|
أحذروا الـ (70) يا شباب الرياض... فإني لكم من الناصحين...
|
أمس وانا في المكتب من الصباح البدراني... رنَّ جوالي رسالة... قُلت فتَّاح يا عليم رزَّاق يا كريم... يا ربي الطاريني دا منو من أول الصباح... ألقاها ليكم من وزارة الداخلية الخدمات الإليكترونية... برااي في نفسي يا ربي جمال أبريدة دا هبَّب شنو... جاهُو المَبْعُوت دا من أول الصباح؟؟؟
|
|
|
|
|
|
|
|
Re: أحذروا الـ (70) يا شباب الرياض... فإني لكم من الناصحين... (Re: ود الباوقة)
|
Quote: ابو الحسين
صباح الخير
عليك الله تغير الخط
براها عيونا مدعمشة ........ |
ود الباوقة يا صديقي صباحك زين...
أها يا قريب سيدي عثمان... ساهر (المرور) لمَّن دخَل الرياض... كان في شمال الرياض والدوائر (من شرقي وشمالي وغيره)... ونحن في الجنوب متطامنيييييييييين ونشرِّف إضنينا لمَّن واحد من أصحابنا من أهل الشمال الفوق تجيهُو مُخالفة...
| |
|
|
|
|
|
|
Re: أحذروا الـ (70) يا شباب الرياض... فإني لكم من الناصحين... (Re: Al-Shaygi)
|
Quote: يا ربي شيتك ده بيخصني كمان ولا أبقى مارق؟؟ |
يخصك يا ابن عمي ويخص قريبي عبد اللطيف بكري كمان...
داكْت النهار زميلنا في الشركة في فرع الشمال... جاتُو مخالفة في جوالُو ونحن قاعدين جنبُو... قُلنالُو نحن الحمد لله أهل الجنوب ديل برنامج ساهر دا ما دخَلنا شي...
ونبرطِع سااااااااكت ونقُش خشيمْنا...
| |
|
|
|
|
|
|
Re: أحذروا الـ (70) يا شباب الرياض... فإني لكم من الناصحين... (Re: Al-Shaygi)
|
Quote: يعني ساهر يعاين فيني ويعضي أصابعه من الغيظ لأنه ما بيلقى فيني أي طريقة،،، إلا كان يقول لي معطل الحركة... |
أمااااااااني يا قريبي تاني بسَوِّيلُنْ جِنس دَايْ!!!
اللذيذة شارع الإمام علي (عليه السلام) مكتوب فيهو (70) وشارِع الستين الماشي علي بيتنا برضو مكتُوب فيهو (70) أها بقت كُراعي كلما تعصِر علي التمانين أجُرَّها وأقول لها أطرِي التُلْتُمية والرسالة الصباحية وارجعي لا ورَا كمان شوية... وازازي وازِح في السبعين... شُفت جنس المِحَن دي
| |
|
|
|
|
|
|
Re: أحذروا الـ (70) يا شباب الرياض... فإني لكم من الناصحين... (Re: أبو الحسين)
|
Quote: غايتو المنبر دا فيه جنس شحتفت روح |
أها يا صاحبي... قُلت أنَبِّه أُخواننا ناس جنوب الرياض... ما يسرحُو ساكت ويقولُو الحكايي لا فوق لا فوق... وكمان لازم يا شباب الواحد يحدث بياناتُو عند المرور... ويسجل رقم جوالُو... عشان الحكايي ما تتردِم فُوق ضَهَرُو والدنيا ما معروفة... تكون خافس السودان يقُولو ليك فوقك 9800 ريال لازم تسددها زي ما حصل لي صاحبنا هندي!!!
