|
Re: يا أسماء الجنيد تعالي زغردي جمال أخوك نال درجة الدكتوارة (Re: عزيز عيسى)
|
Quote: والتهنئة موصولة للأخ الفاتح وأسماء الجنيد. يا أسماء سمعينا الزغرودة. |
ألف مـبروك لدكتور جمـال إنجازه العلمي الكـبير في مجال "التوسع في التعليم العالي في السودان عبر شبكة الإنترنت" مـبروك للأسـرة ولأهـل الجـنيد مبروك للأخ الفاتح والأخـت أسماء وعقبال ناس رامي وآية وصـاحبي ------------- شـكـرا أخ عـزيز
| |
|
|
|
|
|
|
Re: يا أسماء الجنيد تعالي زغردي جمال أخوك نال درجة الدكتوارة (Re: Abd Alla Elhabib)
|
ود امي ونور القبيلة وسندها ودخريها مبرووووووووووووووووووووووووووك يا ابو محمد ايويويويويويويوييييييييييييييييييييييييييييييييييييييي يعلم الله زغرت يا عزيز يا اخوي براي فى البيت لامن بكيت آى نعم بيكت فرحة بيك يا جمال الروح... يا جمال الفال السمح ... يا جمال الخير منعول ابوك يا غربة اللية فرحتنا بيك يا جمال وانت بعيد وبكرة عقد نسرين وانا وانت بعاد والله غلبني السكات يا جمال جمال فرحة القبيلة كلها نلم فيهو وين ونقالدوا بى فرحتنا وفخرنا بيه يا عزيز يا خوي ونسرين شقيقتي الصغير بكرة عقدها فى الجنيد فرحة ودموع الحمد لله يا عزيز يا خوي بشارتك كبيرة كبيرة كبيرة بالحيل وان شاء الله نتلاقي بالدرب يا يابا قول آمين وان شاء الله نفرح ليك فى سمح وليداتك يا الحنين
العزيز عبد الله الحبيب تتبارك ايامك يا بوي وان شاء الله عقبالك انت كمان شفت نسرين سوتها ونحن بعاد يا عبد الله عقبال ناس ملهم ان شاء الله
مشاققة على قول جمال بعد يفوت عقد نسرين والجوطه .. الخرفان تطاقش خرفان الكرامة تعال نكلمهم يا جمال يدسوا لينا حقنا ان شاء الله ربيت لوووووووووووووووول مبروووووووووووووووك ياخ مبروووووووووووك بجيكم صاده تاني بى مهلة شكرا يا عزيز يا اصيل
| |
|
|
|
|
|
|
Re: يا أسماء الجنيد تعالي زغردي جمال أخوك نال درجة الدكتوارة (Re: عزيز عيسى)
|
الأخ عزيز سلامات
وشكراً على الأخبار السارة
Quote: براي فى البيت لامن بكيت آى نعم بيكت فرحة بيك يا جمال الروح... يا جمال الفال السمح ... يا جمال الخير منعول ابوك يا غربة اللية فرحتنا بيك يا جمال وانت بعيد |
الف مبروك للدكتور جمال الماحى ولكل أسرته الكريمة
ومبروك يا أختى اسماء
وربنا يجعل أيامكم كلها عسل
| |
|
|
|
|
|
|
Re: يا أسماء الجنيد تعالي زغردي جمال أخوك نال درجة الدكتوارة (Re: حسن حماد محمد)
|
مبروك والف مبروك للدكتور جمال ومزيد من النجاحات .. والف مبروك لعقد قران نسرين الجنيد .. ابنة المربي الفاضل المرحوم صديق الطيب ناظر زمانه .. وعقبال لما تبقى استاذة اسماء .. وكلنا لا نكون حضورا اليوم ... وكم كنا سعيدين وقتها بحضورنا الكثيف (اولاد مصنع سكر حلفا الجديدة) في عقد قران بهاء الدين صديق (الوطن) والاستاذ يوسف صديق ويا لها من ايام ... لك خالص الود اسماء وللاسرة الكريمة ....
