إلى عالِم الآثار د. فتح العليم عبدالله ... أنا في صدد إقامة دعَوى قضائِية ضِدُك

Quote: يا دِكتور فتح العليم نِتْلاقى في المحكمة إن شاْْْْْْءالله ... الكلام ده ما بِخارِج معاي ... إتْ تدُقني في السوق وتجي تصالحني فوق الحِله ... تسوو ليك كِتاب وتوزِعو وتكسب قُروش والنُسخة الأولى تنتهي مِن السوق وتطبع نُسخة تانِية وتكسب برضو قُروش فوق ضهر قُبه جَدي وتجي تقول أنا أشِرت لِما سقط سهَوًا في إحدى مقالاتك بِإحدى الصُحُف ... ده كلالالالام يا دِكْتور ... أنا حقي المُحامي بِتاعي وعاني ليهو ... وكتبت ليك رِسالة قبل شهور طويلة على بريد الجريدة البِتكتِب فوقا عمودك الراتِب ، ما إشْتغلت بي الشغله ... ونِفْترِض إنو الصفحةالبِتعرِف بِسيد القُبه سقطت " سهوًا " في الطبعة الأولى ما إسْتدركت الأمر في الطبعة التانِية ليه؟ ليه ما أشِرت لِسيد القُبه وفِجتْ وُجودا في الطبعة التانِية ، الطبعة التانَية الأنا حأرفِقا كمعروضات في دعواي ، كَونك تقول لي : سقطت سهوًا وقُمت بِالإشارة ليها في إحدى الصُحُف ... ده ما بِرضيني ولا بِرضي الناس الوراي البِتْعايِن لِفعايلي في ها الأمُرْ ... لا يا خوي أنا أمَرّ مِن كِده كتير ... وطالما بِقى عِندك خبر وما إتصلت بي أنا ده عزام فرح الرسلت ليك قبل كِده رِسالة في غاية الرِقه والإحْتِرام والتقدير والفتحت ها العمود الإنت قريتو ، يبقى نِتلاقى في المحكمة وكُل زول ياخُد حقو ... ود مُخْتار إحْتِراماتي ،،،