| |
|
|
|
|
|
|
Re: أحذروا الـ (70) يا شباب الرياض... فإني لكم من الناصحين... (Re: أبو الحسين)
|
Quote: زولك دا خليهو يبحلق كويس
عند الاشارات
|
ساهر مازال في مرحلة السرعة الزائدة فقط ياهذا,, ولم تطبق مخالفة قطع الاشارة وده قالو الناطق باسم شرطة المرور قبل يومين بس في التلفزيون السعودي
Quote: الرسالة قالت لي إنت يوم الخميس الفات... ماشي في طريق الإمام علي بن أبي طالب (عليه السلام) جنب صناعية العويضة... ومتبجِّح بي سرعة (95) والسرعة المفروض تمشيبها 70؟؟؟ |
انت فعلا عملت المخالفة دي ؟؟؟؟ بس عشان نعرف ... مايكون بليسوا ساي تحياتي
| |
|
|
|
|
|
|
Re: أحذروا الـ (70) يا شباب الرياض... فإني لكم من الناصحين... (Re: MOHAMMED ELSHEIKH)
|
والله يا ناس السعودية ناسكم ديل يستاهلوا يعلقوهم في اشارات المرور ياخي سواقتهم متهورة ورجالة ساي
طبعا قطع الاشارة عندكم عادي وتكون واقف في امان الله والاشارة حمراء و واحد من الربع الوراك يديك بوري لمن تامن عشان تمشي اها زي دا ما بستاهل الضبح
انشاء الله يسولكم زي ناس الدوحة قطع الاشارة يعتبر شروع في القتل وغرامته المرة الاولي 6000 ريال والمرة التالتة 50000 الف وسحب الرخصة
عشان يتادبوا
تحياتي للجميع
| |
|
|
|
|
|
|
Re: أحذروا الـ (70) يا شباب الرياض... فإني لكم من الناصحين... (Re: بكري عباس علي)
|
أمااااااااني يا قريبي تاني بسَوِّيلُنْ جِنس دَايْ!!!
اللذيذة شارع الإمام علي (عليه السلام) مكتوب فيهو (70) وشارِع الستين الماشي علي بيتنا برضو مكتُوب فيهو (70) أها بقت كُراعي كلما تعصِر علي التمانين أجُرَّها وأقول لها أطرِي التُلْتُمية والرسالة الصباحية وارجعي لا ورَا كمان شوية... وازازي وازِح في السبعين... شُفت جنس المِحَن دي
الله يجازي محنك يا أبو الحسين
| |
|
|
|
|
|
|
Re: أحذروا الـ (70) يا شباب الرياض... فإني لكم من الناصحين... (Re: بكري عباس علي)
|
Quote: طبعا قطع الاشارة عندكم عادي وتكون واقف في امان الله والاشارة حمراء و واحد من الربع الوراك يديك بوري لمن تامن عشان تمشي اها زي دا ما بستاهل الضبح |
والله يا بكري بيني وبينك ديل يستاهَلُو أكتر من كدي...
لكن والله الهرشة ظهرت فُوق عويناتُن ديل من ساهر حقنا دا... الحال دي ما فيها غرامات كبيرة زي حقتكم دي... أول أمس الجمعة ماشي بي الدايري الشرقي... والله العربات تزِح (من الخُوف) بس التقول في شارع مدني الضيِّق داك... براااااااي بقيت أضحك وقُلت حليل أيام كان يجيك الجيمس نابِل (على قول ود الباوقة) هواهُو يقرِّب يدِير عِرِيبِيْتَك من مسارها...
| |
|
|
|
|
|
|
Re: أحذروا الـ (70) يا شباب الرياض... فإني لكم من الناصحين... (Re: عبد اللطيف السيدح)
|
Quote: محمد معانا ما تغشانا
الخليفة ود الحسين
قالوا الملك قال لناس المرور ناس المدينتين المقدستين
ما تسوليهم ساهر
تعالوا علينا ساكت |
والله يا سيدح مع مداخلتك دي... كان قاعد معانا واحد من أهل مدينة المُصطفى عليه أفضل الصلاة والسلام... وقال ساهر دخل المدينة... يعني خُم صُر شويي كدي والشافها مقنطَرة فوووووووووق جنب ساعة برج الملك عبد العزيز وفي نفق العزيزية ما كضب...
اليومين دي نفحاتكم هاااااااااابي حلالي مولانا الميرغني في ضيافة جدُّو النبي عليهم جميعاً السلام... سلامات ولا تنسانا من صالح الدعوات في الأرض الطيبة ديك...
| |
|
|
|
|
|
|
Re: أحذروا الـ (70) يا شباب الرياض... فإني لكم من الناصحين... (Re: ود الباوقة)
|
Quote: طيب يا هذا والاشارة لو كانت خضراء وجيت
نابل بسرعة 100 في مخالفة ولا مافي ........ |
ود الباوقة...
