|
Re: قصيدة بلد مسروق (Re: Haydar Badawi Sadig)
|
Quote: وبكره نروق ننضف صفحة الترعه ونحش السعدة والعميوق ونكتب فى جدار الدنيا سودانية مية المية دايما للمعالى نتوق نتوحد ونتوحد ونتوحد ونصبح لى سمانا بروق |
سلام السودان
بلدا سمح وضاح عشقا مليح لماح عزا تقيل أرجاح بلدا صاح حزنك فى الختام أفراح حبك للقلوب مفتاح نصطفيك وريدة فيك وإنت فينا سارية وضمير قادل أمير ونعمك لقاح خطانا فى طريقك أنغامنا من نشديك قديمنا لي جديدك جديدنا من فريدك وفالنا بيك سلاح
سودانا يا سلامك تسلم تطيب تضوق العافي التشد حيلك وإصح ميلك وتنتر من جديد زي برق لواح كفانا هم وأذى كفانا حروب ونهاز دروب ضاع من عمرك عمر كلب فى جلدك فقر شاعت محن وإتمددت أتراح سال الدم فى ربوعك جال الهم بين ضلوعك طالت مداك العتمة وأزهقت أرواح إتفتق الشمل الكبير إتكوموا الناس قبايل عانوا الفرقة والهوائل والبطش كال والنوى لي جراحنا جراح
مصيرنا فى المجهول حوى دوينا الفي التاريخ زوى وادينا الفي الجغرافيا إتمدد بالطوى... مهدد ووطنا إتنهد نواح وعشان ده كلو لازم نعدل ونمشي صاح نخت النقاط فوق الحروف والشتول طي الجروف الغمود تأوي السيوف والقرار للبرلمان والبرلمان لأهل السودان وده إلتزام وما فيش مزاح سودانا يستحق كل السلام وإستاهل الخير والفلاح عيالنا لازم تشعر بالامان حبانا واجب نعتزل صنائع التمزق والنواح حيلنا لابد إتشد وإشيل لحد الميس حوبة السودان بي جمال ناسو والامل فواح لازم نجترح أفضل الحلول ونقول ما ليس يقال نواجه كل المظالم نتفاهم بي إرتياح نكبر نسع كل الافئدة نرتق الخروق ... نفوق ونمشي صاح
والعشم فوق للغشم يا سودانا بالجد تبقى فوق نمشي مشوار حصادك ونرمي فى سلتك أفراح نتعايش بكل رحابة نبسط الأمان ... سلطان نتساوى فى الحق والواجب أتعالج المريض وإرتاح إتعلم الطالب إتربى فى الأحضان محارب تمتد للظلمات كهارب نتواصى للخير والنجاح نقسم الثروة بالنصاب والسلطة بالانتخاب القانون ساري ومهاب والسلام بزة ووشاح نتوفر لي مختلف ثقافاتنا وأديانا ورؤانا نحتكم للديمقراطية وليصح الصاح ويله نعمل للوئام يله نتحاور نعزز ثقافة السلام نشيد أرائك للحمام ونوسع للعشيرة براح ومن ضروعك يا بلد نحلب دوانا الصاح نتوافد لي حضرتك نعيشك لحظة ريانة ونتحقق فى عزاك أرباح
ويا زمن أحرس مقاديرنا والعهدة فى الذمة وجمايلك يا وطن دين وخيرك يلج ... ينداح بس لازم نعدل ونمشي صاح وحا نمشي صاح وحا نمشي صاح
عزيزي ... عثمان موسى
لم أجد غير ... الشعر بالشعر ,
فكانت كلماتي ... من وهج صحوك ,
وكان إختياري فى ذات الوطن الشهية ,
فلنأتلم ... حيث الناس مطرحنا ... وحيث
الكلمة فوح الذخيرة والعبق ... ودمت عزيزي .
|
|
|
|
|
|
|
العنوان |
الكاتب |
Date |
قصيدة بلد مسروق | Osman Musa | 12-26-06, 04:35 AM |
Re: قصيدة بلد مسروق | Yassir Tayfour | 12-26-06, 04:42 AM |
Re: قصيدة بلد مسروق | Osman Musa | 12-29-06, 06:00 AM |
Re: قصيدة بلد مسروق | Omer Abdalla | 12-27-06, 02:23 AM |
Re: قصيدة بلد مسروق | Haydar Badawi Sadig | 12-27-06, 02:58 AM |
Re: قصيدة بلد مسروق | Osman Musa | 12-29-06, 06:19 AM |
Re: قصيدة بلد مسروق | Osman Musa | 12-29-06, 06:12 AM |
Re: قصيدة بلد مسروق | بهاء الدين سليمان | 01-06-07, 08:45 PM |
Re: قصيدة بلد مسروق | Mustafa Mahmoud | 01-06-07, 08:59 PM |
Re: قصيدة بلد مسروق | Osman Musa | 01-08-07, 02:06 AM |
Re: قصيدة بلد مسروق | Osman Musa | 01-08-07, 01:59 AM |
Re: قصيدة بلد مسروق | Osman Musa | 01-11-07, 04:18 AM |
Re: قصيدة بلد مسروق | Elmosley | 01-11-07, 12:30 PM |
Re: قصيدة بلد مسروق | Osman Musa | 01-12-07, 02:35 AM |
Re: قصيدة بلد مسروق | بهاء الدين سليمان | 01-14-07, 09:50 PM |
Re: قصيدة بلد مسروق | Osman Musa | 01-16-07, 01:19 AM |
Re: قصيدة بلد مسروق | Haydar Badawi Sadig | 01-19-07, 03:36 AM |
Re: قصيدة بلد مسروق | HAYDER GASIM | 01-20-07, 04:11 AM |
Re: قصيدة بلد مسروق | Osman Musa | 01-23-07, 03:30 AM |
Re: قصيدة بلد مسروق | Osman Musa | 02-01-07, 05:21 AM |
Re: قصيدة بلد مسروق | Osman Musa | 03-07-07, 03:14 AM |
Re: قصيدة بلد مسروق | Osman Musa | 03-07-07, 02:28 PM |
Re: قصيدة بلد مسروق | Osman Musa | 03-08-07, 05:05 AM |
Re: قصيدة بلد مسروق | HAYDER GASIM | 03-08-07, 05:50 AM |
Re: قصيدة بلد مسروق | Osman Musa | 03-08-07, 06:43 AM |
Re: قصيدة بلد مسروق | Osman Musa | 03-09-07, 04:00 AM |
|
|
|