|
Re: هل هذا هو الهلال ... مدرب الهلال كاد ان يقضي على فرحة الهلالاب .. (Re: وليد عبد اللطيف)
|
Quote: . اهدي هذه السعادة الى كل الاهلة بالمنبر بقيادة جمال السنوسي وطارق الكوتش |
شكرا ليك يا وليد
وبس بي صراحة انت اكبر من كده
سيد البلد بيمر بظروف صعبة
وبرضو بيفرحنا برة وجوة
خلوها مسنورة يا وليد
جوة البيت الازرق
الناس بتحل مشاكلها
وانت ما بتعرف ظروف التغيير شنو لي سادومبا
ولا الخطة شنو
خلونا نمشي كده منتصرين
ونفرح الناس المهمومة بحق الفطور
وموية الشراب ال######انة
افرحو معانا
| |
|
|
|
|
|
|
Re: هل هذا هو الهلال ... مدرب الهلال كاد ان يقضي على فرحة الهلالاب .. (Re: وليد عبد اللطيف)
|
عزيزى وليد بكل اسف ومع كامل أحترامى لشخصك اقول ليك تقيمك لتغير سادومبا يعكس اما انك لم تشاهد المبارة او ان علاقتك بكرة القدم زى علاقة العبدلله مع كرة القدم الأمريكية(لحد الأن ما عارف قونه دا بحسبوا كيف) فتغير سادومبا كان ضرورى لعدت اسباب الأول انانية سادومبا التى ظهرت فى اكثر من هجمة حيث كان هناك اكثر من لاعب فى وضع جيد لأحراز الهدف ولكنه كان يفضل التهديف من زواية صعبة واحياننا مستحيلة ثانيا ضعف الجانب الدفاعى لسادومبا عند ارتداد الهجمة) فى وقت يحتاج فيه الفريق لمجهود كل لاعيب فى تأمين الدفاع ومعلوم عند فقدان الكرة يبدأ الدفاع من رأسى الحربة ثالثا الارهاق بدأ يظهر على سادومبا نتيجة المجهود الكبير الذى بزله رابعا فرضت عليه رقابة جعلته يهرب لأطراف فأفرغ عمق الهجوم أما البديل بشة اي كلام فيه الإ يكون عدم معرفة و تأثر بالمنهج المزمزى
| |
|
|
|
|
|
|
Re: هل هذا هو الهلال ... مدرب الهلال كاد ان يقضي على فرحة الهلالاب .. (Re: 7abib_alkul)
|
ياجيمي
Quote: وانت ما بتعرف ظروف التغيير شنو لي سادومبا
ولا الخطة شنو |
على كل حال ان شاء الله ما اخر انتصار يازول بنعرف سادمبا قبل ما يأتي به الهلال وإلا بكون بتفرج في سكج بكج لاعب قوي وسريع التمويل الصحيح يجعل منه هداف به طاقة داخليه بفقدها اللاعب السوداني كل الدفاعات تعمل له الف حساب ويجعلها تقف مكانها ولم تتزحزح ولو لا هدف بشة السريع لكان الحسابات تغيرت
| |
|
|
|
|
|
|
Re: هل هذا هو الهلال ... مدرب الهلال كاد ان يقضي على فرحة الهلالاب .. (Re: 7abib_alkul)
|
ياحبيبي 7abib_alkul
Quote: فتغير سادومبا كان ضرورى لعدت اسباب الأول انانية سادومبا التى ظهرت فى اكثر من هجمة حيث كان هناك اكثر من لاعب فى وضع جيد لأحراز الهدف ولكنه كان يفضل التهديف من زواية صعبة واحياننا مستحيلة ثانيا ضعف الجانب الدفاعى لسادومبا عند ارتداد الهجمة) فى وقت يحتاج فيه الفريق لمجهود كل لاعيب فى تأمين الدفاع ومعلوم عند فقدان الكرة يبدأ الدفاع من رأسى الحربة ثالثا الارهاق بدأ يظهر على سادومبا نتيجة المجهود الكبير الذى بزله رابعا فرضت عليه رقابة جعلته يهرب لأطراف فأفرغ عمق الهجوم |
باقي ليك حاجات ماقلتهاا الضغط على حامل الكورة واللعب بالاطراف والهجمه المرتدة ودفاع المنطقة يازول انت بتقول في كلام محفوظ ومكرر كثيرا الى ان اصبح بناتنا خبيرات في كرة القدم وعرفوا اسرار كرة القدم من الكلام المكرر من بعض المحللين نصيحة مني ليك اتفرج الكورة من غير عاطفة وتعصب حتى تحس بكل نشاذ او شكل غير متناسق في الملعب للفريق هل تصدق مدرب الاتحاد باني خطته على سادمبا وهيثم مصطفى والحارس المعز ياخي الكلام كتير بس حاول شاهد بخيال اوسع (كرة القدم علم )مثله مثل الكيمياء والفيزياء
Quote: أما البديل بشة اي كلام فيه الإ يكون عدم معرفة و تأثر بالمنهج المزمزى |
ماقلت ليك ماتخلي التعصب يسيطر عليك في مشاهدة كرة القدم بشه لاعب صغير ومتطور ويرجى منه الكثير المنهج المزمزي دي حلوة عشان كده كرتنا اصبحت متخلفة ومريضة لانك اعترفت بأن مزمل له منهج كروي
| |
|
|
|
|
|
|
Re: هل هذا هو الهلال ... مدرب الهلال كاد ان يقضي على فرحة الهلالاب .. (Re: وليد عبد اللطيف)
|
وليد ...