صحيح الإشارات في جنوب الرياض لسع مافيها شي... وسمعنا قالُو في الستين مع البطحاء فيها عِقِيرِب... لكن ما أظن... لأن اليوم داك شوف عيني في واحد قطعها حمراااااااء وبالليل كمان مافي فلاشاً نوَّر فيهُو... يعني مافي كاميرا موجودة... نحن كَتْلَتْنا يا ود الباوقة في الحافلات الهايسات الموجودة في الطريق دي الله يصرفها!!!
| |
|
|
|
|
|
|
Re: أحذروا الـ (70) يا شباب الرياض... فإني لكم من الناصحين... (Re: نادر النور آدم)
|
والله يا ود الحسين يا أخوي سرعة 70 دي الواحد كأنوا وهو سايق قاعد يحبا ؟! عندنا في الملز شارع علي بن أبي طالب وعلى امتداده من الشمال للجنوب وحتى تقاطعه مع شارع الستين الممتد من منفوحة غرباً وحتى إشارة (ألبان الصافي) سابقا ، واضعين ليهم عربة هايس وداخلها مصيبة ساهر دي وشغال فلاشات على كيفك ؟! ويوم تلقاهو على يمينك وإنت متجه جنوباً في الطريق ، واليوم التاني تلقاهو برضو على يمينك وإنت جاي من الجنوب للشمال وبرضو السرعة 70 .. والناس كلها تهرس في 80 وإنت طالع ؟! والله 70 دي إلا تسوق بي نمرة 3 ؟!!
أنا أصابتني عين ساهر يوم 26/7 وجاتني الرسالة تاني يوم ؟! هسع دي بقيت أزاحم الشاحنات في أقصى اليمين عشان ما أفوت فوق ال 70 المسنوحة دي ؟! والله يستر علينا من الشاحنات ؟!
هو نحنا نلقاها من ساهر واللا من الشاحنات ؟! قال 70 قال ؟!
مودتي ،
( ليمو )
| |
|
|
|
|
|
|
Re: أحذروا الـ (70) يا شباب الرياض... فإني لكم من الناصحين... (Re: أبو الحسين)
|
Quote: يعني هسع زي ود عمي ود الباوقة دا قضا ليهو 25 سنة في الرياض منها 5 سنين اشارات سااااكت. |
يا زول انا لي 12 سنة بس
وخلاص ان شاء الله قربت
واحد صاحبنا قال لي الفلاش ضرب لكني متضاري في شاحنة
باقي لك بجيب خبري
وتاني يوم مخالفة 500 ريال لصقوها ليهو تجاوز سرعة
والله انا البارح لصقوا لي برضو 500 ريال نابل بي 140
والسرعة 100 طريق الخرج
دفتها طوالي لانو قالو ( بتدبل )
يعني دا بند جديد كمان
ومساهر الليل بعد مخالفاتو .....
| |
|
|
|
|
|
|
Re: أحذروا الـ (70) يا شباب الرياض... فإني لكم من الناصحين... (Re: abdulhalim altilib)
|
Quote: أنا أصابتني عين ساهر يوم 26/7 وجاتني الرسالة تاني يوم ؟! هسع دي بقيت أزاحم الشاحنات في أقصى اليمين عشان ما أفوت فوق ال 70 المسنوحة دي ؟! والله يستر علينا من الشاحنات ؟! |
ليمو يا صديقي رمضان مبارك عليكم...
الحافلة المقاصدي صناعية العويضة ديك ياها ذااااااااتَة الكـلبشتني!!!
قبل كم يوم كدي وقدَّامي جيب عجلتُو فوقها صقر جديان من وراء حق سودانيين مافي شك...
وانا ماشي سبعين(70) بالشوكة وهو كمان... واعاينلُو بي قعر عيني وبراااااااااي قلت في نفسي دا أكيد من ضحايا أُم سبعين... غايتُو الشاحنات دي ماااااب أزازي علي دربها... لأني قبل دا مقروص من جنبهم اليمين... وطبعاً حسب المرور لو الشاحنة هبشتك باليمين رفارْفَك وصداماتك وأنوارك من الناحية الشمالية تروح هَدَرْ
| |
|
|
|
|
|
|
Re: أحذروا الـ (70) يا شباب الرياض... فإني لكم من الناصحين... (Re: محمد عبد الماجد الصايم)
|
Quote: أبو حسين يا عمكـ سلامات المصيدة الحقيقية في تغيير الطرق الدائرية! يعني من الدائري الشمالي لما تخش الملكـ فهد بتكون السرعة فوق الجسر 70 وإنت داخل من 120 لطريق تاني 120 برضو! نفس الحكاية لما تغير من الدائري الشرقي للشمالي!! |
الصايم يا عمك...
