجميع بالاقتراحات والصور الموضوعه لاخراج هذا اليوم بصورة بهيه مع تحياتي للجميع
| |
|
|
|
|
|
|
Re: بورداب جدة رايكم شنو في برنامج لثاني او ثالث ايام عيد الفطر ... (Re: صلاح عثمان)
|
ود الصايم
Quote: العشاء .... قدرة فول كاربة او اى مقترحات اخرى |
معاوية ياخي بعد فطور فندق الرمال تقول فول ياخي الفول دا للحصان فقط
انت في دا ولا الارباب صلاح عثمان قال :
Quote: والاقتراحات مفتوحه للجميع وان كانت الصورة الموضوعه عشاء مندي بالمطار القديم للبورداب واسرهم |
قال نعمل الاكل بالمتر فضحكت كثيرا يعني اي واحد ياكل ربع متر او نصف متر أو25 سم للاطفال ويمشي يشرب لتر ماء هههههه طليان مطبخ جريف خطير او ريدان او العروبة اها ياجماعة مزيد من الاقتراحات وين ناس حجر ومجدي فضل وعادل عوض وباقي العقد
| |
|
|
|
|
|
|
Re: بورداب جدة رايكم شنو في برنامج لثاني او ثالث ايام عيد الفطر ... (Re: معاوية عبيد الصائم)
|
Quote: بالله يا استاذ صلاح شوف لينا شوية خواجات من شركتكم شان حبيب نورة يفهم شنو السعودية بنين فى العيد كيف
خواجات جدة غير ؟؟؟؟؟ |
هاهاهاها علي اليمين أول شفت عنوان البوست قلبي أكلني يعني ما عارفين أنا بصدد تنظيم حفلة البكيني بارك!!
شكلكم كدة عايزين تحرجونا مع الأجانب ساهي
والله لكن يا ناس جدة بنين بالغتوا
أعملوها في باب شريف عشان تبقي رحلة الشتاء والصيف شكلنا السنة دي بنعمل ليكم نفسيات بي جلاليبكم الكتيرة دي
ياخ معقولة من زمن لبسوا تياب البيض آيات الرضا
هاك بخت الرضا دي
| |
|
|
|
|
|
|
Re: بورداب جدة رايكم شنو في برنامج لثاني او ثالث ايام عيد الفطر ... (Re: معاوية عبيد الصائم)
|
الموضوع حتى الان مجرد فكرة فقط اذا وجد القبول ممكن تكوين لجنه من نشطاء المنبر امثال حجر - عصام دهب - ودالقاضى- جعفر محي الدين-الطفل المعجزه-العمدة ادم عاصم فقيرى-بالاضافه لوليد-ومعاويه وكل من يجد نفسه قادر على تقديم شئ وممكن دعوة بورداب مكه والطائف ونجن نعرف هذه الايام هناك كثير من الزوار المعتمرين وتكون هذه فرصه لتكريم النجوم منهم حنى الان القبول ضعيف نرجو من اقتنع بالفكره عمل مداخله مع تحياتى للجميع
| |
|
|
|
|
|
|
Re: بورداب جدة رايكم شنو في برنامج لثاني او ثالث ايام عيد الفطر ... (Re: صلاح عثمان)
|
يا حبيب والله الناس ديل لي سنتين عاوز اوصلهم واسلم عليهم وربنا ما كتي، فقلت فرصة العيد دي كويسة الواحد يمشي يقابلهم لحدي ما قريت كلامك دا غيرت رائي نووووهائي.
Quote: هاهاهاها علي اليمين أول شفت عنوان البوست قلبي أكلني يعني ما عارفين أنا بصدد تنظيم حفلة البكيني بارك!!
