|
Re: سوداني يتسبب في وفاة الإخطبوط بول.. (Re: احمد محمد بشير)
|
Quote: وذكر احد شهود العيان نوبة ضحك شديدة انتابت الاخطبوط بول وفقد بعدها الوعي لفترة طويلة، أدت إلى فراق حياته. وبعد التحريات الحثيثة تبين أن السبب وراء موت بول المفاجئ أن أحد زوار المتحف من السودانيين سأل الأخطبوط بول حول مدى مصداقية (المؤتمر الوطني) الحزب الحاكم في السودان نحو مكافحة الفساد المالي المستشري في الدولة، والتحول الديمقراطي. |
ليه يا ابو احمد بول ده ما درس طب والعلوم سياسية ذى اهل الانقاذ ديل..
ليه ما سمع بالفصل السابع كاداة تغيير فعالة على مبدا اخر العلاج الكي... والعراق ليس عنكم ببعيد
| |
|
|
|
|
|
|
Re: سوداني يتسبب في وفاة الإخطبوط بول.. (Re: السيد المسلمي)
|
Quote: وكالة الانباء الالمانية: ذكر مصدر مسؤول في مركز أوبرهاوزن للأحياء المائية الذي يتواجد فيه الاخطبوط بول انه فارق الحياة بعد محاولات حثيثه لانعاش قلبه، ولكن جميع المحاولات باءت بالفشل. وذكر احد شهود العيان نوبة ضحك شديدة انتابت الاخطبوط بول وفقد بعدها الوعي لفترة طويلة، أدت إلى فراق حياته. وبعد التحريات الحثيثة تبين أن السبب وراء موت بول المفاجئ أن أحد زوار المتحف من السودانيين سأل الأخطبوط بول حول مدى مصداقية (المؤتمر الوطني) الحزب الحاكم في السودان نحو مكافحة الفساد المالي المستشري في الدولة، والتحول الديمقراطي. |
يا زول! يا أبو أحمد إنت مش صحفي؟ الخبر دا نازل في الوكالة الألمانية؟ لو ما نازل معناها طيارتكـ قامت!!
| |
|
|
|
|
|
|
Re: سوداني يتسبب في وفاة الإخطبوط بول.. (Re: khalid abuahmed)
|
Quote: ليه يا ابو احمد بول ده ما درس طب والعلوم سياسية ذى اهل الانقاذ ديل.. ليه ما سمع بالفصل السابع كاداة تغيير فعالة على مبدا اخر العلاج الكي... والعراق ليس عنكم ببعيد |
.
الاخ الكريم عادل.. يا اخوي ما تذكر العبارات دي (الفصل السابع) وما أدراك ما اوكامبوا ناس ودالصائم وصحبه هسى بقوموا عليك..!!.
| |
|
|
|
|
|
|
Re: سوداني يتسبب في وفاة الإخطبوط بول.. (Re: khalid abuahmed)
|
يا أبو أحمد .. هسي ود الصايم متين قاعد يفضى ليكـ! ياخ إنت وصلت إنو فيصل الرشيد يضقّل بيكـ ماشي وجاي زي المريخ!
Quote: الاخ الكريم عادل.. يا اخوي ما تذكر العبارات دي (الفصل السابع) وما أدراك ما اوكامبوا ناس ودالصائم وصحبه هسى بقوموا عليك..!!. |
بعدين ما تقول كلام وبعدين تجري منو! صحبه دي مفرد ولّ جمع .. وديل منو بالضبط كـدا؟ وأنا دخلي شنو في موضوع أوكامبو؟
ياخ قلت ليكـ كلام واضح .. إنت زول صحفي وناسب كلام لوكالة أنباء .. الكلام دا صاح؟
| |
|
|
|
|
|
|
Re: سوداني يتسبب في وفاة الإخطبوط بول.. (Re: محمد عبد الماجد الصايم)
|
Quote: ياخ إنت وصلت إنو فيصل الرشيد يضقّل بيكـ ماشي وجاي زي المريخ!
|
.
بالمناسبة دي.. وين صاحبكم فيصل الرشيد..أين اختفى.....؟؟ يظهر انك يا ود الصائم ما متابع مع ان رمضان لسه ما جاء..؟؟. فيصل الرشيد تاني ما يدخل في كلام مع يا زول إلا يكشف عن نفسه...!!. ,غلا مافي زول بهببوا ليه..!!!.
