|
بِمُناسبة عيد الفِطر المُبارك ... تحت يد الأُستاذ جعفر عباس 300 كيلو ملابس لِلمايقوما
|
علشان الوِليدات يفرحو مع وِليداتنا ، دايرين نَوصِل ليهُم -حيلُمْ- ها الملابِس ... جمارِك الملابِس أمرها محلول بِواسطة مُنظمة تنادينا الخَيرِية وده حسب كلام الأُستاذ جعفر عباس (أبو الجعافِر) والحبيب عضو ها المنبر الأخ الفاضِل / النعيم ود علي ... أها بِقتْ الفرقه البنخُش بيها باب الخير ده ، فوق قروش شحن الملابِس مِن الدَوحة لِلسودان ... سِعر الكيلو الواحدِ في مطار الدَوحة بـ5ر12 رِيال قطري (5ر3 دولار أمريكي تقريبًا) والأُستاذ جعفر عِندو 300 كيلو ملابِس أطفال حقين أعمار مُخْتلِفة ... يعني الحِسبة بِتبقى كَدي : 5ر12 رِيال لِلكيلو الواحِد × 300 كيلو = 750ر3 رِيال قطري = 028ر1 دولار أمريكي (تقريبًا) [الدولار = 65ر3 رِيال قطري]
أها بسم الله نبدأ :
(001) عزام حسن فرح ------------ [10 كيلو/125 ريال قطري] (002) (003) (004) (005) ... إلخ
ــــــــــــــــــــــــــــــــــــــــــــــ العيد البِهل -حليلو- تراهو علينا بِفرحا ... شِنْ طعمو والعِيال في اللرِض مُنْطرحا ... الهِِـدِمْ مَـلَتََقْ وديك حتو فاقدا الطرحا ... يِمْه العِيال بذلو والنُفوس كمان مُنْشرحا ...
|
|
|
|
|
|
|
|
Re: بِمُناسبة عيد الفِطر المُبارك ... تحت يد الأُستاذ جعفر عباس 300 كيلو ملابس لِلمايقوما (Re: naeem ali)
|
Yasir Aloob ـــــــــــــــ [10 كيلو/125 ريال قطري] Hassan Makkawi ـــــــــــ [20 كيلو/250 ريال قطري] [email protected] ـــــــــ [28 كيلو/350 ريال قطري] OSMAN SAYED MOHAMED ــــ [40 كيلو/500 ريال قطري] عزام حسن فرح ــــــــــــــ [10 كيلو/125 ريال قطري]
ـــــــــــــــــــــــــــــــــــــــــــــــ - سِعر شحن كيلو الجرام الواحِد ، مِن مطار الدَوحة إلى مطار الخُرطوم = 5ر12 رِيال قطري - الدولار الأمريكي = 65ر3 رِيال قطري - المطلوب : جمع 750ر3 رِيال قطري = 028ر1 دولار أمريكي (تقريبًا) لِشحن عدد [300] كيلو جرام مِن ملابس الأطفال
| |
|
|
|
|
|
|
Re: بِمُناسبة عيد الفِطر المُبارك ... تحت يد الأُستاذ جعفر عباس 300 كيلو ملابس لِلمايقوما (Re: حاتم محمود الجاك)
|
Yasir Aloob ـــــــــــــــ [10 كيلو/125 ريال قطري] Hassan Makkawi ـــــــــــ [20 كيلو/250 ريال قطري] [email protected] ـــــــــ [28 كيلو/350 ريال قطري] OSMAN SAYED MOHAMED ــــ [40 كيلو/500 ريال قطري] حاتم محمود الجاك ـــــــــ [10 كيلو/125 ريال قطري] عزام حسن فرح ــــــــــــــ [10 كيلو/125 ريال قطري]
ـــــــــــ الفاضِل / حاتِم الجاك كيف حالك؟ علك طَيِب
في الحقيقة كان الأمل إنو الناس تِتْنادى فوق هِديمات العِيال وتَوصِلا ليهُمْ قُبال يِهل علينا العيد ، وهدا زي ما شايِف باقي للعيد إسبوع أو أقل والهِديمات ما وصلتُمْ ... كانت الفِكرة -ولازالت- إنو نجمع القِريشات هِنا إسْفيرِيًا ولامِن يِتِمْ مبلغ الشحن للسودان ، بدفعا زول دقا صدرو معانا هِنا في قطر وبعدين نقوم نرسِل ليهو التحويلات المُعلنه هِنا ، على حِسابو البنكي ... دي كانت الخُطة ... الظاهِر حننتقِل للخُطة [ب] الفحواها إننا ما حِنهمِل هِديمات العِيال ، بِتبقى نيه تَوصيل الهِديمات لِلعِيال قائِمة فوق عشم عيد الأضحى أو بِدون ما نربُطا مع أي مُناسبة ... المُهِم الهِديمات تصل العِيال في دار المايقوما لفاقدي الأبَويَن ، متى جُمِع المبلغ المطلوب كرُسوم الشحن مِن الدوحة لِلخُرطوم ... الجمارِك النعيم ود علي (عضو المنبر) بتَولى أمرها ، والله بِتولى أمر النعيم ود علي ، الحِكاية ما كَدي يا خوي ، تِتْولى بِتْولوك والنعيم ود علي ده زول مسلط فوق الخير ولِلخير وبِالخير ، البِدناهو كلو بِكْسب وأنا أكان شُفتو شوف العين حالِف عِلا أتْمسح فوقو وأقبِل راسو
تصوم وتفطُر على خير يا زول
| |
|
|
|
|
|
|
|