|
لاهزة كانون لا موية ليمون عيب عليكم بورداب الخرطوم !!
|
جيناكم بكل شوق وفرح وقلنا نقابل الناس ونشوفهم ونتعرف على الناس المابنعرفهم ونشوف اهداف بمورداب الخرطوم شنو وشنو المطلوب مننا كأعضاء خارج السودان في سودانيز بس يظهر الناس لمتها في قندهار وحليوة غايتو كتر خير العوض ووهبة وفادية اليمني وعمر جنابو وميادة كمال رفعوا لي سماعة التلفون حالتو قلت تجيني العوميد تطاقش في المستشفى لما الواحد يعمل جضوم الما عملناها في السعودية .. كنت فاكر سودانيز اهدافها اكبر من كدا .. دا ماشيل حال بس المابريدكم مابلومكم يعني شنو لما الناس ماتقيف مع بعض في ظروفها ونمشي قندها وحليوه على الاقل المبالغ التي تدفع في الحفلات وقندهار الناس ممكن تشتري بيها كراسي متحركة او اي مساعدات اخري واكيد في ناس في المنبر محتاجين ليها في الذي توفى وممكن تدفع الى ابناءه او في اي عمل خير اخر جزاكم الله الف خير وربنا يجعلكم من اهل الخير .
|
|
|
|
|
|
|
|
Re: لاهزة كانون لا موية ليمون عيب عليكم بورداب الخرطوم !! (Re: omer osman)
|
Quote: والله متلومين ومقصرين ......... لكن مرات بتحصل ظروف او نقول ربنا ما اراد .......
والجايات اكتر من الرايحات ..... ولينا اكتر من لقاء انشاء الله ............ |
العفو ياجنابو حسب اتصالي معاك كنت جايك وحصلت ظروف زي ماشرحت ليك غيرت اتجاهي وهذا البوست ماعشان الناس تعتزر وتتلوم ياغالي حسب تصوري في اشياء كثيرة الناس ممكن تستفيد منها من لمة ناس الخرطوم بالزات عشان يكون في تواصل والناس تعمل اشياء تكون مفيده للمجتمع عامه ومثل هذه الاشياء بتنتج من خلال التجمعات الجادة والنقاشات في طرح المشاكل وكيفية حلها .. واشياء كثيره ممكن الناس تقننها من خلال المنبر .
---------------------------- ماتتحسس ياغالي
| |
|
|
|
|
|
|
Re: لاهزة كانون لا موية ليمون عيب عليكم بورداب الخرطوم !! (Re: وليد عبد اللطيف)
|
اخي وليد الدفعة حبابك وفعلا اللوم دليل محبة .. انت عارف انك جيت في ظروف مرض الوالدة ربنا يديها العافية وحاولت الوصول اليك في البيت اكتر من مرة ولكن القدم ليها رافع . ولا احب كثرة اعتذار ولكن تعلم ان الاخ وهبة تعرض للذبحة في تلك الفترة ولم نجد حتي فرصة لمغادرة مستشفي الشعب تواجدا معه لكبر ما حدث له .. شئ تاني كان هناك بوست انت احد الموجودين في قائمة الضيوف المرحب بهم ويبدو انك لم تشاهد البوست لظروف والدتك المريضه شفاها الله ...
