|
|
|
 Re: (أولاد المغتربين )..صحي مستلبين ؟!! (Re: داليا حافظ)
|
عذرا ..على التعميم ..
توطئة :
مرة في أنا سوبر ماركت بتاع محطة بترول سمعت بنتين في عمر الزهور بتكلموا مع بعض (سودانيات )باللهجة اللبنانية..عاندت نفسي في إصرار وقلت إمكن أنا ما بسمع كويس وبرضو لقيتا اللهجة لبنانييية..قلتا خلاس البنات ديل إمكن ما سودانيات رغم سحنتنا المااا بتغباني ..طلعنا برة وصاحباتنا إتوجهن لتلك العربية حيث الأبو عمتو مقنطرة والأم ملفحة بتوبا ..ولما ما لقيت زول أقطع معاهو قلت لنفسي : أجي أجي أجي ..
| |
 
|
|
|
|
|
|
|
|
Re: (أولاد المغتربين )..صحي مستلبين ؟!! (Re: داليا حافظ)
|
Quote: الأب المغترب والأم المغتربة ..
*بتنبه ولدك / بتك ..أنو يتكلم باللهجة السودانية بلكناتا المختلفة والسودانين الناطقين بغير
العربية بحرصوا يقولوا أنو عندهم لغة تانية ؟
ومفتخرين بيها ..ولا بخجلوا منها ؟ |
سلامات يا داليا ..
ولدي في الأول حصلت ليهو ربكة شديدة في الكلام بسبب تعدد اللغات في البيت والحضانة
لدرجة إنو إتكلم متأخر خالص بعد سنتين ونص ..
هسي عامل لي روحو سيستم لذيذ جداً 
برة البيت (الأسواق والمطاعم مثلاً) وفي المدرسة إنقليزي
"اللغة الرسمية في المدرسة، المدرسات بريطانيات حتى لو بعض التلاميذ عرب"
في البيت ولمن يمشي السودان سوداني يحيّرك حبوبة بس ودا حصل بعد تعب ومتابعة شديدة من جانبنا
مع التلفزيون لغة عربية فصحى
"وبجيك راجعة لأهمية التلفزيون في تلقين مخارج الحروف العربية بشكل صحيح"
ما عندو أصحاب عرب "الخليج ومصر والشام" وبفضّل السودانيين والجنسيات التانية
والغريبة بدون أي تدخل من جانبي ..
عندو صحبو شديد معانا في السكن أثيوبي
شايفاهو الأيام دي بقى يقول إشّي وبُكّا
بنهاية السنة دي حيكون بيتكلم حبشي برضو
ــــــ
مهم جداً نعلم الطفل الإنفتاح على الآخر
لا نبخس لغتنا ولهجتنا ولا نبخس لغات ولهجات الآخرين
يمكن لأني إتولدت وإتربيت برضو في بيئة متعددة الجنسيات والثقافات قادرة أتفهم أو قولي ما أتعامل بحساسية تجاه لغة الآخر
في نفس الوقت أعتز بلغتي النوبية ولهجتي السودانية وأستخدم الأخيرة دي عند كل سانحة ..
| |
|
|
|
|
|
|
|
|
|
Re: (أولاد المغتربين )..صحي مستلبين ؟!! (Re: طارق جبريل)
|
| Quote: المهم أن نتحدث في الأمر .. |
ددندن .. دائما مواضيعك فلته ..
تعرفي حمودي ولدي 11 سنة يومه بمر بمراحل عجيبة ..
يعنى في المدرسة سيد البلد دي عديل كده ..
يجي البيت سوداني لما تتحيري بس في بعض الحاجات العجيبة بحكيها ليك بتموتى بالضحك ..
طبعا البنايه كلها ابو الهاء (هنود) بتصدقى بقو يتكلموا سودانى ..
اما مع التلفزيون ومسلسلات الاطفال لغة انجليزية بحته ( والحكاية مقصوده )
غايتو انا بحن عليهو عدييييل كده كونه يكون ما عرف نفسه يمسك ياتو اتجاه ..
