السؤال موجه لى ناس الولايات المتحده كلهم وين البطانه فى امريكا يعنى وين محل سهله كبير ما فيه عمارات ولابيوت فيه قش وابل ماضروى القش يكون زى قش البطانه والخريف هناك فى ولا مافى وفى صيد وحبر وغزلان وارنب لانو الفرجونى جاب كلاب من هناك مركبين ليهن مكنة f16 والله جرايات جنس جرى ياخ ديل بسبقو الصيده ويكسعنها من قدام والارنب دى من قولة تيت بجيبن خبرا فقلنا احسن نتخارج ونشوف لينا صرفه ونتجدع بى هناك والراعى عندى موجود لى البل بعد ما نعرف الحاصل والاجابه على الكلام الفوق بخبركم بى اسم الراعى
09-27-2010, 06:35 AM
حمزاوي حمزاوي
تاريخ التسجيل: 10-10-2002
مجموع المشاركات: 11622
Quote: السؤال موجه لى ناس الولايات المتحده كلهم وين البطانه فى امريكا يعنى وين محل سهله كبير ما فيه عمارات ولابيوت فيه قش وابل ماضروى القش يكون زى قش البطانه والخريف هناك فى ولا مافى وفى صيد وحبر وغزلان وارنب لانو الفرجونى جاب كلاب من هناك مركبين ليهن مكنة f16 والله جرايات جنس جرى ياخ ديل بسبقو الصيده ويكسعنها من قدام والارنب دى من قولة تيت بجيبن خبرا فقلنا احسن نتخارج ونشوف لينا صرفه ونتجدع بى هناك والراعى عندى موجود لى البل بعد ما نعرف الحاصل والاجابه على الكلام الفوق بخبركم بى اسم الراعى
في اتصال هاتفي الان اصدر ود المحرب شيخ العرب الخاتي اللوم قرارا بتعيينكم طباخا للصيد بعد ان قدمتم سيرتكم الذاتية موضحا فيها مهاراتكم في سلخ اب قنفت وسلخ الغزال وتكشن البصلة ولا سيما مهارتكم في حلة القطر قام .
09-27-2010, 09:06 AM
حمزاوي حمزاوي
تاريخ التسجيل: 10-10-2002
مجموع المشاركات: 11622
الزعيم ودشيقوق مسكاقمي عيدك سعيد أنا بعرف اطبخ تركين حتأكل صوابع وراه وحيفوتك بص الرصيرص طبعاً حتغير من ام رقيقة وملاح الروب وام فرنقيق إلى الهمبرغر والاستيك والله يا العرب حتتطوروا ويا سوق تمبول جاك بلاء تتخيل يا ودشيقوق يا اخوي المدعو صديق الموج لسع بيأكل كبدة الجمل وكمان نيئ تقول مركب في بطنو فرامه ما معدة
09-27-2010, 10:19 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
وحاة الله عينة كلاب امريكا ديل لو قامن ترسن وراء ارنبنا وقالت كدا اتكاملت بيهن خراشة الكتر تخلى دمهن يتقاطر .
منو القال ليك ###### امريكا بقدر على شقوق البادوب - وحاة الله تقوم يخمشو ليك شق يخليهو ينبح في السهلة
ياخ ديل مجربات افولك انا شفتهن بى عينى دى بقومن سدارى وبعدين نحن ماشين نقنص فى اوربا مش فى السودان يا استاذ داير تقول حقوق الحيوان امكن هناك يمنعونا ممكن
09-27-2010, 11:50 AM
خالد المحرب خالد المحرب
تاريخ التسجيل: 01-14-2007
مجموع المشاركات: 5705
Quote: ي بطانتين في امريكا يا ود المحرب صحراء كلهاري و مكان كان قاعد الفرجوني لووووول
الاخ نصار ذكرتنى نكته واحد من اهل العوض جا الخرطوم عمك جا وقف جنب الكفتريا السلام عليكم هاجنا عندكم فطور الود قاليه فى هامبورقر ياحاج قاليه انا اللنجليزى ما بعرفو
لكن ادنى الكبير فيهن دحين انا اى واحده من بطاين امريكا كويسه معاى بس الكبيره فيهن
09-27-2010, 09:36 PM
خالد المحرب خالد المحرب
تاريخ التسجيل: 01-14-2007
مجموع المشاركات: 5705
Quote: السؤال موجه لى ناس الولايات المتحده كلهم وين البطانه فى امريكا يعنى وين محل سهله كبير ما فيه عمارات ولابيوت فيه قش وابل ماضروى القش يكون زى قش البطانه والخريف هناك فى ولا مافى وفى صيد وحبر وغزلان وارنب لانو الفرجونى جاب كلاب من هناك مركبين ليهن مكنة f16 والله جرايات جنس جرى ياخ ديل بسبقو الصيده ويكسعنها من قدام والارنب دى من قولة تيت بجيبن خبرا فقلنا احسن نتخارج ونشوف لينا صرفه ونتجدع بى هناك والراعى عندى موجود لى البل بعد ما نعرف الحاصل والاجابه على الكلام الفوق بخبركم بى اسم الراعى
ياشيخ العرب امريكا كلها بطانه بس انته عجل بالقيام
بالنسبة لسؤالك عن السهله والصيد والارانب طلبك ده موجود
تقريبا في كل ولاية.. كان عاجباك كلاب الفرجوني نشوف ليك
الاحسن من الكلاب نشوف ليك صقر من صقور نيوهمشير
بختف ليك الارنب كف كرف قبل قولة تيت
09-28-2010, 05:55 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
خالد المحرب
الطيب شيقوق
Mohamed Abdelgaleel
حبيب نورة
الشامي الحبر عبدالوهاب
سيف الدولة كامل
نصار
فيس بوك
تويتر
انستقرام
يوتيوب
بنتيريست