| |
|
|
|
|
|
|
Re: يا أسماء الجنيد تعالي زغردي جمال أخوك نال درجة الدكتوارة (Re: اسماء الجنيد)
|
لاخ عزيز والله انك لانسان عزيز بجد ده خبر يسافروا ليه من هنا لى هناااااااااااك كوم من المباركات والتهانى اللامحدودة للدكتور جمال الماحى على هذا الشرف العظيم الذى انت اهل له حقيقى شفت البوست ده هسى بس ، جيت قلت اطل سريع على البورد وعندى مواعيد مارق فاذا بى انبهر بهذا الخبر السعيد انشاء الله ياجمال تضوق حلاتو وعقبال الوليدات وانت قدوتهم تحياتى لام العيال وكل العيال ................................ الاخ الحبيب عبدالله الحبيب لك الشكر الكتييييير على التهنئة افتقدتك يارجل والله ليك وحشة عساك وام العيال طيبين
| |
|
|
|
|
|
|
Re: يا أسماء الجنيد تعالي زغردي جمال أخوك نال درجة الدكتوارة (Re: الفاتح الجنيد)
|
Quote: مبروك والف مبروك للدكتور جمال ومزيد من النجاحات .. والف مبروك لعقد قران نسرين الجنيد .. ابنة المربي الفاضل المرحوم صديق الطيب ناظر زمانه .. وعقبال لما تبقى استاذة اسماء .. وكلنا لا نكون حضورا اليوم ... وكم كنا سعيدين وقتها بحضورنا الكثيف (اولاد مصنع سكر حلفا الجديدة) في عقد قران بهاء الدين صديق (الوطن) والاستاذ يوسف صديق ويا لها من ايام ... لك خالص الود اسماء وللاسرة الكريمة .... |
اخي الحنين ناصر البهدير ... يعلم الله طلتك تفرح وتبكي فى آن واحد طريتني الزمن الجميل زمن لمتكم وفرحتكم وقعدتكم وسط ابوكم الناظر الله يرحمه ويوسده الباردة ان شاء الله قدر حبكم ليه يا حليل الايام الجميلة ويا حليل السمحين الرحلوا وخلونا نتحسر فى غربة الشوم علي اجمل لحظات مضت سريعا اولاد المصنع واهل المصنع يا ناصر ما زالوا بعشرتهم الجميلة العتيقة ما زالوا متواصلين بالاهل فى الجنيد والبندر يا حليلك والله ... شفت الحنين كيف ؟؟ انا في الغربة البعيدة ونسرين فى اللحظات دي عقد قرآنها فرحة ودموع ... غلبني اتصل بيهم الليلة كلو كلو خفت ابكي كالعلدة وابوظ عليهم الفرحة قلت اصبر للمساء والبيت يهدأ من الزحمة شكرا يا ناصر يا ود امي وان شاء الله يباركوا ليك جديد وليداتك قول آمين ونجي نشاركك الفرحة وسط اهلك حا ابلغ تحياتك ان شاء الله اليوم للاسرة لك كل الود وشكرا مااااااااارقة من الجوف /B]
| |
|
|
|
|
|
|
Re: يا أسماء الجنيد تعالي زغردي جمال أخوك نال درجة الدكتوارة (Re: الفاتح الجنيد)
|
Quote: انتي يامرا نادوك تزغرتي
تقومي تعمليها شكرا لمداخلتكم فلان وفلان
جنس سغافه عليك
زحي لي كده
نسوان اخر زمن
اها
ايوووووووووووووووووووووووووووي |
طارق وحات الله زغروتك اسمح من التي تراك آآآآآآ جنا زغرااااااااات ما عند عوجة ضمة علا خايفة تقوم يوم تفكها في بيت الفنون باقي عارفة طرطشتك
مسعول من الخير باروكتك دي النبي جبتها من وين ؟ وحات الله اكبر من الشدر المعاك فى الصورة محنــــــــــــــــــــك آ طارق