برجع ليك ..
| |
|
|
|
|
|
|
|
|
|
Re: (أولاد المغتربين )..صحي مستلبين ؟!! (Re: تيسير عووضة)
|
تصدقي ياتايسا دي كانت النقطة الأخيرة في الكلام ..وأنشغلت قبل ما أنزلا :
•الكلام بلغات مختلفة( أنكليزي ..فرنسي ) في رأي دي لغة تانية وما مشكلة لو ولدك بعرف أكتر من لغة وهي لغة مشتركة بينو وبين أصحابو(سودانيين أو غيرهم ) ..لكن إستخدام لهجة الغير ـ عدا في حالات المزاح او الشرح ـألا تعد إستلابا .. وروني رايكم ..
تعلم اللغات التانية ..حلو شديد حتى لو كانت لغات ما عالمية..
لكن بالجد الكلام بلهجات تانية ـ إلا في حالات مزاح أو شرح ـ غياااااظ ..وفي الغالب اللوم على
الأهل ..لأنو تنبيه او تنبيهين كافي أنو يلفت النظر ..
أولادنا مالو يصاحبو الدنيا كلها ويتعلموا ..لكن أتذكروا أنو عندهم حاجاتهم الخاصة المفروض يعتزوا
بيها ..أنت كدة مية مية ..
| |
|
|
|
|
|
|
|
|
 Re: (أولاد المغتربين )..صحي مستلبين ؟!! (Re: داليا حافظ)
|
سلام يا داليا,,
مراقبة لكنة وطريقة كلام الأطفال فى الغربة أمر صعب جدا وصعوبته تكمن فى وجود عدد كبير من الجنسيات فى المحيط الواحد,, حسب نشأتنا والثقافات السائدة حينها كنا نفهم اللهجة المصرية لوجود المسلسل المصرى اليومى كمثال وعدد كبير من الدراما والأفلام المصرية أى ثقافة تفرض نفسها بنفسها زيادة على وجود اللكنة نفسها عندنا ونسمعها من كثير من أهلنا,, وبعدها جاءت موضة دراما شامية وخليجية بعضها بالدارجة وآخرى بالفصحى جعلت الأطفال عندنا يلمون بلهجة الشوام وأهل الخليج الدارجة ويجودون الفصحى نوعا ما,,
هذا داخل السودان فما بالك بخارجه,, عندما يجد الطفل السودانى أنه يفهم الآخرين بسهولة وهم لا يفهمونه لا يجد غير أن يتحدث إليهم بلغتهم ظنا منه أن ذلك أفضل والأطفال غير معنييون بنشر ثقافة معينة من غيرها,,لا لشى إلا لأنه متأكد بأن لغته الأم (دارجتنا) عصية الفهم عليهم..
حكى لى صديقى بألم أن بنته تحفظ القرآن وتتلوه باللهجة المصرية لأن مدرسّتها مصرية وسمعت منها قليلا ويا للعجب!! المصيبة أن يذهبوا للسودان ويبدؤوا فى
الحديث إلى أهلهم وأصدقائهم بتلك اللهجة أو اللكنة!! الأطفال أمرهم هين ومفهوم المصيبة الجد جد فى الكبار عندما يحشرون كلمات لهجة غريبة داخل أحاديثهم
دلالة على الفهم والثقافة بلغات الشعوب خاصة شعوب ( العقدة) !!!!!!!
إستلاب الأطفال مقدور عليه لكن هم جابوا من وين وأين دور الوالدين إذا أصبح الموضوع يمثل مشكلة!!!
بعدين إستلاب الأطفال هين جنب إستلاب الكبار ياخ فى ناس فى العزاء بقولو (البقية فى حياتكم وألف رحمة ونور تنزل على قبر المرحوم )!!!كأنما عاميتنا وفصحتنا قد نضبتا أو ليس فيها ما يكفى أن نعزى به!!إذا تم علاج الظاهر المماثلة عند الكبار وتم تنبيههم لمراقبة الصغار فى لغتهم وسلوكياتهم فلن تكون لغة قوم عند أطفالناإلا زيادة علم ومعرفة تنفعهم فى هذا الزمان القاسى الذى حكم عليهم بأن يكبروا بعيدا عن بيئتهم الأم,,هجرة الشعب السودانى الكبيرة وتفرقه فى كل بلاد الأرض ستخلق جيل متعدد الثقافات فإذا تم له أن يحافظ على ثقافته الأم سيكون ذلك مكسبا كبيرا له,,,
تخيلى واحد حايم فى السودان
جيب خبز..
