|
القرد والغيلم (تجديد الإقامة شرط ضروري)
|
الشجرة مطلة على النهر والقرد فوق الشجرة يأكل ثمرة ويرمي البذرة البذرة تقع طمبج في الموية بعد فترة القرد شبع مرة واحد لكنه تعود على موسيقى طمبج طمبج فصار يرمي الثمار بحالها في الموية عشان يسمع طمبج طمبج والغيلم في الموية يتبع
|
|
|
|
|
|
|
|
Re: القرد والغيلم (تجديد الإقامة شرط ضروري) (Re: Mohamed E. Seliaman)
|
Quote: فقرر أحد القرود سرقة بطيخة كبيرة من المزرعة
|
ما تزور في كتاب المطالعة يا محمد الشئ دا ثعلب ما قرد .. ووقت الثعالب ضحكت عليهو قام قال ليهم اوريكم مزرعة فيها بطيخ سمح وربط لكل ثعلب بطيخة في ضنبو .. بعدين كورك حارس المزرعة جاء قام كل الثعالب نطو الحيطة وضنباتم انقطعت .. وبقوا كلهم زي بعض عشان مافي اب سنة يضحك علي ابسنتين
| |
|
|
|
|
|
|
Re: القرد والغيلم (تجديد الإقامة شرط ضروري) (Re: A.Razek Althalib)
|
Quote: أمانة تجيك يا حيد الزين.. بالعقل كده.. في ثعلب بياكل بطيخ..؟
|
أمانة في ذمممتك يا ود الطالب شفتّ ليك قرد بيتكلم ..والا غيلم بيتونس ؟!
ما كلو قصص كتاب المطالعة الكانو قادننا بيها دي حسن الشاطر .. والرجل والطير .. والغراب النبيــه ..
ـــــ كان ما مبالغة شفت ليك طير بيباري ليهو جنازة
| |
|
|
|
|
|
|
Re: القرد والغيلم (تجديد الإقامة شرط ضروري) (Re: A.Razek Althalib)
|
الغيلم = ضكر السلحفاة..
وجاء في كل المعاجم العربية أن
الغيلم: هو ذكر السلحفاة.. وجاء في كتاب كليلة ودمنة لابن المقفع حكاية عن القرد والغيلم، وقيل عن الغيلم (الشاب الكثير الشعر)..
والغيلم هو منبع الماء في البئر.. وما في الدار غيلم.. يعني مافي زول..
مفردة الغيلم جمعهاغيالم..
للفائدة العامة..
| |
|
|
|
|
|
|
Re: القرد والغيلم (تجديد الإقامة شرط ضروري) (Re: HAIDER ALZAIN)
|
سلام الحبشي ..
معليش سؤال بسيط ..
هل ذهب بوست لك مؤخراً للخور خلال الثماني عشرة ساعة الماضية تتحدث فيه عن بكري وتداخلت فيه أنا ؟؟؟؟!!!
بحثت عنه ولم أجده !!! أرجو الإفادة ..!!
صنفرة :
لدي دراسة أجريها حاليا حول أسباب ومسببات ذهاب البوستات للخور ..!!
| |
|
|
|
|
|
|
Re: القرد والغيلم (تجديد الإقامة شرط ضروري) (Re: سيف النصر محي الدين محمد أحمد)
|
عندي قصة حقيقية داير أحكيها هناللحبشي و للسادة المتداخلين طالما المجال مجال قرود ..
سمعتو بي قبيلة جور شول في جنوب السودان البتاكل لحم القرود ..؟
والقبيلة التانية البتذم جورشول على أكلهم للحم القرود ؟!!
وزعيم قبيلة جورشول الدبر مؤامرة خلى بيها رئيس القبيلة التانية ياكل لحم قرد بدون ما داك يعرف ؟!!
طيب النحكيها ليكم من الارشيف :
Quote: على ضفاف نهر الجور هناك قبيلة تسمى (جورشول) ومناطق إقامة تلك القبيلة تحديدا بين مدينتي قوقريال وواو وتنتشر أيضا حتى مدينة أويل .. ويمكننا القول أن هذه القبيلة من إحدى بطون قبيلة الشلك خاصة وأنها تتحدث لغتها ..
قبيلة جورشول لديها شغف خاص بصيد وأكل القرود ولديهم موسم معين يدعون فيه شباب القبيلة للخروج إلى الغابات وينثرون شباكهم الضخمة لصيدها ..
والحقيقة أنه ليست كل القبائل الجنوبية تأكل لحم القرود بل أن بعض تلك القبائل تضطهد القبائل التي تستسيغ لحم تلك الحيوانات وهناك قصة تراثية سأسردها في هذا الخصوص ..
هناك قبيلة مجاورة لقبيلة جورشول تنتمي للدينكا .. ورغم أن هنالك شبه تداخل بين القبيلتين إلا أن قبيلة الدينكا تلك كانت تعير على جورشول أكلهم للحم القرود .. وفي إحدى الأيام قام سلطان قبيلة جور شول بدعوة سلطان قبيلة الدينكا تلك لتناول الغداء معه وبعد أن إنتهيا من تناوله تحدثا في شأن ذم قبيلة جورشول بسبب أكلهم للحم القرود وفي نهاية النقاش أخبر زعيم قبيلة جورشول رصيفه بأن تتوقف قبيلته عن ذم جورشول لأن الطعام الذي تناولاه الان عبارة عن طبيخ لحم القرد لذا فليتوقف الذم ..