| |
|
|
|
|
|
|
Re: يا أسماء الجنيد تعالي زغردي جمال أخوك نال درجة الدكتوارة (Re: اسماء الجنيد)
|
يا سلام عليك يا بلير يا سيد الذوق دائما في قلب الحدث كتر خيرك على الهدية الجميلة والصور الطولنا منها وعيييييييييييييييييييييييك يا جمال صلعتك وحات الله فاتت صلعة طارق الامين بي هنااااااااااااك كدي النمشي نحنسو كان يدينا خمشة من باروكتو المشاترة دي الكلام ليك يا طارق المزوغ عينيك
شكرا من تاني اخي العزيز بلير
وييييين سيد المناسبة عزيز يا عزيز وينك يابا.؟ ماك شايف طارق شال حسي كيفن ؟ تعال آ يابا لي ضيوفك وشكرا ليك آ عشانا
| |
|
|
|
|
|
|
Re: يا أسماء الجنيد تعالي زغردي جمال أخوك نال درجة الدكتوارة (Re: عفاف الصادق بابكر)
|
Quote: ألف ألف مبروك الإنجاز العلمي الحصيف للدكتور جمال الماحي وإنشاء الله علم إنساني تستفيد منه الإنسانية جمعاء وعقبال الأستاذية يا دكتور...
مبروك يا أسماء... وليك حق تزغردي ونفرح بأولادك وأولاد الفاتح وكل عموم آل الجنيد
وتسلم يا عزيز... ونبارك ليك في كل عزيز لديك |
العزيز محمد يسن حبابك وحباب طلتك الجميلة ان شاء الله نفرح ليك يا محمد اخوي وتجي سوما تزغرت ليك قول آميييييييييييييين
| |
|
|
|
|
|
|
Re: يا أسماء الجنيد تعالي زغردي جمال أخوك نال درجة الدكتوارة (Re: عبدالرحمن الخليفة)
|
Quote: ألف مبروك يا د. جمال وألف مبروك لآل الجنيد
وسكر الجنيد..
ههههههههههههههههههههه
ما عارف ليه الجنيد دى مربوطة طوالى مع أول مصنع سكر فى السودان
بختكم كلكم حلوين ومطعمين .. تحياتى |
حبابك اخي شمس الدين ساتي وكتر خيرك علي الطلة الجميلة ويباركولك جديد وليداتك ان شاء الله
بعدين يا خوي المصنع المربوط بينا وبي اسم جدنا العتيق عتاقة المنطقة وجدنا السمو عليه المصنع شكراااا ليك يا ود القبائل حواشات وترع الجنيد ومننا ليك اطنان سكر محروق كمان هههههههههه اصلو السكر المحروق اكثر حلاة ومن العادي تسلم
| |
|
|
|
|
|
|
Re: يا أسماء الجنيد تعالي زغردي جمال أخوك نال درجة الدكتوارة (Re: اسماء الجنيد)
|
Quote: شكراً جزيلاً أخي عزيز ، ومبروك للأخ جمال الماحي درجة الدكتوراه ... ومبروك لك ولكافة أفراد الأسرة أختنا أسماء الجنيد بهذا ، وألف مبروك بعقد قران شقيقتك الدكتوره نسرين اللهم أجعل حياتها كلها أفراحاً وزغاريداً وتمم لهم بكل الخير والسعاده ...
والله يا سوما حاره شديد عندما يكون هناك فرح لأحد أفراد الأسرة وأنت بعيد لا تملك إلا الدموع المنثالة فرحاً وحسرة على عدم تمكنك من التواجد لتقاسمهم الفرحة .. أسأليني أنا يا سوما فقد جربت هذا الشعور من قبل .. لحظات صعبة بجد ولكن ما حيلتنا أمام الظروف التي تأتي أحياناً أكبر من تطلعاتنا .. وأقوى وأشرس من أمانينا .. عموماً ألف مبروك يازوله معطونه بالحنية والمحبة.. والرقة المنسابة في القلب الكبير الذي يسع الجميع ...
