|
الى وزير الداخلية ثم مدير الشرطة اشكو الى الله ثم اليكم .. بلاغ ضد الشرطة بالارقام
|
قدر الله ان اتعرض لحادث سير يوم الثلاثاء الماضي في الطريق الرابط بين اللاماب وجبرة وكان ذلك حوالي الساعة العاشرة والنصف صباحا وكان الحادث كبيرا جدا ادى لتحطم سيارتي والسيارة الاخرى التي اصطدمت بي وكان والدي يرافقني في السيارة وتعرض لاصابات بالغة في وجهه.. الحمد لله لم افقد الوعي لحظتها وقام الناس باسعافنا سريعا بواسطة سيارات المواطنين المارين بالطريق . اتصلت بالاسرة ثم اتصلت بالشرطة 999 والذين تركوني معلقا في الخط لاكثر من 10 دقائق وعندما ردوا علي وصفت لهم مكان الحادث ( الاتصال تم بين الساعة العاشرة والنصف والحادية عشر من الرقم 0912209259 ) ..ووصفت لهم مكان الحادث ومكاني ولم ينجدنا احد .. والادهى والامر والمؤلم اننا في طريقنا للمستشفى كان الطريق مزدحما جدا فصادفتنا احدى عربات النجدة 999 تحمل الرقم 2325 شرطة .. فطلب منها الرجل الشهم الذي يقلنا في سيارته ان يفتحوا له الطريق الى المستشفى لانه يحمل مصابين في حادث وهم ينزفون وكان ذلك بالقرب من حديقة القرشي فقال قائد العربة بالحرف الواحد ( ما عندنا وقود ) .. والاكثر ايلاما انه حتى الساعة الخامسة والنصف مساء لم يحضر اي فرد او سيارة من المرور او النجدة لمكان الحادث (الكبير جدا ) وفي الشارع الكبير حيث تمكن الطرف الاخر المتهم في الحادث من سحب سيارته من مكان الحادث وفقدت اشياء مهمة كانت في سيارتي التي ذهب احدث اصدقائي وجرها الى قسم الشرطة بعد الساعة السادسة ..
|
|
|
|
|
|
|
|
Re: الى وزير الداخلية ثم مدير الشرطة اشكو الى الله ثم اليكم .. بلاغ ضد الشرطة بالارقام (Re: Alshafea Ibrahim)
|
حبيبنا معتصم محمد صالح ...
أولاً حمد لله على سلامتك وسلامة الوالد يا أخوي ...
بس ... باقي لي إنت بتحلم بوطن مثالي ...
حاول تتخيل كلامك ده لو كتبته وإنت مواطن في دولة أوروبية ... أو في أمريكا ...
أو في أيِّ دولة يكون فيها المواطن ليهو قيمة عند المسؤولين في بلده ...
كانت الدنيا قامت وما قعدت ... وكان من حقك تطالب بتعويض .. وترفع دعوى ... وووو
بس للأسف إنت عايش في بلد آخر حاجة يفكروا فيها المسؤولين ... هي المواطن وحقوقه ...
عشان كده ما تتوقع وزير داخلية يعمل ليك حاجة .. ولا مدير شرطة .. ولا أيِّ مسؤول ..
الله يعوِّضك عربيتك ... وإن شاء الله تكون مؤمن عليها بس ... إمكن التأمين يساعدك ...
لكن غير كده ... ما في قدامك غير إنك تحتسب وتوكل أمرك لله ...
وحمد لله على سلامتكم يا أخوي ... والجاتك في مالك سامحتك ...
| |
|
|
|
|
|
|
Re: الى وزير الداخلية ثم مدير الشرطة اشكو الى الله ثم اليكم .. بلاغ ضد الشرطة بالارقام (Re: الحاج حمد الحاج)
|
Quote: اعتقد ان هناك تسجيلات للمحادثات التي تردللنجدة 999 .. اسألوا رجالكم في النجدة عن اتصالي وماذا فعلوا بشأنه ؟؟ وقد حددت وقته ورقم هاتفي .. واسمي ايضا ستجدونه مدونا لانهم سالوني عنه لحظة الاتصال .. |
معتصم .. الف حمدالله على سلامتك وسلامة الوالد ..
إن شاء الله آجر وعافية .. وما تشوفو شر تاني ..
أما موضوعك ده مفرووق منه وما تفتى فيهو كتير لانه مافى ثمره ..
احكي ليك موقف عجيب جدا حصل لي فى دبي وانا راجعه من الدوام ..