الدائري الشمالي دا شهراً ما عندنا فيهو نفقة... مرررررررررة في الشهر نمشِيلُو ومقدور عليهو... لكن الكلام نص البلد دي والسبعين دي كيييييييف الحلل معاها
| |
|
|
|
|
|
|
Re: أحذروا الـ (70) يا شباب الرياض... فإني لكم من الناصحين... (Re: أبو الحسين)
|
يا ابو الحسين بارك الله فيك لي يومين براجع في مستشفي الملك خالد الجامعي من صباح
الرحمن وكتن اخلص بجي مستت بشارع الامير تركي لانه فاضي و بسراع بكون في المكتب
امس جيت طيران ما خليت بالي لللوحات بتاعت الطريق لكن بعد سبعينك القولت لصقوا ليك
بيها دبورة علي طول خليت بالي للطريق لقيتوا ليك كله سبعينات و الاشارات من فوق كلها سبعين سبعين
علي باللمون مما شفت السبعين الوقفت صحبي لمبة قرضت علي الخميسين بس و قدر ما
الشباب وراي يدقوا البوري عليك امانه الله عامل طناش و بس خمسين ما زدها لمن وصلت
المكتب ، بس دحين موضوع السرعة امس دا ممكن يجيب الهوى !؟ ووقتن بجيب الرسالة
الجاتك بعد كم يوم علشان الواحد يحلق ليها و يكون جاهز !!
عموما فتك بعافية و اكرر الشكر علي السبعين ...........................................
| |
|
|
|
|
|
|
Re: أحذروا الـ (70) يا شباب الرياض... فإني لكم من الناصحين... (Re: موسي عيسي)
|
Quote: أها هو شاف الفلاش قايلا شالتو هو
والله تلاتة يوم يجقلب
كل ما شوية يقوم يفقد الجوال
رعب شديد |
نادر رمضان مبارك عليكم...
أماااااااااااني كاميرتهم دي فيها جنس فلاش... بس كشافة قطر داخل علي الشِرِيك... يوم أنا وحرمي المصون جايين بي شارع عمر بن الخطاب من علِي النسيم... أها في السهلي البين مخرج 16 وإشارة الدباسي ديك... خاتِّنْلَهُن حافلة علي اليمين... وعلي حظي السمح اليوم داك أحكي لي في قصة لي أُم الحُسين وماسك شارع النص ومنهمك فيك يا القصة بلا يجيني الفلاش دا في عيوني... وفي نفس اللحظة بي خط اليسار جايي جيمس متنبل (علي قول أخونا ود الباوقة) الرصاصة أتاريها طالبَاهُو لكن أنا أدوَشَتني!!! لأنها جاتني في عيوني... ونشيل ونحلل... أقول ليها يمكن الفلاش دا قاصد بتاع الجيمس... وهي تقول لي نان مالها جات في عيوننا نحن... يبقى يا خرابة ماك رابط الحزام... أها بقَت لي تُوبة من يوم دوشة الرصاصة ديك الحزام أول شي أرُبطُو حتى أدور العربية... والحمد لله ربك رب الخير رماها في الجيمس لكن بعدها بي إسبوع وقعت في شر أعمالي مع السبعين!!!
| |
|
|
|
|
|
|
Re: أحذروا الـ (70) يا شباب الرياض... فإني لكم من الناصحين... (Re: أبو الحسين)
|
انا طبعا زول حزام شديد خالص و الحكاية دي متعود عليها من السلطنة. يوم كدي الصباح ربطت حزامي قلت اغشي الخليفة المدرسة وفعلا وقفت على يمين الشارع نزلت الولد وقمت فكيت الحزام اديهو المصاريف من الجزلان وعلي يساري اشاره مفروض اعمل فيها U تيرن واعود للشارع. وجدت فرصة زوغة سريعة وطبعا قلت اربط الحزام في وقوفي مع الشارة. اتاريهو بوليس الجن جنبي ويشوفني ليك اربط في الحزام وطوالي يقوم يلصق لي. 150 ريال مرقت من بيت العدوحرك من اقصى اليمين لأقصى اليسار بسر
| |
|
|
|
|
|
|
|