|
من هو صاحب أفضل عمود صحفي برأيك ؟؟ شارك معنا بالتصويت
|
بالرغم من ان معظم الاعمدة الصحفية صارت متشابهه يمر عليها القارئ مروره علي لافتات المحال التجارية دون ان يكترث لها .. وبرغم انها صارت غير مؤثرة .. الا ان هناك كتاب لا يمكن تجاوز كتاباتهم لموضوعيتهم وصدقهم وحيادهم ...
برايك من هو الصحفي صاحب افضل عمود ؟؟ هو ليس استفتاء ولكنه مجرد تلمس مدي اهمية العمود الصحفي في حياة الناس والي اي مدي يهتم القارئ بالاعمدة الصحفية
شاركونا الرأي واختاروا افضل عمود
|
|
|
|
|
|
|
|
Re: من هو صاحب أفضل عمود صحفي برأيك ؟؟ شارك معنا بالتصويت (Re: محمد حسين آدم)
|
دا سؤال؟ يعني عمود الزوكة ولا الهندي ولا بتاع ود البلال الطيب ولا حسن خوجلي ولا بقية المطبلاتية والله خايف تكتبلوا لينا ود العتباني؟ مؤكد 1/ صلاح عووضة 2/ مرتضي الغالي 3/ وراق 4/ عثمان ميرغني 5/ ساتي 6/ زهير قبل التخويف اما 99% من بقية الاعمدة فالخور اولى بها
رياضيا واحد فقط يغرد وحيدا كمل كمل يا مزمل
| |
|
|
|
|
|
|
Re: من هو صاحب أفضل عمود صحفي برأيك ؟؟ شارك معنا بالتصويت (Re: جمال ادريس)
|
الاستاذ محجوب عثمان
ابدأ به يومى منذ معاودة الايام للصدور ... لاتعلم منه فن كتابة العمود الصحفي .. شكلا ومضمونا و لو اختلفت الاراء احيانا، الا انه يشرح لي - يوميا - كيفية طرح القضية متعه الله بالصحة والعافية
ومع الاحترام لكل الزملاء امارس حقا مشروعا في ابداء الرأى واقول .. في تقديري .. محجوب عثمان هوالأفضل..
| |
|
|
|
|
|
|
Re: من هو صاحب أفضل عمود صحفي برأيك ؟؟ شارك معنا بالتصويت (Re: hajhamad)
|
القضية ماهو صاحب افضل عمود صحفي ؟ القضية انو السودانيين كلهم عاوزين اعمدة وصدقنى مافي اى صاحب عمود من اعمدة الصحف السودانية حاليا يحق ليه الكتابة زى شيخنا صادق عبد الله عبد الماجد في عمود ما قل ودل لو استمر في اخبار اليوم وفن كتابة العمودالصحفي اصلا جاء لمثل هؤلاء ناس عندهم خبرة وتجارب وذكريات وحاجات تانية تستحق الذكر مش كلام في المعارضة وبس افهموها صح يااخوانا
| |
|
|
|
|
|
|
Re: من هو صاحب أفضل عمود صحفي برأيك ؟؟ شارك معنا بالتصويت (Re: جمال ادريس)
|
عمود الاستاذ فضل الله محمد بصحيفة الخرطوم (طبعا هناك فرق شاسع بين افضل عمود وأكثر عمود مقروئية) يعني ممكن العمود كارب لكن في جريدة قليلة الطباعة وممكن يكون هناك زول مفلس مهرج لكن يكتب في جريدة الناس بتشتريها وبتقراهو مع غيرو .. عمود رياضي عبده قابل بصحيفة قوون عمود مؤثر صباح الخير سيد احمد خليفة معزتي
| |
|
|
|
|
|
|
|