|
|
|
 Re: مصطفى سيد احمد ...... (Re: ايوب عبدالرحيم)
|
لـو مثلي هداك الحزن لــوغاب حبيب عن موعــدك
كان عشت أفراحك سراب وأبت الظروف ما تسعـــدك
كان عرفت ضني الجــراح جواي وكتين أفقــــــدك،،،
وما الليـــــــــــــله مات فينا العبيــــــــــــر!.
قامه ستظل أوراق العشق تتساقط فينا كل ما نستمع رائعه من روائع الأبداع الباقي
فينا خالدأ وبه نسعد،،،،.
الف الف الف نور علي قبره هذا المبدع الذي جاورنا في أمتداد الدرجة الثالثة في بداياته الفنية وكان كنسمه يسري بيننا مبدعأ كما عطر ساحات الفن السودانية متفردأ
أصيــــــــــــــــــــــــــــــــــــــــــــــــــــــــــــــــــــــــــلآ
أبوقــ مجدى عبدالرحيم ـى
| |
 
|
|
|
|
|
|
|
 Re: مصطفى سيد احمد ...... (Re: ايوب عبدالرحيم)
|
استاذي ايوب عبد الرحيم
مازلت اتعامل مع مصطفى علي انه حي بيننا
مازلت لا اصدق
أرفض التصالح مع هذه الحقيقة الغاصة في حلقي
والدامية لقلبي
احزن عندما أسمعه يغني
ما أصله حال الدنيا تسرق منية
في لحظة عشم
لانها تفجعني برحيله
مصطفى ياجرح مدفون
| |
|
|
|
|
|
|
|
|
|
Re: مصطفى سيد احمد ...... (Re: ايوب عبدالرحيم)
|
Quote: الف الف الف نور علي قبره هذا المبدع الذي جاورنا في أمتداد الدرجة الثالثة في بداياته الفنية وكان كنسمه يسري بيننا مبدعأ كما عطر ساحات الفن السودانية متفردأ
أصيــــــــــــــــــــــــــــــــــــــــــــــــــــــــــــــــــــــــــلآ
أبوقــ مجدى عبدالرحيم ـى |
مجدي
له الرحمة بقدر ماله في قلوبنا من الحب
| |
|
|
|
|
|
|
|
|
|
Re: مصطفى سيد احمد ...... (Re: ايوب عبدالرحيم)
|
للاسف تجولت كثيرا في مكتبة الراحل مصطفى في ارشيف المنبر
بها احاديث وكلمات تقطع القلب
ولكن للاسف جميع الصور مختفية
وتمنيت لو ان بكري قام بحفظها ولو في مكان خاص بالسيرفر
فهي ارث وتراث وتاريخ ؟؟؟؟
فلماذا تزول بهذه البساطة
وحقيقة ومن وجهة نظري الضعيفة فان مكتبة الراحل بالارشيف هي من اجمل المكتبات
ولكي نوفي الحقوق فان العضو الاخ شيبة هو صاحب اكبر الاسهامات في المكتبة
وهو غير متواجد حاليا بالمنبر او ان مشاركاته محدودة
واتمنى من الاخ بكري ان يقوم بتخصيص مكان خاص في مكتبة الصور
فقد حزنت لان الغالبية من الصور غير موجودة
اما الصور المنشورة في هذا البوست فقد قمت بجمعها من الارشيف ومن مواقع متنوعة كثيرة لامجال لحصرها
وقد اخذ مني البحث الكثير من الوقت والذي يهون مقابل مكانة هذا الرجل في نفوسنا
وساقوم بنشر بعض المواضيع الجميلة المنشورة في الارشيف خاصة الام ومواجع الراحل
ودمتم
| |
|
|
|
|
|
|
|
|
|
Re: مصطفى سيد احمد ...... (Re: ايوب عبدالرحيم)
|
في ذكري آخر مكالمة تلفونية مع مصطفي سيد أحمد سامحني فلقد قصرت في حقك
Quote: اليوم14/1/1996
الساعة الواحدة صباحا لوس أنجيليس كالفورنيا
الساعة الواحدة صباحا الدوحة قطر
محادثة هاتفية
............011974
- آلو منو
- مصطفي يا دكتور متوكل
- أهو كويس عرفتني طوالي
- معقول صوتك يغبي علي
- الله يخليك يامصطفي ...طمني علي صحتك
- اهو الحمدلله عايشين وبنصارع
- ليه صوتك كده ماتضعف أنت راجل شجاع
- يادكتور...