طبعا اكيد انت عارف دبي والزحمة بعد انتهاء الدوام وخاصة الساعة 5 مساء ..
تعرف وانا راجعه من الدوام وداخل نفق الشندغه يعنى جنب الفندق بتاعك البتنزل فيه وقريب من سوق الدهب ..
المهم وانا فى نص نفق الشندغه سيارتى عطلت وتعال شوف الدنيا اتقلبت كيف يعنى يتخيل لي عطلت الحركة
لغاية شارع الشيخ زايد .. والله يا معتصم فى اقل من عشرة دقائق جاتنى سيارة شرطة بسرعة البرق مكتوب
عليها إنقاذ لمن انا اتحيرته ونزل الشرطى وسألنى الحاصل شنو .. ؟ وقبل ما اتم كلامى طلع جهاز
اللاسلكى بتاعة واقل من عشرة دقائق جاءنى موتر طائر بسرعة البرق وشكله عجيب جدا .. طوالى الهندي
فرتك الموتر ده بجهاز كنترول ذي لعبة الاطفال الفي افلام الكرتون ديك .. وعلى قول ولدي الهندي شكل
بالرموت فولترون ههههه وقال كدي ركب الكماشات فى سيارتى .. وحاتك انته انا راكبة وقلبي كان فى
الكرسي القدامى .. وجرانى وطلعنى ليك من النفق ذي الما حصل شيء وفتح السيارة وظبطها لي مجاااااانى
.. والله من اليوم داك وانا محتارة فى الحاصل .. وما يفوتك اللحظة ديك اللافته الضوئية الفى
الشوارع كان مكتوب عليها سيارة عطلانه فى نفق الشندغه واللحظة ديك كانت الكمرات كوووولها مصوبه على
وانا ما عاااارفه ..اها يا معتصم شوف الحالة دي كان حصلت لى هناك ووووووك والله كان الشارع كله يلز
فينى لى يوم الليله ..
| |
|
|
|
|
|
|
Re: الى وزير الداخلية ثم مدير الشرطة اشكو الى الله ثم اليكم .. بلاغ ضد الشرطة بالارقام (Re: عفاف الصادق بابكر)
|
اخى معتصم الف حمدالله على سلامتك وسلامة الوالد وربنا يعوضك خير انشاء الله وايك واحدة من حكاوى الشرطة معاى حصلة سرقة فى بيت اخوى وفتحنابلاغ وارسلو معانا وبى سيارتنا ثلاثة افراد و###### بوليسى المهم جو وعملوا معاينة وال###### شمشم هنا وهنا وهم خارجين اخدوا مبلغ لزوم لحمة ال###### البوليسى ومن يومها اتكررت معانا الحكياية بتاعت غداء ال###### لمدة اربعة ايام وبعدها اتطرينا نتازل عن الموضوع كله لانو صراحة فتح لينا بند صرف عجيب والجاتك فى مالك سامحتك .
| |
|
|
|
|
|
|
Re: الى وزير الداخلية ثم مدير الشرطة اشكو الى الله ثم اليكم .. بلاغ ضد الشرطة بالارقام (Re: معتصم محمد صالح)
|
أولاً حمداً لله على سلامتك وسلامة الوالد والجاتك في عربيتك وفي الشرطة سامحتك..
Quote: قدر الله ان اتعرض لحادث سير يوم الثلاثاء الماضي في الطريق الرابط بين اللاماب وجبرة وكان ذلك حوالي الساعة العاشرة والنصف صباحا وكان الحادث كبيرا جدا ادى لتحطم سيارتي والسيارة الاخرى التي اصطدمت بي وكان والدي يرافقني في السيارة وتعرض لاصابات بالغة في وجهه.. الحمد لله لم افقد الوعي لحظتها وقام الناس باسعافنا سريعا بواسطة سيارات المواطنين المارين بالطريق . اتصلت بالاسرة ثم اتصلت بالشرطة 999 والذين تركوني معلقا في الخط لاكثر من 10 دقائق وعندما ردوا علي وصفت لهم مكان الحادث ( الاتصال تم بين الساعة العاشرة والنصف والحادية عشر من الرقم 0912209259 ) ..ووصفت لهم مكان الحادث ومكاني ولم ينجدنا احد .. والادهى والامر والمؤلم اننا في طريقنا للمستشفى كان الطريق مزدحما جدا فصادفتنا احدى عربات النجدة 999 تحمل الرقم 2325 شرطة .. فطلب منها الرجل الشهم الذي يقلنا في سيارته ان يفتحوا له الطريق الى المستشفى لانه يحمل مصابين في حادث وهم ينزفون وكان ذلك بالقرب من حديقة القرشي فقال قائد العربة بالحرف الواحد ( ما عندنا وقود ) .. والاكثر ايلاما انه حتى الساعة الخامسة والنصف مساء لم يحضر اي فرد او سيارة من المرور او النجدة لمكان الحادث (الكبير جدا ) وفي الشارع الكبير حيث تمكن الطرف الاخر المتهم في الحادث من سحب سيارته من مكان الحادث وفقدت اشياء مهمة كانت في سيارتي التي ذهب احدث اصدقائي وجرها الى قسم الشرطة بعد الساعة السادسة ..