| |
|
|
|
|
|
|
Re: لاهزة كانون لا موية ليمون عيب عليكم بورداب الخرطوم !! (Re: وليد عبد اللطيف)
|
الشيخ المسلمي
Quote: انت عارف انك جيت في ظروف مرض الوالدة ربنا يديها العافية وحاولت الوصول اليك في البيت اكتر من مرة ولكن القدم ليها رافع . ولا احب كثرة اعتذار ولكن تعلم ان الاخ وهبة تعرض للذبحة في تلك الفترة ولم نجد حتي فرصة لمغادرة مستشفي الشعب تواجدا معه لكبر ما حدث له .. |
ود المسلمي حبابك الف لكن عايز اسألك سؤال من فيكم الكان قلبو تعبان انت وللا وهبة لانك شايفك فاتح بوست وتشكي من قلبك سلامة قلبك الرهيف وشفيف ياخي حبيبنا وهبه بصراحة انا خفت عليهو لذلك اتصلت عليك وتابعت معاك من يوم ماوصلت السودان وانت قلت لايمكنني احادثة او ازورة المهم ربنا كتب له عمر جديد والف حمد الله على سلامته ومايعجبني عندما حصل للاخ وهبة هذا الحادث اتصل عليك واخبرك ولم يتصل على شخص غيرك وهذا ان دل انما يدل على اشياء كثيرة وجميله تنتجها علاقات سودانيز . ودامة الخوة بينكم يارب ...
تحياتي يادفعة
| |
|
|
|
|
|
|
Re: لاهزة كانون لا موية ليمون عيب عليكم بورداب الخرطوم !! (Re: مزمل خيرى)
|
ود خيري
Quote: !!!! اتصلت عليك اكثر من مرة ايام مرض الوالدة .! ياربى اكون اتصلت غلط وزول انتحل شخصيتك .!!! |
اها كان كدي انا وقعت في اللوم بالله كان في زول نسيت اسمو اعفو لي كيفك ابو جوان ياخي جزاك الله الف خير واشكرك كتير وكتير تعرف ياود خيري كنت حريص اشوفك لكن تقول شنو جري ماعادي ..
| |
|
|
|
|
|
|
Re: لاهزة كانون لا موية ليمون عيب عليكم بورداب الخرطوم !! (Re: وليد عبد اللطيف)
|
وليد ود امي الحنين .. كيفنك يابا والبركة الاطمأنيت علي صحة امنا الغالية لكن امانة ما ضحكتني الليلة بى عنوانك ده ههههههههههه هسه النبي وينو الكانون البهزوه الزمن ده.؟ ويا حليل الليمون القصو رقاب شدرو الاخدر بعدين هسه تعبير لومك ده ما بفهموه ليك الا ناس عمك وهبة و ناس وليد والمسلمي و تبلديهم وبقية الجماعة الشدر الكبار لوول( ما يجيني زول ناطي يقول لي كبرتينا) يعني هسه ناس دلوشة وفدوية والنعومتين وبقية شباب اليوم بخبروا ليك العتب المن سنة اسكت دة ؟ لوووول يا حليلك والله هزة الكانون دة بتذكرني لما كنا زمان في الفاو ولا لما يجونا اهلنا ناس البطانة يختو الكانون ويهزوه للضيف لا بوتجاز لا كهارب بندر زمن عتيييييييييييق ياخ شكرا يا وليد والتحية لكل بورداب الخرطوم السمحين وقبل وبعد الف حمد الله علي سلامة الوالدة وسلامة وصولك
| |
|
|
|
|
|
|
Re: لاهزة كانون لا موية ليمون عيب عليكم بورداب الخرطوم !! (Re: اسماء الجنيد)
|