أنا قلت ليه الرجال ان تظهر وتبان في النهار..زي كل الرجال في المنبر..!!. ومن ديك وعييييييييييييييييييييييييك..
| |
|
|
|
|
|
|
Re: سوداني يتسبب في وفاة الإخطبوط بول.. (Re: محمد عبد الماجد الصايم)
|
Quote: الخبر دا نازل في الوكالة الألمانية؟ |
.
الاخ ود الصائم تحياتي
في عالم الصحافة يعرف أن هناك أخباراًً ذات طبيعة (فكاهية) أو(هزلية)..أو (تهكمية) . بل توجد صُحف كاملة في العديد من الدول المتطورة في هذا المجال تنشر مواداً تُضحك من باب التغيير و الترفيه على القراء خاصة في الدول التي تعاني من سخونة الأجواء السياسية والاجتماعية. واعتقد ان رئيس وكالة الأنباء الألمانية إذا قرأ هذا الخبر..سيموت من الضحك، ذلك لأن مضمون الخبر يمثل أحلام شعب يتكون من 40 مليون نسمة..يحلمون بمحاربة الفساد المالي والاداري والاخلاقي وسط الطغمة الحاكمة، كما يحلمون بالتحول الديمقراطي الذي يمكن البلاد من الوصول ما تريد من تقدم وازدهار.
| |
|
|
|
|
|
|
Re: سوداني يتسبب في وفاة الإخطبوط بول.. (Re: humida)
|
Quote: عليك الله امشي اعمل برينت اسكرين للرسائل الرسلتها ليك .. عليك الله .. ما تبقى خالد همر و لا تلبس فنيلة همرا كان ما جبتها .. النبي .. الرسول .. |
. حميدة اخوي مااااالك زعلان ونفسك قائم...؟؟. لم اقصد رسائلك لي بل الرسائل التي ترسلها للعديد من الزملاء في البورد.. استهدى بالله يا...يظهر عليك ما سمعت الاستديو التحليلي للمباراة..!!.
| |
|
|
|
|
|
|
Re: سوداني يتسبب في وفاة الإخطبوط بول.. (Re: khalid abuahmed)
|
يا أبو أحمد .. عالم الصحافة دا نحن عايشين جواهو دي السنة الـ 15 أنا ما دخلت معاكـ نهائي في نوعية الخبر والكلام الفيهو .. أنا بعرف حاجة واحدة .. لما أخت قدام الخبر مصدر يبقى هو الطلع الكلام دا وهو مسؤول عنو تماما .. السؤال كان واضح
الخبر دا نازل في الألمانية ولّ إنت نسبتو ليها ساي؟
| |
|
|
|
|
|
|
Re: سوداني يتسبب في وفاة الإخطبوط بول.. (Re: محمد عبد الماجد الصايم)
|
وانت يا الصائم الظرافة وخفة الدم دي الا ليكم انتو بس ول شنو ..؟؟ واضح من العنوان ان خبر ابو احمد طابعه الهزل .. الجرائد الالمانية دي يوم 1 ابريل بتجيب خبر مثلا : انفجار دماغ المستشار الالماني وتاني يوم بتجي تقول كذبة ابريل .. دا تقليد عادي استثنائي ولا يحاسب محاسبة الاخبار الرصينة
| |
|
|
|
|
|
|
Re: سوداني يتسبب في وفاة الإخطبوط بول.. (Re: عبد المنعم سليمان)
|
نحن منو يا بيجو؟ أنا مسؤول من كلامي في البورض دا ليس إلا وأي حاجة قاعد أقولا مسؤول عنها مسؤولية تامة! كان جد كان هظار كان أي حاجة!
داير يهظر مافيها أي حاجة ياخ! بس ماف داعي يجيب لينا مصدر للخبر يخلينا نستغرب من الحاصل! بعدين لو الليلة 1 أبريل زي ما جبت للزول دا مراقة كان مشيناها .. لكن نحن يوم واحد أغسطس .. آب اللهاب!
| |
|
|
|
|
|
|
Re: سوداني يتسبب في وفاة الإخطبوط بول.. (Re: عبد المنعم سليمان)
|
يا بيجو .. أديني كومي براي! عندكـ كلام لأي زول تاني وجهو ليهو باسمو عشان يجي يتصرف بي راحتو .. ما تجمعني مع زول تاني! المداخلات القاعد أكتبها دي يمينا مكتوب (محمد عبد الماجد الصايم) ما مكتوب فيها (محمد عبد الماجد الصايم والهم التكاثر الذين معك ظرفاء البورد)! أي واحد معلّق من كيبورضو .. أي واحد داير يتظارف بي طريقتو!!