|
كان تقول ليهم في واحده لابسه بنطلون ضيق في مكان الحادث كانوا جوك طيران....
حسي برضو أعمل حسابك ما يعملوا ليك مخالفة تظلم من الشرطة الوطنية... الشايقي http://www.youtube.com/watch?v=WjNosdjuv7s
[email protected] http://alkatwah.com
.
| |
|
|
|
|
|
|
Re: الى وزير الداخلية ثم مدير الشرطة اشكو الى الله ثم اليكم .. بلاغ ضد الشرطة بالارقام (Re: cantona_1)
|
اجر وعافية وسلامة للاخ معتصم وتمنياتي لكم جميعا بسلامة مرورية كما تعلن ادارة المرور في دبي دائما ومنذ ان اتيت اليها قبل ثلاث عقود ونصف ....
Quote: .. والله من اليوم داك وانا محتارة فى الحاصل .. وما يفوتك اللحظة ديك اللافته الضوئية الفى |
سلامة الاخت عفاف كذلك واشير الي ان دبي لها تاريخ طوييل في السلامة المرورية وما عايشتيه هو نتاج عمل وترتيب واهتمام قديم متواصل وان امر انسياب الحركة في هذه المدينة المزدحمة هو ليس وليد طفرة بترولية ولا عمرانية ولكن وعي ومسئولية القائميين علي هذه المينة وكل الدولة الصغيرة .. ولتاكييد ذلك انشر ادناه صور من العام 1960 لنشاطات شرطة المرور في دبي وكما سترون رادار متحرك في سيارة بولمان ووجود شرطي في بلد تصل درجات الحرارة فيها الي 50 ورطوبة تكتم الانفاس واقفا يؤدي واجبه تحت مظلة بسيطة وفي زمن كانت السيارات فيه قليلة ولكن الوعي يبدء دائما منذ الصغر وهو عمل وليس شعارات وصراخ بحضارة( لاحظو موديل السيارات من اوستن اي 55 كمبريدج (موديلات خمسينات القرن الماضي )- ولاندروفر .. كما )...اننا لم نفعل شيئا ليبقي وينمو ويزدهر سوي كلام كثير شعرا وغناء وصياحا في تجمعات مليونية والحاضر ابن الماضي :
| |
|
|
|
|
|
|
Re: الى وزير الداخلية ثم مدير الشرطة اشكو الى الله ثم اليكم .. بلاغ ضد الشرطة بالارقام (Re: معتصم محمد صالح)
|
حمد لله على السلامة والحديد بيعود ان شاء الله بالمناسبة مرة حضرت حادث كبير جنب الاستوب بتاع سونا في شارع الجمهورية بين حافلة بتاعت الشعبية وسيارة لاندكروزر ... المهم ركاب الحافلة بقوا مقفولين فيها وما في طريقة يتخارجوا ... قمت اتصلت بناس تلاتة تسعات رد على واحد من لهجتو ما من الخرطوم ولمن قلت ليهو في حادث كبير جنب سونا قام قال لي (سونا دا منو) تخيل زول مهمتو يتلقى مكالمات الطوارئ وهو ما بيعرف اهم معالم البلد ... طبعا خليتو ومشيت لناس الشرطة الشعبية قدام شوية من مكان الحادث علشان يتصرفوا
| |
|
|
|
|
|
|
Re: الى وزير الداخلية ثم مدير الشرطة اشكو الى الله ثم اليكم .. بلاغ ضد الشرطة بالارقام (Re: Hassan Senada)
|
Quote: اوع تكون بتدفع ضرائب بس؟؟ |
يا حسين يا اخوي...
الا الضرائب...