شكلكم كدة عايزين تحرجونا مع الأجانب ساهي
والله لكن يا ناس جدة بنين بالغتوا
أعملوها في باب شريف عشان تبقي رحلة الشتاء والصيف شكلنا السنة دي بنعمل ليكم نفسيات بي جلاليبكم الكتيرة دي
ياخ معقولة من زمن لبسوا تياب البيض آيات الرضا
هاك بخت الرضا دي |
| |
|
|
|
|
|
|
Re: بورداب جدة رايكم شنو في برنامج لثاني او ثالث ايام عيد الفطر ... (Re: معاوية عبيد الصائم)
|
Quote: والشروط كيف؟
لازم الزول يكون حافظ تلاتة أجزاء علي الأقل ؟؟ |
قبل اسبوعين كدا كنت بفتش لي في شقة جديدة انتقل ليها اها اثناء بحثي مشيت لي لمكتب في حي الصفاء وسالته عن شقق للايجار قال لي شايف العمارة ديك قلت ليهو بالحيل قال لي دي فيها طلبك بالظبط قلت ليهو علي بركة الله قال لكن .. في حاجة وابتسم قلت ليهو قول . قال لي صاحب العمارة مطوع وقال الدش ممنوع وهو جايب قنوات المجد الدينية وبوصلها ليك مجانا والتدخين ممنوع في العمارة رايك شنو ؟! صنيت شوية كدا وقلت ليهو : اها والعربون بتاعها كيف ؟ اسمع ليهو كم جزء؟ ضحك صاحبنا واضفت والجوال كيف؟ طبعا لازم انزل نغمة طلع البدر علينا !! صاحبنا انشرط بالضحك واضفت مواصلا طبعا الضيوف ممنوعين حين تضعون ثيابكم من بعد الظهيرة وبعد صلاة العشاء , صاحبنا عيونوا دمعت من الضحك واضفت مواصلا وصلاة الصبح كيف في المسجد ؟ طبعا بيجي ياخد التمام بتاعها قدام باب العمارة !! صاحبنا بتاع المكتب قال لي علي الطلاق الزول دا ما بتنفع معاهو قالها لي بالسوداني
ــــــــــــــ فكرة جميلة والافضل ان تقوم اللجنة التسيرية التي قامت بالافطار بمواصلة العمل والاتصال علي عضوية المنبر واخذ الموافقات الشفهية مبدئيا موافق ان لم اقضي العيد في الرياض باذن الله
| |
|
|
|
|
|
|
Re: بورداب جدة رايكم شنو في برنامج لثاني او ثالث ايام عيد الفطر ... (Re: اساسي)
|
Quote: قبل اسبوعين كدا كنت بفتش لي في شقة جديدة انتقل ليها اها اثناء بحثي مشيت لي لمكتب في حي الصفاء وسالته عن شقق للايجار قال لي شايف العمارة ديك قلت ليهو بالحيل قال لي دي فيها طلبك بالظبط قلت ليهو علي بركة الله قال لكن .. في حاجة وابتسم قلت ليهو قول . قال لي صاحب العمارة مطوع وقال الدش ممنوع وهو جايب قنوات المجد الدينية وبوصلها ليك مجانا والتدخين ممنوع في العمارة رايك شنو ؟! صنيت شوية كدا وقلت ليهو : اها والعربون بتاعها كيف ؟ اسمع ليهو كم جزء؟ ضحك صاحبنا واضفت والجوال كيف؟ طبعا لازم انزل نغمة طلع البدر علينا !! صاحبنا انشرط بالضحك واضفت مواصلا طبعا الضيوف ممنوعين حين تضعون ثيابكم من بعد الظهيرة وبعد صلاة العشاء , صاحبنا عيونوا دمعت من الضحك واضفت مواصلا وصلاة الصبح كيف في المسجد ؟ طبعا بيجي ياخد التمام بتاعها قدام باب العمارة !! صاحبنا بتاع المكتب قال لي علي الطلاق الزول دا ما بتنفع معاهو قالها لي بالسوداني |
الله يجازي محنك يا اساسي
| |
|
|
|
|
|
|
|