|
|
 مكرفون قدر ظروفك (فكره جديده)
|
او المايكرفون المفتوح للجميع
لنقل مافي الضماير والبصاير
من خيرات الافكار والاشعار والاغاني
المدخره لخير الشعب السوداني الكبير
لماذا يعبر المقتدرين عن انفسهم ويصمت من ليسو بحوزتهم مكرفون
لم تموت الازاهير قبل ان تولد
ولماذا تمضي الي دهاليز النسيان افكار المعيه براقه
هذه الفكره هنا
لفتح الباب علي مصراعيه للمبدعين والموهوبين من بنات وابناء شعب السودان
ملتقي الاجيال
والتعبير بكل اللغات واللهجات والاشكال
مزيدا من الحوار يطور الفكره
فتفضلو بالمساهمه
من اجل التعبير
فهو في عالم اليوم غريزه
وثقافه
وتحضر
ولتكن اكفنا مفتوحه من اجل التعبير
التعبير في حد ذاته كوسيله
حتي نصل بعدها لمرحله التقويم
لكننا الان نحتاج الي التعبير المباشر
في لقاءات حميمه واليفه
بين جدران الاهل والاصدقاء والاحباب
قل ماتشاء
افتح خزائن الانسان المعبأه داخلك بالجمال والسلام
قل خيرا
ولاتسكت
معا لتطوير الفكره
والعض عليها بالمواهب
في الهواء الطلق
في بيت الفنون
علها تخرج ماهو ساخن من اهواء واتربه ثم عبير
علها تطوف بنا في مقامات احتمال الاخر
واحترام الراي
وتنميه القدرات
وتزيد من تعلمنا في القدره علي الانصات
والتداخل
ومعرفه بعضنا البعض
وتفتح نوافذ جديده
للمحبه
والرقي
والاحساس بالوجود
والغناء
والشعر
والموسيقي
هي دعوه الي التعبير
لكل الاجيال
ليسمع كل جيل صوت الاجيال جميعا
وهي فكره تلقي رواجا في كل الدنيا
مابالنا لانعبر
حتي لاصدقاءنا
واهلونا
واطفالنا
وحكامنا
مابالنا لانلقي التحايا علي داخل المنزل والمكتب
ولانقول لمن نحبهم نحبكم
ماالذي اصاب السنتنا
السنه الاباء والابناء
الازواج والزوجات
حتي المحبين والعشاق
لم يعد بمقدورهم_ هن
التعبير
حتي عن الحب
ظنا منهم-منهن
انه الادب والعفاف واستقامه الاخلاق
ان كان ثمه مرصد يرصد
واظنه يوجد
ودرجات تقاس
لاصبح ترتيبنا بين الشعوب مضحك ويدعو للشفقه والرثاء
في شأن التعبير
فلنعبر
بكافه الاشكال عنا
من نحن
كيف نفكر
ماذا نتمني
ولنصفق للجميع
مهما كانوا مخطئين مايظنون
لكنا نكون قد باركنا لهم التعبير
بوابه التغيير
مايك فري
و
|
|
 
|
|
|
|
|
|
|
|
Re: مكرفون قدر ظروفك (فكره جديده) (Re: بيت الفنون)
|
ببساطه ممكن
يجو كل افراد الاسره
والعاوز المايك دقايق يسجل اسمو
ويحدد شكل المشاركه
ويطلع المسرح يقول العاوزو في 5 او 10 دقائق اقتراح
شعر
غناء
نثر
اقتراح
كل شي كل شي
لاتوجد لجان للاجازه
اللجان هي اكف الجمهور المتابع
ويمكن حشد مجموعه من المتمرسين في يوم ضربه البدايه
لن تكون الفكره مثل نجوم الغد مثلا
لانها لاتقتصر علي اعمار معينه
نواصل
| |
|
|
|
|
|
|
|
|
|
Re: مكرفون قدر ظروفك (فكره جديده) (Re: طارق الأمين)
|
نواصل
برنامج مدته ساعتين ونصف
من تمنيه ونص مثلا وحتي الحاديه عشره
بتوزيع الزمن الي 30 قطعه ( 5دقائق)
يمكن الحصول علي نتيجه مفادها
30 فرصه تعبير من مختلف الاجيال
حقو نبداها بي بورداب الخرتون
نخلي ناس تبلدينا يفرغو مافي الجوف والضمير
عشان مايطرشقو
بعد داك نبدا قيم جديد
لكن ماعارف زول زي حسين ملاصي داك
ح يملاها بي شنو
اهو فكره
هو الافكار بفلوس ؟
| |
|
|
|
|
|
|
|
|
|
Re: مكرفون قدر ظروفك (فكره جديده) (Re: طارق الأمين)
|
في الاحياء جميعا
لماذا ينظر الناس الي الناس شذرا
تحدث حتي اراك
قل ان الحقيبه لاتروقك كغناء
لن يكون هنالك سيف مسلط علي رقبتك ايها العشريني
قل انك لاتفهم سلوك الاجيال الجديده ولماذا يدمنون الفيس بوك
لن يقاطعك احد ايها الخمسيني
قولي انك تريدين العمل في نظافه الشوارع