الاخت اسماء Quote: هسه النبي وينو الكانون البهزوه الزمن ده.؟ ويا حليل الليمون القصو رقاب شدرو الاخدر بعدين هسه تعبير لومك ده ما بفهموه ليك الا ناس عمك وهبة و ناس وليد والمسلمي و تبلديهم وبقية الجماعة الشدر الكبار لوول( ما يجيني زول ناطي يقول لي كبرتينا) يعني هسه ناس دلوشة وفدوية والنعومتين وبقية شباب اليوم بخبروا ليك العتب المن سنة اسكت دة ؟ لوووول |
ههههههههه شكرا ياطيبة وما تشوفي شر في عزيز لديك دا حالتي كلمت البواب لو واحد جاني ومالقاني بس ضيفوا وخليهو يقعد في البرش دا واستلم منهم العوميد ولو عجبك شيء كان تقلية كان ملاح قرع اكلو بس ماتقرب على المحاشيء .. هههههههههههه لكن بيني وبينك السودان فيهو حركة ما اعتيادية ومجهودهم كلو ضايع في المجاملات ياخي تلاقي المستشفى مليان بطريقة مبالغة وناس قاعدين في سرير المريض والمريض نائم في الارض وبكون منتظر حاجتين اما روحو تطلع ويقول الحمد لله او الناس تطلع من جنبو
| |
|
|
|
|
|
|
Re: لاهزة كانون لا موية ليمون عيب عليكم بورداب الخرطوم !! (Re: منال)
|
ولدنا وليد عبد اللطيف
الف سلامة للوالدة واجر عافية
*_*_*_*_*_*_*_*_*_*_*_*_*_*_*
بورداب الخرطوم ديل الفيهم اتعرفت بتاعين ناسات ، نحنا ذاتو مشخطين ليهم. *_*_*_*_*_*_*_*_*_*_*_*_*_*_*_*
عاوز النجيضة
الناس ديل معزورين ، بالشفته فى الخرطوم الناس كلها مشغولة ، ربنا يعينهم وكتر خيرهم.
| |
|
|
|
|
|
|
Re: لاهزة كانون لا موية ليمون عيب عليكم بورداب الخرطوم !! (Re: عبدالكريم أحمد الامين)
|
الحبيب ولــى .. سلام من الله عليك ورحمة ودعوات متصلات للوالدة بدوام الصحة والعافيــة
__________
انــا متلوم وســافــى التراب ..
وغطان غلط ما بيمسـح ابدا ...
والعيب متلفح بيهو تــوب ..
ما عندى ولا عذر ابدا ..
الشغلة مهما كانت كنت بقدر اغطيها هنــا وهناك ...
جينا وما لقيناك برضو ما بتحلنــى ...
المفروض نرابـط معاك ..
وندعو معاك ..
ونستقبل الناس معاك ..
____________
بقينــا ( كعبين يا وليــد ) ..
اعفــى ليــه ..
وجاهزين لاى عقوبــة / غرامــة
________________
العفو العفو العفو يا ود الشعبية ياخخخخخخخخخخ
| |
|
|
|
|
|
|
Re: لاهزة كانون لا موية ليمون عيب عليكم بورداب الخرطوم !! (Re: داليا الكباشى)
|
ود السر
Quote: عاوز النجيضة
الناس ديل معزورين ، بالشفته فى الخرطوم الناس كلها مشغولة ، ربنا يعينهم وكتر خيرهم. |
تسلم انت من كل شر وربنا يحفظ ياخي ياناس الخرطوم والله ناس طيبين وسمحين وبندور ليهم السمح ياخي كل الشعب وليس بورداب الخرطوم ربنا يسهلها عليهم بالجد حالة صعبة وتحنن الكافر ربنا يصلح الحال بس .
| |
|
|
|
|
|
|
Re: لاهزة كانون لا موية ليمون عيب عليكم بورداب الخرطوم !! (Re: Abd Alla Elhabib)
|
الشاب بدر الدين
Quote: بقينــا ( كعبين يا وليــد ) ..
اعفــى ليــه ..