سكّر الباب,,
سيارتى
جوالى,,
هيك وما هيكو
إتصلت عليك ,,
ودقيت عليك
وجلابية نوم مشختة فى الجامع !!
لغة ممسوخة وجهل كبير وبعضهم غير ملام لأن حدود فهمه لا تصل لما تحاولين مناقشته هنا فلا يرى عيبا أو مانعا من أن يتحدث بلهجة خليجية أو غيرها وهو فى وسط
أهله فى السودان!!!تقولى لى إستلاب أطفال!!!
تحياتى,,
| |
|
|
|
|
|
|
|
|
|
Re: (أولاد المغتربين )..صحي مستلبين ؟!! (Re: أيمن الطيب)
|
داليا.
إذا تربوا الاطفال في أي دولة(خليحية مثلا) فمن المؤكد يتقنون لهجة تلك الدولة والمجتمع المحيط بهم. وإذا لم تستطيع الاسرة ربطهم بالسودان وطنهم الاصلي فمن الطبيعي أن يفقدون لهجة بلدهم الاصلي والخطاء هنا يرجع الى وضع وظروف العائلة. لأن هنالك عوائل لا تستطيع أن تسافر الى السودان بطريقة منتظمة، والحديث في المنزل باللهجة السودانية ليس كافي. وهنا يجب أن لا نلوم الاطفال أبدا. أما البنات القابلتيهم في البقالة ديل فهذا هو الاستلاب الحقيقي. طبعا مشكلة الدول العربية والخليجية هي لا تعطي جنسية و في النهاية هولاء الاطفال عندما يكبرون يرجعون الى السودان وهنالك طبعا تبداء معاناتهم ومشاكلهم الحقيقية.
| |
|
|
|
|
|
|
|
|
|
Re: (أولاد المغتربين )..صحي مستلبين ؟!! (Re: Deng)
|
| Quote: طبعا مشكلة الدول العربية والخليجية هي لا تعطي جنسية و في النهاية هولاء الاطفال عندما يكبرون يرجعون الى السودان وهنالك طبعا تبداء معاناتهم ومشاكلهم الحقيقية. |
الاخ دينق,
كلامك فى محلو. الكاتبة للى اكول (موقوفة من المنبر دى), عندها عبارة شهيرة حول وضع ابناء الجنوبين فى اميركا حيث كتبت ما معناه "انهم", اى الاطفال, تائهين "فى كونهم افارقة فى اميركا و اميركين عند اقرانهم فى الجنوب." و دى ينطبق على كل ابناء السودانين فى المهجر.
سلام داليا.
| |
|
|
|
|
|
|
|
|
|
Re: (أولاد المغتربين )..صحي مستلبين ؟!! (Re: Zakaria Joseph)
|
داليا
هل الاستلاب هو استلاب لغوي فقط ام استلاب من مجامعيه
وهل تقصدي مغتربي الخليج فقط ام كل المغتربين
في منتدي الجمعة بالدوحة قابلت بنت المخرج اسماعيل محمد الحسن وكانت عائدة قبل يوم واحد فقط من امريكا
مع والدتها الاستاذة هدي عبدالمنعم
قلت ليها حمد لله علي السلام
قالت لي شكرا
| |
|
|
|
|
|
|
|
|
|
Re: (أولاد المغتربين )..صحي مستلبين ؟!! (Re: Zakaria Joseph)
|
سلاما يا داليا
الاجابة على سؤالك الاساس هي :نعــــــــــم،مستلبين.