- معليش يامصطفي والله صدقني كلنا حاسين بآلامك بس شد حيلك وانشاء الله كل شئ يكون تمام بالأمس كنت أتكلم مع زميلي وأخي الأكبر د.عمر عبود وأخبرته أن أخصائي أمراض الكلي وجراح زراعة الكلي هنا معنا في جامعة .. UCLA.. والوحيدين في العالم الذين لهما أحسن النتائج في مثل حلتك هذه قد راجعا الملف الطبي بتاعك وهم علي درجة عالية من الثقة بمقدرتهم في التحكم بحالة البطن ونسبة ال ..Cure.. فيها عالية ومن ثم الزراعة تكون سهلة خالص وناجحه بأذن الله
- أنشاء الله يادكتور متوكل بس أنت ماعارف الشئ ده بيطحن في بطني كيف الله لاوراه لزول
- صدقني يامصطفي والله عمر وأنا عارفين بس ده التلفون الثالث مني ولي هسع ماعارف حتجيني متين وريني الحاصل شنو ومنتظر شنو
- منتظر الشفاعه يا دكتور متوكل
- الشفاعه؟ الشفاعه من منو ؟وفي شنو؟
- خليها في سرك يادكتور
- لاماحأخليها في سري أنا طبيب ولازم أعرف الحاصل شنو والممكن شنو أنا ود.عمر والأخوة عمله من هنا يامصطفي أنت عارف أحنا بنسابق بيك الزمن بالله سيب طيبتك وخجلك ده وكلمني المشكله شنو والأ ما حأضرب تاني
- ماتزعل يادكتور المشكله الباسبورت
- الباسبورت؟باسبورت منو؟
-باسبورتي أنا يا دكتورمحجوز
- يامصطفي باسبورتك السوداني محجوز
- أيوه يادكتور متوكل
- منو الحاجزوا وليه؟
- قصه طويله
- شئ يحير بالله عليك الله وريني ديل منو والسبب شنو عشان هنا من أمريكا أسل لساني وأوديها لكل الجرائد والمجلات الأمريكية عشان العالم كله يعرف أنو فنان بقامتك كده ومريض في حالتك دي باسبورته محجوز عايزين منك شنو
- عشان عارفك عمرابي أحمق ماكنت عايز أكلمك لكن حأقول ليك بقدر ماأستطيع بس أنت أسمع وماتعلق عشان ما تعقد الأمور
- طيب يامصطفي وريني الحاصل شنو الله يرضي عليك
- يادكتور بأختصار شديد لازم أدفع مبلغ ..40.. ألف دولار قبل ما يدوني الباسبورت
40.. - .. ألف دولار لشنو ؟
- جزء من أجرة الغسيل والأدوية
- بالله يامصطفي وصلت كده ؟ يحجزوا علي باسبورت مريض ذيك عشان ما قادر يدفع قروش؟
- والله ده الحاصل يا دكتور
- طيب يامصطفي أخوانك السودانيين في الغربه عملوا شنو؟
- والله المساعي جاريه
- جاريه مع منو ؟ وبيحنسوا في منو؟ولشنو؟
- لو ماعندهم القدره وده كلام أنا ماقادر أفهمه طيب يخلوك كان تعمل حفلات وتدفع قروشهم من عرق جبينك ولاجميلة أي واحد فيهم
- اهه يادكتور ماتتحمق تصدق أنا طلبت منهم يدوني باسبورتي أمشي بيهو الأمارات أعمل حفلات وأدفع ليهم قروشهم
- والحصل شنو؟
- برضوا رفضوا
- يامصطفي الماسك باسبورتيك منو بالتحديد؟
- اهه فورت ذي أي سوداني ذي ماقلت ليك عارفك عمرابي أحمق لو وريتك عاوز تعمل شنو؟
- أنت بس مالك وريني وأنا بتصرف
- بوريك بس ماهسع
- ليه؟
