|
Re: لا للقسمة الضيزى! حتى لو أعلن الجنوب الانفصال من داخل البرلمان إستباقا! (Re: محمد زكريا)
|
Quote: جني Jinni يجب استبدال وفدالمؤتمر الوطنى بوفد يمثل الشعب السودانى بما فيه قبائل التماس صاحبة الوجعة وبعدها اذا اراد الجنوب الانفصال فلينفصل !
|
ينصر دينك ويشرِّط دلاقينك يا جني . على قول حجا قلنا كدا قالوا لينا أطلعوا من البلد. والمثل بقول: دهن النعام بمسكه جلده). يعني لو تمّ الإنفصال وهنالك من حاول التلاعب بحدودنا فلن نكون نعاجاً تساق إلى الذبح.
Quote: الشامي الحبر عبد الوهاب محكمة العدل الولية تفتح المجال للجنوب لاعلان الاستقلال من جانب واحد
|
يا الشامي محكمة العدل الدولية في لاهاي لكن الواقع على الأرض ينطبق عليه المثل البقول: الموية تكضب الغطاس. كل زول بقيف في حدوده الخلوها ليهو أجداده. كان ناس لاهاي عندهم تراب معانا اليجوا يشارعونا فيهو. عندها لكل مقام مقال.
نحن كقبائل تماس سنتضرر كثيراً من فصل الجنوب ولكن نتمنى أن تظل علاقاتنا مع سكان الدولة الجديدة علاقة حسن جوار لأن كل منا يحتاج للأخر. نحن رعاة إبل وماشية وأغنام ونحتاج للبحر في الصيف من أجل المرعى والماء. والجنوبيون بقبائلهم المختلفة المتاخمة للشمال يحتاجون لأراضينا للزراعة والرعي في فصل الخريف. لكن تدخل أمثال باقان وعرمان وسجمان ورمدان خربوا علينا العلاقة بكلمات لا نفهمها نحن ولا يفهمها أولئك الجنوبيون الطيبون. لكننا منتظرون.
(العوج راي والعديل راي)
|
|
|
|
|
|
|
|
|