و من تجربتي الشخصية التي اكتفى خلالها بلعب دور المراقب فقط ارى أن الاطفال يتعرضون لمعاناة و صراع نفسي في تقبل انفسهم مقابل التمثل بالآخر ايا كان ذلك الآخر.المساعدة الوحيدة التي يمكنني تقديمها لهم هو أن اعود بهم للسودان في الاجازات كلما كان ذلك ممكنا و أن ادمجهم بالمجتمع السوداني المحلي، و نحن في جدة مثلا لدينا تجربة جميلة جدا و هي تجربة "الملتقى الاجتماعي الثقافي" و الذي يمكن أن يكون ركنا تأوي اليه هذه الاجيال الجديدة التي فتحت اعينها هنا، و الشئ الثالث و الصعب و ذو الفائدة المشكوك فيها هو أن اجعلهم يشاهدون القنوات السودانية كلما سمح مزاجهم بذلك.
| |
|
|
|
|
|
|
|
|
 Re: (أولاد المغتربين )..صحي مستلبين ؟!! (Re: سيف النصر محي الدين محمد أحمد)
|
داليا حافظ تحية واحترام
بتصور كلام أيمن ده الاساس
| Quote: إستلاب الأطفال مقدور عليه لكن هم جابوا من وين وأين دور الوالدين إذا أصبح الموضوع يمثل مشكلة!!! |
لغة أى ناس او لهجتهم بتمثل هويتهم الثقافية المفروض تكون محل إهتمام منهم
وده بنسحب على باقي حاجاتهم البتمثل هويتهم المميزة بين الامم
وبالتالى ببقي من المهم الناس تتعب مع عياله في الحته دي شديد
ولو كمان هم في نفسهم ما ماخدين بالهم منها يقي الكلام عن عيال بلهجة وطباع سودانية مافي داعي ليهوا
لك التحية
| |
|
|
|
|
|
|
|
|
|
Re: (أولاد المغتربين )..صحي مستلبين ؟!! (Re: احمد محمد احمد عتيق)
|
البيئة الغالبة التي ينشا فيها الانسان هي الغالبة سواء في داخل السودان او خارجه ....االاغتراب ليس عربة سكة حديد مقفولة بداخلها اسرة سودانية تسافر من الخرطوم الي بلاد المهجر او الاغتراب ودون ان تخرج راسها من الشباك لتري حتي المحطات التي تمر بها ....
في السودان اطفال الاطراف التي لا تعرف اللغة العربية والدارجة السودانية و اللكنات العربية المحلية في المركز عندما تاتي الي المركز يتدرب لسانها تدريجيا علي لسان المركز وربما ينسي تماما لسانه الذي اتي به وحتي لسان امه ولغتها الخاصة وهذا حال ملايين منا وانا منهم فهل كل هؤلاء مستلبيين ؟؟
فكيف ننفي علي اطفالنا في مهجر واغتراب ولدو فيه وتعلمو فيه وكثير منهم عمل فيه ولسان الغالب الاعمواداة الاتصال اللفظي ليس لسانا دارجا سودانيا التاثر بلسان او السنة غالبة فيه ؟؟؟؟ ..؟؟
الانتماء الي وطن وارض لا يحدده تاثر لسان ببيئة وبالتالي انفي الاستلاب وانما تاثر اللسان بالغالب من لسان حوله مؤثر ؟؟؟
ما يضر في ان يتحدث اولاد المغتربيين والمهجرييين بلسان او السنة الغالب الذين يعيشون معه ان ارادو ؟؟
في الغرب ذو اللغات المختلفة يتحدث فيها اولاد المغتربيين والمهجريين السودانيين بتلك اللغات فهل استلبو ام استعملو اداة الاتصال الغالبة المؤثرة ؟؟؟
ما يهم عندي شخصيا وانا اغترابي وصل مداخل النصف الثاني من العقد الرابع منه هو ما هي حصيلة اولاد المغتربيين والمهجريين السودانيين من علم ومعرفة ومقدرة علي التنافس "العالمي" في مجال تخصصاتهم وعملهم كسودانيين او من اصل سوداني ؟؟
جعل المقدرة علي مخاطبة لفظية بدارجة سودانية لانسان ولد وتربي وتعلم وعمل في اغتراب ومهجر هو مقياس سودانيته هو ذات الاستلاب السالب ؟؟؟
| |
|
|
|
|
|
|
|
|
|
Re: (أولاد المغتربين )..صحي مستلبين ؟!! (Re: abubakr)
|
يا باشمهندس ابوبكر
اعتقد أن حصر الأمر على اللهجة فقط يبسط الظاهرة إلى حد بعيد، الاستلاب في حالة ابناء المغتربين اكبر من مجرد تأثير اللهجة الخليجية على لسانهم بل يمتد ليشمل نواحي عدة. ما اود أن اؤكده هو أنه ليس بالضرورة أن يكون التغيير سلبيا دائما فبعض الجوانب يكون للتغيير اثر ايجابي على سلوك و شخصية الولد او البنت .
