|
|
|
 Re: وعصام الترابي يدوبي في قناة النيل الأزرق (Re: Ashraf el-Halabi)
|
حميد
والدنيا تساب
ولسة جايينا تساب يناير
"وأمدرمان تنوني"!
،،،،،،،،،،،،،
"ودَّاها فوق قُوز الرماد
كان ظنُّو يوم يومين تلاتِة
المُوية تنزِل والبحرْ يشرد شُراد
يفضل تَرا
يبراهُو بالسلُّوكة من ورا
والعِيوش والخير يعم يرقد رقاد
والناس تخُمْ خمّ السرور ، وماهُو البرا
ناساً كُتار فاكرين كدِي
يومين تلاتِة ، الحالة ترجع حالَتَا
ويبنوا البيوت هُو وشفَّعوا وأم الوِلاد
ينجمَّعوا ، ويسترجعوا الماضي
وشتاتات السواد في صالَتَا
شِيتاً ضحك شيتاً بِكِي
ويبقى الخراب دا رهاب رِهابْ
عِبرة وحكاوى بتنحكي بلدك مِتلْ كمِّين بلادْ
بدت الدقون فيها الخَتَا
نجَّس تراها المُتْرَفين
كِترتْ مواعين الفسادْ وكان كلمة الإسلام غُتـَا
جاتْ الَلَتْ الله وشالتا"
ــــــــــــــ
مصدر النص
| |
 
|
|
|
|
|
|
|
|
Re: وعصام الترابي يدوبي في قناة النيل الأزرق (Re: علي الكرار هاشم)
|
على وحسين سلامات.
| Quote: حلقة عاوزه الزول يكون داخل الصالة وفي يده عصايا |
نوب يا كرار!
بالعكس، (الدرقة) هي أنسب حاجة كان محتاجها الداخل صالة أمس دي!
يا مان السلاح الفي حلقة أمس دي يكفي متحرك كامل!
في عمك كدا كان براهو شايل خمسة سيوف وعكاز!!
ــــــــــــــــــــــــ
للأمانة كانت هناك درقة يتيمة
| |
|
|
|
|
|
|
|
|
|
Re: وعصام الترابي يدوبي في قناة النيل الأزرق (Re: د.محمد بابكر)
|
د. محمد سلامات
| Quote: والله العظيم دخلوها وصقيرا حام جد جد |
يروه بعيداً ونراه قريبا
الناس دي تعودت على مستوى معيشي معين
وتعودت على طريقة صرف غير مسؤولة، فكيف حيكون الحال بعد الانفصال والفطام الجزئي من البترول؟
منو الحا يغطي العجز دا لحد ما الباشوات ديل يتعودوا على ميزانية الشح؟
يا دكتور سكان العاصمة (لاحظ العاصمة) ليهم شهور بيشربوا الموية من ضرع النيل مباشرةً، من غير أي تنقية
الظاهر مافي ميزانية للشب!
ـــــــــــــــــ
للأمانة يا دكتور: فكرة "دخلوها وصقيرا حام" دي، بشكل جزئي، تخص الأستاذ الغائب عبد الله الشيخ، صاحب (خط الاستواء)
كل سنة إنت وهو طيبين
| |
|
|
|
|
|
|
| |
Ashraf el-Halabi
علي الكرار هاشم
Hussein Mallasi
د.محمد بابكر
سناء عبد السيد
فيس بوك
تويتر
انستقرام
يوتيوب
بنتيريست