مع خالص ودي وتقديري ؛؛؛ |
الاخ العزيز ود اهلي العزاز ادريس كيفنك يابا واريت حالك زين تتبارك ايامك يا ود القبائل ... ان شاء الله نبارك ليك الجديد وسمح وسط اهلك وحبانك يا رب والله شدة مي حارة عدم الحضرة يا ادريس يا خوي عبرتها لا هسه فى حلقي اخدت بكيتي يوم العقد ويم فرحة جمال اخوي وسكت عاد شن اسو الله غالب شكرا يا ادريس يا الحنين دائما طلتك بتفرح مرتين شكرا قمر دورين والتحايا عبرك كيمان كيمان للاهل الحنان
| |
|
|
|
|
|
|
Re: يا أسماء الجنيد تعالي زغردي جمال أخوك نال درجة الدكتوارة (Re: صلاح غريبة)
|
أولا بعتذر لكل أخوتي وأخواتي في المنبر والى الأخ الفاتح وأسماء الجنيد عن فترة غيابي والتأخير بالرد لظروف خارجة عن إرادتي نظرا لوجود خلل في شبكة الإتصالات الخاصة بي بسبب الصواعق الرعدية الأخيرة في تكساس والتي حالت عن عدم إستطاعتي الدخول الى المنتدى.
لذا أرجو المعذرة، وسأقوم بالرد على كل المداخلات.
مع فائق تحياتي وتقديري وودي للجميع.
| |
|
|
|
|
|
|
Re: يا أسماء الجنيد تعالي زغردي جمال أخوك نال درجة الدكتوارة (Re: عزيز عيسى)
|
Quote: ايويويويويويويوييييييييييييييييييييييييييييييييييييييي يعلم الله زغرت يا عزيز يا اخوي |
الأخت الأصيلة العزيزة أسماء، والله عارفك ما بتقصري في الزغرودة.. تأثرت جدا بكلماتك المنطلقة من جوه قلبك وعن مدى فرحتك وسعادتك بخبر الدكتوراة لأني شعرت بمعزة جمال أخوك بالنسبة إليك ومعزتك عند جمال. الفرحة غمرتنا جميعا بهذه المناسبة السعيدة.
جمال طبعا متابع البوست من أول يوم وقال لي ياخي سومة دي لازم تزغرد لي هي أول واحدة في أهلي لأنها أختي وفردتي.
وفي أثناء ما أنا بتكلم معاهو أسمع ليك سنية تطلق زغرودة كبيرة قبل ما أتكلم معاها وأهنيها بالمناسبة الكبيرة دي..
سعيد جدا بمعرفتك أنت والأخ الفاتح ونسأل الله أن يجعل أيامكم كلها أفراح ويبارك ليكم في أولادكم. وإن مد الله في العمر حتما سنلتقى في يوم من الأيام.
مع خالص ودي وتقديري أختي أسماء.
| |
|
|
|
|
|
|
Re: يا أسماء الجنيد تعالي زغردي جمال أخوك نال درجة الدكتوارة (Re: عزيز عيسى)
|
Quote: الأخ عزيز سلامات
وشكراً على الأخبار السارة
الف مبروك للدكتور جمال الماحى ولكل أسرته الكريمة
|
عزيزي الأخ حسن حماد محمد، ربنا يبارك ليك في عمرك ويزيدك من فضله.