| |
|
|
|
|
|
|
|
|
|
Re: (أولاد المغتربين )..صحي مستلبين ؟!! (Re: سيف النصر محي الدين محمد أحمد)
|
سلام داليا
أنا ولد مغتربين ( كان زمان)
الموضوع بعيد عن الإلتباس إن
كان المحدد هو اللهجة في
تقديرك فكل ما في الأمـــــر
هو التعود على اللغة التي تكون
معك في كل مراحل حياتك سواء في
المدرسة أو الشارع أو حتي في
البيت في بعض الأحيان فالتأثر
بالمحيط المجتمعي لا يكون قصرا
علي الأولاد فقط بل يشمل الجميع
| |
|
|
|
|
|
|
|
|
|
Re: (أولاد المغتربين )..صحي مستلبين ؟!! (Re: سيف النصر محي الدين محمد أحمد)
|
عزيزي سيف النصر ...
الاحتكاك باجناس مختلفة لها لهجات مختلفة ايجابي في توسيع مدارك الطفل بان العالم اوسع من منزله مثلا ..
التاثر باللهجات ليس جديدا علي اهل السودان كما بينت فحين يذهب اهل الاطراف بلهجاتهم والسنتهم وحتي لغاتهم المختلفة الي المركز يحدث التاثير بشكل واسع فاللهجة ليست فقط طريقة نطق انما مفردات ومصطلحات جديدة ....وفي ذات المنحي فمثلا كثيرون من اهلنا في اقصي الشمال كانو يتجهون شمالا الي مصر واخرون جنوبا الي وسط السودان ومناطقه المختلفة وحين يرجعون الي مناطقهم فلهجاتهم مختلفة وتعابير كثيرة متباينة احياناولكنهم بقيو سودانيون مساهمون بادوار وطنية ومحلية ومنهم بعض اشهر الشعراء والادباء السودانيين كالجيلي عبدالرحمن ومحي الدين فارس ....
ليس كل دول الخليج نظامهم التعليمي واحد ..فكما هنالك اولاد مغتربيين درسو علي النظام الغربي او البريطاني IGSCE /IB فاخرون درسو تظاما عربيا خاصة بالدولة المعنية ,وبالتالي اختلف تمازجهم مع الاجناس فالانظمةالتعليمية الغربية تجمع اجناسا غير عربية او لا تتحدث العربية غالبة والانظمة التعليمية المحلية العربية كلهم بلسان عربي ولهجات عربية مختلفة ...السودانيون ليسو اعدادا غالبة مؤثرة في كلا النظاميين .. فالانظمة الغربية تستقطب الاعداد الاكبر من المغتربيين من اجناس غربية واسيوية اي ما يفوق الثمانيين في المائة اما العربية فهي للباقي (مثال الامارات العربية المتحدة حيث نسبة العرب او الذين يتحدثون العربية بلهجات مختلفة هم ضمن عشرة في المائة من جملة الوافديين ) والسودانيون هم اقل عددا مقارنة باهل الشام ومصر واليمن ......
اريد ان اعود الي نقطة اساسية وهي المحصلات الايجابية التي ينالها ابناء المغتربيين من احتكاكهم باجناس مختلفة (اهمها التنافس )....