وجاهزين لاى عقوبــة / غرامــة |
لاحول ولاقوة إلا بالله يازول الله لاجاب الكعوبية يازول انا بلوم زول وياخي والله اتصالك بس عجبني وسر بالي على قول الجماعة واذا في غلط اكون انا الغلطان لاني وعدت الريس اسامه سليمان وطلب مني لازم اتصل علية وفي نيتي ارتب ليكم جلسه في قصر الصداقة او مطاعم سيدي بيه يعني اجتماع مصغر ونشوف امور الحله الحاصل فيها شنو والناس انجزت شنو والباقي شنو وما هو المطلوب ياخي انا بجري بحري كلها بفتش قسطرة غسيل في كل صيدليات بحري لم اجد بها يوصفو لي جنب الحوادث الخرطوم امشي ما القاها افتش افتش امشي الم فيها في صيدلية بالقرب من مستشفى ابن سينا. وغير ذلك المدام اخدت ليها يوم كمان في مستشفى النيل الازرق يازول ربنا يدي العافية . والشعب السوداني مناضل في ظل الظروف الصعبة . غايتو ربنا بدخلهم كلهم الجنه قول امين
| |
|
|
|
|
|
|
Re: لاهزة كانون لا موية ليمون عيب عليكم بورداب الخرطوم !! (Re: مجدي عبدالرحيم فضل)
|
الاخت داليا الكباشي
Quote:
---------- الوالده ربنا يشفيها.. |
ياداليا يظهر كلامي ماعجبك وكنت اتمنى ان تنظري له بعمق شويه لان الموضوع اكبر من ما انتي متخيله وهل يخطر ببالك ان كل من دخل هنا يخاف مني او انا طالبهم شيء لايا دكتورة . فهمتيني غلط واذا عندك شيء قوليهو عادي بدل الاستفهمات عشان لو مافي حاجة واضحه ليك نوضحها تخيلي تمنيت ان تكوني من ضمن الناس اللذين احببت ان اقابلهم في السودان . قدر الله وما شاء فعل . واشكرك جزيل الشكر على الدعوات الصالحات واشكر كل من اتصل من خارج السودان وديل كلهم كان من حقهم يوفروا حق فاتورة التلفون لان اولى بها اسرهم .وحت من كتب مشاركا كان من حقة ان يوفر زمنه . نحن نبحث عن الايجابيات في مثل هذه الاجتماعيات دايما ونحاول ان نعالج سلبياتنا . والفكره لا في الكانون ولا الليمون .
-------------------------------------------- داليا ما قمتي به تجاه الاخ عبد الوهاب حبيبنا ومعك ود المسلمي اعلمه جيدا و اعتبره من ايجابات تجمع الخرطوم بسودانيز . وتشكركم .
| |
|
|
|
|
|
|
Re: لاهزة كانون لا موية ليمون عيب عليكم بورداب الخرطوم !! (Re: وليد عبد اللطيف)
|
ولي يا حبيب:
ماتزعل، نتفق ننزل شهر 12، وقندهار ولذيذ كله، علي، بالمناسبة زي ماقال ود جبرين، لحمتهم تكسر الاسنان، نجيب لينا خروف مدوعل وصغير،والشفت مهدي ود ابوكروق يقوم بالواجب، وماتنسي وهبة، لانو ظروفه خارجة عن الارادة بس يقعد يتفرج ونحن بنقدم عرض بالخروف،الدكتورة مش قال ليهو كدي.
تسلم وتتعافي والدتنا السمحة عشة، ويطول عمرها .
