|
Re: أرحموا الإبداع والمبدعون ...ياعالم! (Re: Aymen Tabir)
|
بالضبط ..
Quote: عشان كده المساله مسئوليه ومعقده لكن ده ما بنفي انها مبشره |
وضربة البداية من إتحاد الفنانين ..
فبدل ماهم قاعدين في النادي يلعبو الكوتشينة ويلعنو حظهم العاثر وينتظرو العدادات التي لن تأتي أبداً بفعل سيطرة مافيا الاغاني الهابطة على السوق ، عليهم بتفعيل دورهم أكثر وفرض تمثيلهم على المصنفات الفنية وشركات إنتاج الكاسيت وكل ما هو معني بإنتاج الألبومات وإجازتها ..
من هنا تكون البداية الحقيقية .. وهذه ليست مكرمة ينتظرونها في فناء دارهم ..
عليهم إنتزاعها إنتزاعاً .. فهي حقوق لا تمنح ..
| |
|
|
|
|
|
|
Re: أرحموا الإبداع والمبدعون ...ياعالم! (Re: ناذر محمد الخليفة)
|
الاستاذايمن تحياتي واعجابي بالموضوع اري ان البوست هذا من العمق بدرجه مفرحه فعلا يا صديقي نحن نحتاج الي ان تتفتح كل زهره بهدؤ الابداع باشكاله المتنوعه يمثل مرحله خلاقه ومتقدمه من ثقافه السلام تقافه الحياه ثقافه الابتسام تقافه ان تحس بان الحياه نفسها تستحق ان تعاش وان فيها من هم اجمل منا من الرجال والنساء الذين كانت حروباتهم داخل النفس البشريه فغاصو بعيدا في زماننا الشاق لكي نفرح نحن والناقد الذي يعيش بيننا في زمان يذبح فيه الصحفيون ويقتل فيه المغنون ويوجه سهام اقلامه في زمان القبح والحرب والايدز والملاريا والظلم والاضطهاد الي من يداعبون الاوتار رغم الحزن والبؤس والظلام ليصف انتاجهم وما فاضت به لنا ارواحهم وعذاباتهم باوصاف علي شاكله كارثه واسوا عمل وواقفو هذه المهزله اعتقد بانه مثل الذي يصارع حمامه ويفرح بانتصاره اخيرا بعد ذبحها وهو لايري ما حوله من اسود ان الناقد عالم مثقف يتحلي بالاخلاق والمسؤليه يحب الناس والله والوطن ولا يصعد علي اكتاف المبدعين ليشهر سيفه الخشبي سحلا وذما وسطحيه دون ان يقدر لقلمه قبل الخطو موضعه فانا من الشله الفلانيه وهذا ليس من مجموعتنا ودا اليوم داك ما سلم علي وخلي فلان يستناني بنظمو ليك وعشان الناس يعرفو انو انا ما ساهل واشكال عده من السطحيه والعنتريات كانه يهرب من اجابات قاسيه مثل وماذا فعلت انت ياعزيزي انت المبدع الفنان هل تنوي ان تنظف الساحه في انتظار قدومك الميمون حتي يتعرف الناس علي ابداعك وحدك الذي لن يعرفه الاخرين لان الساحه مشغوله بسواك وبمن هو اقل منك ابداعا ساحكي كثيرا في هذا الامر ولدي الكثير وما عليكم الا بالصبر مع محبتي وتحياتي شكرا كثيرا ايمن
| |
|
|
|
|
|
|
Re: أرحموا الإبداع والمبدعون ...ياعالم! (Re: طارق الأمين)
|
طارق الأمين سلام كثير وشكرا لانطباعك المفرح وجيتك هنا افرحني اكثر رسمك لتراجيديا المساله بي بساطه واحساس فنان عالي
