|
Re: حكومتك يا البشير الفي الطريق قومية وحدت الصفوف لا فرقة لا عصبية......... (Re: ود الباوقة)
|
Quote: اخي حامد .......
الواقعيون هم القابضون على جمر القضية
والواهمون هم من ينظرون من الشباك ..... |
أي شباك تقصد؟
و ما هي جمر القضية؟
و كيف وحدت الحكومة الصفوف؟
Quote: لا فرقة لا عصبية......... |
دي بناقشك فيها بعدين بعد ردك أخي ود الباوقة
معليش دي اول مداخلة بيني و بينك
و عاوز توضيح لو تكرمت لي كلامك
عشان نخوض في حوار اسفيري علي الاقل مفيد للقراء
و لنا بالطبع
فتك بعافية ــــــــــ
| |
|
|
|
|
|
|
Re: حكومتك يا البشير الفي الطريق قومية وحدت الصفوف لا فرقة لا عصبية......... (Re: Hamid Elsawi)
|
الشباك الذي اقصده هو اؤلئك النفر
من السودانيين الذين يأتمرون بامر الاخرين
والشباك هو النضال الاسفيري من وراء جدر
Quote: و ما هي جمر القضية؟ |
جمر القضية هو الجمر الذي يقف عليه
الابطال من اهل الحكم ..
جمر القضية هو الصبر على الابتلاءات والصبرعقوق بعض ابناء الوطن
جمر القضية هو تكالب قوى البغي والعدوان ضد الوطن
واستهداف سيادته ورمز عزته وكرامته
جمر القضية هو اننا لن نذل ولن نهان ولن نطيع الامريكان
ومن يسير في فلكهم.
جمر القضية هو تمسكنا بشرع الله وعدم الخنوع والخضوع
لمزايدات دعاة العلمانية واهل الهوى .......
مودتي حامد ....
| |
|
|
|
|
|
|
Re: حكومتك يا البشير الفي الطريق قومية وحدت الصفوف لا فرقة لا عصبية......... (Re: قلقو)
|
ود الباوقة ... شكراً للرد السريع
ارجع لي كلامك من الاخر و بالتفصيل
Quote: جمر القضية هو تمسكنا بشرع الله وعدم الخنوع والخضوع
لمزايدات دعاة العلمانية واهل الهوى ....... |
أهو متمسكين بشرع الله 21 سنة و عينك ما تشوف الا النور
Quote: جمر القضية هو اننا لن نذل ولن نهان ولن نطيع الامريكان
ومن يسير في فلكهم. |
جميل لكن الامريكان يصولون و يجولون في كل شبر من ارض الوطن
شرقها و غربها جنوبها و شمالها و بمباركة الحكومة و تسهيلاتها
و لن نطيع الامريكان اصبحت جملة للاستهلاك المحلي و النفاق السياسي.
خلينا من من يسير في فلكهم
Quote: جمر القضية هو تكالب قوى البغي والعدوان ضد الوطن
واستهداف سيادته ورمز عزته وكرامته |
عزت الوطن في عزة مواطنه. كرامة الوطن هي كرامة مواطنه
فمن هو الذي اهدر هذه المواطنة و حقوقها؟
من هو الذي فصل المواطنين من الخدمة دون تقديمهم لمحاكمة؟
من الذي استباح حرمة البيوت و تسلق جدرانها ليلاً لاعتقال المواطنين؟
من الذي انهالت يده بالضرب و السب بأسواء الالفاظ للمواطنين في بلدهم؟
هذه هي قوي البغي و العدوان؟ هي من استهدفت عزة المواطن و كرامته
و تعمدت اهانته ضاربه عرض الحائط بكل المواثيق الدولية و المكارم و التسامح
الديني و الشهامة و الرجوله التي تربينا عليها.