رمضان كريم ...
ومبروك الفوز العظيم ...
تعرف سادمبا أدى الدور المطلوب منة واكثر والتغير كان لابد من احدى المهاجمين لتقوية الوسط وخيار ابقاء كاريكا ...
لانة الاجهز فى الفترة الاخيرة واعتقد بانة متفوق على سادمبا ودا شغل طارق احمد آدم منذ قدومة وأجزم بانة لاعب دور كبير
فى العوامل النفسية للاعبين ودور اكبر فى التوليفة ككل والتنظيف الدفاعى الجيد للهلال والتى كانت اكبر مشاكل من بداية الموسم
واللخبطة الفنية والكوجين بتاع كامبوس ...
التحية لطارق ولاعبى الهلال والكاس قريب انشاء الله
| |
|
|
|
|
|
|
Re: هل هذا هو الهلال ... مدرب الهلال كاد ان يقضي على فرحة الهلالاب .. (Re: Hassan Senada)
|
بابكر التوم سلامات ود الامتداد ورمضان كريم
Quote: تعرف سادمبا أدى الدور المطلوب منة واكثر والتغير كان لابد من احدى المهاجمين لتقوية الوسط وخيار ابقاء كاريكا ...
لانة الاجهز فى الفترة الاخيرة واعتقد بانة متفوق على سادمبا ودا شغل طارق احمد آدم منذ قدومة وأجزم بانة لاعب دور كبير
|
مع خروج سادمبا تحرك الدفاع من منطقتة ومارس ضغط على الهلال وفي لحظات اذا كان سادمبا موجود لقتل الخصم بأكثر من هدف من تمريرات هيثم القاتله واضغف موقفه في بلدة ( وضاع مهرجان الاهداف )
| |
|
|
|
|
|
|
Re: هل هذا هو الهلال ... مدرب الهلال كاد ان يقضي على فرحة الهلالاب .. (Re: وليد عبد اللطيف)
|
هيثم مصطفى وما ادراك ما هيثم مصطفى بالرغم من اني لم يعجبني تصرف هيثم مصطفى في الاعلام وما قاله في نادي بحجم الهلال اليوم ارفع له القبعة تحيه امبراطور ملاعب واثبت انه لاعب لم يتكرر مع زميلة فيصل العجب كما قال ولدنا علاء الدين يوسف واليوم ذكرني ايامه في نادي الامير
سبحان الله
هيثم اعترفت بيه امير وبرنس الملاعب
اليوم
لكن طلع عجبك براك ده بره من هنا
لانو لو نقط الكوره ما بنريدو ولا بيعرف يلعب اها النوريك
وعلاء ولدكم البصمكم وحرقكم مافي مشكله في لعبو
امير مين يا عم ده برنس الهلال سيد البلد
بطل حقدك وما تخليك زي الثعبان تنفس سمك وحقدك علي لعيبة سيد البلد وانت عارف مرخركخ لو جمعتوهم كلهم ما بيجيبو لاعب
دلاقين ديلاك ولا نسيت
| |
|
|
|
|
|
|
Re: هل هذا هو الهلال ... مدرب الهلال كاد ان يقضي على فرحة الهلالاب .. (Re: EMU إيمو)
|
الله يسلمك عمران وانت تعيد لنا هدف ولا اروع ... شبال بشة من القريبة مباغت اسعد وافرح قبيلة الهلالاب الهلال تحدى نفسة وكسب الجوله الهلال قهر الظروف ولعب بمسئولية كبيرة وتوجد بعض الهنات ويمكن معالجتها تخيل ياعمران قابلت الشاب الصغير بشة في احد الفنادق بالسوق العربي ودار بيننا حديث جميل وقدمت له بعض الملاحظات بتقبلها بصدر رحب ويجب الهلال ان يعتني به وسوف يكون له شان في يوم من الايام في كتيبة الهلال
------------------------ هل اذا تحدثنا عن فريق الهلال الجميل بهذه الطريقة يتم تصنيفنا من قبيلة المريخ والله لي الشرف بكل الالوان
| |
|
|
|
|
|
|
Re: هل هذا هو الهلال ... مدرب الهلال كاد ان يقضي على فرحة الهلالاب .. (Re: مدثر قرجاج)
|
عباس اخوي
Quote: لكن طلع عجبك براك ده بره من هنا
لانو لو نقط الكوره ما بنريدو ولا بيعرف يلعب اها النوريك |
انت بتتفرج كورة وللا شيء تاني كان عندك راي في العجب دا شيء تاني تبقى ما كورة قدم .. مايدهشني من تعصب ملاعبنا في كرة القدم المريخاب يقولوا هيثم مصطفى ماعندو كورة والهلالاب يقولوا العجب مابيعرف يلعب كورة كرة قدمنا تطور كيف ماعارف والتعصب والتطرف يلازم ملاعبنا
| |
|
|
|
|
|
|
Re: هل هذا هو الهلال ... مدرب الهلال كاد ان يقضي على فرحة الهلالاب .. (Re: وليد عبد اللطيف)
|
الصديق وليد :
وفعلها هلال الملايين . مليون مبروك لكل الأحباب في الهلال العظيم.. وإن كان بمقدورنا هزيمة الفريق الليبي بدستة من الأهداف غير منقوصه ، ولكن يكفينا طعم النصر الذي بذره البرنس وإخوته هناك بأرض (الكتاب الأخضر)..