او بيع اسبيرات العربات الكوريه في المناطق الصناعيه
لكن المجتمع يرفض ذلك
لن نرفض الاستماع اليك
ايتها الثلاثينيه
متي نبدو امام الاخرين كما نحن
اهو
فكره
ونواصل
| |
|
|
|
|
|
|
|
|
|
Re: مكرفون قدر ظروفك (فكره جديده) (Re: humida)
|
العزيز طارق الامين
تحياتي
كما قال محجوب شريف
كم حقل كامن في حفنة بزور
انت زول رائع دوما من زمااااااان من قبل (نبني مجدك ومهرجانك ياصحافة )
بالمناسبة عندي تسجيل فيديو لتخريج طلاب الصحافة (دفعتك) وفيهو انت تشدو مع كورال الصحافة (نبني مجدك ومهرجانك ياصحافة )
تدفع كم وارسل ليك نسخة
| |
|
|
|
|
|
|
|
|
|
Re: مكرفون قدر ظروفك (فكره جديده) (Re: عثمان الشيخ)
|
Quote:
العزيز طارق الامين
تحياتي
كما قال محجوب شريف
كم من حقل كامن في حفنة بزور |
فعلا ياحبيب
لولا ذلك
لما زرع الناس
يسلم
وتسلم
Quote: بالمناسبة عندي تسجيل فيديو لتخريج طلاب الصحافة (دفعتك) وفيهو انت تشدو مع كورال الصحافة (نبني مجدك ومهرجانك ياصحافة )
تدفع كم وارسل ليك نسخة |
ادفع علي حسب طول الشعر في الفيديو المسجل
تحياتي ومودتي
| |
|
|
|
|
|
|
|
|
|
Re: مكرفون قدر ظروفك (فكره جديده) (Re: صديق عبد الجبار)
|
الزول لمان يكون فنان
اها طوالي يقعد ينضح
وما يكمل
زي الحفرة قدر ما تحفر فيها تزداد عمقا (وعبقا)
انا في عمرك يا اخي الأصغر كنت احمل كثير مثل هذه الأفكار بس قدر ظروفك كان في رحم الغيب .
فاندثرت المواهب بفعل المواهم المعايشية
وتركنا الرسم
و الخط
والموسيقى
و التمثيل
بس غايتو وصف لي موقع بيت الفنون دا
عشان اجي من الطيارة مباشرة في العيد
ان شاء الله اقول:
"تست... تست....1....2...3 تست"
| |
|
|
|
|
|
|
|
|
|
Re: مكرفون قدر ظروفك (فكره جديده) (Re: MOHAMMED ELSHEIKH)
|
تسلم يا طارق
راسك دايما يقطر دهب ..
وقلبك دايما علي بلدك وولد بلدك ...وبلد ولدك..( الراجنو بي فارغ الصبر)
لدينا تجربة تشبه المايك المفتوح من خلال المسارح المتحركة التي تتبع لمجموعة دال(3 شاحنات مزودة بأجهزة صوت وإضاءة ومولد كهربائي) نستخدمها للترويج للمنتجات الاسبهلاكية عن طريق مشاركات الجمهور من غناء وشعر ومسرح وكوميديا ورقص brakedance( ويشارك في هذه الفقرة بالذات الشباب و الاطفال الhomeless والقليل من العاب المهارات في كرة القدم ,والمسابقات المتعلقة بالمنتج.
نوقف المسرح باحد اماكن التجمعات -مواقف المواصلات او الميادين داخل الاحياء السكنية ونعلن عن البرنامج والذي ندعو فيه الحضور(ستة متنافسين) للتنافس في الغناء او الشعر او الرقص -حسب الفقرة المعلنة- امام الجمع على ان يتم التقييم من قبل الجمهور برفع الايادي لاختيار الفائز.
التجربة لها الان 6 سنوات غطينا فيها اغلب مناطق السودان الممكنة والان يتواجد فريق المسرح المتجول بمدينة الدويم ومناطقها حيث سيتحرك الي كوستي -كنانة-ربك-الجبلين-عسلاية ثم تندلتي وامروابة والابيض واريافها.
ومن خلال اشرافي على هذه التجارب كنت في سعادة واثارة لا توصف مبلغها استعداد رجل الشارع العادي للمشاركة والتفاعل والتعارف وتقديم افضل ما عنده. اذ ان التجربة لاقت نجاحات منقطعة النظير في العديد من جهات السودان الثقافية. وبالمناسبة المشاركة لم تقتصر على العنصر الرجالي فقط ولا على فئة عمرية معينة .
اجمل عروضنا كان في سوق الجمال بالدامر حيث صادفنا يوم السوق الاسبوعي وقد تجمع اغلب الحضور وهم على ظهور جمالهم ...وبالمايك ال wireless تنافس الجمالة في شعر البطانة باروع المجادعات لسوء حظنا لم تكن كاميراتنا جاهزة لهذا الحدث الذي كان فيه الحماس وروح التنافس ودرجات الاثارة عالية جداً.