إنت بما إنكـ صحفي .. الكلام دا صاح؟ بتنسب كلام غير صحيح ـ بغض النظر عن الكلام شنو ـ لوكالة أنباء؟
في زميل هنا في البورض عمل بوست بطريقة مشابهة .. قال سيادة الأخطبوط بول قرر ينتحر ـ أو حاجة بالشكل دا ـ عشان البشير قال نهائي كأس العالم الجاي بين السودان وغانا! ورغم إنو ما صحفي ولا ليهو علاقة بالصحافة لكن جا قال الكلام على لسانو وما نسبو لأي واحد غيرو!
| |
|
|
|
|
|
|
Re: سوداني يتسبب في وفاة الإخطبوط بول.. (Re: محمد عبد الماجد الصايم)
|
يا ولد الصايم إنت مالك بقيت زول لِكه كدة شايفكـ عامل تحقيق سين و جيم وبعدين إنت داير تدفع الزول دة غرامة ولا شنو
إنت بسأل في شي وعارف سالفاً الإجابة .. الأخطبوط دة كان موجود في المانيا وبالتالي إنو الألمان أول من حيعرف وفات السيد اخطبوط عن طريق الوكالة بتاعتم يعني زميلك الصحفي أبو أحمد نسب الخبر للألمان (ناس الأخطبوط زااااااتم) و أبو أحمد بيفترض إنو الألمان أول من سمع بالخبر لانو الشي حصل في بلدهم
و أصلا الخبر فكاهي و أفهما وهي طايرة يا قرااااابة وبطل حركات حميض ود جيرانكم دة
| |
|
|
|
|
|
|
Re: سوداني يتسبب في وفاة الإخطبوط بول.. (Re: احمد محمد بشير)
|
Quote: وانت يا الصائم الظرافة وخفة الدم دي الا ليكم انتو بس ول شنو ..؟؟
|
.
عليك الله يا بيجو كلمو..انا قلت نطلع الناس من حرارة الأجواء والنظام العام وضرب الناس والشرطة واغتصاب الارتيريات وهلم جرا..إلى مساحات آخرى لكن يا خوك شايف ودالصائم ماسك ليك في مصدر الخبر والوكالة وحاجات زي كده..
زمان ايام الديمقراطية الثالثة (1985-1989م) وبالتحديد في صحيفة (ألوان) ملحق اسبوعي اسمه حلمنتيش ويحرره صلاح التوم من الله وشلة حلمنتيش وبعد فترة تتطورت الفكرة لبرنامج تلفزيوني بدأ تقديمه في بداية التسعينات، وكانت غالبية الاخبار التي تنشر في هذا المحلق من شاكلة خبر الاخطبوط بول..وكل شخصية في الساحة كان عندها رمز معين..مثلاً كنا نجد درق سيدو..أشهر الاسماء في الساحة آنذاك..
