|
Re: نصائح وارشادات سلامة الى جميع سائقي التاكسي!! (Re: هشام هباني)
|
الاخ الفاضل ود هباني ...
الله يحمي كل من يسعي للرزق الحلال في بلاد الغربة .... سائق التاكسي في نيويورك بيواجه الموت خلال الخمستاشر ساعه البيكون شغال فيهن ... الحوادث القاتلة ... والنهب المسلح ... ابتكرت المحافظه طريقه جديده لحماية سائق التاكسي ... وبالقانون لا بد ان يضع السائق جدار واقي من الرصاص بينه وبين الراكب في الكرسي الخلفي ... وتزويد عربة التاكسي بكاميرا ..
وبعد كل الاحتياطات دي لم يسلم الكثير من الاخوه سوداننا الحبيب .. منهم من لقي حتفه ومنهم من ما زال يكافح ...
نعم ان التاكسي ربح سريع ويستطيع السائق ان يكون ثروه سريعه خاصة ان استثمر بداية عمله في شراء ترخيص خاص به .....ترخيص عربة التاكسي الاصفر في نيويورك وصل الي 300الف دولار ... يعني اكثر من ربع مليون دولار بالاضافه الي ثمن العربية .. والقانون بيلزم مالك التاكسي ان يغير العربة كل عامين ...
اخر جريمة حصلت لواحد من اخوانا ... شاب وشابه في نقاش حاد ... هي تقول ليهو انا ما حا اركب معاك وانت خلاص بالنسبة لي بقيت خبر كان ... والشاب يقول ليها وانتي ما حا تركبي معاي وانتي بالنسبة لي ما بتسوي اي حاجه .. وسواق التاكسي السوداني الشهم ... قال ليهم يخوانا الدنيا ليل .. والشوارع خطره ... وانا حا احل ليكم المشكلة ... انت يا اخونا اركب ورا ... وانتي يا اختنا تعالي في الكرسي الامامي ... والاثنين بيناتكم جدار واقي وضد الرصاص كمان ...
بنية الحرام ركبت قدام.. واصبحت جنب السائق ولا يحميه منها اي جدار واقي او جدار مضاد للرصاص .. ... وبعد ما التاكسي دخل في مكان مظلم ... اخرجت المسدس .. والله عوضو في قريشاتو وبنقول ليهو حمدا لله علي السلامة ..
دعواتنا لله الواحد الاحد ان يحفظ كل الاخوه والاخوات الذين يعلموا في مجال سيارات الاجرة العامه ... خاصة اخوانا في منطقة بروكلين وبرونكس ومدينة فلادلفيا ... وجيرسي سيتي .
|
|
|
|
|
|