|
|
 دبوس الشـــجر
|
في إحدى المرات وأثناء وجودنا في إحدى الحدائق،
جائني ابني الصغير يبكي وهو يحك يده بشدة فسألته:
- مالك يا ولد...يدك مالا؟
- يابابا ده الدبوس طعنني هنا "أشار إلى يده-
- بانزعاج : دبوس لقيتو وين؟
- يا بابا ده الدبوس حق الشــجر
ما فهمتها في اللحظة....بس سألت نفسي أوعى
الود ود اللذين يكون بقصد الشوك؟
وقلت الا أحددا معاهو مشيت لغاية الشجرة ...وفعلا طلع شوك...
يا شماتة أبلة طازة فيك يا إدريس
ولدك بقول للشوك دبوس الشجر؟
أهل العوض ح يقولوا عليك شنو؟
بيني وبينكم أكلت معاي شديد ...وكان لازم الرد يكون حاسم
وحزمت أمرى وقلت باقي الصيف ده لازم السودان ..
وأسبوعين بس في الدرادر "حلتنا"
الود رجع بميز تماما بين
شوك المسكيت والسنط
وكمان بين السمك الكجيك والبلطي
أخيراً حمدت الله ...
ولما سألتو من دبوس الشجر
قال: يا أبوي ما تشرط عينا ياخ ده إسمو شوووووووووووك
قال دبوس قال
تحياتي
|
|
 
|
|
|
|
إدريس البدري
فيس بوك
تويتر
انستقرام
يوتيوب
بنتيريست