Quote: نحن نحتاج الي ان تتفتح كل زهره بهدؤ الابداع باشكاله المتنوعه يمثل مرحله خلاقه ومتقدمه من ثقافه السلام تقافه الحياه ثقافه الابتسام تقافه ان تحس بان الحياه نفسها تستحق ان تعاش وان فيها من هم اجمل منا من الرجال والنساء الذين كانت حروباتهم داخل النفس البشريه فغاصو بعيدا في زماننا الشاق لكي نفرح نحن والناقد الذي يعيش بيننا في زمان يذبح فيه الصحفيون ويقتل فيه المغنون ويوجه سهام اقلامه في زمان القبح والحرب والايدز والملاريا والظلم والاضطهاد الي من يداعبون الاوتار رغم الحزن والبؤس والظلام ليصف انتاجهم وما فاضت به لنا ارواحهم وعذاباتهم باوصاف علي شاكله كارثه واسوا عمل وواقفو هذه المهزله اعتقد بانه مثل الذي يصارع حمامه ويفرح بانتصاره اخيرا بعد ذبحها وهو لايري ما حوله من اسود ان الناقد عالم مثقف يتحلي بالاخلاق والمسؤليه يحب الناس والله والوطن ولا يصعد علي اكتاف المبدعين ليشهر سيفه الخشبي سحلا وذما وسطحيه دون ان يقدر لقلمه قبل الخطو موضعه |
احنا يا طارق بقى عندنا مساحات سمحه نحكي ونقول فيها كلام كثير ، لكن مهم مرات انو ما نضبح التانين عشان ننتج كلام ، نراعي مسئوليتنا تجاه كل نقد او محمده بنكتب عنها وخاصه في مسالة الفن دي لانو ما كل الناس فنانين ولا كل الناس نقاد ولا كلهم كتاب ، في حدود للمتلقي مفروض يراعيها ويقيف عندها في قبوله او رفضه لاي عمل شعر زول بي انو عنده الموهبه والجرأه لتقديمه وده وحده كفيل برسم خطوط الاحترام للآخر وانتاجه وده مربط كل حاجه . ما تنقطع وارجع بكل العندك وكلنا من اجل مساحه تحترم الابداع والمبدعون ايمن
| |
|
|
|
|
|
|
Re: أرحموا الإبداع والمبدعون ...ياعالم! (Re: ناذر محمد الخليفة)
|
ناذر سلام جديد
Quote: وضربة البداية من إتحاد الفنانين .. |
لو تسمح لي هنا اختلف معاك شويه ، انا عايز اركز اكتر على منو المتلقي وشنو دوره وكيف بتلقى ، والناقد هو منو وشنو الباهلوا عشان ما يقول راي علمي يفيد ، ودورنا هنا المتاحه لينا فرصة انو نتكلم في حاجات كثيره ، شنو حدود تقنينه للدور ده وجعله دور ايجابي - غير انطباعي - وداعم بعض الحين ومسئوبيتنا تجاه البنكتبو . اتحاد الفنانين انا بتفق معاك ليهو دور ودور ما هين ، ما ده اتحاد الفنانين ، لكن مؤسسات الدوله الاعلاميه المبدعين ، الصحافه ، اللجان الفنيه والمسابقات ومؤسسات رعاية المبدعين الناشئين ما ملك لاتحاد الفنانين . ممكن يساهم فيها ويدعمه وينظم امكانية استيعاب المواهب الجديده في جسمه ويطوره كيف لكن ما كل الدور حقهم براهم . وشكرا للمساهمات القيمه يا ناذر وما تنقطع ، الموضوع ده بتظهر منو خلاصه تفيد عليك بالمزيد . مودتي ايمن
| |
|
|
|
|
|
|
Re: أرحموا الإبداع والمبدعون ...ياعالم! (Re: Aymen Tabir)
|
الأخ أيمن
باعتباري أحد المشاركين في بوست الأخ ناذر عن الواعدة نانسي عجاج ، فقد رجعت مرة أخرى للبوست المعني وقرأته ( من أولو لي آخرو ) فوجدت أن كل الآراء التي ذُكرت هناك كانت آراءً ( أيجابية ) إلا واحد فقط ، وقد ردّ عليه أستاذنا الموصلي في حينه ..
وحتى تعم الفائدة ، أرجو شاكراً إطلاعنا على الآراء السلبية التي قيلت ..
صلاح عبدالله
| |
|
|
|
|
|
|
Re: أرحموا الإبداع والمبدعون ...ياعالم! (Re: Salah Abdulla)
|
الاخ صلاح حبابك وابقى داخل ناس البيت قاعدين ما رحلوا بس المعايش جباره .