الأخ جمال متابع وبيشكركم كلكم من جوه قلبه على تهنئتكم له وأسرته على هذه المناسبة السعيدة. وياريت الأخ بكري أبوبكر يمنحه العضوية حتى يستطيع الدخول ويرد بنفسه.
| |
|
|
|
|
|
|
Re: يا أسماء الجنيد تعالي زغردي جمال أخوك نال درجة الدكتوارة (Re: خالد حاكم)
|
Quote: لاخ عزيز والله انك لانسان عزيز بجد ده خبر يسافروا ليه من هنا لى هناااااااااااك كوم من المباركات والتهانى اللامحدودة للدكتور جمال الماحى على هذا الشرف العظيم الذى انت اهل له حقيقى شفت البوست ده هسى بس ، جيت قلت اطل سريع على البورد وعندى مواعيد مارق فاذا بى انبهر بهذا الخبر السعيد
|
الأخ الفاتح،
حدثني الأخ جمال عنكم كثير ودائما يشكر فيكم مما جعلني إشتعل شوقا لملاقاتكم.. وقبل أن تسافروا الى بلاد الغربة في أوروبا قلت لجمال الجماعة ديل لو جوا أدونا غشوة بيجاي هنا في تكساس يكون ما قصروا علشان نكرمكم ونديكم بقرتين من بقر تكساس ذات القرون الطويلة تربوهم لينا في أوروبا على الأقل نقدر نجيكم زيارة نسلم عليكم ونطمئن على البقرات.
جمال زادنا شرفنا بنيله درجة الدكتوراة.. وفعلا خبر سار مثل هذا مفروض تركبوا إنتو وأولادكم أول طيارة متجه على هيوستن تجوا تزورونا علشان نكرمكم ونشيلكم في رأسنا.
سعدت جدا بكلماتك الرقيقة وأشكرك من كل قلبي مع أمنياتي لك وأسرتك الكريمة بالسعادة الدائمة وأسأل الله أن يوفقكم وينور دربكم ويحفظ أولادكم ويمتعكم بالصحة والعافية.
مع خالص ودي وتقديري.
| |
|
|
|
|
|
|
Re: يا أسماء الجنيد تعالي زغردي جمال أخوك نال درجة الدكتوارة (Re: عزيز عيسى)
|
Quote: عزيز يا غالي الف الف مبروك وعقبال لكل مجتهد . |
شاعرنا الخلوق جدا الأستاذ هاشم أحمد خلف الله،
أشكركم على لطفكم ومشاعركم الطيبة وسأنقل تهنئتكم الرقيقة الى الأخ جمال والتي ستكون محل تقدير وإعتزاز من شخص عزيز مثلكم.
نسأل الله أن يبارك لك في أولادك ويمتعكم بموفور الصحة والعافية.
مع عاطر وأصدق التحيات.
| |
|
|
|
|
|
|
Re: يا أسماء الجنيد تعالي زغردي جمال أخوك نال درجة الدكتوارة (Re: عزيز عيسى)
|
Quote: ألف ألف مبروك الإنجاز العلمي الحصيف للدكتور جمال الماحي وإنشاء الله علم إنساني تستفيد منه الإنسانية جمعاء وعقبال الأستاذية يا دكتور...
مبروك يا أسماء... وليك حق تزغردي ونفرح بأولادك وأولاد الفاتح وكل عموم آل الجنيد
وتسلم يا عزيز... ونبارك ليك في كل عزيز لديك |
أستاذنا وحبيبنا ودالخليفة،
ربنا يزيدك من فضله ويبارك لك في أولادك ويحقق كل الأمال والتطلعات.
أتمنى من كل قلبي التوفيق والنجاح لكل طالب علم في هذه البلاد.
| |
|
|
|
|
|
|
Re: يا أسماء الجنيد تعالي زغردي جمال أخوك نال درجة الدكتوارة (Re: عزيز عيسى)
|
Quote: ألف مبروك يا د. جمال وألف مبروك لآل الجنيد وسكر الجنيد.. ههههههههههههههههههههه ما عارف ليه الجنيد دى مربوطة طوالى مع أول مصنع سكر فى السودان بختكم كلكم حلوين ومطعمين .. تحياتى |
أخونا شمس الدين ساتي،
وكمان حكمتو بالغة.. قالو القصب بعد ما يطلعوا منو السكر ممكن يستخرجوا منو السبيرتو.. شفت الناس ديل طاعمين وملهلبين كيف؟
على فكرة جمال عندو بنية حليونه مسمينها سكر الجنيد.. الله يحفظها ويغطي عليها.