ديل ما عندهم اي علاقة بي اي زول تاني...ما تدفع طوالي بعيقوك هم بيقولوا ليك (وخلي الديوان ديوانك) تقوم تقول ليهم ما بخلي الديوان ديواني..طوالي .بنوموا ليك في سريرك...
انت فاكر حا تقول لي الشرطة...انا بدفع ضرائب...ومن دافعي الضرائب...والشرطة في خدمة دافعي الضرائب...والكلام الامريكاني المتسرع دا...وين يا حسين...
يقدروا ليك مليونين...تدفع مليون هسي دي حتي تشيل نفس وتتكلم واحتمال لما يوردوا المليون...قبل ما تشيل نفس...يباغتوك بي ضريبة مضافة في صمة خشمك.
انتو مش بتدفعوا ضرائب...من قبال ما تشيلوا مواهيكم؟ وتيب
| |
|
|
|
|
|
|
Re: الى وزير الداخلية ثم مدير الشرطة اشكو الى الله ثم اليكم .. بلاغ ضد الشرطة بالارقام (Re: معتصم محمد صالح)
|
حمد لله على السلامة يا معتصم
وهسة كيف
عارف في يوم من أيام رمضان دا .. انا واقفة في الاستوب العربية في الجهة المقابلة لي
ولعت نار العربية واقفة قصادي ..
اها شهامة مني ساي قلت النساعد الراجل وضربت ل 999 وبرضو علقوني ورجعوا لي ووصفت ليهم تاني
ورجعوا لي تاني ناس الدفاع المدني وصفت ليهم ..
الكلام دا انا وصلت المكتب بعد قريب 3 ساعات عربية المطافي ضربت لي قالت لي انتو وين يا انعام
وصفت ليه ..
لما رجعت من المكتب لقيت محل العربية نار سوداء في الظلط ..
لكن في الغالب بكون الجماعة الفي الشارع طفوهابي تراب
لاني كورت للسائق قلت ليهو جيب طفايات من طلمبة البنزين لانها كانت قريبة ليه ..
غايتو بلاغك دا يا ريت يصل ويطور قصة استقبال المكالمات والسرعة في نجدت الناس
الله يسترنا دنيا واخرة
| |
|
|
|
|
|
|
Re: الى وزير الداخلية ثم مدير الشرطة اشكو الى الله ثم اليكم .. بلاغ ضد الشرطة بالارقام (Re: انعام حيمورة)
|
شكرا طه شكرا ايمن
يا نعومة اخوك تفتيحة ناس البوليس ديل بنشمهم في التلفون ..
فعلا لما اتصلو بي في الاول الرائد حاول يهظر معاي ..قال لي ( اخيرا النجدة تستجيب ) وطبعا قايلو واحد من الشباب كالعادة .. لكن بعد شوية الكلام بقى رسميييي وبرضو ما صدقت لكن سالتو ليك كم سؤال كده اتاكدت ...
بعديها بساعتين اتصل بي مدير النجدة واول ما قال لي شكلنا لجنة برئاسة رائد وهو ح يتصل بيك اتاكدت انو ياهو ذاااتو مدير النجدة بعدين كلامو ذاتو كلام ضابط كبير .. له التقدير والاحترام ..
المهم تاني يوم في التحقيق وده الشئ الخلاني اتاكد تماما انو قال لي اتصل على 999 وخليهم يحولوك للرائد ....... وبعد ثواني حولوني ليهو وتم التحقيق ...
في انتظار نتيجة التحقيق..
| |
|
|
|
|
|
|
Re: الى وزير الداخلية ثم مدير الشرطة اشكو الى الله ثم اليكم .. بلاغ ضد الشرطة بالارقام (Re: ادم شحوتاي)
|
كدة في السليم ومتابعين معاك
ان شاء الله يكونوا شافوا شكوتي ، اظن العربية لحقت امات طه هم ما جوا ..
ويارب تكتب سلامتك وابوك كمان
ياخ تحياتي للحاجة وما شاء الله عليها هي جندرية شديد وعجبتني وذكرتني امي ..
لانو يا معتصم لمن انت طالع من المستشفى انا جيت اسلم عليها ، لقيتها بتدي في اوامر :
.. ياخ الولد دا ما تدخلوا في العربية...
.. نأجر اسعاف بدون ما يكورك يوصلوا احسن...
.. الكراع دي لازم تكون قاعدة كويس ..
طبعا لمن جيت البيت اول شي سألتها قلت ليها أها أجرتوا الاسعاف اليوم داك وضحكنا ..
| |
|
|
|
|
|
|
|