تابعت أمس وقبل المباراة عدد من الإصدارات الليبية علي الشبكة وقد قالت ما قالت ... لذلك يبقي طعم الفوز عندي أكثر حلاوه بل يصل إلي درجة (العشرقة).
فاروق أبوحوه - مريخي صارخ الولاء
| |
|
|
|
|
|
|
Re: هل هذا هو الهلال ... مدرب الهلال كاد ان يقضي على فرحة الهلالاب .. (Re: وليد عبد اللطيف)
|
عماد كوتش
Quote: ياطارق الكوتش وليد هلالابي ودي متأكد منها مليون في المائة وسبق له اللعب في أشبال الهلال |
لاتذكرنا الايام الجميلة و التحاقي بأشبال الهلال والانترفيو الذي دخلته كاني التحقت بجامعة الخرطوم وقتها لايعرف قيمة الهلال إلا من يدخلة ولكن ياصديقي هل هذا مايمنع اني اشجع المريخ وهل تنسى في يوم من الايام كنت اقرب بالتسجيل الى المريخ من الهلال لو لا نايل ايدام اوقف التسجيلات ولوانو مازدا المهرج كان له راي في تسجيلي .. وكان سوف يسجل الهلال زميلي طارق الحاج يوسف .. . . لكن ياعماد كوتش رايك شنو في هيثم مصطفى امس تجلى في مداعبة الكرة تخيل واحد مراهق رياضي فوق قال العجب ماعندو كورة
| |
|
|
|
|
|
|
Re: هل هذا هو الهلال ... مدرب الهلال كاد ان يقضي على فرحة الهلالاب .. (Re: وليد عبد اللطيف)
|
يا عمده سلامات
Quote: ياطارق الكوتش وليد هلالابي ودي متأكد منها مليون في المائة وسبق له اللعب في أشبال الهلال سابقا |
بعد عمليات الصلح التى تمت ليلة امس بحضور الزعيم هيثم مصطفى سيدا >>> نرحب بالكابتن وليد عبد اللطيف من جديد على ارض جمهورية الهلال العظمى و العقبه للباقين
Quote: بس بحب بشاغلكم لانه أمس فاز حمام ميت على حمام ميت اخر . |
حمام ميت كيف يا رجل فريق فى الفتره السابقه مسجل حضور دائم فى الادوار الختاميه للبطولات الافريقيه >>>>>>>>>>>>>>> قصتك ده يا كوتش عماد دائر ليها ودائر ليك صلح سريع بتوقيع عمدة الهلال الجديد الود بشه
| |
|
|
|
|
|
|
Re: هل هذا هو الهلال ... مدرب الهلال كاد ان يقضي على فرحة الهلالاب .. (Re: طارق الكوتش)
|
طارق الكوتش
Quote: بعد عمليات الصلح التى تمت ليلة امس بحضور الزعيم هيثم مصطفى سيدا >>> نرحب بالكابتن وليد عبد اللطيف من جديد على ارض جمهورية الهلال العظمى و العقبه للباقين |
تسلم ياطارق لكن شكلك عايز تزعل مني المريخاب بالمناسبة الهلال امس لعب الشوط الاول كرة قدم كبيرة لما قعدت اركز في التلفزيون واقول بين نفسي هل هذا هو الهلال بس مايعيب اللاعب السوداني بيخرج من جو اللعب بسرعة وما بيلتزم بما يقوله المدرب لذلك ممكن نخسر المباراة في اي لحظة من عمر المباراة
| |
|
|
|
|
|
|
|