واضح انو قوي البغي و العدوان التي استهدفت المواطن و عزته و كرامته
ما اتفقنا عليها حقو نحددها بالاول ثم نواصل النقاش باسلوب علمي و مهذب
Quote: جمر القضية هو الجمر الذي يقف عليه
الابطال من اهل الحكم .. |
دعني اقف هنا عند كلمة الابطال البطولة عندها تعريف و تحدثت عنه الكتب
و التاريخ و المواثيق الدوليه و اقصد بالمواثيق الدولية مثلاً الفيفا عندها
تعريف للبطل في كرة القدم. فهل الابطال هم من يقسمون السودان الان في نظرك؟
و كيف سميتهم ابطال و وفق اي معايير و ادلة؟ انا ما شايفهم ابطال و عندي الف دليل
انت دليلك شنو من العرف؟ من الدين؟ من الاخلاق؟
Quote: الشباك الذي اقصده هو اؤلئك النفر
من السودانيين الذين يأتمرون بامر الاخرين
والشباك هو النضال الاسفيري من وراء جدر |
لم يدعي احد من الذين يكتبون عن القضايا السودانية اسفيرياً انهم
مناضلين. فقط هم مهمومين بالوطن الذي أبعدتهم عنه ظروف. و لم يتحدت
منهم احد عن التطبيل الاسفيري احتراماً لحق اي انسان في المكان الذي
يتواجد به حقو نحترم بعض في الحتة دي أو نفرد ليها بوست خاص
و ساهرت بينا... لكن مرحب بالنقاش
فتك بعافية ــــــ
| |
|
|
|
|
|
|
Re: حكومتك يا البشير الفي الطريق قومية وحدت الصفوف لا فرقة لا عصبية......... (Re: ود الباوقة)
|
تحياتي يا ود الباوقة شايفك في بوست الأخ هجو الأقرع، وطبعا لن ولم تدخل بوستات الجزيرة ، والزميل بكري الصايغ حول زيادات أسعار القمح والرغيف ، أها بوست زيادة الجمارك 5% وزيادة مخالفات المرور حواليك ولا عليك يأخ حكومة أغلب طاقمها وشيوخها من عندكم ما قادرين يبنوا مستشفى لأهلهم عاوز منهم شنو ؟ أها قومية دي خليها تنفع ناس الشمال أول ناهيك ناس صقط لقط ، قال قومية الشفيع
| |
|
|
|
|
|
|
Re: حكومتك يا البشير الفي الطريق قومية وحدت الصفوف لا فرقة لا عصبية......... (Re: الشفيع وراق عبد الرحمن)
|
Quote: نعم متمسكين بها وسنتمسك بها الا ان يرث الله الارض
ومن عليها ...
ولا مجال للدولة العلمانية التي يريدها اهل التفلت والتفسخ
هي فتح البارات والكبريهات وانتشار
اماكن الرزيلة .........
باقي الكلام ساتيك به لاحقا ......... |
اذا انت فاكر الدولة العلمانية فتح بارات و كباريهات و انتشار اماكن الرزيلة.
تبقي مسكين و مَغشوش و
تبقي محتاج لدروس في الدوله العلمانية ومَفاهِيمَها العَصرية(This is you home work)
انا شايف الرزيلة كلها في دولتك دي المتمسك بيها و عندي الف دليل.........للرَزِيلة
بمفهومها العلمي و المُتَعَارف عليه بما فيها التَفَلُتْ و التَفَسُخ الذي تَتَحْدَثْ عنه
يأخِي .... الناس شايفة و سَامعة ... تَفَلُت و تَفَسُخ و عَارفَاهو في مِنُو
باقي الكلام حَقُو تِحتَفِظ بيه لي نَفسك
و يا دار ما دخَلِك شَر ــــــــــــــــ
| |
|
|
|
|
|
|
Re: حكومتك يا البشير الفي الطريق قومية وحدت الصفوف لا فرقة لا عصبية......... (Re: ود الباوقة)
|
QuoteQuote: : ياودالباوقة ماوريتنا رأيك فى انقاص اوزان الخبز وزيادة اسعارو الذى جرى تطبقه اعتبارا من اليوم الثلاثاء الموافق 21/سبتمبر/2010 ؟
قلقو ..