امييييييييين
| |
|
|
|
|
|
|
Re: لاهزة كانون لا موية ليمون عيب عليكم بورداب الخرطوم !! (Re: Mohamed Foto7li)
|
محمد عثمان
Quote: سلام والله انا جيت ومشيت في وفاة الوالد ربنا يرحمه ما شفته منهم واحد
Mohamed Osman |
انا لله وانا اليه راجعون الله يرحم الوالد ويسكنه فسيح جناتة وان يتقبله قبولا حسنا
محمد عثمان اول في صورة بروفايلك الشايل الجريده الحارس على صالح شيقيق صديق على صالح بتاع المريخ لذلك عندك دايما ناخد وقفه ياطيبة نرجع للموضوع والله ياغالي وانت اكيد شفت ظروف الناس هناك كيف عشان كدا مابتقدر تلوم زول الناس ما عارفة تجري وراء لقمة العيش وللا تجري للمجاملات حتى انت نفسك بتكون قصرت مع بعض الناس مثلا انا قصرت مع كثير الناس والسودانيين ياخي طيبين وسمحين
----------------------- سلام ياغالي وماتاخد في خاطرك
| |
|
|
|
|
|
|
Re: لاهزة كانون لا موية ليمون عيب عليكم بورداب الخرطوم !! (Re: وليد عبد اللطيف)
|
ياسر بيناوي
Quote: وليد ياحبيبنا اولا اف سلامة للوالدة ياخي
سم سانيا والله الابوستيك دا ماسمعت بي جيتك نهائي
غايتو امسحا لينا في وش ود الصايم دا (طبعا ود الصايم جاتو في صم خشمو ساااااااااااااكت )
خالص الود
|
الاستاذ بناوي اخبارك يعلم الله الواحد كان مشتاق شوفتكم بس وود الصايم والله ما قصر كان من المتابعين عبر الموبايل ياخي تاني سلام والف سلام ياخي امي دايره ليها قصيدة رايك شنو واكيد احساسي زي احساسك بس انت فنان وانا معلم الله
| |
|
|
|
|
|
|
Re: لاهزة كانون لا موية ليمون عيب عليكم بورداب الخرطوم !! (Re: داليا الكباشى)
|
دكتورة داليا لا لا لا انتي دايره تغشيني وللا شنو تديها للمصم وهبة في الدقايق الاخيرة ويدخل اسمي ما كان تتصلي على عشان تشوفيني رايح وللا ضهبان وين وشكلك لسه فاكره اني اقصد الكانون والليمون بعينه . ياخي الظروف والبحث على العلاج كان انتي اكتر واحده تفيديني يادكتورة لكن اتلومتي ورفعت تقرير كبير بذلك من اربعة صفحات لناس الرياض الصديق ( تمبس ) . وبين الدكاترة اقول اسي دكتورة داليا بتظهر وتقوم بالواجب كما فعلت مع الحبيب وهبة المهم ياريت الواحد كان يجد فرصة ويقدر يقابل الضيوف وباقي الاخوان . وكل الناس الطيبن وجزاك الله الف خير تاني لدعواتك للوالده .
---------------------------- يادكتورة الحصل حصل واتلومتي تب معاي
| |
|
|
|
|
|
|
Re: لاهزة كانون لا موية ليمون عيب عليكم بورداب الخرطوم !! (Re: جعفر محي الدين)
|
جعفر محي الدين Quote: وليد يا سمح يا طيب حمد لله على سلامة الوالدة وبورداب الخرطوم وكل السودانيين السمحين ربنا يديهم العافية ويكفيهم شر جري الدنيا الشاغل الناس |
تسلم تسلم ياغالي من كل شر لكن عايز اسألك انت الناس ديل قدمو الساعة وللا نقصو اليوم في السودان تخيل اليوم مابكفي هناك غايتو ربنا يديهم العافية بس
| |
|
|
|
|
|
|
Re: لاهزة كانون لا موية ليمون عيب عليكم بورداب الخرطوم !! (Re: وليد عبد اللطيف)
|
عبد الدايم سيد احمد
Quote: ولا حتى من الفينو الراقد هبطرش دا كان تمشى لفرفور يديك قزازة شامبيون بتصل على تلفونك الـ 0557 مرة يدينى جرس ومرة مغلق انت هنا ولا هناك وموفور الصحة والعافية للوالدة . |
نحن هنا انتو كيف الجميل ود سيد احمد ياخي فرفور قلت ليهو دعايتك عبيطة قال : ياخي الدعاية عصام ود الفوس قريبك ياعبد الدايم مستلم فيها مليون جنية التاني مالينا دعوه بيهو .. والايام دي فرفور عامل فيها بتاع عوميد كهرباء واذعاج في الحله
تحياتي لك وللاسرة ياغالي وتسلم من كل شر
| |
|
|
|
|
|
|
|