|
|
 Re: Welcome محمدنورمحمد and ALL the new members :) (Re: محمد نور أحمد)
|
عزيزي محمد نور أحمد
أولا مرحب بيك ونورت الدار
وكل عام وأنت بخير
ثانيا
أنساك من حكاية الترحيب دي لا بتزيدك لا بتنقص من قدرك وأنا شايف فيها أهدار للباندودث ساكت
ركز وشوف انت دخلت المنبر دا لشنو وهدفك شنو من العضويه النلتها دي , أكيد عندك قضية معينة داير تطرحها أو فكره عايز تناقشها أو رسالة تحب توصلها للناس , عليه يا عزيزي جر كيبوردك وأفتح بوستاتك وتداخل في البوستات الأخري وثق تماما ان نتائج ما تكتبه ان كان منطقيا ومقبولا هو المرحب الحقيقي بك وستتحدث بوستاتك ومداخلاتك عن نفسها.
عزيزي
لا تنظر فقط لعدد المتداخلين بل أنظر أيضا الي عدد الزوار لانو ما أعتقد انو المنبر دا بكري عملو عشان الأعضاء بس , المنبر دا بخدم وبثقف وبينور قطاع كبير جدا من القراء, عشان كدا ما تنتظر من زول ترحيب أو رد أو مداخله لأنو كل هنا يغني علي ليلاه والدايرك وعجبو كلامك بجيك براهو لمن انت تتعب من الردود زاتو.
تعرف يا صديقي لو كان العضو الجديد بنت (أنثي ) ويا حبذا لو خاته صوره شديده في البروفايل حتي لو ما حقتها طوالي تجي تلقي الناس دي العميان شايل المكسر والشغلانه في ظرف يوم واحد تعمل صفحتين لمن هي زاتها تنهجم وتصدق وانت الراجل في اسبوع تلقي ليك 11 مداخله 9 منهم تكون عاملهم انت براك وتجي كل يوم تحفر هنا عشان تقلع البوست الغاطس من تحت وتديهو رفعه وتجي بكره تلقي نفسك انت أخر متداخل .
طبعا يا محمد نور الحاصل دا هو الشئ الطبيعي , سعي الذكر خلف الأنثي حاجه الانسان مفطور عليها ولو ما عمل كدا يكون ما طبيعي وفي ناس كتار هنا بكايين وكبكابات يجو توشك خاشين ويكسروا التلج للجكس وأنا والله ما بلومهم , لانو نص الشعب السوداني دا فاقد حنان وأنا زاتي فاقد حنان بس مساعدها بالصبر.
وكذلك يا صديق داير أقول ليك أنا لي شهرين في المنبر دا عندي فقط بوستين وحوالي 300 مشاركه أي بمعدل 5 في اليوم ولو لاحظت في ناس هنا معدل مشاركتهم اليوميه 30 مشاركه يوميا وبخشوا في أي بوست عشان يقولوا أي كلام ويفتحوا في اليوم الواحد تلاته أربعه بوستات معظمها تموت اكلينيكيا أو تنتظر الأرشفة النصف سنوية ( الله يعينك يا بكري ).
أنا بستغرب الناس دي دايره تصل لي شنو أو الرايح ليها شنو وبلقوا الزمن دا وين والمصيبه لو الواحد من ديل ما عندو جهاز وبمشي محلات النت الا أهلوا يعوضهم صاحب العوض.
والله يا محمد نور أنا أتمني الناس هنا تهتم بالكيف وليس الكم وتترك حركة أغراق المنبر بالبوستات الفارغه وتحاول تستثمر زمنها في حاجه أنفع وربنا يهدي الجميع.
مرحب بيك تاني وأتمني لك أقامة طيبه وفي أنتظار بوستك الأول يا عزيزي وربنا يديك الصحة والعافية وكل سنة وانت طيب
|
|
 
|
|
|
|
|
| العنوان |
الكاتب |
Date |
| Welcome محمدنورمحمد and ALL the new members :) | Rawan Hamid | 12-29-06, 07:02 AM |
| Re: Welcome محمدنورمحمد and ALL the new members :) | Rawan Hamid | 12-29-06, 07:06 AM |
| Re: Welcome محمدنورمحمد and ALL the new members :) | معتز القريش | 12-29-06, 07:27 AM |
| Re: Welcome محمدنورمحمد and ALL the new members :) | بدر الدين الأمير | 12-29-06, 07:56 AM |
| Re: Welcome محمدنورمحمد and ALL the new members :) | محمد نور أحمد | 12-30-06, 00:20 AM |
| Re: Welcome محمدنورمحمد and ALL the new members :) | محمد نور أحمد | 12-30-06, 01:01 AM |
| Re: Welcome محمدنورمحمد and ALL the new members :) | Moawia Mohammed | 12-30-06, 03:17 AM |
| Re: Welcome محمدنورمحمد and ALL the new members :) | ابوعسل السيد احمد | 12-30-06, 03:33 AM |
| Re: Welcome محمدنورمحمد and ALL the new members :) | محمد نور أحمد | 12-30-06, 10:46 AM |
| Re: Welcome محمدنورمحمد and ALL the new members :) | محمد نور أحمد | 12-30-06, 03:55 AM |
| Re: Welcome محمدنورمحمد and ALL the new members :) | بدر الدين الأمير | 12-30-06, 05:57 AM |
| Re: Welcome محمدنورمحمد and ALL the new members :) | محمد نور أحمد | 12-30-06, 10:55 AM |
| Re: Welcome محمدنورمحمد and ALL the new members :) | Bashasha | 12-30-06, 06:18 AM |
| Re: Welcome محمدنورمحمد and ALL the new members :) | محمد نور أحمد | 12-30-06, 11:05 AM |
| Re: Welcome محمدنورمحمد and ALL the new members :) | Rawan Hamid | 12-30-06, 08:24 PM |
| Re: Welcome محمدنورمحمد and ALL the new members :) | Rawan Hamid | 12-30-06, 08:29 PM |
| Re: Welcome محمدنورمحمد and ALL the new members :) | Rawan Hamid | 12-30-06, 08:33 PM |
| Re: Welcome محمدنورمحمد and ALL the new members :) | Rawan Hamid | 12-30-06, 09:13 PM |
| Re: Welcome محمدنورمحمد and ALL the new members :) | Bashasha | 12-31-06, 04:46 AM |
|
| |
Moawia Mohammed
فيس بوك
تويتر
انستقرام
يوتيوب
بنتيريست