صرح دكتور عبد الرحمن الخضر( والي الخرطوم) قبل قليل بان اسعار
الخبز ثابتة ولن تتغير..
كما امن بعده على ذلك امين اتحاد المخابز ..... |
ياود الباوقة انا سألتك عن انقاص الأوزان وزيادة الأسعار, وانت قلت انو حبيبك والى الخرطوم صرح بأن لا زيادة فى الأسعار...اوكى , طيب انقاص الأوزان كيف ؟ وماتقول لى انو الوالى قال , لأنو انقاص اوزان الرغيف قد تم بالفعل وزيادة الأسعار قادمة فى الطريق. انا فى انتظار ردك ورأيك (رأيك دى مهمة).
| |
|
|
|
|
|
|
Re: حكومتك يا البشير الفي الطريق قومية وحدت الصفوف لا فرقة لا عصبية......... (Re: قلقو)
|
Quote: لا مجال للدولة العلمانية التي يريدها اهل التفلت والتفسخ
هي فتح البارات والكبريهات وانتشار
اماكن الرزيلة ......... |
ود الباوقة تحية وتقدير
ياللخو ده فهم غريب جدا للدولة (((العلمانية )))
الحاجات البتهلوس بيها دي ممكن تكون في الدولة العلمانية
بارات وكبريهات وبرضوا جوامع وكنايس وأى إنسان رقيبوا ((( ضميروا )))
لكين برضها ممكن تكون في الدولة الدينية حتى لو مخفية وما علنية
الكلام عن الدولة العلمانية مفروض يكون عن دولة المواطنة البستوي فيها الجميع حق وواجب
يعني مافي سبب تربطه بالظواهر السلبية فقط
------------------------------------------------------------
بعدين البحصل في سودان الانقاذ تحت حكم الجماعة ديل بظلم فكرة الدولة الدينية والشريعة أكتر ما يكون نموذج ليها بالمختصر المفيد الحاصل ده ما ليهوا علاقة ( لابالاسلام ولا المسيحية ولا اليهودية ) شي قاطعنوا من راسكم
Quote: حكومتك يا البشير الفي الطريق قومية وحدت الصفوف لا فرقة لا عصبية......... |
لا فرقة لا عصبية بتصور دي من منجزات الانقاذ إننا في زمن فرقة وعصبية وجهوية وقبلية حاده خلت حتت ((( القومية ))) دي ما موجودة إلا في كلام الطير الفي الباقير البتجيبو ده
وليك أكيد التقدير ,,,
| |
|
|
|
|
|
|
Re: حكومتك يا البشير الفي الطريق قومية وحدت الصفوف لا فرقة لا عصبية......... (Re: Saifelyazal Elmaki)
|
Quote: : لا مجال للدولة العلمانية التي يريدها اهل التفلت والتفسخ
هي فتح البارات والكبريهات وانتشار
اماكن الرزيلة ......... |
نعم ياود الباوقة كل تلك الأشياء (الكعبة) التى ذكرتها موجودة فى اوربا وامريكا( لمن يطلبها) لكن بجانب ذلك لديهم ايضا دور العبادة ودور العلم من مدارس ومعاهد و جامعات ومراكز الأبحاث والتطوير والمستشفيات والضمان الصحى وأجتماعى والمكتبات العامة وينعم المواطن فيها بأعلى مستوى من الرفاهية بفضل الديموقراطية والعلمانية التى تفهمها انت غلط . اين نحن من هولاء ؟ ياشيخنا انت حتى اليوم لم تستطع ان توصل مياه الشرب النظيفة لسكان العاصمة , ولا اتحدث عن الأقاليم حتى لا نزيد ونقلب المواجع والفواجع. بالمناسبة ياود الباوقة , الكمبيوتر الشغال انت عليه وتتفلسف علينا مصنوع فى حوش بانقا ولا كان اخترعو شيخ الزندانى ؟
| |
|
|
|
|
|
|
|