|
مساعدة مطلوبة من بورداب الصين
|
احتاج مساعدة من بورداب الصين . انشاء الله انوي زيارة هذا البلد في منتصف سبتمبر واحتاج بعض المعلومات المتعلقة بخطوط الطيران والاقامة .
|
|
|
|
|
|
|
|
Re: مساعدة مطلوبة من بورداب الصين (Re: imad hassan)
|
الأخ عماد حسن
تحايا ورمضان كريم
أنا ما من بورداب الصين لكن من زوارها ..
شنقهاي برغم إنها جميلة جداً معمارياً إلا أنها غالية بحد جمالها .. بيجين ظريفة ورخيصة
وفي شنقهاي لو لميت في زول أسمو محمد عوض طالب هناك ده الشفا كلو ..
تسلم يازول وربنا يوصلك بالسلامة وإنشاء الله يهبو بورداب الصين لنجدتك ..
وتحياتي تاني
| |
|
|
|
|
|
|
Re: مساعدة مطلوبة من بورداب الصين (Re: imad hassan)
|
عمـاد، سلام..
الف مرحب بيك، لكن ياخوى الصين دى عبارة عن أمم متحـدة، وكل ولاية ومدينة متخصصـة فى شئ معين ما تلقاه فى غيرها.. دحين يا ريت لو وريتنا الغرض من الزيارة والمطلوب شنو ومدة الإقامـة وتأريخ السفر، كدا الواحـد إن شاء الله يقدر يدلى ليك بشوية أقوال.
| |
|
|
|
|
|
|
Re: مساعدة مطلوبة من بورداب الصين (Re: cantona_1)
|
الاخ الصافي : لك التحيه والاجلال . اود ان اسال سوال : انت عايش في الصين لفتره طويله ؟ اريد مساعدتك في استشاره طبيه بخصوص العلاج بالخلايا الجذعيه لفاقدى البصر والذى حسب علمن انتشر في الصين بصوره مكثفه. اريد استشارتك ولك الشكر والتقدير
| |
|
|
|
|
|
|
Re: مساعدة مطلوبة من بورداب الصين (Re: Mahassin Ibrahim)
|
Quote: الاخ الصافي : لك التحيه والاجلال .اود ان اسال سوال : انت عايش في الصين لفتره طويله ؟ |
الأستاذة محاسن سلامات ورمضان كريم. أنا لست مقيماً بالصين لكن اسافر لها كثيراً بحكم العمل. الموضوع الذي ذكرت لا معرفة لي به ولكن يمكن الإستفسار عنه من ذوي الخبرة هنالك والأطباء منهم خاصة. شفى الله الجميع. مع تحياتي
كبـّـاشي الصـّـافي
| |
|
|
|
|
|
|
Re: مساعدة مطلوبة من بورداب الصين (Re: cantona_1)
|
شكرا ليك كتير الصافي. انا ساشرح ليك الموضوع عشان تكون الافاده وافيه. لدى شقيقي ((محمد)) الذى اسال الله له دائما الشفاء من ضعف البصر الذى هو نتاج ضمور العصب البصرى كما ذكرو له الروس العام الماضي. عرفت ومن خلال اخونا الكريم عمار عجول الذى بحث في مرض ولده لو تذكر هذه الحاله عن طريق غوغل وتوصل لتشخيص كرضه بصوره دقيقيه. انا استشرته وهو فعلا بحث في هذا الموضوع وذكر لي ان العلاج بالخلايا الجذعيه اصبح متوفر في الصين والحمد لله. فقط نصحني الاستفسار والتاكد قبل دفع اى قروش من الخوف من النصب والاحتيال. الحمدلله اهو ربنا لماني فيك لكي تساهم معنا في هذا الامر. نسال الله له الشفاء ببركة دعوات هذا الشهر الفضيل... وان يشفي كل مريض .........أمين يارب
| |
|
|
|
|
|
|
Re: مساعدة مطلوبة من بورداب الصين (Re: Mahassin Ibrahim)
|
الاخت محاسن،
سلام ولى صديق طبيب صينى وباحث فى الخلايا الجزعية، وهو فى شنغهـاى.. ارجو الصبـر حتى اجد رقمـه من إيملات قديمة أبحاث الخلايا الجزعيـة ما زال فى طور الأبحاث، دعى عنك العلاج به، وما زال العلماء يبحثون تفادى المحاذيـر (الحقيقـة) من إحتمال عدم مقدرتهم على السيطـرة فى إنقسـام الخلايا فى بعض الحالات.. فى الدول الغربية أعتقد لا زالت التجارب على حيوانات غير الإنسـان، أما فى كوريا وربما هنا فى الصين فديل ناس الله.
فى الصين هنا علاج الشــد.. أى شـد الأعصاب كبديل للنظارة الطبية، فربما حصل خطأ فى تفسيره على أنه علاج بالخلايا الجزعيـة.
| |
|
|
|
|
|
|
Re: مساعدة مطلوبة من بورداب الصين (Re: Abureesh)
|
شكرا ابوالريش علي هذه الافاده الهامه. ربنا يجزيك كل خير علي مبادرتك بالبحث والتقصي. صدقني نحن نعيش علي بصيص امل ان يرجع لمحمد حبيبنا هذا ولو جزء من بصره ولم نقنط من رحمة الله انه نعم المولي ونعم النصير.
سانتظرك ردك ولك الشكر اجزله
| |
|
|
|
|
|
|
Re: مساعدة مطلوبة من بورداب الصين (Re: Mahassin Ibrahim)
|
الاعزاء محمد الجزولي ، اكرم ، ابو الريش، كباشي
عاجز أنا عن الشكر لاستجابتكم السريعة واهتمامكم. بودي لو التقي نفر منكم في الخرطوم في في هذا الاسبوع خاصة قبل عودة البعض منكم الى الصين. اكرم، رجاء ارسال رقم الهاتف على المسنجر وشكرا لمن ارسلوا لي ارقام هواتفهم. وما عدمناكم يا صناديد
عماد حسن علي
| |
|
|
|
|
|
|
|