| |
|
|
|
|
|
|
Re: سوداني يتسبب في وفاة الإخطبوط بول.. (Re: khalid abuahmed)
|
الزميل أبوأحمد
Quote: ليك الله يا بيجو كلمو..انا قلت نطلع الناس من حرارة الأجواء والنظام العام وضرب الناس والشرطة واغتصاب الارتيريات وهلم جرا..إلى مساحات آخرى لكن يا خوك شايف ودالصائم ماسك ليك في مصدر الخبر والوكالة وحاجات زي كده.. |
عارف خفة الدم والظرافة حاجه ما معروفه موهبة ولا مهارة ولا شنو بالتحديد لكن بتكون عند ناس محددين سبحان الله عندهم سرعة بديهة وتتقبل منهم أي حاجة في ناس لطفاء ويضحكوك ويدخلوا البهجة بي اي كلمة والناس ديل ممكن تحبهم شديد وتبتهج عند سماعهم أو حتى تتذكرهم هسع في المنبر دا في ود الصايم دا وجنابو عمر عثمان من اللطفاء
كمان في ناس الظرافة وخفة الدم ما بتخيل فيهم وأحسن وضع ممكن يكونوا فيه الجدية ولو حاولوا يتخففوا ويتظرافو بعملو مصيبة وظرافتهم وخفتهم بتكون ثقيلة وبايخة وسمجة ومملة وبايخة وبتزهج الناس
| |
|
|
|
|
|
|
Re: سوداني يتسبب في وفاة الإخطبوط بول.. (Re: عبدالعزيز حسين عبدالرحيم)
|
Quote: يا ولد الصايم إنت مالك بقيت زول لِكه كدة شايفكـ عامل تحقيق سين و جيم وبعدين إنت داير تدفع الزول دة غرامة ولا شنو إنت بسأل في شي وعارف سالفاً الإجابة .. الأخطبوط دة كان موجود في المانيا وبالتالي إنو الألمان أول من حيعرف وفات السيد اخطبوط عن طريق الوكالة بتاعتم يعني زميلك الصحفي أبو أحمد نسب الخبر للألمان (ناس الأخطبوط زااااااتم) و أبو أحمد بيفترض إنو الألمان أول من سمع بالخبر لانو الشي حصل في بلدهم و أصلا الخبر فكاهي و أفهما وهي طايرة يا قرااااابة وبطل حركات حميض ود جيرانكم دة |
.
العزيز احمد محمد بشير والله اضحكتني لدرجة ما تتصور.. وعبرت عني تماماً..
| |
|
|
|
|
|
|
Re: سوداني يتسبب في وفاة الإخطبوط بول.. (Re: khalid abuahmed)
|
العزيز الزميل عبدالعزيز.. تحياتي وتقديري.. فعلاً كلامك حقيقة...وفي الصحافة ايام زمان في السبيعنات والثمانييات كانت الصحافة تحظى بكتاب لهم طعم خاص وبالفعل كانوا علامات مضيئة في الصحافة ايام زمان وكانت الصحف في حينها جامعة حقيقة ومن هؤلاء الكتاب الكاتب الساخر ضابط الشرطة المتقاعد محي الدين محمد علي (عليه رحمة الله) والعمدة صالح (عليه رحمة الله).
| |
|
|
|
|
|
|
Re: سوداني يتسبب في وفاة الإخطبوط بول.. (Re: khalid abuahmed)
|
Quote: يا اخوي ما تذكر العبارات دي (الفصل السابع) وما أدراك ما اوكامبوا ناس ودالصائم وصحبه هسى بقوموا عليك..!!. |
ديل بكونو قايلين الفصل السابع ده....اول اعدادي زمان...في مدرسة خور عمروالانجليزة بتاع ا مان اند زا بان يقومو شنو المواسير ديل الاخطبوط بول ده اخير منه خميس ود مريوم ولى الوداعية القالت الانقاذ دي 16 سنة ما عارفة الواحد بى جاي ولا بي جاي
كنت زمان قايل كل السودانيين اذكياء لكن البورد ده وراني انه فى سودانيين اذكياء فعلا وفي سودانيين يدعون الذكاء
| |
|
|
|
|
|
|
Re: سوداني يتسبب في وفاة الإخطبوط بول.. (Re: adil amin)
|
Quote: ديل بكونو قايلين الفصل السابع ده....اول اعدادي زمان...في مدرسة خور عمروالانجليزة بتاع ا مان اند زا بان يقومو شنو المواسير ديل الاخطبوط بول ده اخير منه خميس ود مريوم ولى الوداعية القالت الانقاذ دي 16 سنة ما عارفة الواحد بى جاي ولا بي جاي.. كنت زمان قايل كل السودانيين اذكياء.. لكن البورد ده وراني انه فى سودانيين اذكياء فعلاً وفي سودانيين يدعون الذكاء |
.
الاخ عادل..
انا من ايهم..الأذكياء ولا الذين يدعون الذكاء..؟؟. على العموم انا على يقين بأن الحقيقة التي يخشى هؤلاء من اكنشافها لعموم الشعب السوداني ستظهر يوماً ماً..مثلما تأكد للناس جرائم صدام حسين وقد تم القصاص منه..
| |
|
|
|
|
|
|
|