Quote: باعتباري أحد المشاركين في بوست الأخ ناذر عن الواعدة نانسي عجاج ، فقد رجعت مرة أخرى للبوست المعني وقرأته ( من أولو لي آخرو ) فوجدت أن كل الآراء التي ذُكرت هناك كانت آراءً ( أيجابية ) إلا واحد فقط ، وقد ردّ عليه أستاذنا الموصلي في حينه .. وحتى تعم الفائدة ، أرجو شاكراً إطلاعنا على الآراء السلبية التي قيلت .. صلاح عبدالله |
اولا : اشكر مداخلتك في البوست داك وده وإن دل فانما يدل على متابعه وعميق اهتمام . ثانيا : منذ البدايه ولكي لا يختلط الحابل بالنابل زي ما بيقولوا ثبته انو البوست ده ما عندو علاقه بي نانسي وبوست الأخ ناذر وليس من حقي او ادعي مقدرتي على تكميم الافواه ومحاسبة الاخرين على ارائهم ، البوست ده عباره عن محاوله لقراءه متانيه لمعطيات النقد وملامح التعامل مع المنتوج الفني والادبي للآخرين ، والاسس الممكن نتعامل بيها مع الظواهر الفنيه وحالات الابداع المختلفه ، تاسيس لمسئوليه ودور علمي ممكن نقوم بيهوهنا او هناك . ثالثا : وده المهم ما يتخيل لي انو من الممكن من راي سلبي تعم فايده ، ولا ما كده الاخ صلاح عشان كده انا فتحته محاور بفتكر وافتكر المتداخلين معاي ايجابيته ومشينا فيها بما فينا الاخ ناذر بي حياديه وتجرد اما اني اجيب سلبيات غيري عشان افتح بيها بوست ، كان عملته في اليوم 20 بوست وبقى عندي مكتبه . رابعا: وده المهم في انتظار مساهمتك في بعض من الطرح الفوق بعيد عن تناول حالات فرديه او سلبيات انذاك ستعم الفائده . لك الود والتقدير وشرفته الدار ايمن السر
| |
|
|
|
|
|
|
Re: أرحموا الإبداع والمبدعون ...ياعالم! (Re: Salah Abdulla)
|
Quote: نعم انا غاضب حد الانفجار ! اصبحت ظاهره تستحق الوقوف عندها وجزرها حد الردم .. ظاهرة النقاد غير الخبراء !!!! وكانما هذه الفضاءات السايبيريه نصبت من نفسها الحكم على كل ابداع البشر (يارفعوا السما أو ضربوا بيهو سابع أرض ) وفي الحالتين مش انا الضايع ولكن جريمه من جاهل تجاه من بادر بي حتى محاولة بعث روحه في فكره اوعمل فني . غناء: تلقى الناس كلها بقت بتفهم مزيكا وتوزيع وطبقات صوت شعر : تلقى اي زول بقى درويش قصه : منو الما كتب قبل كده سينما : ومنو الما دخل فيلم قبل كده ............ ............ ............ واللسته طويله المساها يد الجاهلين من نقاد اللانقد في هذه المساحات والمقصود شنو ؟؟ ما من حقك تعرف ! |
الثائر الجميل , ونصير المبدعين أيمن تابر , رائع جداً هذا الخيط .. ولكننى قد لاأتفق معك كثيراً حول ماتقول ! فياأخى هون عليك وتزرع بى حلمك الجميل وحسك الرقيق ولطفك بالعالمين ! فالموضوع موضوع فن .. والفن قمة الجمال, وفى الطريق نحو الكمال المابتلحق وماعندو حد! الموسيقى موية الروح .. قول جميل وكافى ووافى ..... ولكن ياصديقى : الناس شركاء فى ثلاثه..... والماء من ضمن هذه الثلاثه ! بل هو عصبها ورباطها الوثيق !.. هذا إن لم تك هذه الموسيقى , هى الماء والهواء والكلأ ! ... وأنا لا أتفق معك حول مفهوم إحتكار حق النقد ! وحصره فى إطار نخب أكاديميه ... وأنا معاك فى أخذ مسألة التخصص العلمى والمدارس النقديه بعين الإعتبار , من دون أن نغفل حق الآخرين فى التعبير عن حقهم .. فثمة فنانين حقيقين ومفكرين أفذاذ , إنبثقوا من أوساط الجماهير !.. ومافى إنسان جاهل ! فأنا لا أتفق معك حول هذه العباره! ولكن .. فوق كل ذى علمٍ عليم ! دى صاح ...... ولايمكننا على سبيل المثال أن نتجاوز هرم موسيقى كالأستاذ الفنان المبدع يوسف الموصلى كقامه فنيه علميه ! ولكننا فى نفس الوقت لايمكننا أن نقمط حق الناس فى التعبير عن أنفسهم .. ذلك لأن قمم الإبداع لابد أن توازيها قمم فى التذوق والتلقى ! والمتلقى الذكى الحصيف مبدع ايضاً فى تلقيه ! وإلا فما جدوى الإبداع إذا كان سوف ينشر فى الفراغ ! ولمن يُبدع المبدعون ؟! عزيزى أيمن , محاولة حجر الآراء والأفكار بحجة التخصص والأكاديميه البحته! حجه واهيه , وإتجاه غير سليم ! ... واللا الإنسانيه دى تقوم تحاكم كل المفكرين والفلاسفه والفنانين الما دخلو مدارس وما قرو جامعات ! ....... لكن حقو يا أيمن نخلى الناس يفكروا زى ما يفكرو ويقولو زى ما يقولو .... والقول الماععندو أساس بمشى فى سبيلو وبسقط فى مزبلة التاريخ ... والقول الراسخ الأصيل الذى يأخذ بالعقول ويأسر الألباب, يرسخ فى الأذهان ! وأجمل كلام إتقال فى الوجود عن الفنون وعن الموسيقى , لم يك من شخص دارس للفنون , ولا للموسيقى !