- لأنه في مساعي جاريه
- ده كلام فارغ سيبني من المساعي والزول الزيك لو في بلادنا في ذره من التقدير للفن كان يعمله ليه تمثال مش يحجزوا باسبورته أصلها جبانه هايصه وعشان كده ما حتقوم لينا قايمه مش لو جانا بترول والله لو قلبو ليهم البحر طحنيه ما منهم فايده
- يادكتور اهه ولعت حاسب علي كلامك شوية أحنا ما في السودان
- ولابحاسب ولاحاجتين
- عارفك عمرابي أحمق ...أقول ليك وعد أديني أيام وحاأحلها صدقني يا دكتور
- مصطفي الله يرضي عليك مافي زمن أنت عارف نحنا بنسابق الزمن بمرضك ده وأنت عارف عندك شنو
- عارف يادكتور
- طيب يامصطفي حأديك 72 ساعه وبعدها
- وبعدها حتسوي شنو يعني حتسوي أنقلاب ها.هاهاها .ها
- والله ياكا مصطفي بتضحك حتي في لحظات الألم الشديد والظلم والله أنا عايز أطرشق هسع
- عارفك كدي بالله خلينا أنا رسلت ليك شرائط وفيديوين جميلات وصلوك
- أيوه وصلوا والله من التعب لسه ماشفتهم ولاسمعتهم خليك من الشرائط يلا أنتهي وقوم تعال بسرعه أنا راجيك
- حاضر يادكتور ربنا يخليك ويحفظك لينا
- ربنا يحفظك ويخليك لينا أنت السودان ممكن يجيب مليون ذي متوكل لكن ماأظن يجيب واحد ذيك بالساهل تاني
- أفو يادكتور سودانا عظيم وحيجيب مليون ذي مصطفي ده شعب ترهاقا ومهيره بس أصبروا
- يلا يا مصطفي أنا ماشي أنوم الساعه بقت أثنين صباحا
- بالله الساعه أتنين صباحا في أمريكا وانا عندي ظهر وحاأتغدي بي باميه وتقول لي العسيلات تحذر أمريكا
- هاهاهاها الله يجازيك يامصطفي شفتها في صوره في جريدة الشرق الأوسط أمبارح
- بالله شفتها يادكتور
- مصطفي أي شفتها أيوه العسيلات تحذر أمريكا أصلوا الكلام بقروش يلا تصبح علي خير أنا في أنتظار مكالمتك بعد 72 ساعه فقط
- حاضر جنابك
- تصبح علي خير
- وأنت سالم يا دكتور
.................
أحبائي أحباء مصطفي سوف أشارككم المحادثة الأخيرة التي كنت أتمني أن لا أسمعه أو أن تغطس بي الأرض
الساعة الرابعة صباحا لوس أنجيليس كالفورنيا
الساعة الرابعة ظهرا الدوحة قطر السابع عشر من يناير
رن رن ...رن رن...رن رن...رن رن
-متوكل ...الو ياسلام يامصطفي والله في مواعيدك ذي ما وعدت أهه انشاء الله تكون حليت مشكلة الباسبورت وجايني متين أنا منتظرك ياخي يلا تعال
- د .متوكل أنا ما مصطفي أنت منتظر منه محادثة والاشنو؟
- أيوه ...أنت منو؟
- الله ماعرفتني أنا د. عمرعبود
- معليش يادكتور عمر أصلوانا متوقع تلفون من مصطفي يوريني فيه جاييني متين علي حسب ال أنت وأنا بنجهز ليهو فيه
- متوكل هو مواعدك الليله دي عشان يوريك حيجيك متين؟
- أيوه يادكتور عمر لأنو أنا أصريت علي كده ما أنت عارف نحن بنسابق بيهو الزمن ليه الحاصل شنو؟
- متوكل شد حيلك وانشاء الله البركه فيك مصطفي أتوفي.....