فما كان من زعيم الدينكا إلا وان أدخل اصبعه في فمه وتقيأ يكل ما أكله .. وكادت هذه الحادثة ان تشعل الحرب بين القبيلتين لولا أن تداركها الزعماء والسلاطين ..
ولكن اثار هذه الحادثة لا تزال القبيلتين تتوارثانها جيلا بعد جيل لدرجة انه في الأسواق الان شريط كاسيت يغني فيه فنان مشهور من سلالةزعيم الدينكاذاك يسمى (وبار) يلمح فيه في إحدى أغانيه لحادثةطبيخ القرد تلك ..
بجانب جورشول فهناك أيضا قبيلة (ناكورو) والتي تستوطن الإستوائية حتى مدينة جوبا ويعتبر القرد فيها من الأطعمة الشهية لديهم ..
|
ويمكن زيارة الرابط دا عشان تعرفو أصل النقاش ..
تجهيز لحوم الكلاب في السودان للصينيين بين الحقيقة والخيال !!
| |
|
|
|
|
|
|
Re: القرد والغيلم (تجديد الإقامة شرط ضروري) (Re: سيف النصر محي الدين محمد أحمد)
|
Quote: ممكن اعرف ماهو العلجوم .. وماهو العينوم وأبو هبيرة .. |
تعرف يا ود الزين حأبقى ليك إنتقائي وبعزل عزل.. الاتنين اللونهن أحمر ديل ديل ضكر القعونج (ذكر الضفادع)>>
والأوسطانية ست اللون اللخضر ما أنطونا ليها.. لكن كان جردناها ورديناها لأصلها.. بنلقاها (ذكر الضفادع) جات في قصيدة النابغة الذبيان عل قول "إتغزل في سقطة خمار" وجن جنونه
بمخضب رخص كأن بنانه ** عنم على أغصانه لم يعقد
| |
|
|
|
|
|
|
Re: القرد والغيلم (تجديد الإقامة شرط ضروري) (Re: A.Razek Althalib)
|
Quote: والأوسطانية ست اللون اللخضر ما أنطونا ليها.. لكن كان جردناها ورديناها لأصلها.. بنلقاها (ذكر الضفادع)
|
إنا لله يا ود الطالب هسسع لافي الفة دي كلها عشان تقول لي الجماعة ديل كلهم ضكر القعوى طيب ما تقول من بدري كدة ..
شفت ابو هبيرة دا ضكر قعونج بيختلف من الباقيات .. لانه بيهبر* الهبرة ويقعد يغوغي ( هو القعونج بيغوغي والا ينقنق ) ؟
* الهبر حسب قاموس الدارجية السودانية هو الكضب الكُبار كُبار
Quote: بمخضب رخص كأن بنانه ** عنم على أغصانه لم يعقد |
بطل تزوير في أشعار العرب .. قال قعونج في اغصانه قال.. والله المتجردة دي لو النابغة قال ليها عاملة اصابعيك الزي القعونج دي كان جابتو للنعمان من اضنيو عشان يشوف شغلو معاهو ..
بس بيني وبينك هي قالوا كانت غليدة وماااكنة من اشباه اذا مرت الي بيت جارتها مرت مر السحاب لا ريث لا عجل يبقي ممكن اصابعيها تبقي في غليدة زي القعونجة
| |
|
|
|
|
|
|
Re: القرد والغيلم (تجديد الإقامة شرط ضروري) (Re: Mohamed E. Seliaman)
|
سلام الحبشي ..
بوست في معناه إنو بكري كاد أن يكون عضواً في المنبر بسبب مداخلاته المكثفة في الاونة الاخيرة ..
وأنا مداخلتي كانت في ما معناه (كاد شنو !!! يا خ دا بقى عضو معانا عديييل كدة ) ...
إتذكرتو ؟؟؟!!!
أي دو نوت هاف إني أكسيس تو الخور تو برنق يو ذا لينك ...!!!
| |
|
|
|
|
|
|
Re: القرد والغيلم (تجديد الإقامة شرط ضروري) (Re: ناذر محمد الخليفة)
|
Quote: يا الصادق شايف الحبشي طبق فيك أكتر من نص التكتيكات الأنا كاتبا في البوست دا .. نصيحتي ليك خش البوست سرعة وأدرس النص التاني الفضل وتعال طبقوا فيهو ..!!! |
لقيتك حريف يا ناذر.
وعلى العموم اخوك مادى الحبل للحبشي وبيدرس في التكتيكات، عشان كدة أن هسة في المرحلة "الفأرية"، والبوست بتاعك فتح علينا مداخل كثيرة، وأختصر الدراسة حيث أنه من الصعب العثور على هكذا مراجع.
تتليحة:
ارجو أن تواصل في الجزء الثاني من التكتيكات، وسنعطيك درجة البروف الإسفيرية بجدارة.
| |
|
|
|
|
|
|
Re: القرد والغيلم (تجديد الإقامة شرط ضروري) (Re: Mohamed E. Seliaman)
|
Quote: بوست في معناه إنو بكري كاد أن يكون عضواً في المنبر بسبب مداخلاته المكثفة في الاونة الاخيرة ..
وأنا مداخلتي كانت في ما معناه (كاد شنو !!! يا خ دا بقى عضو معانا عديييل كدة ) ... |
يا ناذر آخر متداخل رأيته كان الأخ عبد الرازق الطالب وكتب " أولى بلحم خروفو أو أولى بلحم بعيرو" أو حاجة بالشكل دا . ماعارف بعد داك الحصل بالضبط .
| |
|
|
|
|
|
|
|