وتهئنتك ستصل الى جمال.
مع فائق التحية والتقدير.
| |
|
|
|
|
|
|
Re: يا أسماء الجنيد تعالي زغردي جمال أخوك نال درجة الدكتوارة (Re: عزيز عيسى)
|
Quote: ألف مبروكـ للدكتور جمال والأستاذة سومة وآل الجنيد كافة _ تحياتي عزيز |
أوووه ... حبيبنا ود الصائم صاحب أجمل وأظرف إبتسامة على الإطلاق.
صدقني صورتك وإنت بتضحك بتشفي غليل ناس كثر وبترسم البهجة في كل النفوس.. حظك حتتملي كلك صدقات وحسنات. (تبسمك في وجه أخيك صدقة). الله يكتب ليك الخير محل ما تقبل.
وأيضا نبارك لك المولودة الجديدة وبنقول ليك إن شاء الله تتربي في عزك وربنا يسعدكم ويحفظكم.
| |
|
|
|
|
|
|
Re: يا أسماء الجنيد تعالي زغردي جمال أخوك نال درجة الدكتوارة (Re: عزيز عيسى)
|
Quote: عزيز .....
لك التحايا..توابع ....
والف الف مبروك ( للدينمو) المثابر ....
الدكتور/ ود الماحى ...
|
أستاذنا وحبيبنا عبدالرحمن الخليفة بشحمه ولحمه ياخي ما بصدق.. وينك ما ظاهر؟ معقولة لا نشوفك ولا نسمع صوتك طوال هذه المدة؟ ياراجل يعلم الله سألنا عليك كثير.. أرجو أن تكون بخير.
صاحبك جمال قدر عصر نفسه وأجتهد لغاية ربنا وفقه.. ولكل مجتهد نصيب.
نسأل الله التوفيق للجميع.
| |
|
|
|
|
|
|
Re: يا أسماء الجنيد تعالي زغردي جمال أخوك نال درجة الدكتوارة (Re: عمار زكي)
|
Quote:
ود امي ونور القبيلة وسندها ودخريها مبرووووووووووووووووووووووووووك يا ابو محمد ايويويويويويويوييييييييييييييييييييييييييييييييييييييي يعلم الله زغرت يا عزيز يا اخوي براي فى البيت لامن بكيت آى نعم بيكت فرحة بيك يا جمال الروح... يا جمال الفال السمح ... يا جمال الخير |
يا بت امى براحة براحة وخدى ليك جقمة بوية باردة والله لو كنتى قريب كنت رسلت ليك حلوة الدكتوراة ومعاها صندوق بيبسى
الف مبروك يا عزيزتى
لك وللدكتور وقفة تجله واحتراما
| |
|
|
|
|
|
|
Re: يا أسماء الجنيد تعالي زغردي جمال أخوك نال درجة الدكتوارة (Re: AnwarKing)
|
Quote: نبارك للدكتور جمال الماحي هذا الإنجاز العظيم..
مع أصدق التهاني والتبريكات القلبية الصادقة لزوجته وأولاده والى كافة الأهل والأقارب في كل من الجنيد وخارج السودان.
والتهنئة موصولة للأخ الفاتح وأسماء الجنيد.
|
ومناسبة طيبة لأسأل عن وحيد الجنيد صديق طفولة وزميل دراسة فى الابيض ان كان من العائلة واخباره
الف مبروك للجميع وشكرا لك يا عزيز
| |
|
|
|
|
|
|
|