- الو ...الو...متوكل أرفع السماعه الو الو متوكل شد حيلك وأرفع السماعه خليني أحكي ليك الحصل شنو
الو الو الو الو طيب يامتوكل حأتكلم معاك وقت تاني أنا عارف كيف الخبر ده حيكون صعب عليك في الغربة بس شد حيلك يلا أضرب لي لمن تكون عاوز تتكلم أنا حأنتظرك |
تالم فقط عنما تقرا هذه المكالمة
فهناك حقائق لا تحتمل
وهناك جروح لاتندمل
وانت احداها يا مصطفى ...
| |
|
|
|
|
|
|
|
|
|
Re: مصطفى سيد احمد ...... (Re: ايوب عبدالرحيم)
|
أخي أيوب
مشاركة مني في هذا المهرجان التوثيقي الهام لمبدع سبق عصره كثيراً أهديك والأخوان رائعة أزهري محمد علي و مبدعنا مصطفى سيد أحمد رحمه الله ،،،
وضاحـة
الصبـاح الباهـي لونِـكْ
وضاحَـة يـا فجـرَ المشَـارقْ
غابـة الأبنـوس عيونـك
يـا بنيـة مـن خبـز الفنـادك
شيدتـي فـي جـواي صوامـع للفـرح
وفتحـتِ فـي دنيـاي مسـارح للمـرح
وبقيتـي لـي سكـة وعيـون
لا قـدرت اطولـك شـان اجيـك
لا قـدرت مـن غيـرك أكـون
وأنـا بيـك مـالينـي الكـلام
حرَّكـتِ بيـك عصـب السكـون
جلبـت ليـك الغيـم رحـط
طـرَّزتِ ليـك النيـل زفـاف
حرَّقْـتِ ليـك الشـوق بخـور
وفَرَشْـتَ ليـك الريـد لحـاف
لا السكـة بيـك بتنتهـي
ولا معـاك مليـت طـواف
يـا ريتنـي لـو بقـدر أكونـك
وضاحـة يـا فجـر المشـارق
الصبـاح الباهـي لونـك
يـابنيـة مـن خبـز الفنـادك
غابـة الأبنـوس عيونـك ...
أزهري محمد علي
| |
|
|
|
|
|
|
|
|
|
Re: مصطفى سيد احمد ...... (Re: ايوب عبدالرحيم)
|
اخرخطاب بخطي يده مصطفىسيد احمدالى ابن عمه يحكى معاناته مع الكيزان والاشاعات
Quote: اخر خطاب من الراحل قبل وفاته بشهرين الى ابن عمه عبد الرحيم محمد احمد
ويحكى فيه معاناته مع المرض والمضايقات والضغوط والاشاعات
التى تنسج حول ومعاناته من عملية غسيل الكلى.
نص الخطاب كما يلى:-
الاخ عبد الرحيم محمد احمد
لكم عاطر التحايا من الدوحة والشوق كله لكم وقد تحولت الايام فصارت
شهوراً وسنيناوزماننا الردى يشتتها فى اصقاع الارض. نامل ان تكونوا والاهل جميعا بخير فنحن دائما تنقصنا تفاصيل اخباركم وكيف ترتقون جروح هذا الزمان المهترئ
نحن بخير والصحة على متوازنة تقوم على غسيل الكلى بشكل منتظم
وامارس حياتى فى غير ذلك بشكل عادىالاولاد فى الاسكندرية وهم فى المدارس وانا بصدد محاولة اقامة لهم هنا فى الدوحة اذا نجحنا فى ذلك نكون حققنا قدر من الاستقرار كما قلت الصحة مستقرة وقد اوضحت للوالدة والاخوات الا يلتفتوا للاشاعات فهى احدى الاساليب الخبيثة التى يمارسها اولئك السفلة للضغط والمضايقة وقد شرحت ذلك كثيرا , لكن كلما ينشر خبر فى تلك الصحف المتعفنة يصيب الناس بالقلق وهكذا اردد مرة اخرى من جديد ان لا صحة لهذه الاخبار وانها اشاعات وان لا يعتمدوا اى خبر الا اذا جاء منى مباشرة
اريد ان اعرف تفاصيل الحياة فى ود سلفاب ,كل المتغيرات ,كيف يعيش الناس