" فأما الزبد فيذهب جفاء وأما ما ينفع الناس فيمكث فى الأرض " .....................
عزيزى أيمن الأكاديميه المفرطه سلاح ذو حدين .. ومضلله .. بل ومعطله فى كثير من الأحيان. بل هى ممكن تكون فى كتير من الأحوال , سر بلاءاتنا ومصايبنا الكتيره .. وتخلفنا عن ركب الأمم ! .... وده موضوع تانى وأنا آسف كتير إنى أطرقو الآن . لكن لزوم التنويه للأهميه.
أيمن العزيز , أخليك وضيوفك الكرام بى ألف عافيه ... خالص شكرى ومودتى ..
| |
|
|
|
|
|
|
Re: أرحموا الإبداع والمبدعون ...ياعالم! (Re: مامون أحمد إبراهيم)
|
مامون سلام يا صديقي وشكرا للكلام الهادي الجميل والراي الواضح ..كل التقدير اما عن موضوع ان يحتكر النقاد حق النقد والباقين يضربوا راسهم في الحيطه فده ما صاح ولا ممكن اطالب بيهو لاني بكون اجحفته في حق ناس كثيرين هم ما متخصصين لكن رايهم ممكن يكون عميق ومدروس ومؤثر . الحاله يا مامون كالآتي : في نوع من الانفتاح والمواهب الجديده البدت تظهر وبتبشر بي مستقبل سمح رغم ظروف كثيره ، يعني في نوع من الانتصار على الواقع ، في نفس الوكت في مساحات كثيره بقت مفتوحه للتعبير عن الراي حول كل حاجه بحريه مرات كثيره جد بتتجاوز حد اخترام المنتوج وتسلبه الحق في انو يكون موجود حتى من خلال وجهات نظر مزاجيه او حاله خاصه بطريقة التلقي . كل البحاول اقوله هنا انو في ظل الظرف التاريخي الموجود عندنا جيد ومفرح انو يكون في جديد كل يوم انو كل يوم تتفتح موهبة فنان يبدع انو ما نحاصر ما نخنق وما ننصب نفسنا مراقبين متشددين ، وانو ننشط دور المتخصص عشان يقوم بي دوره ونديهو الحق في انو يطور نفسه عشان يواكب ، وانو راينا يكون سلبي او ايجابي في مصلحة احترام الحراك والمنتوج واجتهاد الناس ، والحلقه المفقوده بين الفنان والمتلقي والناقد دي تتبني ابعاده عشان كل زول يستفيد من التاني وصولا لاستفاده عامه .انته عارف يا مامون انو حتى الموصلي الانته اخدتو مثال في ناس كثيرين اعتبروا انو بوظ الموسيقى السودانيه ورفضوا منهج تطويره وهو بيقوله ، لكن السؤال المهم منو القعد ناقش بي هدوء محاولته منو الحاول يفند الانتجته ويختها في موقعه البتناسب معاها من غنانا برضو هنا المشكله الانطباعيه وجمود القوالب . انا يا مامون مؤمن بي انو تطور العلوم اتشعب ومافي تخصصيه زي زمان كل زول ليهو دور مرسوم ومافي زول تاني بشاركه فيهو بي جمود ، العايز اقوله انو كل زول عندو الحق بس لازم يكون في مسئوليه لمن تاخد الحق ده في انو على الاقل اجتهد او ادي نفسي الفرصه الكفايه عشان ما اقول راي . برجع ليك تاني وممنون لي وقفتك ورايك ايمن السر
| |
|
|
|
|
|
|
Re: أرحموا الإبداع والمبدعون ...ياعالم! (Re: ناذر محمد الخليفة)
|
ناذر سلام وين يازول انا انتظرتك ترجع تاني لانو فعلا الكلام كان بدا ياخد درب سمح خاصه بعد ما فتحته باب اتحاد الفنانين ، انا رديت على صلاح وانشاء الله ردي برضو يكون زال الالتباس . ابقى داخل تاني وانا عارف انك زول فنان برضو فاراءك مهمه لمصلحة الناس كلها. ايمن السر
| |
|
|
|
|
|
|