|
Re: أنا محتار فى المصوبن وضيفو ما بتعشى (Re: خالد المحرب)
|
ود النعيم كيفنك جيتنا مارق بى شيتا مشاتر ومواتر زى : غريق البحر ولا جراى الحصان! دحين اللم أحمد على حاج أحمد شنو شتان بين سنور وسنار الضيفو جيعان وهو نضيف وعرضو وسخان انشاء نضافتو تطير عليهو لكن الطرا أم شلخ وهو عريان دا ما ياهو البشيل فوق الدبر مابميل الفنجرى قال: نحنا جدودنا فرسانا بصادمو الخيل ونحنا دروبنا للكايسين مشيها تقيل ممنوعين فوق شوارع الحطة ما بنميل مجبورين على الدبرة ام وعاية نشيل ــــــــــــــــــــــــــــــــــــــــــــــــــــــــــــــــــــــــــــــــــــــــــــــ والله أنا مكجنة الراجل البخيل أحسن يكون كضاب ( ود المقدرة البعزم على المافيش )
| |
|
|
|
|
|
|
Re: أنا محتار فى المصوبن وضيفو ما بتعشى (Re: سمية الحسن طلحة)
|
الاخت بت طلحة شكرا ليك كتير وكلامك فى عريان العرض صاح لكن الزول التانى برضو امرو صعيب وانا خايف تقع عليهو قصة اخونا: أكان بلقى لبابكم فلوس وطريقة ** ما بتعشى بالعبرة المجارط ريقا بعدين يابت طلحة انا عندى تماسيح سارحالا بى جزيرة طولت ما جبتى خبرا مالك؟؟
والشكر موصول للاخ ود المحرب ، وانت يا اخوى بتركب وتنصل مالك؟ قول رايك عديل.
| |
|
|
|
|
|
|
Re: أنا محتار فى المصوبن وضيفو ما بتعشى (Re: على احمد النعيم)
|
Quote: بعدين يابت طلحة انا عندى تماسيح سارحالا بى جزيرة طولت ما جبتى خبرا مالك؟؟
|
امرق البياض بس والله كان بقى تمساح دار كلى البمرق مع الهجعة نجيب خبرو ات آخوى مسعول من الخير نزار ودحسين ناجع وين؟ ولا بدورنا نفتحلو بوست للرواغة ليهو!!؟
| |
|
|
|
|
|
|
Re: أنا محتار فى المصوبن وضيفو ما بتعشى (Re: سمية الحسن طلحة)
|
Quote: ات آخوى مسعول من الخير نزار ودحسين ناجع وين؟ ولا بدورنا نفتحلو بوست للرواغة ليهو!!؟ |
والله يا بت طلحة اظن ام قشاقش ختت فوقو تانى، لكن كلن لقالو بوست زى ما قلتى كان ظهر. دحين عليك ود حسونة آبت طلحة انهميهو لينا الراجل بلحيل فاقدنو.
بعدين تماسيحى بياضن ضمينو اب حريرة
| |
|
|
|
|
|
|
Re: أنا محتار فى المصوبن وضيفو ما بتعشى (Re: على احمد النعيم)
|
Quote: مجبورين على الدبرة ام وعاية نشيل |
والله عنوان يا ود النعيم الله يخليك
لله درك يا بت طلحة والله يا اخوانا البيت المقتبس ده عايز لو بوست برااااااااااااهو وابو بكر بسطح فيهو عديييييييل .
لكن على الطلاق الفاروق بشيل في الدبر يا ود المحرب
انتو والله بتجننونا كده يا اخونا بتنكتوا في محن ؟؟؟
| |
|
|
|
|
|
|
Re: أنا محتار فى المصوبن وضيفو ما بتعشى (Re: على احمد النعيم)
|
Quote: نزار ودحسين ناجع وين؟ ولا بدورنا نفتحلو بوست للرواغة ليهو!!؟
|
أحمد ابو حريرة...عرفت تب بكاني...فعلا ناجع لي بي درب بنايين وقاعد ومتابعكم...لماتكم سمحة خلاص الزول علا يجيها متمهل وزول جبنة...المتاوقه معاكم ما بتعدل الراس...
اما حيرتك يا شيخنا علي...في المصوبن وضيفو ما بتعشي...ورفيقو التاني الطاري ام شلخ...بي جنس حالتو دي...
فهي حيرة ما عندها حل علا الاتنين تختاهم وتفارق ليهم الدرب والاتنين ظاهرين...والعجب زولك المصوبن دا كان قال كدي زاد ليها كلونيا...دا ضيفو ببيتو بي مغسة...وبايت القوي
شنتير كان جاكم بي هنا والله بي هناك امسكو فيه شديد الزول مطرطش خلاص ورأسو دا ملان كلام وغنا....فرمتوه ...
| |
|
|
|
|
|
|
Re: أنا محتار فى المصوبن وضيفو ما بتعشى (Re: على احمد النعيم)
|
. سلام عررروب الأخ على احمد النعيم و ضيوفو و الفحـل اب حريرة و الله بالحـيل بندور القعدة معاكم عـيلا (شـغلتنا أموالنا و أهلونا).. بالنسبة للسؤال يا أخ على احمد النعيم
Quote: الهدومو نضيفة وضيفو جيعان واللا العريان وطارى ام شلخ؟؟؟
|
العاشق يجد تعاطفي بلا تفاصيل تضطرني لقضاء اللـيل بالمكتب .
| |
|
|
|
|
|
|