امر واجب الالتفات اليه ورغم ان اللغة والبلاد عربية فان لغة العمل الغالبة هي الانجليزية ولذا فان ابناء المغتربييين الذين وصلو الي مراحل العمل خير لهم ان يتقنوها كاداة مؤثرة وفاعلة للتنافس والعمل ....
| |
|
|
|
|
|
|
|
|
|
Re: (أولاد المغتربين )..صحي مستلبين ؟!! (Re: abubakr)
|
سلام للجميع وصاحبة البوست
بالنسبة للكبار كما ذكر بعض الاخوة وانا اتحدث عن الخليج فهناك مصطلحات فرضتها الحاجة للتواصل يعنى مزيج من الاسيوية والعربية ولغة اهل البلد الاصليين كمثال ( ما فى معلوم -جلدى جلدى-سيدا )
وحتى هذه والله الواحد اول ما يدخل مطار الدوحة وهو مغادر للسودان بتنسى القصة دى خاااالص وكأنك ما تكلمت بيها.
بالنسبة للاطفال الحمد لله حاليا فى المدرسة السودانية فى الدوحة يعنى التلاميذ والمدرسين كل الجو سودانى سودانى ودى بتذكرنى قصة واحد بتو بتدرس فى المدارس القطرية يوم رجعت البيت وقالت لابوها يا بابا نحن ليه سودانيين؟؟؟؟؟؟!!!
الاستلاب حاصل حاصل والغربة تمنها اكتر من مردودها لكن نعمل شنو؟
مجبورة خادم الفكى على الصلاة
| |
|
|
|
|
|
|
|
|
|
Re: (أولاد المغتربين )..صحي مستلبين ؟!! (Re: معاذ الفحل)
|
الاخوه الكرم البحاولوا يلقوا للحكاية مخرج هنا
طيب الحته دي ما قاعدة تحصل للمصريين والشؤام والحبش ليه ؟؟؟؟؟
بعرف كمية من الاجناس التلاته أعلاه
ما شفته عليهم وعلى عيالهم أى من أعراض الاستلاب المذكورة هنا إطلاقا
المصري مصري والشامي شامي والحبشي حبشي
ولاناسنا براهم المخالفين وخائفين التانيين ما يفهموهم لو اكلموا بسودانيتهم
مع أنو دي ما حاصلة كلامنا مفهوم للغاية وممكن يكون ومن أوضح الكلام المتداول
والمابفهمنا طوالى يجتهد وحيتعود حبه حبة بفهمنا ليه نحنه المطلوب مننا طوالى نجتهد نفهمهم
خلوهم يجتهدوا شويا ... مع ملاحظتي انو لو بقت على الكلمات تبقي حمي خفيفة لكين الحته أسلوب ونمط حياة كامل
مع جهل أو تجاهل لنسق حاجاتنا السودانية وهنا خطورت الموضوع ..... ما حته كلمه كلمتين بجو في اللسان
لكم التحية
| |
|
|
|
|
|
|
|
|
|
Re: (أولاد المغتربين )..صحي مستلبين ؟!! (Re: عبد الناصر الخطيب)
|
| Quote: طيب الحته دي ما قاعدة تحصل للمصريين والشؤام والحبش ليه ؟؟؟؟؟ |
يا عزيزي عبد الناصر ... وفق ملاحظاتي فالامر ليس ظاهرة وسط السودانيين واعرف فقط من اولاد اقرباء واصدقاء اعداد ولدت وتعلمت وعملت وهي خارج منظومة التواجد الراتب في السودان وكلهم يتحدثون كما تتحدث اسرهم وربما امر هامشي وسط البعض .. كما لاحظت ان بعض قليل من الاجناس التي ذكرتها تتحدث بلهجة خليجة ان ارادت ومنهم رجال كبار ومنهم من لبس لباس اهل الخليج ..ولكن كل هؤلاء قلة ...الاجناس ما زالت تدور في فلك كياناتها كما لو هي في بلادها ..
ما زلت اصر علي ان المحصلة المطلوبة هي المقدرة علي التنافس تحصيلا علميا وعمليا وما دون ذلك مقدور عليه ...
| |
|
|
|
|
|
|
|
|
|
Re: (أولاد المغتربين )..صحي مستلبين ؟!! (Re: معاذ الفحل)
|
سلام يا داليا..
بتي الصغيرة لما زول يضرب لينا تلفون مش ( يتصل علينا )..
بترد وتقول ( مع منو بتكلم ) دي طبعا ترجمة حرفية للغة الهولندية بالطريقة السودانية ..