ما تبقى من الملامح القديمة وما طرأ من متغيرات , الاجتماعيات بين الناس كيف هى وهذا اللون الداكن الذى غطى به الكيزان كل السودان كم نصيبنا نحن فى ود سلفاب منه كما اود ان اعرف تفاصيل احوالكم والاخبار والاهل فردا فردا
لك وللاهل الف سلام
اخوك مصطفى سيد احمد المقبول |
| |
|
|
|
|
|
|
|
|
|
Re: مصطفى سيد احمد ...... (Re: ناذر محمد الخليفة)
|
تأتي ذكرى رحيله لتعلمنا انه ما زال فينا
لانه كان مناضلاً برغم المرض .. وكان سودانياً أصيلاً برغم الغربة
ووصفته عفاف الصادق وأوفت :
ود سيد احمد دق المحلب جوه الفكره
وخت الذكرى
ذكرى الليله وذكرة بكره
ابيه و حره
مبدأ و عزه
سيما وعبره
درايا و خبره
شموخ بيت عازه الما بتهزه
برغم الضيم
شكرا استاذ ايوب
| |
|
|
|
|
|
|
|
|
|
Re: مصطفى سيد احمد ...... (Re: ايوب عبدالرحيم)
|
Quote: الاستاذأيوب عبدالرحيم
لك كامل التقدير على هذا الجهد التوثيقى
انه مصطفى سيداحمد ذاكرة جيل وتذكير اجيال |
بدرالدين الامير
ياريت لو تمدنا ببعض الصور
فقد بحثن عن البوست الخاص بك حول الراحل ولم اجده
الصورة منقولة وليس لدي علم بمصممها ولكنها جميلة جدا جدا
| |
|
|
|
|
|
|
|
|
|
Re: مصطفى سيد احمد ...... (Re: ايوب عبدالرحيم)
|
الحبيب ايوب
شكرا على هذا البوست
بقدر ماهى محزنه التفاصيل التى اوردتها
بقدر ماعززت حب مصطفى الباقى فينا
مصطفى كان انسانا قبل ان يكون فنانا
اللهم تقبل مصطفى واغفر له واجعل الجنه مثواه
| |
|
|
|
|
|
|
|
|
|
Re: مصطفى سيد احمد ...... (Re: ايوب عبدالرحيم)
|
Quote: الحبيب ايوب
شكرا على هذا البوست
بقدر ماهى محزنه التفاصيل التى اوردتها
بقدر ماعززت حب مصطفى الباقى فينا
مصطفى كان انسانا قبل ان يكون فنانا
اللهم تقبل مصطفى واغفر له واجعل الجنه مثواه |
شكرا جلال
| |
|
|
|
|
|
|
|
|
|
Re: مصطفى سيد احمد ...... (Re: ايوب عبدالرحيم)
|
f
يا سلام عليك يا أيوب يا رائع
جددت فينا أحزان لا يمكن لها أن تندثر أو تضيع
و لكن يبقى سؤال مهم جدا يحتاج منا للأجابة ،، من قتل الرائع مصطفى ؟ من أطفأ وهج الشعاع ؟ من المسئول عن أوجاع الأمة و تيتم الكلمة الشجية ؟
أسئلة كثيرة تحتاج للأجوبة ،،،
نعم ،، نؤمن بقضاء الله و قدره و نعلم أنه هو الحى الذى لا يموت و كلنا ميتون ،، فقد مات سيد الخلق و البشرية الرسول الصادق الأمين عليه أفضل الصلوات و التسليم و كلنا على الدرب لسايرون ،،
و لكنه الحرقة على مصطفى حااارة جدا ووجع فراقه خرافى ،،،
ياريت نحاسب أنفسنا و نحاسب كل المقربين لى مصطفى و خاصة من كانو قربه فى الدوحة و لحظاته الأخيرة ،، كيف مصطفى سيد أحمد يمنع من السفر للعلاج و جوازه مرهون عشان 40 ألف دولار ؟ ما قيمة الحب و ما قيمة الوفاء ، و يعجزون عن تسفير مصطفى لتكملة العلاج ؟ من هو المسئول ؟
أم أنهم فقط أرادوا أمتاع رغباتهم بإرهاق متواصل لمصطفى دون النظر لحالته الصحية ؟؟؟
و الله يجازى اللى كان السبب !!!