الى الامام طارق ....و انا على استعداد للمشاركة بعد هذا التسويق الذكي....
عوض الله
| |
|
|
|
|
|
|
|
|
|
Re: مكرفون قدر ظروفك (فكره جديده) (Re: Awadallah Bashir)
|
والله يا طارق
الفكرة مجنونة
بال توك لايف بوي فريند ابو كديس
بس كمان كان مرقتو الشارع
والميادين
والفسحات
والاقاليم
يكون كويس
تحت شعار
بيت الفنون ... معاك المكرفون
وانا عندي مشاركة مكتوبة
برسلها ليكم
وخلي لي تبلدينا ولدنا ده ولد الزقازيق يقراها ليكم
| |
|
|
|
|
|
|
|
|
|
Re: مكرفون قدر ظروفك (فكره جديده) (Re: جمال السنوسي)
|
Quote: فكرة مدهشة و مبتكرة ...
ليتنا كنا نملك اى طوبة فى مدماك الابداع لنبنى معك صرحا للافكار الخلاقة ..
تسلم يا طارق . |
انور التكينه
شكرا للاشاده بالفكره
من المؤكد انك تمتلك اكثر من طوبه للبناء
فكن معنا
تحياتي
| |
|
|
|
|
|
|
|
|
|
Re: مكرفون قدر ظروفك (فكره جديده) (Re: humida)
|
Quote:
ازيك يا طارق ..
وداير اسألك عن فكرة الـ stand-up comedy وهل هي موجودة في السودان ..؟ هل يمكن ان يشملها هذا البرنامج .. او يكون مكرفون قدر ظروفك .. هو النسخة السودانية من الفكرة دي .. |
حميده سلامات
stand-up comedy
اقرب تطبيق مقارب لفكره هذا العرض هو العرض الذي تقدمه فرق الكوميديا العديده مثل تيراب والهيلاهوب للجمهور مباشره
ولا اعني العروض التلفزيونيه التي تقدمها بعض الفرق في التلفزيون مثال فقرات الهيلاهوب التلفزيونيه التي لاتعد من هذا النوع من العروض
بل هي اقرب الي الكليب الغنائي وتقدم مثل العروض المقصوده في الاحياء والانديه والجامعات ولكنها لاتسمي عندنا بهذ الاسم علي المستوي
الجماهيري
و هل يمكن ان يشملها هذا البرنامج
من المؤكد انه الانسب ليشمل هذه الطريقه من العروض الخفيفه
او يكون مكرفون قدر ظروفك .. هو النسخة السودانية من الفكرة دي ..
لايمكن ان يكون نسخه سودانيه لان الكوميديا يمكن ان تكون جزءا فقط من هذا البرنامج
لكنه لابد ان يشمل وسائل اخري للتعبير بالاضافه للكوميديا
سلام وتحيه وشكر
| |
|
|
|
|
|
|
|
|
|
Re: مكرفون قدر ظروفك (فكره جديده) (Re: طارق الأمين)
|
OPEN MIC
الفكرة طبعا معروفة هنا فى بلاد العم سام
لكن أشيد بمحاولة نقلها للبلد هناك
وافتكر ان وقتها قد حان ...فهنالك كثير من المهارات والمواهب التى لا تجد متنفسا لها ...وبالطبع فالخبرات الفنية والمعرفة بها قد ازدادت ...
أشيد ثانية وثالثة باستقدام الفكرة ...ومحاولة تطبيقها ...
اتمنى لبيت الفنون كل تقدم "ورخاء" ...هه
| |
|
|
|
|
|
|
|
|
|
Re: مكرفون قدر ظروفك (فكره جديده) (Re: Tumadir)
|
فكرة جميلة يا طارق يا مبدع
اعتقد هى بتكمل فكرة مسرح على الهواء البرنامج التلفزيونى المعروف
مقترحات
1/ تخصيص موضوع لكل يوم ( سياسة يوم . رياضة يوم . فن يوم . اجتماعيات يوم . خرمجة يوم )
وهكذا.
2/ تلخيص المداخلات والمشاركات ونقلها الى الموقع هنا ليتم التعقيب عليها من قبل الاعضاء وتجد فرصة للانتشار اكثر حتى تكون فعالة اكتر ( لانو المنبر ده ما هين لامى وتامى )
3/ اوعى تجيب ليك كمرة تلفزيون فى البكان ده خليه على الفطرة والطبيعة عشان الناس تفضفض كويس
مع تحياتى وتمنياتى بالتوفيق
| |
|
|
|
|
|
|
| |
بيت الفنون
Emad Abdulla
هشام كمال
انور التكينة
الرفاعي عبدالعاطي حجر
Abd Alla Elhabib
حبيب نورة
humida
ابوحراز
صديق عبد الجبار
MOHAMMED ELSHEIKH
Awadallah Bashir
جمال السنوسي
Tumadir
عادل عبدالعزيز عبد الرحيم
فيس بوك
تويتر
انستقرام
يوتيوب
بنتيريست