المشكلة البتواجهنا مش في اللغة..
بل في بعض الردود والتصرفات البنشوفها حسب عاداتنا ضرورية للذوق..
جاتنا حبوبتها في زيارة وشافتها يوم لابسه فستان شيك ..
من باب المجاملة ورفع الروح المعنوية قالت ليها يا رؤى فستانك جميل..
ردت عليها : عارفه.
رد زي دا بنعتبره جاف لكن لو نظرنا ليه من زاوية المنطق نلقاه مقبول..
قلت ليها مش كان الطف لو قلت ليها شكرا بدل ( عارفه)..
نظرت لي باستغراب وقالت لي اشكرها على شنو!؟
هي مش قالت فستاني جميل ؟ طيب انا ما عارفاهو جميل واشتريته - كده واللا لا!؟
اظرف حاجة اختي في فرنسا بتشتكي انو اولادها كلامهم مكسر ..
تانيث مذكر وتذكير مؤنث ذي الترتيب..
قلت ليها ولا يهمك الطبع يغلب التطبع مش دناقله..
على العموم لو نزلتوا السودان امشي بيهم البلد طوالى اوعك من الخرطوم..
بالنسبة للغتي المحلية للاسف ما عارفنها والواحد ما عارف هل دا تقصير ام عجز ..
لانه اللغة المحلية ما عندنا ليها وسائط تعليمية ..
وتعلمها بكون عادة عن طريق التلقي الشفهي بالمعايشه والاختلاط .
| |
|
|
|
|
|
|
|
|
|
Re: (أولاد المغتربين )..صحي مستلبين ؟!! (Re: محمد على طه الملك)
|
| Quote: إستخدام لهجة الغير ـ عدا في حالات المزاح او الشرح ـألا تعد إستلابا .. وروني رايكم .. |
سلامات يا داليا..
الاطفال بطبعهم يحبون الإختلاط مع الأطفال الذين في عمرهم
ولا يحبون ان يكونوا مختلفين..
اذا كانوا يتحدثون بلغة مختلفة في مدرسة تتحدث جميعها بلغة مختلفة
او حتى بلهجة اخرى.. فسوف يضحون حديث المدرسة كلها..
اعتقد ان الاطفال في صغرهم ليس لديهم الفهم العميق باننا يجب ان نفتخر
بلهجتنا وان نتحدث بها وان وان.. ولا اعتقد في ذات الوقت انهم يحاولون
النقص من قدر خلفياتهم السودانية.. وانما يحاولون بكل بساطة الإندماج
في المجتمع الذي يعيشون فيه ويخلقون علاقات وصداقات طبيعية.
انا عشت في القاهرة، وكنت اتحدث في المدرسة مع الاستاذات والزميلات باللهجة المصرية
بينما كنت اترك اللهجة خلفي حينما اغادر بوابة المدرسة وادلف صوب بوابة المنزل..
.
اتكلمت كثير الليلة.. الظاهر رايح لي كلام!!
| |
|
|
|
|
|
|
|
|
|
Re: (أولاد المغتربين )..صحي مستلبين ؟!! (Re: غادة عبدالعزيز خالد)
|
الغربة...مشيناها خطى كتبت علينا
*بقلم :-أحمد علاء الدين
[email protected]
ما زلت أذكر جيدا ذلك اليوم من شهر يونيو عام 1984م وهو اليوم الذي اكتحلت فيه عيناي بأرض الحرمين الشريفين (المملكة العربية السعودية) لأول مرة بتأشيرة عمل, حيث كانت تنتابني آنذاك مشاعر شتى تتراوح بين الحزن العميق على فراق الوالد والوالدة (يرحمهما الله) والأهل والأصدقاء وبين الرهبة من الإقامة وسط مجتمع غريب.
والآن وبعد مضي حوالي 26 عاماً عملت خلالها في المجموعة السعودية للأبحاث والتسويق والتي تصدر عنها صحيفة الشرق الأوسط الدولية ومجلة المجلة وسيدتي وشقيقاتها من المطبوعات, أصبحت متنازعا بين مجتمع تعودت على أسلوب وإيقاع حياته, وبين مجتمع نشأت فيه وذكراه مغروسة في أعماق فؤادي. ويبدو هذا التنازع واضحا لدى أبنائي الذين ولدوا وتربوا وتعلموا في المجتمع السعودي وارتباطهم بمجتمع السودان يبدو ضعيفا إلي حد كبير برغم محاولاتي المستميتة لربطهم بجذورهم ولا أدرى إلي أين ستقودهم هذه الازدواجية.