| |
|
|
|
|
|
|
|
|
 Re: مصطفى سيد احمد ...... (Re: ايوب عبدالرحيم)
|
العزيز ايوب
تحياتي
تشكر على هذا البوست الرائع حقيقة
وسيظل هذا البوست في الذاكرة دوما
يانهال سلام
Quote: استاذي ايوب عبد الرحيم
مازلت اتعامل مع مصطفى علي انه حي بيننا
مازلت لا اصدق
أرفض التصالح مع هذه الحقيقة الغاصة في حلقي
والدامية لقلبي
احزن عندما أسمعه يغني
ما أصله حال الدنيا تسرق منية
في لحظة عشم
لانها تفجعني برحيله
مصطفى ياجرح مدفون |
والله انا كنت قايل نفسي براي
في هذا الاحساس والتعامل مع مصطفى
تصدقي انا كثيرا ما اتجنب الاستماع لمصطفى !!
| |
|
|
|
|
|
|
|
|
|
Re: مصطفى سيد احمد ...... (Re: ايوب عبدالرحيم)
|
سلامات يا روعة
فعلاً مصطفى سيد أحمد ما مات زي ما قال حميد:
كل البلاد أم در
والمهدي حي ما مات
والخطوة في الشاعر منبثة ثورية!!!!!!!
وأحيي الأخت أمل على جلب هذه المقطوعة لعفاف الصادق والتي أسمع بها أول مرة:
ود سيد احمد دق المحلب جوه الفكره
وخت الذكرى
ذكرى الليله وذكرة بكره
ابيه و حره
مبدأ و عزه
سيما وعبره
درايا و خبره
شموخ بيت عازه الما بتهزه
برغم الضيم
لك التحية جميعاً ولحميد للما بيعرفو مكانته جوانا!!!!!!!!!
| |
|
|
|
|
|
|
|
|
|
Re: مصطفى سيد احمد ...... (Re: ايوب عبدالرحيم)
|
آخر شعاع
بتقول الليلة مات آخر شعاع
شـــــفناهو من نور الأمــل
وقفت في نص الطــــــــريق
والليل خلاص ستــترو انسـدل
وصغير رياح
وعميق جراح
واشباح تقـــول لي مابتصل
كيف تصل وسط الضيــــــاع
حتى الشعــــــاع منك أفل
كيفن تصل والليـــل طويـل
وعليك تقيل زي الجبـــــل
وسحابة حجبت النجــــــوم
وكسا الظـــــلام كل القبل
********
في اللحظة ديك شفت الضياع
واللوعــة في الغدر النذل
وشعــــرت بموجـــةوجـــع
قلبي انصدع
دمعي انهمل
شفت الخيــال لوح بعيـــد
عين الظلام صــــاح في وجل
وقال الوداع..قال الضيـاع
كيــف الوداع بعد الحصــل
وين الصباح الكنـــت فيهو
أعيشــو من وجهـــــك أطل
الليلة مـات آخر شعـــاع
*********
من كتاب( مصطفى سيد أحمد) سلسلة أهل المغنى
للأستاذ/يوسف الموصلي.له التحية والتقدير.
| |
|
|
|
|
|
|
| |
ايوب عبدالرحيم
مجدي عبدالرحيم فضل
نهال الطيب
ناذر محمد الخليفة
امل احمد عمر
بدر الدين الأمير
جلال ناصر
خالد العبيد
عبد اللطيف عبد الحفيظ حمد
Elmosley
صلاح الأحمر
الحارث سرالختم عبد الله
فيس بوك
تويتر
انستقرام
يوتيوب
بنتيريست