على أية حال فهم أفضل حالا من أبناء قريبي (محمد) الذي اختار الإقامة في ألمانيا منذ أكثر من 25عاما , فأبنائي وعلى الرغم من اختلاف العادات والتقاليد فهم يقيمون في مجتمع مسلم 100% وتسوده قيم إسلامية رفيعة, عكس المجتمع الألماني الذي يختلف بنسبة 360درجة عن المجتمع السوداني الأصيل , ومن هنا أحسب أن أبناء قريبي محمد الذي انقطعت أخباره عنا منذ أمد ليس بالقصير قد (تفرنجوا) ولم يعودوا يعرفون عن السودان غير اسمه , وهذه هي ضريبة الغربة التي كتبت علينا ومن كتبت عليه خطى مشاها.
*** شكرا للأخت الأستاذة داليا , لتناولها هذا الموضوع الحيوي ...[/B]
| |
|
|
|
|
|
|
|
|
|
Re: (أولاد المغتربين )..صحي مستلبين ؟!! (Re: أحمد علاء الدين)
|
صبحكم الله بالخير جميعا
لتوجيه النقاش من جديد حسب ما فهمت من بعض المداخلات ..
*أولا انا ذكرت اللهجة كمدخل ..وأتكلمت عن عدم الإلمام بالثقافة السودانية (الفن كمثال ) ..والبقلل من أهمية اللهجة يكون بالغ ..لأنو الإلمام بيها بخلي إبنك أو بتك أفهم الأغناي مثلا ..بخلي يفهم القصص والحجاوي بخلي لمن يمشي الإجازة ما يحس بالغربةفي بلدو ويقول متين نرجع بخلي مربوط بالبيئةالبنتمي ليها حتى لو ما أتولد فيها لأنو ما حينفصل عن ناس تانين عاشوا فيها ..
*ملاحظة عبد الناصر في محلها ما سمعت لبناني أو مصري بتكلم بلهجة تانية عشان يتفهم (دي في حدود من قابلتهم ) ..
* كثير من الناس ركزوا على الأطفال ..صحي التحكم في الأطفال صعب لكنو ما مستحيل ..خصوصا في السن البكونوا واعين فيها ..، البنات الضربت بيهم مثل ما أطفال صغار بنات في عمر 17 ،18 سنة وكانوا بتكلموا مع بعض ما مع ناس تانين ..
* اتفهم كثيرا معاناة الأباء والأمهات وأكيد الموضوع صعب جدا ..لكن بذل قليل من الجهد بجيب نتيجة والدليل أنو في أمثلة كويسة جدا ..
* التحصيل الأكاديمي مهم جدا طبعامافي كلام ..لكن عن نفسي بهمني ولدي ما يطلع شاطر وبس يطلع شاطر ومقرم وفاهم الدنيا كويس عارف بلدو وعارف ظروفا ..ومتفهم عيشة أهلو التانين وغارق فيها ومهموم بيها حتى لو بعيد عنها ..كتيرين بتخيلوا أنو الواقع الأفضل البتمنوا لأولادوهم يكون بأي تمن حنى لو بعزلهم لكنو تمن غالي جدا أوهكذا أدعي ..
بالمناسبة ..أنا ذاتي كنت (أولاد مغتربين ) 
جاية تاني ..
| |
|
|
|
|
|
|
| |
داليا حافظ
تيسير عووضة
طارق جبريل
عفاف الصادق بابكر
مصطفى توفيق
محمد عبد الماجد الصايم
Hisham Ibrahim
أيمن الطيب
Deng
Zakaria Joseph
khaleel
abubakr
حاتم شناب
محمد على طه الملك
غادة عبدالعزيز خالد
فيس بوك
تويتر
انستقرام
يوتيوب
بنتيريست